3 ናይ ናንጊና ናንጋ ጎዳ ዒንጋ ባኣዚኬ፤

ጎኔ ፒዜ ማዔ ዓንጆኬ።

4 ዓሲ ዼጌ ዓኣዖ ሾዓ ዓቲንቄ ናይ

ዖልዚ ዓሲኮ ኩሽካ ዓኣ ሂኢሺጉዴያኬ።

5 ካቲላ ዬያጉዴ ሂኢዦና ኩሜ ዓሲ

ጎኔና ባሊቲ ዓኣ ዓሲኬ፤

ፔ ሞርኮና ዎላ ካታሞ ጌሎ ካራ ማርማኣና

ባሺንቲ ቦርሲንቱዋያኬ። *

1 ናንጊና ናንጋ ጎዳ ዒጊጫዞንሢና

ዓይሢፆዋ ካፓዞንሢ ዓንጂንቴያኬ።

2 ኔ ማዺ ላቤ ጮጋጮ ኔኤሲ ኔኤኒ ሙዓንዳኔ፤

ኔ ዓንጂንታንዳኔ፥ ዔኤቢ ቢያ ኔኤም ጊኢጋንዳኔ።

3 ኔኤኮ ላኣሌላ ማኣሮይዳ ዓሚ ካፃ ዎይኔ ማዓንዳኔ፤

ኔኤኮ ናኣታኣ ካሦ ሙዖ ጎንጎ ዓጮይዳ

ፑሪ ኬስኬ ዛይቶ ሪሚቶ ናኣቶጉዲ ማዓንዳኔ።

4 ናንጊና ናንጋ ጎዳ ቦንቺ ዒጊጫ ዓሲ

ያዺ ዓንጂንታያ ማዓንዳኔ።

1 ናንጊና ናንጋ ጎዳ ዒጊጫዞንሢና

ዓይሢፆዋ ካፓዞንሢ ዓንጂንቴያኬ።

2 ኔ ማዺ ላቤ ጮጋጮ ኔኤሲ ኔኤኒ ሙዓንዳኔ፤

ኔ ዓንጂንታንዳኔ፥ ዔኤቢ ቢያ ኔኤም ጊኢጋንዳኔ።

3 ኔኤኮ ላኣሌላ ማኣሮይዳ ዓሚ ካፃ ዎይኔ ማዓንዳኔ፤

ኔኤኮ ናኣታኣ ካሦ ሙዖ ጎንጎ ዓጮይዳ

ፑሪ ኬስኬ ዛይቶ ሪሚቶ ናኣቶጉዲ ማዓንዳኔ።

12 ኑኡኮ ዼጌ ናኣታ ሃጊ ዔቃኣና

ሃጊ ባቃሊ ዑጊ ዴንዳ ሚሢጉዲ ማዖንጎ፤

ኑኡኮ ዉዱሮ ናኣታ ካኣቱሞ ማኣሮኮ ጎንጃሢ ዎላ ካኣማ ካሮይዳ

ዾቂንቲ ኬኤፆ ሚዛጲሳ፥ ዓርሲ ኮሾና ፒዜ ቱርቱሮጉዲ ማዖንጎ።

2 ዬያ ዓሢኮ ዜርፃ ሳዓ ዼኤፒ ማዓንዳኔ፤

ፒዜ ዓሶ ሾይንታ ዓንጂንታንዳኔ።

28 ፆኦሲያ ዓሲ «ሾይ ሚርጉዋቴ፥ ፃጳ ዒንሢኮ ሳዖ ኩሞንጎ፤ ሳዓኣ ዒንሢ ቢታንቶኮ ዴማ ማዖንጎ፤ ባዞይዳ ናንጋ ሞላሢ ዑፃ፥ ጫሪንጫ ባራና ካፖና ሳዖይዳ ዓጊፂ ሃንታ ሼምፖና ዓኣ ባኮ ቢያ ዑፃ ዒንሢኮ ቢታንቶ ዓኣያ ማዖንጎ» ጌዒ ዓንጄኔ። ✝

4 «ናንጊና ናንጋ ጎዳ ዒንሢም ናይ፥ ጎሽካ ጎዣፓ ሃኣኮ፥ ባይ፥ ማራይንታ ዋኣሪንታ ዒንጊ ዒንሢ ዓንጃንዳኔ።

14 ዒንሢጉዴ ዓንጂንቴ ዴሬ ሳዖይዳ ባኣያ ማዓንዳኔ፤ ዒንሢ ባኣኮይዳ ዓቲንቄ ማዔቴያ ላኣሊ፤ ሃሣ ዒንሢ ቆልሞ ባኣኮይዳኣ ማዖም ሾዑዋያ ባኣያ ማዓንዳኔ፤

6 ናይ ዎማይዲ ናንጋኒ ኮይሳቴያ ኔ ዔርዜያቴቴ

ፔ ናንጎ ዎዶ ቢያይዳ ዬኖይዳፓ ሺኢካዓኬ።

15 ናይ ዒኔይዳ ዔኤዩሞ ዓኣኔ፤

ጎሪ ዞሪሢ ዣኣቺ ጋዓንቴ ዬያ ዒኖ ዒዛይዳፓ ሺኢሻኔ።

24 ናዖ ፔኤሲ ጳርቁዋ ዓሲ ናሽኩዋሴ ጌይሢኬ፤

ናዖ ፔኤኮ ናሽካሢ ጋዓንቴ ጳርቂ ዲቻኔ።

15 ናይ ጎሪሢና ሻርሺሢና ዔራቶ ዴንቂሳኔ፤ ናይ ዳኪ ሃሾም ዲጫያ ማዔቴ ጋዓንቴ ፔ ዒንዶ ቦርሲሳኔ።

13 ናዖ ኔኤኮ ዳምቤና ሻርሺሢ ሃሺፖ፤ ዣኣቺና ኔ ጳርቄቴ ሃይቃዓኬ።

1 ታ ናይዮቴ! ዒንሢ ዓዶንሢኮ ዞሮ ዋይዙዋቴ፤ ኮሺ ዒናፓ ዋይዙዋቴ፤ ማሊ ጶቂሥሢያ ዒንሢ ዴንቃንዳኔ።

1 ሃይ ሴሎሞኔ ኬኤዜ ኮኦኪንሢኬ፦

ዔራ ናይ ፔ ዓዶ ዎዛሳኔ፤

ዔኤያ ናይ ጋዓንቴ ፔ ዒንዶ ዖዪሳያ ማዓኔ።

6 ሃኖ ታ ኔኤም ዓይሢ ኬኤዛ ሃንሢ ዓይሢፆ ዋሊፖ፤ 7 ዬንሢ ዓይሢፆንሢ ኔኤኮ ናኣቶ ላሚ ላሚ ዔርዜ፤ ማኣራ ኔ ዴዓኣና፥ ጎይሢ ኔ ዴንዳኣና፥ ጎይሢዳ ኔ ሃውሻ ቤዞይዳ ማዔቶዋ ማዾ ኔ ማዻኣና ቢያ ዬንሢ ዓይሢፆንሢ ቢያ ኬሊ ማሌ፤

14 ዬሱሴ ዬያ ዛጋዖ ዻጋዺ ፔኤኮ ጊንፆ ሃንታ ናኣቶም ሂዚ ጌዔኔ፦ «ፆኦሲ ካኣቱማ ሃንሢ ዔያቶ ጉዴዞንሢም ማዔሢሮ ናኣታ ታ ኮራ ሙኮንጎ፤ ሃሹዋቴ፥ ላኣጊፖቴ፤

11 ዓካሪ ዒንሢ ፑርታታዖ ዒንሢ ናኣቶም ኮሺ ባኣዚ ዒንጊ ዔራቶ፥ ዒንሢኮ ጫሪንጮይዳ ዓኣ ዓዳሢ ዒዛ ሺኢቃዞንሢም ኮሺ ባኣዚ ዒንጋንዳሢ ባሼና ዔራኔ።

52 ዬሱሴ ፆኦሲንታ ዓሲንታ ዎዛሳያ ማዔኔ፤ ሃሣ ዒናዺ ዔጶናኣ ዲጪ ዲጪ ዓኣዼኔ። ✝

13 ዓዴ ፔኤኮ ናኣቶ ሚጪንታሢጉዲ

ናንጊና ናንጋ ጎዳ ዒዛ ዒጊጫዞንሢ ሚጪንታኔ።

1 «ፆኦሲ ናይ» ኑ ጌይንታንዳጉዲ ዓዳሢ ዎዚጉዴ ናሹሞና ኑና ናሽኬቴ ሂንዳ ዛጉዋቴ! ጎኔ ኑ ፆኦሲ ናኣቶኬ። ዓጫ ዒዛ ዔሪባኣሢሮ ኑናኣ ዔሩዋሴ። ✝

24 ‹ናንጊና ናንጋ ጎዳ ኔና ዓንጆንጎ፥ ካፖንጎ፤

25 ናንጊና ናንጋ ጎዳ ኔና ፔኤኮ ላጌ ማሂ ዛጎንጎ፤ ኔና ሚጪንቶንጎ።

26 ናንጊና ናንጋ ጎዳ ኮሹሞ ዓኣፒና ኔና ዛጎንጎ፤

ኮሹሞዋ ኔኤም ዒንጎንጎ›

ሂዚ ጎዖንጎ ጌይ ዔያቶም ኬኤዜ፤

28 ፆኦሲ ጫሪንጫፓ ሎጪሳ ዖልኬ ኔኤም ዒንጎንጎ፤

ጎዦ ኔኤሲ ሚርጌና ካፃያ ማሆንጎ፤

ኔኤኮ ሃኣኮና ዎይናፓ ኮሾ ዑዦዋ ኔኤም ዒ ሚርጊሾንጎ፤

29 ዓጫ ኔኤም ዎርቆንጎ፤ ዴራኣ ኔኤም ዓይሢንታያ ማዖንጎ፤

ኔ ዒጊኖኮ ቢያ ዑፃ ማዔ፤

ኔ ዒንዶ ናኣታ ቢያ ኔኤም ሂርኪ ጌዒ ዚጎንጎ፤

ኔኤም ጋዳንቃዞንሢ ፆኦሲ ጋዳንቃንዳኔ፤

ኔና ዓንጃዞንሢ ዒዚ ዓንጃንዳኔ»

ጌዒ ዓንጄኔ። ✝

3 «ሜሊ ፃኣዼ ዓጮም ዋኣሢ ታኣኒ ዒንጋንዳኔ፤

ዳውሎ ዓጮይዳ ዎርዚ ታ ጎዒሳንዳኔ፤

ታኣኮ ዓያኖ ኔኤኮ ናኣቶይዳ ታ ላኣላንዳኔ፤

ዓንጆዋ ኔኤኮ ናኣዚ ናኣቶም ታ ዒንጋንዳኔ።

4 ዔያታ ዋኣሢ ኮሺ ዑሽኬ ማኣቲጉዲ

ዓልቂ ዎታ ዋኣፆ ዓጫ ዓኣ ዓሃያ ሚፆጉዲ

ቢያ ዎዴና ዋርቄያ ማዓንዳኔ።»

13 «ናኣታ ኔኤኮ ቢያ ናንጊና ናንጋ ጎዳይዳፓ ዔሬያ ማዓንዳኔ፤

ኔ ናኣቶም ኮሹሞ ሚርጌያ ማዓንዳኔ። ✝

5 «ዔርሚያሴ!

ኔና ሃጊ ዒንዶ ጎጳ ታኣኒ ማዡዋዖ

ቤርታ ታ ኔና ዔሬኔ፤

ኔ ሾይታንዳሢኮ ቤርታ ታ ኔና ዱማሲ

ዴሮም ታ ማሊሢ ኔ ኬኤዛንዳጉዲ ታ ኔና ዶኦሬኔ» ጌዔኔ።

38 ዔያታ ታኣኮ ዴሬ ማዓንዳኔ፤ ታኣኒያ ዔያቶኮ ፆኦሲ ማዓንዳኔ፤ 39 ፔቴ ማሊሢ ዔያቶኮ ዓኣያ ታኣኒ ማሃንዳኔ፤ ዬያ ታኣኒ ማዻንዳሢ ዔያቶንታ ዔያቶኮ ናኣቶንታ ቢያ ታና ቦንቻንዳጉዲኬ፤ ዬይ ዔያቶም ኮሺ ባኣዚ ማዓንዳኔ።

13 ታና ጉቤና ማዤሢ ኔናኬ፤

ታ ዒንዶ ጎጳ ታ ዑፆ ዎላ ካንሢ ማዤሢ ኔናኬ።

14 ዲቃሢ ሄርሺሳ ጎይሢና ታ ማዢንቴሢሮ ታ ኔና ጋላታኔ፤

ኔኤኮ ማዻ ቢያ ሄርሺሲ ዲቃሣያ ማዔሢ ጋፒ ታኣኒ ዔራኔ።

15 ጴዹዋያ ማዔ ዓኣሺንቴ ቤዛ ታ ማዢንቴያና

ሳዖ ዴሞ ማዔ ቤዞይዳኣ ታ ዑፃ ፔቴይዳ ዎላ ካንሢንቴያና

ታ ዑፃ ኔ ዓኣፓፓ ዓኣቺንቲ ማዢንቴያቱዋሴ።

16 ታ ዒንዶ ጎጳ ታኣኒ ሱጉሢ ዓኣንቴ ኔ ታና ዴንቄኔ፤

ታኣም ጎዖና ኬላ ሃጊ ፔቴ ጌይ ዓርቂንቱዋንቴ

ኔኤኮ ማዝጋቦይዳ ፃኣፒንቲ ዴዔኔ።

10 ታ ዒንዶ ጎጳፓ ኬስካዖ ኔ ዑፃ ታ ሃሺንቴኔ፤

ታ ዒንዳ ታና ሾዔማፓ ዓርቃዖ ታኣኮ ኔ ፆኦዛሢኬ።

25 ዼጋቶይዳፓ ጋርቻንዳያ ሄላንዳኣና ታ ናንጌኔ፤

ዬያይዳ ናንጊና ናንጋ ጎዳ ኮሺ ዓሲ ሃሼም

ናኣታ ዒዛኮ ሙኡዚ ባይዚ ሺኢቃንቴ

ፔቴታዖ ታኣኒ ዛጊባኣሴ።

26 ኮሺ ዓሲ ቢያ ዎዴና ዓሲም ዔኤቢ ጉሪ ዒዒንጋኔ፤

ዒዛኮ ናኣታኣ ዓንጂንቴያ ማዓንዳኔ።

4 ዬንሢ ባኮ ኑ ናኣቶም ኑ ዓኣቻዓኬ፤

ናንጊና ናንጋ ጎዳኮ ዎልቆ ዛሎ

ዒዚ ማዼ ዼኤፖ ማዾና

ዒ ፔ ዎልቆና ማዼ ዲቃሢ ሄርሺሳ ባኮ

ሙካ ሾይንቶም ኑ ኬኤዛንዳኔ።

6 ጋርቾ ዓሳ ፔኤኮ ናኣቶኮ ናኣቶና ሄርሺንታሢጉዲ

ናኣታኣ ፔኤኮ ዓዶንሢና ሄርሺንታኔ።

7 ፂሎ ዓሲ ፒዙሞና ናንጋኔ፤

ናኣታ ዒዛሲያ ዓንጂንቴያኬ።

1 ናይዮቴ! ጎዳ ዬሱሴሮ ዒንሢ ማዔ ጎይፆና ዒንሢ ሾዔ ዓሶም ዓይሢንቱዋቴ፤ ዓይጎሮ ጌዔቴ ዬይ ባካ ኮይሳያታሢሮኬ። ✝ 2 «ኔ ዓዶና ኔ ዒንዶና ቦንቼ» ጋዓ ቤርታኣ ዓይሢፆይዳ ዓኣ ሃጊ ማዓ ዎዛ፥ 3 «ቢያ ባኣዚ ኔኤም ኮሽካንዳኔ፤ ናንጎ ሌዓኣ ሳዓ ኔኤም ዖዶቃንዳኔ» ጋዓያኬ። ✝

4 ዒንሢ ሾዔ ዓሳ! ጎዳ ዬሱስ ኪሪስቶሴ ዓይሣ ዓይሢፆ ጎይፆ ዞሪ ዲቹዋቴ፤ ናኣቶ ዒንሢኮ ጎሪ ዻጋሲሢና ፑርቱሞ ማሊሲሲፖቴ። ✝

20 ናይዮቴ! ቢያ ባኣዚና ዒንሢ ሾዔ ዓሶም ዓይሢንቱዋቴ፤ ዓይጎሮ ጌዔቴ ዬያ ጎዳ ናሽካ ባኣዚታሢሮኬ። ✝

21 ዒንሢ ናኣቶ ሾዔ ዓሳ! ናኣታ ዒንሢኮ ፑርቱሞም ማሉዋጉዲ ጎሪ ዔያቶም ካራ ባይዚፖቴ። ✝

12 ኔ ዓዶና ኔ ዒንዶና ቦንቼ፤ ኔ ፆኦዛሢ ማዔ ናንጊና ናንጋ ጎዳ ኔኤም ዒንጋ ሳዖይዳ ዖዶሲ ሌዔ ኔ ናንጋያ ማዓንዳኔ። ✝

7 ፆኦሲ ዒንሢ ፔኤኮ ናይ ማሂ ዛጋሢሮ ዒዚ ሜቶና ዒንሢ ጎራ ዎዶና ጊቢ ዳንዳዑዋቴ፤ ዓዴ ጎሪ ጳርቁዋ ናይ ዓኣ? 8 ናኣቶ ማዔዞንሢ ዔካ ሜታሢ ዒንሢ ዔኩዋያ ማዔቴ ዓሌ ናይ ዒንሢ ማዓንዳኣፓዓቴም ሾዖና ናይቱዋሴ።

4 ዜኤሪንዶኮ ናይ፤ ሃሣ ናኣዚ ናይ ዓኣቶ ዬንሢ ናኣቶንሢ ፔ ማኣሮ ዓሶ ማኣዳያ ሃሣ ዔያቶ ሾዔ ዓሶና ዓሆ፥ ማዖ ማዔ ዓሶም ኮሺ ማዺ ማሃኒ ኮይሳያ ማዔሢ ዔሮንጎ፤ ዓይጎሮ ጌዔቴ ዬይ ፆኦሲ ዎዛሳያ ማዔሢሮኬ።

21 ላኣሊ ሾዓ ዎዶና ቆፃ ቆፂፆና ሜታዻኔ፤ ሾዔሢኮ ጊንፃ ጋዓንቴ ዓጮይዳ ናይ ሾይንቴሢሮ ዎዛፓ ዔቄያና ዒዛ ፔኤኮ ቤርታኣ ሜታሢ ዋላኔ።

39 «ዬካፓ፦ ናንጊና ናንጋ ጎዳ ኑና ቢያሢም ‹ኑኡኮ ሞርካ ዔያቶ ዲዒ ዔካንዳኔ ዒንሢ ጌዔ ናኣቶንታ ፑርቶና ኮዦና ዱማሲ ዔሪባኣ ዻኮ ናኣታ ሌሊ ዓጬሎ ዴንዲ ጌላንዳኔ፤ ዓጬሎ ታ ዔያቶም ዒንጌም ዔያታ ዻካላንዳኔ።