Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।
वोको पद सरग दूतगिन लक वरता भेटयो सेत। काहे का वोला जोन नाव वारसाना भेटयो सेत। उ उनको नाव लक लगत साजरो सेत।
अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।
कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।
यीसु ना उनला जवाब देइस, "मोरो दाअजी अजी हमेसा काम करतो रव्हसे, एकोलाई मि भी काम करासेऊ।" एकोलाई यहुदी ओला मार डाकन को कोसिस करत होतीन।
नाच केवल एकोलाई का उ बिसराम ला तोड़ रहयो होतो बल्कि उ परमेस्वर ला आपरो बाबूजी भी कव्हत होता। अना एकोलाई अपरो आपला परमेस्वर को जसो ठहरात होतो।
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
पतरस को यीसु ला मसीह माननो
जबा यीसु कैसरिया फिलिप्पी को परदेस मा आयो ता अना ओना अपरो चेला लक पुसयो "लोकगीन का कव्हसेत की मानूस को टूरा कउन से?" उनना कहीन "काही लोक योहन बप्तिस्मा देवन वालो कव्हसेत, अना काही लोकगीन एलियाह अना काही यीरमीयाह अना भविस्यवक्ता गीन मा लक, कोनी एक कव्हासेत।" यीसु ना उनला पुसिस, तुमी मोरो बारे मा काजक कव्हसेव? "का मि कउन सेउ?" समौन पतरस न जवाब देइस," तु जित्तो परमेस्वर को टूरा मसीह आस।"
जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक परमेस्वर को आतमा ला परेवा को जसो आपरो वरता उतरता चोइस। अना सरग लक आवाज आयकु आई "यो मोरो चहेतो टूरा से, जेना लक मि सब लक ज्यादा खुस सेव।"
जोन कोनी यो मान लेवासे का यीसु परमेस्वर को टूरा से, परमेस्वर ओमा बनयो रव्हसे, अना उ परमेस्वर मा।
जोन माया परमेस्वर आमी लक राखासे, उ एकोच लक आयीसेस का परमेस्वर ना आपरो एकच टूरा ला संसार मा धाड़ीसेस का आमी ओको लक जिंदगी पावबिन। माया ऐमा नहाती का आमिना परमेस्वर लक माया करिया सेजन, पर ऐमा से का ओना आमी लक माया करीसेस अना आमरो पाप को पस्तावा को साठी आपरो टूरा ला धाड़ीस।
जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाय आयो का सैतान को काम ला नास करेत।
जोको जवर टूरा से, ओको जवर जिंदगी से, अना जेनको जवर परमेस्वर को टूरा नहाती, ओको जवर जिंदगी भी नहाति।
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देइस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।
जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे। दाअजी कोनी को न्याय नही करासे, पर न्याय करन साठी हक टूरा ला देइसेस। मनजे कोनी टुरा को मान करहेत वसोच दाअजी को मान करहेत। जोन टूरा को मान नही करासे, उ दाअजी को जोने वोला धाडीसेस, मान नही करासे।"
मि तुमी लक खरो सांगिसेउ, "उ बेरा आवासे अना अबा भी से, जोनमा मरया हुया परमेस्वर दाअजी को टूरा की आवाज आयकेत। अना जोन कोनी आयकेत वय जित्तो होयेती।" "काहे की जोन रिती लक दाअजी जीवन राखासे, वोच रिती लक वोना टूरा ला भी यो हक दियो से का आपरो आप मा जीवन राखे।
पर जितरो ना वोला आपनाय लेइन, उनला वोना परमेस्वर को टूरा-टूरी होवन को हक देइस। मनजे जोन लोकगीन वोको नाव पर भरोसा राखासे। की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।
मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।
पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो, जोन लक उ मोसे को नियम लक कब्जा मा रव्हनवालो ला सुड़ाय सकेह अना आमी परमेस्वर की गोद लिया सँतान बन जावबिन।
तुमी लोक सँतान ही सेव। एको पुरुप यो से की परमेस्वर ना आमरो मन मा आपरो टूरा को आतमा ला धाड़िस। जोन पुकार के यो कव्हसे, "बाबूजी, अजी।"
आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।