Fim do mundo
A Bíblia fala sobre o fim do mundo como evento certo e definitivo. Céus e terra passarão, mas as palavras de Jesus jamais passarão. A questão não é se, mas quando.
Os céus passarão
Os céus e a terra passarão, mas as palavras de Jesus permanecerão para sempre. O mundo presente é temporário.
सरग अर पृथूई टल़णीं पर मंऐं ज़ुंण गल्ला बोली, निभणी ज़रूर एही ई।
"तिन्नां धैल़ीए दुख-सांगटा का बाद फिरनअ सुरज़ न्हैरअ अर ज़ोथ हणीं काल़ी। सरगा का अल़णैं तारै अर भ्रमंडे सारी शगती बी सिक्कणी आजू-पिछ़ू।
"तैहा धैल़ी अर तेऊ बगतो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी अर नां पूता का। पर ऐहा गल्लो थोघ आसा सिधअ बाब परमेशरा का।
"ऐहा गल्लो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी अर नां पूता का। पर ऐहा गल्लो थोघ आसा सिधअ परमेशर बाब का।
O dia do Senhor
O dia do Senhor virá como ladrão. Os céus passarão com grande estrondo, e os elementos se dissolverão no fogo.
पर मसीहा एछणअ पाक्कै दी फिरी अर सह एछणअ नभैऊशै, ज़िहअ च़ोर एछा। तैहा धैल़ी हणीं सरगै गुल़ूबिज़ल़ू करै बडी छ़ेल़ अर सरग निं शुझणअ। सरगे सोभै च़िज़ा सुरज़, ज़ोथ अर तारै दझ़णैं पठी। तैहा धैल़ी करनी परमेशरा लोगे तिंयां गल्ला प्रगट ज़ुंण तिन्नैं संसारै रहंदी किई ती अर तेतो हणअ नसाफ।
पर एऊ जुगे सरग अर पृथूई आसा तेऊ ई बैणा करै एते तैणीं डाहै दै कि एकी धैल़ै पाणै ईंयां दहई। तेऊ आसा तिंयां तैहा धैल़ी तैणीं डाहै दै ज़ेभै तेऊ नसाफ करनअ अर तिंयां लोग खतम करनै ज़ुंण तेऊओ अदर निं करदै।
अह गल्ल आसा पाक्की कि परमेशरा करनी सोभै गल्ला इहअ करै खतम, तै आसा तम्हां का थोघ कि थारअ बभार किहअ लोल़ी हुअ। थारअ बभार लोल़ी धर्मीं अर पबित्र हुअ अर थारै हर कामां करै लोल़ी परमेशर खुश हुअ। आपणअ बभार डाहा तिहअ ज़िहअ तम्हैं आशा डाही तैहा धैल़ी न्हैल़ै आसा लागै दै ज़ुंण परमेशरै मसीहा फिरी एछणा लै आसा छ़ांटी दी। तैहा धैल़ी छ़ेक्कै एछणा लै करा पूरी कोशिश। तैहा धैल़ी दहणअ परमेशरा सरग आगी करै अर सुरज़, ज़ोथ अर तारै गल़णै तैहा आगीए घमास्सा करै।
भाईओ, एही बी निं किछ़ै ज़रुरत आथी कि प्रभू फिरी एछणें तैहा ऋता अर बगते बारै तम्हां लै किज़ै लिखे। किल्हैकि तम्हां का आप्पै इना गल्लो ठीक थोघ कि प्रभूए सह धैल़ी एछणी तम्हां लै नभैऊशै ज़िहअ राची च़ोर एछा। ज़ेभै लोगा इहअ बोल़णअ, "ठीक-ठाक आसा, अर किछ़ै फिकर निं आथी।" तिन्नां लै एछणअ हेरा-हेरी बनाश, ज़ेही सुंदी बेटल़ी लै सूंणें दाह एछा, तिहै ई च़ाऐ तिंयां किछ़ बी करे पर तिंयां निं तैहा बडी खरी का बच़ी सकदै।
पर भाईओ, तम्हैं करा ईशू मसीहा दी विश्वास अर तै निं तम्हैं न्हैरै दी आथी अर तम्हां लै निं सह धैल़ी एछणी च़ोरा ज़ेही एछणी। किल्हैकि तम्हैं सोभै आसा प्रैश्शे लुआद अर धैल़ीए लुआद। हाम्हैं नां राचीए आथी अर नां न्हैरे आथी।
पर भाईओ, तम्हैं करा ईशू मसीहा दी विश्वास अर तै निं तम्हैं न्हैरै दी आथी अर तम्हां लै निं सह धैल़ी एछणी च़ोरा ज़ेही एछणी। किल्हैकि तम्हैं सोभै आसा प्रैश्शे लुआद अर धैल़ीए लुआद। हाम्हैं नां राचीए आथी अर नां न्हैरे आथी। तैही निं होरी ज़िहै सुत्ती रहा, पर बिहुदै अर चतैन रहा। किल्हैकि ज़ुंण सुत्ती रहा, तिंयां रहा राची ई सुत्ती अर ज़ुंण शराबी हआ तिंयां बी झुटा शराब राची। पर हाम्हैं आसा धैल़ीए, तैही रहा सुफी। विश्वास अर झ़ूरी डाहा ज़ुंण म्हारी फाज़त करा ज़िहअ सपाही टोप अर हीकबंद बान्हीं आपणीं फाज़त करा। तम्हैं डाहा एही आशा कि हाम्हैं आसा सदा रहणैं आल़ी सज़ा का बच़ाऊई हेरै दै ज़िहअ सपाहीओ टोप तेऊए फाज़त करा।
किल्हैकि परमेशरै निं हाम्हैं सज़ा दैणा लै आथी छ़ांटै दै, पर हाम्हैं आसा एते तैणीं डाहै दै कि हाम्हां मसीहा ईशू करै उद्धार भेटे।
Destruição e renovação
O Dia do Senhor trará juízo sobre os ímpios, mas também novos céus e nova terra onde habita a justiça.
मेरी महान धैल़ीओ बगत आसा पुजणैं आल़अ,
सह धैल़ी जाणीं तेतरी छ़ेक्कै पुजी।
तैहा धैल़ी पुजणें शणांईं शुण्हुंई लागणै बडै-बडै शूरबीर लेरा लांदै।
सह हणीं मेरी रोश्शे धैल़ी, ज़ेभै घोर खरी अर आफ़त पल़णीं।
सह धैल़ी हणीं उज़र अर बनाशे धैल़ी।
तैहा धैल़ी हणअ नटिप्प न्हैरअ फेरा-फेर हणैं घणैं काल़ै बादल़ घोर्हुऐ दै।
लोगा का शुण्हनै तैहा धैल़ी जुधा लै नर्शिंगै बाज़दै
अर दुशमण सैने हाक्का-भ्रुका।
सह छ़ेल़ शुण्हनी एही कि दुशमण आसा नगरीए गहल़-कोटा ढोल़दै लागै दै।
मुंह दैणीं मणछा लै एही आफ़त पल़णै,
तिंयां हणैं इहै मणछा ज़िहै तोफदै लागै दै ज़हा आछी का किछ़ै निं शुझदअ।
किल्हैकि तिन्नैं किअ मुंह बिधाता लै पाप,
तिन्नों लोहू पोछणअ धरनीं पाणीं ज़िहअ,
तिन्नें ल्हासा रहणीं धरनीं कज़ेस्सी पल़ी।
मेरी बिधाते रोश्शे धैल़ी निं तिन्नों सुन्नअ-च़ंदी तिन्नां बच़ाऊई सकदअ।
मेरै रोश्शे आगी करै हणीं सारी पृथूई खतम।
एथ बस्सै दै हणैं सोभ हेरा-हेरी खतम।"
बिधाते सह करबैऊंणीं धैल़ी गई पुजी, सह नर्दैई धैल़ी ज़ेथ पृथूई रेगीस्तान करनीं अर सोभ पापी खतम करनै, तेथ निं कोही लै किछ़ झींण हणीं।
ज़ांऊं तेऊ छ़ऊऐ मोहर खोल्ही, मंऐं भाल़ी एक बडी ज़ाज़री हुई अर सुरज़ हुअ काल़ै दोहल़ू ज़िहअ काल़अ अर पूरी ज़ोथ हुई लोहू ज़ेही लाल।
सरगे तारै पल़ै पृथूई दी इहै ज़िहै ढिश-बागर करै पाक्कै दै फेडू धरनीं अल़ा।
सह दानअ अर तेसे दूत शोटै स्वर्गा का पृथूई लै। सह बडी दानअ आसा सह ई सह निखल़ी ती पैहलै जुगै बी ज़हा लै राख्स अर दोशी बी बोला। अह आसा सह ई ज़ुंण एऊ संसारे मणछा कबाता पांदअ आसा लागअ द।
"सुरज़, ज़ोथ अर तारै दी शुझणैं नछ़ैण, अर पृथूई दी हणअ देशा-देशे हर ज़ातीए लोगा लै सांगट। किल्हैकि तिन्नां लागणीं समुंदरे बडै शणकारा डरै ओर्ही-पोर्ही ठुर्हा अर छ़ाल्लीए क्रुंगा करै पल़णअ हैल़अ।
"तेखअ डेऊणैं संसारै आजू हणैं आल़ी गल्ला न्हैल़दी, भाल़दी-भाल़दी डरै मारै लोगे शाह-प्राण किल्हैकि सरगे सारी शगती बी सिक्कणी आजू-पिछ़ू।
"बिऊंतै रहै अर हर बगत रहै प्राथणां करदै लागी कि तम्हैं एछणैं आल़ी सारी खरी का बच़े, मुंह मणछे पूते सम्हनै खल़ै हणैं जोगी हई सके।"
तेखअ भाल़अ मंऐं नऊंअ सरग अर नऊंईं पृथूई किल्हैकि पैहलअ सरग अर पृथूई हुई खतम अर समुंदर बी निं रहअ।
तेखअ भाल़ी मंऐं पबित्र नगरी एरुशलेम स्वर्गा का परमेशरा सेटा का होथदी, अर सह थिई लाल़ी ज़ेही सज़ाऊई दी, ज़ुंण आपणैं लाल़ै लै हार शंगार किई दी हआ। तेखअ शूणअ मंऐं राज़गाद्दी सेटा का एक ज़ोरै इहअ बोल्दअ, "भाल़, एभा पोर्ही बस्सणअ परमेशर मणछा जैंदरी, अर तेऊ करनअ तिन्नां मांझ़ै बसेरअ, अर तिंयां हणैं तेऊए परज़ा अर परमेशरा रहणअ आप्पू ई तिन्नां संघै अर सह ई हणअ तिन्नों परमेशर।
"तेऊ टुशणैं तिन्नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्ला ती, तिंयां सोभै गल्ला हणीं खतम।"
ज़ुंण राज़गाद्दी प्रैंदै त बेठअ द, तेऊ बोलअ इहअ, "भाल़, मंऐं लाई सोभै गल्ला नऊंईं करी।" तेखअ बोलअ तेऊ इहअ, "इना गल्ला लिख, किल्हैकि ईंयां बैण आसा विश्वास करनै जोगी अर शुचै।"