Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
आन राज्याआ ए हाजी बातमी आखा देसोमेहें साक्शी ओवे तेहें काजे आखा दुन्यामेहें परसार ओवे, ताहां सेवट ओत जाय.
"तियां दिहोमेर्याआ तारासोअ फाटी ताबुड़ दिही कालू ओत जाय, आन सांदोअ उजालो जातो रोय, आन तारा जुगोमेहें रोत टुटीत पोड़े आन जुगोमेर्यीइ आखी ताकत तियीइ जागे रोत आलित जाय. आन तियी वेले माअहुंउं बेट्टाहाआ निशाणी जुगोम देखाय; आन ताहां धरतीइ आखे माअहें रोड़े; जेहलामेहें तें माहुंउं बेटाह्हाहा जुगोमेर्याआ वाद्ला पोअ वोडी सेक्ती आन ताकते वाअहीं आवत्लाहा देखे. आन तुरीइ वोडू आवाज आवे, तेहेलाम तो तियाआ देवदुतोहों मोकले, आन ते जुगोअ एका खुणामेहें रोत ते बिहीरा खुणाम जाआं तियाआ निवड़ीइल्या माअहोंहों टोलू कोए.
तियाहा काजे जागते रोवा, काहाके तुमू नाहां जांअते के तुमाआं प्रभु कोड्ले दिहे आवे. पोन ओं जाईंत ल्या के जर कोअ धोणी ओं जांअतू के बांड केती वेले आवे, ताहां तो जागतू रोतू; आन तियाआ कोअमेहें सोरी ने ओवहूं देतू. तियाहा काजे तुमू बी तियार रोवा, काहाके जियी वेलेए बाप्तिम तुमू विसार बी नाहां कोअते, तियी वेले माहुंउं बेटुह्हू आवित लागे.
आन तियांहां आखी गोठी जे आंय तुमुहूं आदेश आप्युहू, ते मानिइलोअ सिकाड़ा: आन पाला, आंय दुन्या सेलाय ताअहूं जाआं तुमाअरी होंवे."
"तिया दिहोअ नेताहां तियी वेलेए बाप्तिम कोडाहाज नाहां मुंदू, ने होरगाआ देवदुतोंहों के ने बेटाह्हाहा; पोन आब्हाहा एतूज मुंदू होय.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
पोन ओं ओर मिक के आखरीइ दिहोमेहें कठीण वेल आवनारी होय. काहाके माहें उपकार ने जांअनारे इजऱ्ये, लालसी, बोड़ाय कोअनारे, वोडाय कोअनारे, निंदा कोअनारे, आयहीन आब्हाअ गोठी ने माननारे, मदत ने कोअनारे, विणधर्मी, दया ने कोअनारे, माफ ने कोअनारे, साड़ग्ये, मोनोपोअ ताबू ने मिकनारे, हाजाहा पसन ने कोअनारे, विश्वास तोड़नारे, ठोहजात रोनारे, वोडाय कोअनारे, देवोअ मेर नाहां पोन दुन्यादारीइ मेर होदनारे. तें भक्तीइ वेहे तोअनारे, पोन देवोअ सेक्तीही ने माननारे; एहेला माअहोंअ रोत सेटे रोवा.
"देव कोहे के, सेलवार्याअ दिहोमेहें एहलोहो ओवे के,
आंय माआं आत्मा आखा माअहूं पोअ ओली देहीं,
आन तुमाआं पोर्या आन तुमाआं पोर्यी भविश्यवाणी कोए,
आन तुमाआं जुवान पोर्याहां दर्शन जोड़े,
आन तुमाआं डायहांहां होप्ने पोड़े.
तियां दिहोमेहें आंय माआं साकऱ्यां पोअ बोईंन माट्योंपोअ बी
माआं आत्मामेहें रोते ओलीहीं,
आन तें भविश्यवाणी कोए.
आन आंय उसे जुगोमेहें समत्कार,
आन निसे धरती पोअ वोडे वोडे कामें,
मोन्ज्ये रक्त, आग आन तुमाणाआं वाद्लो देखाड़ीहीं.
प्रभुउ वोडा आन महिमावाला दिहोअ आविइलोअ पेल,
दिही कालू पोड़ीत जाय,
आन सांद रक्ताआ होस ओत जाय.
ताहरोअ, जों कोडो बी प्रभुउ नाव लेत कोइत प्रार्थना कोए, तों वासाय."
"तियी वेले मिखाएल नावोअ वोडू मुख्यू, जो ताआ माअहुंउं वोल उबू रोहे, तो उबू रोय. ताहां एहेलिही ओड़सनीइ वेल रोय, जेहेलोहो यी धरतीपोअ राज्ये बोण्ये तोयोंअ रोत ओमे जाआं केदिहीं नाहां ओवो, आन ने ओवे; तेहेलाम ताआ माअहूंम रोत जेताहा जोंओंअ नावे देवोअ पुस्तकोमेहें लेखाअयेहे, तें वासात जाय. जें धरतीइ निसे माहणोमेहें हुवित रोयेहे तियांमेर्येए वारुज माअहें जागीत उठे, वार जोएं ते हादाफल्याआ जिवनोअ कोअते उठे, आन वार जोएं ते तियांआं खाराब नावोवाअहीं आन हादाफल्याआ अपमानोअ काजे उठे. ताहां समजदार माअहें जुगोअ उजालाआ होस रोय, आन जें वार जोओंहों धर्मी बोणावतेहे, तें हादाफल ताराआ होस उजालावाले रोये."
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
आन आमू जो तुमुहूं प्रभुउ वसनो वाअहीं ओं कोताहा, के आपू जे जिवते होय आन प्रभुउ आविइलाआ दिहे जाआं जिवते रोहूं, ते जे मोयेहे तियां रोत आगाड़ी केदिहींज ने जात सेकहूं. काहाके प्रभु सोताहाज होरगाम रोत उतरे; तियी वेले पोअ वोडू आवाज, आन मुख्य देवदुतोअ शब्दाआ आवाज होंबलाय, आन देवोअ तुरी फुकाय; आन ख्रिस्तामेहें जे मोयेहे, तें पेल जिवित उठे. तेहेलाम आपू जे जिवते आन वासाइत रोहूं, तेहलेज तियाअरी वादला पोअ हावामेहें प्रभुहू मिलीइलोअ काजे विसाइत जाहूं. आखरी पोअ यां शब्दा वाअहीं एकान बिहीराहा समजाडते रोवा.
तियाहा काजे आपू बिहीराअ होस हुवते ने रोअहूं जोवे, पोन जागते आन तियारीम रोअहूं जोवे. काहाके जे हुवतेहे ते रातीज हुवतेहे, आन जे साकवाले रोतेहे तें रातीज साकवाल रोतेहे. पोन आपू जे दिहोअ होय, तियाहा काजे विण साकवाल रोअहूं जोवे. आवा विश्वास आन मेरेए आंगड़ो पेवित कोइत आन तारणोओं आशाआ टोपू पेवित रोहूं.
काहाके देवे आपुहूं तियाआ खोतेए काजे नाहां, पोन याअ काजे ठरव्येहे के आपुहूं आपाआ प्रभु ईसु ख्रिस्ता वाअहीं तारण जोड़ुहूं जोवे.
तियाहा काजे, तुमू सांबालित रोवा! तुमू उदाशे पिइलोन खाअलोअ, दुन्याअ सिंता, आज्याआ दिहोअ कालजी यीं गोठी वाअहीं बोयरे मा ओत जाहा, आन नेते तो दिही तुमापोअ सापलाअ होस उसकाहीज आवित पोड़े. काहाके यी धरतीपोअ रोनारा आखा माअहूं पोअ तो एहेंज कोइत आवित पोड़े. तियाहा काजे तुमू जागते रोवा आन कायम प्रार्थना कोअते रोवा, एताआ काजे के तियीं बादी गोठीमेहें रोत हाजी हुतायी निहींत माहुंउं बेटाह्हाअ सामने उबा रोअलोअ काजे तुमू लायक बोणीत सेकहा.
पोन माआं मेराला, एक गोठ मा विहीराअहा के, देवोअ नजरेमेहें एक दिही हाजार दिहोअ होस होय आन हाजार वोरह्ये एका दिहोअ होस होय.
प्रभु तियाआ वायदाअ बाप्तिम वाआ नाहां लागाड़तू, जेहेंकोइत थोड़ेक माअहें समजीइतेहे; पोन तुमाआं बाप्तिमेहें धिर तोअहे, आन कोडो आरवात जाय एहलिही तियाआ इश्शा नाहां, ते आखेज मोन फेरवुंहूं जोवे एहलिही तियाआ इश्शा होय.
पोन प्रभुउ दिही बांडोअ होस आवे, तिया दिहोपोअ जुग जुदो तुदड़ीइतोज जातो रोय, तत्वे तोपीत ओगलीत जाय, धरती आन धरतीपोर्येए कामे बोलीत जाय. एहेंकोइत ओं आखो आरवात जानारो होय, ताहां तुमू केहेलेहे रोअहूं जोवे? तुमाआं रोअलोअ पवित्र जोवे आन भक्तीमेहें देवोहो होपाअले माअहें रोअहूं जोवे. तिया देवोअ दिहोअ केहें कोइत वाट जोवुहूं जोवे, आन आपू केतीही कोशित कोअहूं जोवे; जिहींवाईं जुग बोलीत आरवात जाय आन जुगोमेर्योअ आखो जास्ती तोपीत ओगलीत जाय. तेबी तियाआ आथवसनोअ परमाणे आपू एक नोवो जुग आन नोवी धरतीइ वाट जोवतेहे जिहीं देवोअ सतीपण रोय.
पाला, आंय तुमुहूं एक निकाअली गोठ कोहो: आपू आखे नाहां मोअनारे, पोन आखे बोदलाइत जानारे होय.
आन ओं एकाज तालोमेहें आखरीइ तुरी फुकताज वाआ ओवे. काहाके तुरी फुकाय आन मोल्ये माअहें हादाजल्म्याआं जिवनोमेहें विसाइत जाय, आन आपू बोदलाइत जाहूं.
ताहां आंय एक नोवू जुग आन नोवी धरती देख्यी, जुनू जुग आन जुनी धरती बेनू आरतात गोयेते, आन दोर्या बी ने रोयू. ताहां आंय सोको होयर, नोवा येरुसालेमोहों देवोअ जागे जुगोमेहें रोत उतरीइत्लाहा देख्यो, तों वोरोअ काजे हिंगरावल्यी वोड़ली जेहें होबाड़ल्यो ओतो. ताहां आंय राजगादीइहीं रोत निहींल्या एका आवाजोहो उनाअयू, "पाला, देवोअ वोहती माअहोंअ विसमेहें होय. तो तियांआं विसमेहें रोय, आन तें तियाआ माहें बोणे आन देव सोताहा तियांआं विसमेहें रोत कोइत तियांआं देव बोणे. तो तियांआं डोआमेर्येए आक्खे रोज्ये नुसीत टाके; आन तिहींइं फासाड़ी ने मोत रोय, ने रोड़ीइलोअ, ने विखु, आन ने दुख, काहाके जुनी गोठी निहींत गोयीही."