35 ሳሎይነ ሳእ አና፥ ሽን ታ ቃላይ ኡባካ አና።✝

29 "ሄ ዎደ ሄ ዋየ ጋላሳታፐ ጉየ፥

ኤለስድ አዋይ ማና፥

አጌናይ ባ ፖኡዋ ድጋና።✝

ፆልንቶት ሳሎፐ ዎና፥

ቃስ ሳሎን ደእያ ዎልቃት ቡቀታና።

36 "ሄ ጋላሳነ ሄ ሳትያ ሳሎን ደእያ ታ አዋፐ አትሽን፥ ሀር ሳሎ ኪታንቾታ ግድን ዎይኮ ናኣ ግድን ኦንካ ኤረና።

32 "ሽን ሄ ጋላሳነ ሄ ሳትያ አዋ ፃላላፐ አትሽን፥ ሀር አቶሽን ሳሎን ደእያ ኪታንቾታ ግድን ዎይኮ ናኣ ግድን ኦንካ ኤረይ ባዋ።✝

10 ሽን ጎዳ ጋላሳይ ካይሶዳ ያና። ሄ ጋላሳን ሳሎት ዎልቃማ ጉንን ያና፤ ሳሎ መተት ታማን ፁገታና፤ ሳእነ እያ ቦላ ደእያ ኡባይ ያና።✝

7 ሽን ሀእ ደእያ ሳሎይነ ሳእ፥ ጌላት ፕርደትያ ጋላሳይነ ይያ ጋላሳይ ጋካናዉ ሄ ቃላን ታማስ ናገትድ ደኦሶና።

11 ህዛ፥ ኡባባይ ሄሳዳ ሀንዳ ይያባ ግድኮ ህንተ አይ መላ አስ ግዳናዉ በሲ? ህንተ ጌሽነ ፆሳ ዳንያ ደኦ ዳናዉ በሴስ። 12 ህንተ ስንራ ያ ፆሳ ጋላሳ ናግሸ ህንተዉ ዳንዳኤትያባ ኡባ ኦድ ሄ ጋላሳ ኤሶይተ። ሄ ጋላስ ሳሎትነ እያን ደእያባይ ታማን ፁገታና፤ ዎልቃማ ሱላን ትልአና።

1 ታ እሻቶ፥ ሀ ሀኖት ሀናና ዎድያነ አጌና ህንተዉ ፃፋናዉ ኮሸና። 2 ጎዳ ጋላሳይ ካይሶይ ቃማ የይሳዳ ያናይሳ ህንተ ሎይ ኤሬታ።✝ 3 አሳይ፥ "ሳእ ሳሮ፥ አይኮይካ ሀነና" ያግሽን፥ ማጫስ እቀ ኦይከይሳዳ ዮይ ኤንቲ ቆፖና ኤንታ ቦላ ያና። ኤንቲ አይ ኦገንካ ከስ ኤኮኮና።

4 ሽን ኑ እሻቶ፥ ሄ ጋላሳይ ህንተዉ ካይሶይ የይሳዳ ያናዉ ህንተ ማን ደኤከታ። 5 ህንተ ኡባይ ፖኦ አስነ ጋላሳን ደእያ አስ፤ ኑኒ ቃማ አስ ዎይኮ ማ አስ ግዶኮ።

4 ሽን ኑ እሻቶ፥ ሄ ጋላሳይ ህንተዉ ካይሶይ የይሳዳ ያናዉ ህንተ ማን ደኤከታ። 5 ህንተ ኡባይ ፖኦ አስነ ጋላሳን ደእያ አስ፤ ኑኒ ቃማ አስ ዎይኮ ማ አስ ግዶኮ። 6 ሄሳ ግሾ፥ ኑኒ ሀራት ስከይሳዳ ስካናዉ በሰና፤ ኑኒ ባርካናዉነ ጊግድ ዳናዉ በሴስ። 7 ስከይሳት ቃማ ስኮሶና፤ ማተይሳት ቃማ ማቶሶና። 8 ሽን ኑኒ ጋላሳ አስ ግድያ ግሾ ጊግድ ዳናዉ በሴስ። አማኖነ ሲቆ ፁሩረዳ ትራን ማእድ፥ አቶተ ኡፋይሳ ሁጰን ዎያ ኦላ ብራታ ባርኔፃዳ ዎድ ዳናዉ በሴስ።✝ 9 ፆሳይ ኑና ኑ ጎዳ የሱስ ክርስቶሳ ባጋራ ኩመ አቶተ ኤካና መላ ዶርስፐ አትሽን፥ ሀንቆስ ዶርቤና።

14 "ጎዳ ግታ ጋላሳይ ማትስ፤

ኤለስድ ጋክስ።

ጎዳ ጋላሳይ ጫሞ ጋላስ፤

ሄ ጋላስ ምኖ ኦላንቾትካ ዋሶ ጎቻና።

15 ሄ ጋላሳይ ሀንቆ ጋላስ፥

ሄ ጋላሳይ መቶነ ኡንአ ጋላስ፥

ዮነ ላለተ ጋላስ፥

ማነ ጫጋና ጋላስ፥

ሻራነ ሳካና ማ ጋላስ ግዳና።

16 ሄ ጋላሳይ ድረትዳ ካታማታ ቦላ፥

አዱሳ ግምበታ ቦላ ኦላ ሞይዘይ ፑነታና፤

ጊገታ ግያ ዋሶይ ስኤታና።

17 ኤንቲ ታና ቆህዳ ግሾ፥

ቆቀዳ ታታፋና ጋካናዉ፥ ኤንታ ቦላ መቶ ኤሀና።

ኤንታ ሱይ ድኦዳ ጎጋና፤

ኤንታ አሀይ ፕቶዳ የገታና።

18 ጎዳ ሀንቆ ጋላስ

ኤንታ ብራይነ ኤንታ ዎርቃይ ኤንታ አሸና።

እ ሳአን ደእያ ኡባ ቆፖና ይሳና፤

ቢታ ኡባይ እያ ሀንቁዋ ታማን ሜተታና" ያጌስ ጎዳይ።

9 ሄኮ ቢታ ባይሳ ከሳናዉነ እያን ደእያ ናጋራንቾታ ይሳናዉ ይሎንነ ሱልዳ ሀንቆን ጎዳ ጋላሳይ ያና።

12 ዶርሳይ ኡሱፑን ማታምያ ዶይዳ ዎደ ታ በአስ፤ ዎልቃማ ቢታ ቃፆይ ሀንስ። አዋ አይፈይ ካሬፅድ ካዮ ማኦ መላ ግድስ። አጌናይካ ዞእድ ሱ ዳንስ።✝ 13 ዎልቃማ ጫርኮይ ጫርክድ ባላሰ ም ቃዉኤ አይፍያ ቆቆፈይሳዳ ሳሉዋ ፆልንቶት ሳአን ቆቆፈትዶሶና።✝

9 ግታ ዳወይ፥ በን ሾሻይ፥ ሳአን የገትስ። እካ ዳቡሎሳ ዎይኮ ፃላሄ ጌተትያ አላምያ ባለይሳ። እ ባ ኪታንቾታራ እስፈ ዱገ አላምያ የገትስ።✝

25 "አዋን፥ አጌናንነ፥ ፆልንቶታ ቦላ ማላታት ሀንድ በንታና። አባፈነ ዙልያ ደሹዋፐ ደንዶይሳን ቢታን ደእያ አሳይ ኡንኤታናነ ያርካና።✝ 26 ሳሉዋ ዎልቃት ቡቀታና ግሾ አሳይ ያሻንነ ቢታ ቦላ አይብ ሀናንደሻ ግድ ናጎን ባንታና ባለታና።

36 ሄሳ ግሾ፥ ያ ኢታፐ አታናዉነ አሳ ናአ ስንን ኤቃናዉ ዳንዳአና መላ ኡባ ዎደ ምንድ ዎስተ" ያግስ።

1 ታኒ ኦራ ሳሎነ ኦራ ሳአ በአስ። ኮይሮ ሳሎይነ ኮይሮ ሳእ ይስ፤ አባይካ ይስ።✝ 2 ጌሻ ካታምያ፥ ኦራ የሩሳላመይ፥ አዝና ገላናዉ አሌቀታዳ ጊጋዳ ደእያ ማጫሳዳ ሳሎፐ ፆሳ ማታፐ ዱገ ዎሽን በአስ።✝

3 አራታፐ ሀይሳዳ ያግድ፥ ኦድያ ግታ ቃላ ስአስ፤ "ፆሳ ኬይ አሳራ ደኤስ፤ ፆሳይ ባ ቦንቹዋራ አሳራ እስፈ ዳና። ኤንቲ እያ ደረ ግዳና፤ ፆሳይ ባ ሁጰን ኤንታራ ዳና፤ እ ኤንታ ፆሳ ግዳና።✝ 4 ፆሳይ ኤንታ አይፈፐ አፉ ኡባ ቁቻና። ህዛፐ ሀይቆይ ዎይኮ ካዮይ ዎይኮ ዋሶይ ዎይኮ ዋየይ ዴና። ጋልአይ ኡባይ አስ" ያግስ።✝

5 አራታ ቦላ ኡትዳይስ፥ "ታኒ ኡባ ኦራ ኦና" ያግስ። ቃስ ዛሪድ ታኮ፥ "ታኒ ኦደይስ አማንይሳነ ቱማ ግድያ ግሾ ፃፋ" ያግስ።