Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
ଇଶ୍ୱର୍ତେ ରାଜ୍ୟ ବିଷୟ୍ ସାୟେତ୍ ଗଟ୍ ସାରେ ନାରୁଡ଼୍ ଜାତିଡ଼୍ ମାଇଦିଙ୍କ୍ ସତ୍ କାଇଲ୍ତେ ଲେକାମ୍ ସାରା ଜଗତ୍ତାଗେ ପ୍ରଚାର୍ ଆଦ୍ତେ । ତାନ୍ପେର୍କେ ଯୁଗ୍ ଶେଷ ଆଦ୍ତେ ।"
ଆଦ୍ ଦୁଃକାମ୍ତେ ଦିନାମ୍ ଶେଷ ଆଦ୍ଦାନ୍ ୱେୟ୍ ପଡ଼୍ଦ୍ ଇକାଡ଼୍ ଆଦ୍ତେ, ନେଲ୍ଞ୍ଜ୍ ମେଣ୍ଡେ ୱେସ୍ ହିଦ୍ପାର୍ୱ, ନୁ ମହାଶୂନ୍ୟତେ ନାର୍ଗେ ହୁକାକ୍ ଇକେ ଆକେ ଆଦ୍ତା । ତାନ୍ ପେର୍କେ ମନୁଷ୍ୟପୁତ୍ରତିଙ୍କ୍ ମାବ୍ତାଗ୍ ୱାଦାନାଦ୍ ଉଡ଼ିତିଡ଼୍ ନୁ ମାବ୍ତେ ଲୋପେଙ୍କ୍ ନାର୍ଗେ ଶକ୍ତି ନୁ ଗୌରବ୍ ତେ ୱାଦାନାଦ୍ ଉଡ଼ି ପୃତିବିତେ ସାରେ ବାଷାତ୍ ନାରୁଡ଼୍ ଉଡ଼ି କେଇତଡ଼୍ । ମହିର୍ତେ ଶଦ୍ଦ ନୁ ପୃତିବିତାଗ୍ ୱେରଡ଼୍ ପଡ଼ିୟେ ତାଗାଙ୍କ୍ ମେଣ୍ଡନ୍ ପଡ଼ିୟେ ହେୱ୍ନା ଅନ୍ ହେଞ୍ଚଣ୍ଡ୍ ନାରୁଡ଼୍କ୍ ମଦ୍ମାଡ଼ି ତାତାନ୍ ମାଇଦିଙ୍କ୍ ନାରୁନ୍ପିଲେ ତାନ୍ ଦୂତକିଙ୍କ୍ ରହ୍ତିତନ୍ ।
ମିଡ଼୍ ସତର୍କ ମାନୁଟ୍, ବାତ୍ତେଙ୍କ୍ ଇତ୍କେ ମିଇ ପ୍ରବୁ ବେସୁଙ୍କ୍ ୱାଦ୍ତଣ୍ଡ୍, ମିଡ଼୍ ପୁନ୍ୱିଡ଼୍ । ବେସୁଙ୍କ୍ ଡଙ୍ଗାଲ୍ ନେଙ୍ଗିତଣ୍ଡ୍ ଇଞ୍ଜ ପୁଞ୍ଜ୍ମାତ୍ତ୍କେ, ଲୋତ୍ତେ ମାଲିକ୍ ତିଆର୍ତେ ମାଞ୍ଜ୍ ଡଙ୍ଗାଲ୍ତିଙ୍କ୍ ଲୋପେ ନେୱଣ୍ଡ୍ ଆୟେଣ୍ଡ୍ । ମିଡ଼୍ଆନ୍ନ୍ତେ ସାରେଦାମ୍ ତିଆର୍ ଆସ୍ମାନୁଟ୍ । ବାତେଙ୍କ୍ ଇତ୍କେ ମିଡ଼୍ ଅଂକିଙ୍କ୍ ୱିଡ଼୍ସି ମାଡ଼୍ୱେ ସମୟ୍ତେ ଅଣ୍ଡ୍ ୱାସ୍ ହେୱ୍ଦେ ପାର୍ଦ୍ତଣ୍ଡ୍ ।
ମେଣ୍ଡେ ନାନ୍ନେ ବେନ୍ସାରେ ଶିକ୍ଷା ଇସ୍ମିନ୍ଦେନ୍, ଆଦ୍ ପାଲନ୍ ମାଡ଼ାଙ୍କ୍ ଅଡ଼୍କିଂଙ୍କ୍ ଶିକ୍ଷା ହିମୁଟ୍ । ମେଣ୍ଡେ ହେର୍କା ନେହେମୁଟ୍, ତେରାନ୍ ଯାକ ନାନ୍ ସାରେ ଦିନା ମିଇ ତଡ଼୍ ମାନ୍ତାନ୍ ।"
"ଆଦିନ୍, ବେସୁଟ୍ ୱାଦ୍ତଣ୍ଡ୍, ବେନ ପୁନଡ଼୍ । ସ୍ୱୟଂ ଇଶ୍ୱର୍ ତେ ମାର୍ କିମ୍ୱା ସ୍ୱର୍ଗତେ ଦୂତ ବା ଇଗଟି ପୁନ ଇତ୍କେ ବାବାଲ୍ ଇଶ୍ୱର୍ ଇ ଗଟି ପୁତ୍ତଣ୍ଡ୍ ।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
ଇଦ୍ ପୁଞ୍ଜ୍ମାନୁଟ୍ ଯେ, ଶେଷଦିନାମ୍ତେ ବିପଦ୍ ୱାସ୍ ହେଉଦ୍ତେ । ନାରିଡ଼୍ ସ୍ୱର୍ତପର୍, ଲୋବି, ଆଂକାରୀ ନୁ ଆତ୍ମାବିମାନୀ ଆଦ୍ତଡ଼୍; ଅଡ଼୍ ୟାୟ ବାବାଙ୍କ୍ ଅପମାନ୍ ଇଦ୍ତଡ଼୍; ଅଡ଼୍ ମାନ୍ତାଗ୍ କୃତଜ୍ଞତା ନୁ ଅଦର୍ମତେ ମାୟି ଆଦ୍ତଡ଼୍, ଅଡ଼୍ ଆଦ୍ତଡ଼୍ ନିର୍ଦ୍ଦୟ, ନିନ୍ଦେତଡ଼୍ ଇଂସାତଡ଼୍, ନୁ ବୟଙ୍କାର୍; ସାରେତଡ଼୍ ସାୟେତ୍ ବିଷୟତିଙ୍କ୍ ପାସ୍କିତଡ଼୍ । ଅଡ଼୍ ଆଶେତେ ସ୍ପୀତ ଆସ୍ ବିଶ୍ୱାସଗାତକ ନୁ ବିଚାର୍ ଆଦ୍ତଡ଼୍; ଅଡ଼୍ ଇଶ୍ୱର୍ତେ ବକ୍ତିତାଗାଙ୍କ୍ ଆମଦ୍ ପ୍ରମଦ୍ତିଙ୍ଗ୍ ସାରେଦାମ୍ ହେର୍କା ମାଡ଼ିତଡ଼୍ । ଅଡ଼୍ ବକ୍ତନଡ଼୍ ବଣ୍ଡ୍କ୍ତିଙ୍ଗ୍ ପଇଦ୍ତଡ଼୍, କିନ୍ତୁ ଆଗେତ୍ ଶକ୍ତିତିଙ୍କ୍ ଅସ୍ୱିକାର୍ ମାଡ଼ିତଡ଼୍; ଇଦ୍ଲେକାମ୍ ନାରିଡ଼ାଗାଙ୍କ୍ ଯେକା ମାନୁଟ୍ ।
"ଇଶ୍ୱର୍ କେତିତଣ୍ଡ୍, ‘ତେରାନ୍ ଦିନାତେ ଇୱୁ ସାରେ ଗଟେମ୍ ଆଦ୍ତେ, ନାନ୍ନେ ସାରେତଡ଼ାଗ୍ ନାୱାଦ୍ ମେନ୍ଦୁଲ୍ତିଙ୍କ୍ ଆତ୍ମା ବର୍ତ୍ତି ମାଡ଼ିତାନ୍ । ମିଇ ମାର୍କ୍ ନୁ ମାୟାସ୍କ୍ ନାୱାଦ୍ ସୁସମାଚାର୍ କେତିତା । ମିୱଡ଼୍ ଲେୟଡ଼୍ ଦିବ୍ୟ ଦର୍ଶନ୍ ଦର୍କିତ୍ ନୁ ବୟସ୍କା ନାରୁଡ଼୍ ସାପ୍ନା ଉଡ଼ିତଡ଼୍ । ଆ, ନା’ ଦାସ ନୁ ଦାସୀଡ଼୍ ଲୋପେ ନାନ୍ ନାୱାଦ୍ ଆତ୍ମା ହସ୍ପିତାନ୍, ଅଡ଼୍ ନାୱାଦ୍ ସୁସମାଚାର୍ ପ୍ରଚାର୍ ମାଡ଼ିତଡ଼୍ । ନାନ୍ ସ୍ୱର୍ଗତାଗ୍ ନାର୍ଗେ ଆଦ୍ବୁତ୍ ପାଡ଼୍ୟି; ମେଣ୍ଡେ ପୃତିବିତାଗ୍ ନାର୍ଗେ ଚିଏନ୍ନେ ତଅତିତାନ୍ । ଆଗେ ନେତୁର୍, କିସ୍ ନୁ ଗାଟି ଉମ୍ମେ ବର୍ତ୍ତି ଆଦ୍ତେ । ପ୍ରବୁନାଦ୍ ମହାନ୍ ନୁ ଗୌରବ୍ ଦିନାମ୍ ଏୱୁଦାନ୍ ମୁନେଙ୍କ୍ ପଡ଼୍ଦ୍ ଇକାଡ଼୍ ତଅନ୍ଦିତ୍ ନୁ ନେଲ୍ଞ୍ଜ୍ ନେତୁର୍ ଲେକାମ୍ ଏର୍ରେ ରଙ୍ଗ୍ ଆଦ୍ତେ । ଆସୁଟେ ବେନଆଇ ପ୍ରବୁନ୍ ପେଦେର୍ତେ ପ୍ରାର୍ତନା ମାଡ଼ିତନ୍, ଅଣ୍ଡ୍ ପରିତ୍ରାଣ୍ ପାଏମ୍ ଆଦ୍ତଣ୍ଡ୍ ।"
ଇଦ୍ ସମୟତେ ମି ନାରୁଡ଼୍ ପିଲାକିଙ୍କ୍ ସାହାଯ୍ୟକାରୀଡ଼୍ ମୀଖାୟେଲ୍ ବେଡ଼ିୟ୍ ଅଦିପତି ନିତିତନ୍ ନୁ ନାରୁଡ଼୍ ନଗର୍ତେ ଦିନାମ୍ତାଗାଙ୍କ୍ ଆଦ୍ ସମୟ ଯାକ ବେଦ୍ ଲେକାମ୍ ସଙ୍କଟ୍ ସମୟ ବେସୁଙ୍କ୍ ଆୟ, ଇଦ୍ଲେକାମ୍ ବିପଦ୍ ସମୟ ହେଉଦ୍ତେ, ମେଣ୍ଡେ, ମି ନଗର୍ତେ ବେନ୍ ସାରେତଡ଼୍ ପେଦେରି ବହିତାଗ୍ ଲେକା ମାନ୍ତା, ଅଡ଼୍ ସାରେତଡ଼୍ ଆଦ୍ ସମୟତେ ଉଦ୍ଦାର୍ ଆଦ୍ତଡ଼୍। ମେଣ୍ଡେ, ପୃତିବୀତେ ମାଣ୍ଡଲ୍ତାଗ୍ ବେନଡ଼୍ କାଇଲିତଡ଼୍, ଅଡ଼୍ଆଗାଙ୍କ୍ ନାର୍ଗେ ଜିଉଆସ୍ ତେଦିତଡ଼୍; ବେସ୍ତୁଡ଼୍ ଅନନ୍ତ ଜିୱୁଣ୍ଡ୍ ନୁ ବେସ୍ତଡ଼୍ ସିଗ୍ ନୁ ସାରେଦିନାମ୍ତେ କଷ୍ଟସେଙ୍ଗେ ବେସ୍କ୍ତଡ଼୍ ତେଦିତଡ଼୍। ମେଣ୍ଡେ, ବେନଡ଼୍ ଜ୍ଞାନବାନ୍, ଅଡ଼୍ ମାବ୍ତାଗ୍ ୱେସ୍ ଲେକାମ୍ ନୁ ବେନଡ଼୍ ନାର୍ଗେନାରୁଡ଼୍କ୍ ଦର୍ମତେ ପାକେ ମାଲ୍ପି ତାତିତଡ଼୍, ଅଡ଼୍ ଉକାକିନ୍ ଲେକାମ୍ ସାରେ କାଲାମ୍ ଯାକ ୱେସ୍ଆଦ୍ତଡ଼୍।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
ମାମ୍ମେ ଇଞ୍ଜେ ମିକିଂଙ୍କ୍ ବେନ୍ ଶିକ୍ଷା ଇଦୁତମ୍, ଆଦ୍ ପ୍ରବୁନ୍ ଶିକ୍ଷା । ପ୍ରବୁନ୍ ୱାଦାନ୍ ସମୟ୍ତେ ମାମ୍ମେ ବେନଡ଼୍ ଜିୱୁନ୍ ମାନ୍ତମ୍, ମୁନେଙ୍କ୍ କଞ୍ଜ୍ ୱେରେନାରୁଡ଼୍ ପାକ୍ ଆସ୍ମାନ୍ଦାନ୍ ନାରୁଡ଼୍ଆଗାଙ୍କ୍ ମୁନେ ଆସ୍ ଆନ୍ମା । ଆସୁଙ୍କ୍ ପ୍ରବୁ ଗଟ୍ ହିଦ୍ତନ୍ ମୁକ୍ୟଦୂତ୍ତେ ଲେଙ୍ଗ୍ ନୁ ଇଶ୍ୱର୍ତେ ମୟିର୍ ଲେଙ୍ଗ୍ତେ ଆଦ୍ ସ୍ୱର୍ଗଦୂତ ଡିଗିତା, ବେନଡ଼୍ କ୍ରିଷ୍ଟନାଗେ ମାଞ୍ଜ୍ ଡଲିମାନ୍ତଡ଼୍, ଅଡ଼୍ ମୁନେ ତେଦିତଡ଼୍ । ତାନ୍ ପେର୍କେ ବେନଡ଼୍ ଆଦ୍ ସମୟ୍ତେ ଜିୱୁନ୍ ମାନ୍ତମ୍, ମାବ୍ତାଗ୍ ଅଡ଼୍ତଡ଼୍ ଉତ୍ତାପିତ ଆସ୍ ମୟଲ୍ତାଗ୍ ପ୍ରବୁନ୍ତଡ଼୍ ସାକ୍ଷାତ୍ ମାଡ଼ିତମ୍ । ତାନ୍ ପେର୍କେ ମାମ୍ମେ ସାରେଦିନାମ୍ ପ୍ରବୁନ୍ତଡ଼୍ ମାନ୍ତମ୍ । ଇୱୁ ସାରେ ଗଟି କେଞ୍ଜ୍ସ୍ପି ମିଡ଼୍ ଆନ୍ତେ ନିଜେ ନିଜେତିଙ୍ଗ୍ ସାର୍ଦେ ଆୟ୍ମୁଟ୍ ।
ଆଦିଙ୍କ୍ ମାନାଡ଼୍ ବାଗାତଡ଼୍ ଲେକାମ୍ ଉସ୍କାତେ ମାନ୍ୱେ କେପି ନୁ ସେତ୍ତେ ମାନ୍ଦିକାଡ଼ାଡ଼୍ । ନାରୁଡ଼୍ ନାର୍କେତ୍ ଉସ୍କାଡ଼୍ ଉଞ୍ଜିତଡ଼୍; ନାର୍କେତ୍ ଅଡ଼୍ କାଲ୍ ଉଞ୍ଜ୍ ମାତ୍ୱାରି ଆଦ୍ତଡ଼୍ । ବାତେଙ୍କ୍ ଇତ୍କେ ମାନାଡ଼୍ ୱେସ୍ତେ ପିଲା ହାଇନାଙ୍କ୍ ସାରେଦାମ୍ ସେତେ ମାନ୍ତାଡ଼୍ । ୱାଡ଼ାଟ୍, ବିଶ୍ୱାସ୍ ନୁ ପ୍ରେମତେ ଚକାସିଲେ କେର୍ଦିକାଡ଼୍ ନୁ ପରିତ୍ରାଣତେ ଆଶେ ଲେକାମ୍ ସହଜ୍ ତାଲେତାଗ୍ ୱାଟିକାଡ଼ାଟ୍ । ଇଶ୍ୱର୍ ମାନ୍ ଅନ୍ କପାମ୍ତେ ନାରୁଡ଼୍ ଆଦାନଙ୍କ୍ ହେଞ୍ଜନ୍; ପ୍ରବୁ ଜିସୁ କ୍ରିଷ୍ଟନ୍ ନାଡ଼୍ମେ ମାନ୍ ପରିତ୍ରାଣ୍ ମାଡ଼୍ତନ୍ ସେଙ୍ଗେ ତିଆର୍ ମାଡ଼୍ତଣ୍ଡ୍ ।
"ବାତେଙ୍କ୍ ଇତ୍କେ ମିଡ଼୍ ନିଜେ ନିଜେ ବିଷୟତେ ସତର୍କ ଆସ୍ ମାନୁଟ୍, ବେସୁଟ୍ ବା ମିୱାଦ୍ ହୃଦୟ୍ତାଗ୍ ଗାଟି ୱେଡ଼୍କା ନୁ କାଲ୍ ନିଜାତାଦ୍, ମେଣ୍ଡେ ବାଦ୍କାନ୍ ଚିନ୍ତାତେ ମୁଡ଼ୁନ୍ଦିମାଞ୍ଜ୍ ଦୁଃକାମ୍ ଆଦ୍ତିଡ଼୍, ମେଣ୍ଡେ ଆଦ୍ଦିନ୍ ହଟାତ୍ ୱାସ୍ ମିପର; ବାତେଙ୍କ୍ ଇତ୍କେ ଆଦ୍ ଉଡ଼ୁଇ ଲେକେମ୍ ୱାସ୍ ପୃତିବି ନାରୁଡ଼୍ ସାରେତଡ଼୍ ପରୁ ରାଲିତେ । ତିଆର୍ତେ ମାନୁଟ୍ ନୁ ତିପାଲ୍ତେ ଆଦାନଙ୍କ୍ ଶକ୍ତି ଆଦାନ୍ ସେଙ୍ଗେ ନୁ ନାରୁଡ଼୍ ପିଲାତନ୍ ମୁନେ ନିତାନ୍ ମାଇଦିଙ୍କ୍ ସାରେଦାମ୍ ପ୍ରାର୍ତନା ମାଡ଼ାଟ୍ ।"
ଇତ୍କେ ଆ ପ୍ରିୟ ସାଙ୍ଗନଡ଼ି, ୱେରଡ଼୍ ବିଷୟ ମାର୍ଙ୍ଗ୍ମାଟ୍ । ଇଶ୍ୱର୍ତେ କଣ୍ଡେତେ ଅଣ୍ଡୟ୍ ଦିନ୍ ନୁ ହଜାର୍ ଏଣ୍ଡ୍କ୍ତାଗାଙ୍କ୍ ବାତେ ୱେରେ ଇଲେ । ଅନ୍ ଗାରେ ଇୱୁ ରେଣ୍ଡ୍ ସାମାନ୍ । ପ୍ରବୁ ତାନ୍ ପ୍ରତିଜ୍ଞା ପୁରା ମାଡ଼ାନଙ୍କ୍ ଲେଟ୍ ମାଡ଼ଣ୍ଡ୍, ଯଦି ବା ବେସ୍କ୍ତୁଡ଼୍ ଇଦିଙ୍କ୍ ଲେଟ୍ ଇଞ୍ଜ ଏର୍କା ମାଡ଼ିତଡ଼୍ ମାତର୍ ପ୍ରବୁ ମି ସେଙ୍ଗେ ଗାଟି ସହନଶିଳ । ଅଣ୍ଡ୍ ଇଚ୍ଛା ମାଡ଼ନ୍, ବେନ ୱେରଣ୍ଡ୍ ବିନଷ୍ଟ ଆଇଣ୍ଡ୍ । ସାରେତଡ଼୍ ନିଜର୍ ନିଜର୍ ପାପତାଗାଙ୍କ୍ ମାଲ୍ୱିଡ଼୍, ଇଦ୍ ଅନାଦ୍ ଇଚ୍ଛା ।
ଇତ୍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍ତେ । ଆଦ୍ ଦିନେ ଅଣ୍ଡୟ୍ ଗାଟି ଲେଙ୍ଗ୍ଦେ ଲୋପେ ମୟଲ୍ ମାୟିଆଦ୍ତେ । ମୟଲ୍ତାଗ୍ ମାନ୍ଦାନ୍ ଗ୍ରହ ନୁ ଉକାକ୍ କାର୍ୱି ଦ୍ୱଂସ ଆଦ୍ତା । ପୃତିବିତଡ଼୍ ତାନାଗ୍ ମାନ୍ଦାନ୍ ସାରେ ବିଷୟ୍ତଡ଼୍ ବିନଷ୍ଟ ଆଦ୍ତେ । ଯଦି ଇଦ୍ଲେକାମ୍ ସାରେ ବିଷୟ ଦସଂ ଆଦ୍ତା, ଆଲେକ୍ ଆଲ୍ସୁଡ଼ାଟ୍, ମିୟାଦ୍ ବେସତ୍ ଜିୱୁଣ୍ଡ୍ ଆଦାନ୍ ଦର୍କାର୍ । ଆଦ୍ ପବିତ୍ର ନୁ ଇଶ୍ୱର୍ତେ ମୁନେ ଉତ୍ସର୍ଗ ଆଦାନାଦ୍ ନିୟାତି ଦର୍କାର୍ । ମିଡ଼୍ ପ୍ରବୁନ୍ ଦିନାମ୍ତିଙ୍କ୍ କେପି ମାନ୍ଦାନ୍ ୱେଲେ, ଆଦ୍ ବେଲାନ୍ ଜାପେ ୱାଦ୍ତେ, ଆଦିନ୍ ସେଙ୍ଗେ ନିଜେତିଙ୍ଗ୍ ତିଆର୍ ମାଡ଼ାଟ୍ । ଆଦ୍ ଦିନେ ମୟଲ୍ କାର୍ୱି ଦ୍ୱଂସ ଆଦ୍ତା । ମୟଲ୍ତେ ଗ୍ରହ ଉକାକ୍ ଗାଟି କାମ୍କେତେ ଉଡ଼୍ୟି ଆଦ୍ତା । କିନ୍ତୁ ମାମେ ଇଶ୍ୱର୍ତେ ତିଆର୍ ମାଡ଼ିମାନ୍ଦାନ୍ ୱେରଡ଼୍ ପୁନେ ମୟଲ୍ ନୁ ପୁନେ ପୃତିବିତାଗ୍ ମିନ୍ଦେଡ଼୍ । ଆଗେ ଦାର୍ମାମ୍ ନାରୁଡ଼୍ ମାନ୍ଦାନ୍ ପଡ଼୍ୟେ ଆଦ୍ତେ ।
କେଞ୍ଜାଟ୍ ନାନ୍ ମିକିଂଙ୍କ୍ ଅଣ୍ଡୟ୍ ନିଜାତାଦ୍ ସତ୍ ଗଟ୍ କେତୁତାନ୍ । ମାନାଡ଼୍ ସାର୍ରେତଡ଼୍ ଡଲ୍ୱାଡ଼୍ ନୁ ମାନାଡ଼୍ ସାର୍ରେତଡ଼୍ ପରିବର୍ତ୍ତିତ୍ ଆଦ୍ତାଡ଼୍ । ଇତ୍କେ ମାଡ଼େଙ୍କ୍ତାଦ୍ ତୂରି ଲେଙ୍ଗ୍ ଆଦାନ୍ୱେଲେ, ଅଣ୍ଡୟ୍ ମୁହୁର୍ତ୍ତ୍ତେ, କଣ୍ଡେ ମିଟ୍କେତେ ମାନାଡ଼୍ ସାର୍ରେତଡ଼୍ ବଦ୍ଲେମ୍ ଆଦ୍ତାଡ଼୍ । ଆସୁଟେ ଡଲ୍ତଡ଼୍ ଅମର୍ ଆସ୍ ତେଏଦିତଡ଼୍ ।
ବାତେଙ୍କ୍ଇତ୍କେ ଉଡ଼େ, ମାମେ ପୁଃନେ ମାବ୍ମୟଲ୍ ନୁ ପୁଃନେ ପୃତିବୀ ତିଆର୍ ମାଡ଼ିକାଡ଼୍ ନୁ ମୁନେତ୍ କାଲାମ୍ତେ ବିଷୟସାରେ ଏର୍କେ ମାଡ଼ାନଙ୍କ୍ ଆୟ, କି ମାନ୍ତାଗ୍ ୱାଡ଼। ମାତର୍ ବାତ୍ତେ ମାନ୍ କଣ୍ଡେମୁନେ ତିଆର୍ ମାଡ଼ିକାଡ଼୍, ମିଡ଼୍ ସାରେ କାଲାମ୍ ଆଗେ ୱେଡ଼୍କେତେ ସାର୍ଦେ ମାଡ଼ାଟ୍; ବାତେଙ୍କ୍ଇତ୍କେ ଉଡ଼େ, ମାମେ ଯିରୂଶାଲେମ୍ତାକ୍ ୱେଡ଼୍କେ ଲେକାମ୍ ନୁ ଆଗେତ୍ ନାରୁଡ଼୍କିଙ୍କ୍ ୱେଡ଼୍କେତେ ମାଡ଼ି ତିଆର୍ ମାଡ଼ିକାଡ଼୍। ମେଣ୍ଡେ, ମାମେ ଯିରୂଶାଲେମ୍ତାଗ୍ ୱେଡ଼୍କେ ମାଡ଼ିକାଡ଼୍ ନୁ ମା ନାରୁଡ଼ାଗ୍ ୱେଡ଼୍କେ ମାଡ଼ିକାଡ଼୍; ମେଣ୍ଡେ, ଆଗେ କେୟାନାଦ୍ ଲେଙ୍ଗ୍, କି ଗୁଣ୍ଡେତାଗ୍ ରେଃସ୍ କେୟାନାଦ୍ ଲେଙ୍ଗ୍ ମେଣ୍ଡେ କେଞ୍ଜାଙ୍କ୍ ଆୟ।
ମାଡ଼େଙ୍ଗ୍ ନାନେ ୱେରଡ଼୍ ପୁଃନେ ମାବ୍, ପୁଃନେ ମୟଲ୍ ନୁ ପୁଃନେ ପୃତିବି ଉଡ଼୍ତାନ୍ । ପାଃନ୍ତେ ମୟଲ୍, ମାନ୍ତେ ପୃତିବି ନୁ ସମୁଦ୍ର ସାରେ ଆତ୍ତା । ମେଣ୍ଡେ ୱେରଡ଼୍ ପବିତ୍ର ନାର୍, ପୁଃନାଦ୍ ଯିରୁଶାଲେମ୍, ପିକିଡ଼୍ ଲେକାମ୍ ତିଆର୍ ଆସ୍ ସ୍ୱର୍ଗତାଗାଙ୍କ୍ ଇଶ୍ୱର୍ତାଗାଙ୍କ୍ ପୃତିବିତେ ପରୁଙ୍କ୍ ଡ଼ିଇଗ୍ନାଦ୍ ଉଡ଼୍ତାନ୍ । ମେଣ୍ଡେ ସ୍ୱର୍ଗସିଂହାସନ୍ ତାଗାଙ୍କ୍ ୱେରଡ଼୍ ଗଟ୍ କେତ୍ତଡ଼୍, "ଇଞ୍ଜେ ଇଶ୍ୱର୍ତାଗ୍ ମାନ୍ଦାନ୍ ନାରୁଡ଼୍ ଲୋପେ; ଅଣ୍ଡ୍ ଅଡ଼୍ ତୋଡ଼୍ ମାନ୍ତନ୍ ନୁ ଅଡ଼୍ ତାନ୍ ନିଜେତେ ନାରୁଡ଼୍ ଆଦ୍ତଡ଼୍ । ଇଶ୍ୱର୍ ଅଡ଼୍ତଡ଼୍ ମାନ୍ତନ୍ ନୁ ଅଡ଼୍ ଇଶ୍ୱର୍ ଆଦ୍ତନ୍ । ଅଣ୍ଡ୍ ଅଡ଼୍ କଣ୍ଡାନ୍ କାଣ୍ଡେଡ଼୍ ସାରେ ଉଞ୍ଜ୍ପିତ୍ତନ୍ । ଡଲାନାଦ୍, ଦୁକାମ୍, କେୟାନାଦ୍ ବା କଷ୍ଟ, ମେଣ୍ଡେ ନଦାନାଦ୍ ମାନ୍ନ । ସାରେ ପାଃନ୍ତେଲାଦ୍ ବିଷୟ ମାଇଆତ୍ତେ ।"