Filhos de Deus
Ser filho de Deus é o maior privilégio da existência humana. Pela fé em Cristo, recebemos o direito de ser chamados filhos de Deus — herdeiros de Deus e co-herdeiros com Cristo.
O direito de ser filho
A todos que creram no nome de Jesus, deu-lhes o poder de serem feitos filhos de Deus — nascidos não do sangue, mas de Deus.
Ánheinti houn ha eresibirubalin, afiñe hagía luagu; ru lumuti ubafu houn lun lirahüñübaña lan Bungiu. Lirahüñü Bungiu hagía, mama luagu águrahoua hamá kei furumiñeguarügü gürigia o lau lan lugundan aban wügüri, lirahüñü habéi Bungiu ladüga ladügüniña lirahüñüme.
Línsiñehabu Bungiu houn gürigia
Aba lasigirun Hesusu ariñaga:
«Ladüga wéiriti hínsiñe gürigia ha ubouagubaña lun Bungiu darí lun lóunahani Liráü le ábanrügüti, lun lounwen luagu hafigoun, lun sun lan ha afiñerutiña luagu, meferidirun hamaamuga, gabagarirügü hamaamuga aban ibagari le magumuchaditi.
Labürüdǘnbei burí le, lun hafiñerun luagu Hesusu lan Krístubei, le Liráü Bungiu, lun giñe gabagari humá keisi lánigu lau hafiñerun.
Lirahüñü Bungiu sun huguya luagu hafiñen luagu Kristu, ani lídanñadün aban luma. Lugundun lau hóundarun luma Kristu lau habadiseirún, ítara liña hamuga kei hadaüragun lau Kristu kei tau iseri daüguaü.
Dan le lagunfulirunbei dan, aba lóunahani Bungiu Liráü, le águrahoubei tídangiñe aban würi, aba liabin kei huríu lábugiñe lilurudun Moisesi. Liábinbei ítara lun lasagaruniwa lábugiñegiñe lúrudu ligía, lun leresibiruniwa Bungiu keisi lirahüñü.
Mámaadibu lubeiti idamuni, liraühadibu Bungiu; ánheinti liráü bubéi Bungiu, garichatibu lun alagan lídangiñe Kristu.
A identidade dos filhos
O Espírito testifica com nosso espírito que somos filhos de Deus. E se filhos, também herdeiros — herdeiros de Deus.
Sun ha ladundehabaña lani Bungiu Sífiri, lirahüñü Bungiu hagía. Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba:
Gefenti lani Bungiu Sífiri woun luagu lirahüñühadiwa lan Bungiu.
Mini lan lira, hárügüñanu lan águrahoubaña lídangiñe füramasei ladügawagunbaña Abüraámü ha tímatimaabaña, mama ha águrahoubaña lídangiñe ǘgürügü.
Uéiriguni le lunbei liabin lun Ísüraeli
Lachülürüba weyu lun ítara hamá Ísüraelina
kei lisagounte barana,
siñabei hamisurahóun ni habahüdǘn.
Lubaragiñemeti lariñagun Bungiu houn:
«Mámaadün numutuniña»
Ariñagarügübei houn:
«Lirahüñü Bungiu le wínwanbei huguya».
Lariñaga Moisesi houn gürigia:
—Huguya lirahüñübei Wabureme le Hubungiute. Madüga humá biti huougua, mélechun humeime hichügü higibugiñe dan le lounwen somu gürigia. Lugundun gürigia anuadirúatiña lun Wabureme le Hubungiute huguya, anúadira laadün hádangiñe sun gürigia ha ubouagubaña lun huguyaba lan lumegen.
Viver como filhos
Vede que grande amor o Pai nos concedeu: que fôssemos chamados filhos de Deus! E é isso que somos.
Lirahüñü Bungiu
Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn.
Subudiwati kátaña lan lirahüñübaña Bungiu lumoun kátaña lan lirahüñübaña Mafia, lugundun furumiñeguarügü le madügünbalin le buídubei, o mínsiñehabu lan lun liduhe luéigiñe Hesukrístu, mama lánigu Bungiu.
«Fuleseiwatiña ha awadigimaridubaña luagu darangilaü,
ladüga lagúarubaña Bungiu keisi lirahüñü.
Ábati lariñagun houn:
—Anti huguya, kátanati lidan haritagun?
Aba lariñagun Simón Féduru lun:
—Kristu le Liráü Bungiu le wínwanbei buguya.
Aba lariñagun Hesusu lun:
—Fuleseiwatibu Simón, liráü Honasi, ladüga mama lasubudirágüdün ni aban gürigia katei le bun, lasubudirágüdün Núguchi Bungiu le siélubei bun.
Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani? Anhaün mabeichun lan Bungiu keisi labeichuniña sun lisaanigu, mámarügü hiña lisaanigu ha tímatimaatiña.