14 Obobɔ, Nsia yi Ngesɛ y’Okwɛn yi, akieel atsal yɔ m’ɔ̃kiri a nsie wueel. Oŋɔ̃ me lio olɔ, ntɔ a ɔ̃kiri ètɔ.»

29 «Tswa-a-tswa, ke mbee ãtsoo ã fool omɔ̃,

tal ekieel epiin,

nswii k’abepaal mvieel wɛ,

angam-a-ngam afa ywel atswal.

Ɛ̃fel ɛ̃ waan mi ke ywel ɛ̃kieel ɛ̃tiɔɔl.»

30 «*Obobɔ, eliĩ e Muaan a Mbuul ekieel epal ke ywel. Ãyam ã baal a nsie mbueel ãkieel ãluɔɔl. Mɔ̃ ãkieel ãmwɛn k’eya Muaan a mbuul onse epɛn e ywel y’omfam ye waan li bibi. 31 Ŋ’ekieel ebel mvel-a-mvel wu ɔ̃nɛn, Muaan a mbuul akieel ayuɔɔl ãnzwel ã ndɛ. M’etswi enge-enã bvi ɔ̃kiri a nsie, fa ntɔ a ywel tiil yinkyɛ, mɔ̃ ãkieel ãbvool baal b’ésueel ndɛ.»

42 Obobɔ, ekal angɔ-mwiĩ, ke ngwel wɛ byɛ k’eyɛɛ tsoo li ekieel eya Mfam a byɛ wɛ. 43 Eyɛɛ ngesɛ bubu: Okɛɛn nga-nzɔ abeyɛɛ lio li eya mbuul a pfuul me tsia, ndɛ awal ɔ̃tsiil, bvool k’awa ndɛ nkuul yi abwel ndɛ nzɔ wɛ. 44 Obɔ otsɛn bɛn, byɛ hɛ̃, ewal ɔ̃yɛɛl! Ke ngwel wɛ, byɛ k’eyɛɛ lio li èya Muaan a mbuul wɛ.»

20 Eyiool bɔ k’akiaal mam mbueel me ntam mɛ̃ byɛ osa. Me b’otal mɛ̃, mɛ̃ ndi ye byɛ ãtsoo mbueel, tiil ntɔ a ɔ̃kiri.»

32 Kɛn a me b’otal tsoo ye lio, mbuul wu oyɛɛ mɔ̃ pyɛ, onkyam ãnzwel ke ywel, onkyam Muaan. Wu oyɛɛ mɔ̃ kɛn a Taal ndyam.

1 Yɛɛ wɛn ãlio mã fool ãkieel ãyeya m’ãtsoo ã ntɔ. 2 Ke ngwel wɛ, baal akieel akal y’okob, ye pfuul o nzi, y’obɛɛl o ntwel, y’ondɛɛl o nzuru. Bɔ akieel asiaan Nziã, kieel k’akal ye lweel li aburu wɛ, kieel k’akal ye tuɛɛn wɛ, kieel k’akal ye bvɛɛ li eluɔ e Nziã wɛ. 3 Bɔ akieel akal nyiĩ a baal pyɛ, akieel akal y’ɔ̃kwal mpɛn, akieel akal ye kwee. Bɔ akieel aywɛn a okuru b’ɔ̃kwal, akieel akal ye kyal, bvool akieel akal ataal b’obvɛ. 4 Bɔ akieel atiɔ bakyɛ, akieel aluul m’efua, akieel m’ondɛɛl o nzuru b’ofoo bɔ mviil, akieel adzii efua ke mboo a Nziã. 5 Bɔ akieel asa onge bɛn bɔ abekuru ãnzuru m’ãndɔɔ ã Nziã, kwɛn ŋɛn bɔ abebee mpɛn a mɔ̃. Kal lala ye baal obɔ.

17 Nziã oyɛɛn bubu: "M’ãtsoo ã tɔ,

mɛ̃ ekieel esa kwɛn Ɔ̃fel a mɛ̃ akɔɔn me baal bueel,

baan a byɛ b’abɔɔl ye b’akaal akieel ayɛɛn ãndɔɔ m’ãfa ola mɛ̃,

ãnsanga ã byɛ ãkieel ãkal y’emwɛn,

ekukwel e byɛ ekieel eluaal ãnduaal.

18 Taa-taa bam, m’ãtsoo omɔ̃, mɛ̃ ekieel esa kwɛn Ɔ̃fel a mɛ̃ akɔɔn m’asal a mɛ̃, ekal b’abɔɔl, ekal b’akaal,

bɔ akieel ayɛɛn ãndɔɔ m’ãfa ola mɛ̃.

19 Mɛ̃ ekieel esa ãndɔɔ m’ɛ̃kam ke ywel,

mɛ̃ hɛ̃ ekieel esa eliĩ me nsie.

Ekieel ekal y’ãkel, ye mbaa, ye yoo.

20 Tal ekieel ekɔɔl empeel,

nswii akieel akɔɔl ãkel,

tiil ye k’ekoo tsoo e Mfam, tsoo e ndɛ li enɛn, tsoo e ndɛ li omfam.

21 M’emfa okyɛ, mbuul ndyam wueel wu akieel ata Mfam mbel akieel abvuul."

15 Etal m’eyɛɛn bee byɛ, m’ãfi ola Mfam: Bia-byɛ b’ekieel ekal kɛn mwiĩ ŋ’ekieel eya Mfam, bia-byɛ k’ekieel etsɔɔn nkwel a b’alaal twal wɛ. 16 Ke ngwel wɛ, ŋ’awi nkuul, nkii a mfam a ãnzwel ekieel ebiool, nkii a mvel-a-mvel a Nziã ekieel ebel, oŋɔ̃ Mfam ndyam akieel afa ywel asool. Obobɔ, b’ákwi-ákwi onse Mãsia akieel asiool ŋ’ɛ̃kwel. 17 Ke mbee oŋɔ̃, bia-byɛ b’amwiĩ-amwiĩ b’esiil, akieel andɛɛl bia-byɛ eyi ywel mboo mɔ̃ ye bɔ onse epɛn, me ndɔɔ yi eyemwɛɛn ye Mfam ke ywel. Obobɔ, bia-byɛ ekieel ekal ɔ̃bu ye Mfam. 18 Obobɔ, ewɛɛl bakyɛ m’ãyɛɛn omɔ̃.

6 Obobɔ, bia-byɛ ebee twal olaal onge b’elaal bakyɛ, kɛn ekal angɔ-mwiĩ bvool ebee ãndɔɔ y’enduul osa. 7 B’alaal twal, alaal lɔ me tsia, b’ebɔɔ mbal, mɔ̃ ãbɔɔ bɔ me tsia. 8 Kɛn a bia-byɛ b’eli ba mwiĩ, ebee ãndɔɔ osa y’enduul. Elaal okiool ye dzii onge b’elaal mbwel-mbwel eluɔ ki bvieel ki efoo otwel. Elaal kaã li obvuul onge b’elaal mbwel-mbwel ekɔrɔ ki bvieel. 9 Ke ngwel wɛ, Nziã k’áti bia-byɛ mbel kwɛn awa bia-byɛ etumbu wɛ, kɛn a ndɛ áti bia-byɛ mbel m’obɔɔ b’obvuul me Mfam a bia-byɛ Yeso Mãsia.

34 «Ekal y’onkyab! Efua bvi enduru ɔ̃ndel, obɔɔ o mbal, ãtsam me ndɔɔ eluɔ bvi ɔ̃kiri, eluɔ obvɛ ebee ɛ̃kwal ɛ̃ byɛ olyam owa! M’emfa okyɛ, tsoo olɔ kieel k’ebva enseel me ndɔɔ a byɛ wɛ. 35 Onge b’esiin okii answi enseel, emfa kiki hɛ̃, tsoo olɔ ekieel ebva enseel me baal b’ɔ̃kiri ndyam wueel. 36 Oŋɔ̃ ekal y’onkyab, ebuɛɛn ãlio mbueel, kwɛn Nziã awa byɛ mpɛn yi ebvuul me mbueel m’ãya, bvool yi etɛɛn ke nkwel a Muaan a mbuul.»

8 Kɛn andoo a mɛ̃ a dzii, eli ye ndɔɔ ngamɔ̃ yɛn byɛ k’ebvaan edzɛɛn wɛ: ola Mfam tsoo ngelemɔ̃ eli onge amvel miil (1.000), bvool amvel miil ali onge tsoo ngelemɔ̃. 9 Mfam k’ayiil m’osa o ndɔɔ yi éwi ndɛ lɔɔ wɛ, onge b’ebetsam baal bakyɛ. Ndɛ oli y’osɛ-mwiĩ me ndɔɔ a byɛ, ke ngwel wɛ ndɛ k’adzii kwɛn ngɔmɔ̃ onse byɛ adziɔɔn wɛ. Kɛn a ndɛ odzii kwɛn baal bueel akaal ɛ̃kwal. 10 Kɛn a tsoo e Mfam èyeya onge b’eya mbuul a pfuul. Me tsoo olɔ, ywel ekieel ebwel ye nkyal bibi. Eluɔ bvi ke ywel ekieel edzio mbaa. Bvool nsie ekieel edzio mbaa ye bvieel bvi eli me yɔ. 11 Onge bɛn bvieel ekieel edziɔɔn, eyɛɛ emfa kyɛn ebvaan byɛ ekal: Ebvaan byɛ edzuu m’emfa ki baal ba ngel bvool ekuru nzuru me Nziã. 12 Byɛ ebekiaal kwɛn tsoo e Nziã eya, bvool byɛ edzii kwɛn lɔ eya tswa-a-tswa. Me tsoo olɔ, mbaa ekieel edziool ywel, bvool eluɔ bvi ke ywel ekieel esuul. 13 Kɛn a ki ebekiaal bia-byɛ, m’emfa e lɔɔ li éwi Nziã, eli ywel li alili ye nsie yi alili, okɔ ekieel ekal y’ãndɔɔ mã dzu.

51 Mɛ̃ ŋ’eyɛɛn byɛ ndɔɔ ngamɔ̃ yi m’edziɔɔn: Bia-byɛ bueel kieel k’akwa wɛ, kɛn a bia-byɛ bueel ekieel eswɛɛl emfa, 52 me lio etsi-tsiri, bam tswa-a-tswa, ŋ’ekieel ebel mvel-a-mvel wu ãmbee. Ngwanyã, mvel-a-mvel akieel abel, bvool b’ákwi-ákwi akieel asiool ye nzuru yɛn kieel k’ebekwa bvool wɛ, bvool bia-byɛ bam ekieel eswɛɛl emfa.

1 Ke mbee oŋɔ̃, mɛ̃ mwɛn ywel li nyiɔɔn ye nsie yi nyiɔɔn. Ywel li ɛ̃kwel ye nsie yi ɛ̃kwel édziɔɔn, bvool ãdza m’ɔ̃ngwa k’ãbekal wɛ. 2 Mɛ̃ bvool mwɛn Bviil li Ngel, Yelusalem wu ɔ̃nyiɔɔn ofi ywel ola Nziã, asool. Bviil olɔ éli onge ɔ̃kaal wu amaawal ɔ̃yɛɛl a bal, wu oti ompal me ndɔɔ yi ayemwɛɛn y’ɔ̃lam. 3 Mɛ̃ ngyoo nkii yi nɛn efi ke kiri li okwɛn, yɔ ékeyɛɛn bubu: «Meba mboo yi ekal Nziã eyii onse baal. Ndɛ akieel akal ye bɔ, bvool bɔ akieel akal baal a ndɛ. Nziã ndyam akieel akal ye bɔ, ndɛ akieel akal Nziã a bɔ. 4 Ndɛ akieel akiɔɔn ãnsia mbueel me mviil ã bɔ. Epfu kieel k’ebekal bvool wɛ, ndwɔɔ k’ebekal wɛ, onkyam olel, onkyam mpal, ke ngwel wɛ ãndɔɔ mã tsɔɔn ŋ’ãbwel.»