Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
स्वर्ग राज़ो खुशीए समादो प्रच़ार खोज़णअ सारै संसारै सोभी लोगा का ताकि सोभी देशे लोगा लै खुशीए समादा मनणैओ मोक्कअ होए, तेखअ हणअ अह संसार खतम।
"तिन्नां धैल़ीए दुख-सांगटा का बाद फिरनअ सुरज़ न्हैरअ अर ज़ोथ हणीं काल़ी। सरगा का अल़णैं तारै अर भ्रमंडे सारी शगती बी सिक्कणी आजू-पिछ़ू। तेभै शुझणअ तम्हां का मेरअ नछ़ैण सरगै। तेभै हणैं पृथूईए सोभ खिंब सोभी ज़ातीए मणछ हिक्का पटाक्की लेरा लांदै। हुंह मणछो पूत शुझणअ तिन्नां का महान शगती अर प्रतप्पा संघै सरगै बादल़ा बाती एछदअ। मुंह छ़ाडणैं नादे बडी छ़ेल़ा संघै आपणैं स्वर्ग दूत अर तिन्नां झाल़णैं सरगे एकी पुंझ़ा का दुजै पुंझ़ै तैणीं च़ऊ दिशा का तिंयां ज़ुंण परमेशरै आसा छ़ांटै दै।
"तैही रहै तम्हैं बिऊंतै, किल्हैकि तम्हां का निं इहअ थोघ आथी कि थारअ प्रभू कहा धैल़ी एछणअ। पर इहअ लआ समझ़ी कि, ज़ै घअरे मालका का इहअ थोघ हंदअ कि च़ोर केऊ पहरै एछणअ, तै रहणअ त तेऊ बिऊंतै संघा निं आपणैं घअरै च़ोरी हणैं दैणीं ती। इहै ई रहा तम्हैं बी हर बगत तैर्हुई। किल्हैकि हुंह मणछो पूत बी एछणअ तैहा घल़ी ज़ेभा लै तम्हैं सोठअ निं हणअ।
तिन्नां का सखाऊआ तम्हैं तिन्नां सोभी गल्ला मनणी ज़ुंण मंऐं तम्हां का आसा खोज़ी दी। ऐहा गल्ला लै रहै तम्हैं निहंचै, हुंह आसा संसार खतम हणैं तैणीं सदा तम्हां संघै।"
"ऐहा गल्लो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी अर नां पूता का। पर ऐहा गल्लो थोघ आसा सिधअ परमेशर बाब का।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
तिमोथी, ऐहा गल्ला दै धैन ज़ुंण मंऐं लाई ताखा खोज़ी, एऊ संसारे खिरीए धैल़ै हणैं बडै कठण बगत। लोग हणैं सिधै आप्पू च़ाहणैं आल़ै, तिंयां हणैं ढब्बै-धेल्ले मांण करनै आल़ै, शरेरै, घमंडी, दुजे बेइज़ती अर निंदा करनै आल़ै, ईजा-बाबा लै नशूंण। ज़ुंणी तिन्नें मज़त किई तिन्नों निं तिंयां शूकर बी करदै अर तिंयां परमेशरो अदर बी निं करदै। तिंयां निं होरी लै झ़ूरी करदै, तिंयां निं दुजै माफ करदै अर तिंयां लाआ होरी लै दोश, तिंयां निं आप्पू बशै डाही सकदै, तिंयां दैआ होरी लै कष्ट, ईंयां करा भलै का नफरत। तिंयां दैआ तिन्नां लै बी धोखअ ज़सरी तिन्नां हेर-सभाल़ पै लागा करनी। खातरै आल़ै कामां लै निं तिंयां इहअ बी सोठदै कि एतो नतिज़अ कै हणअ अर तिन्नां हआ घमंड अर परमेशरा लै निं तिंयां झ़ूरदै पर तिंयां झ़ूरा आपणैं सुख-भोग करना लै।
तिन्नां करनअ धर्मीं मणछ हणैंओ दखाअ पर तिन्नां निं परमेशरे सह शगती मनणी ज़ुंण तिन्नां धर्मीं बणाईं सका। इना इहै लोगा का रहै दूर।
परमेशर बोला इहअ ‘खिरीए धैल़ी’ हणअ इहअ,
‘मुंह दैणीं आपणीं आत्मां सोभी लै,
थारै शोहरू-शोहरी करनी मेरी गल्ला प्रगट,
थारै प्रोढै मणछा हणैं सुपनै
अर ज़ुआन मणछा हणैं धैन।
तेऊ ज़मानै ज़ुंण दास अर दासी बी होए,
तिन्नां लै बी दैणीं मुंह आपणीं आत्मां
अर तिन्नां बी करनअ मेरी गल्लो प्रच़ार।
उझै सरगै अर उंधै धरती दी रहैऊंणै मुंह चतैनगी दैणा लै नछ़ैण,
मुंह छ़ाडणैं लोहू, आग अर धूँए बादल़।
ज़ेभै मुंह बिधाते सह महान अर सिध्द धैल़ी एछणी,
सुरज़ फिरनअ न्हैरअ अर ज़ोथ हणीं लोहू ज़ेही लाल।’
"‘पर ज़ुंण बी प्रभू का मज़त मांगे, सह जाणअ बच़ी।’
इना गल्ला हणैं बाद दैणीं मुंह आपणीं आत्मां सोभी लै,
थारै शोहरू-शोहरी करनी मेरी गल्ला प्रगट,
थारै प्रोढै मणछा हणैं सुपनै
अर ज़ुआन मणछा हणैं धैन।
तेऊ ज़मानै ज़ुंण दास अर दासी बी होए,
तिन्नां लै बी दैणीं मुंह आपणीं आत्मां।
तेखअ बोलअ तेऊ स्वर्ग दूतै मुल्है इहअ ज़ुंणी बाछे झिकल़ै तै बान्हैं दै, "तेखअ एछणअ मिकाईल ज़ुंण परमेशरो महान स्वर्ग दूत आसा। सह आसा तिन्नां प्रैंदै प्रधान सैनापति ज़ुंण स्वर्ग दूत तेरै लोगे फाज़त करा। ज़ेभै सह प्रगट हणअ, तेभै हणीं खास्सी आफ़त। थारअ देश बणनैं ओर्ही तैहा धैल़ी तैणीं निं तेही आफ़त कधि पल़ी। पर थारै आपणैं लोगा मांझ़ै जाणैं कई लोग तैहा आफ़ता का बच़ी। ईंयां बच़णैं तिंयां ई ज़सरै नाअं परमेशरे कताबा दी आसा दर्ज़ किऐ दै। कई ज़ुंण मरी हणैं गऐ दै, तिंयां हणैं भिई। कोऐ भेटणीं सदा लै ज़िन्दगी अर कोऐ हणैं सदा लै शर्मिंदै। ज़ुंण अक्ली आल़ै मणछ होए तिन्नां का लागणअ सरगे तारै ज़िहअ च़लकार। ज़ुंणीं धर्मीं सोभी का धर्म करनअ सखाऊअ, तिंयां बी च़मकणै सदा तिहै ई।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
किल्हैकि हाम्हैं बोला प्रभूए बैणे साबै तम्हां लै कि हाम्हैं ज़ुंण अज़ी बी ज़िऊंदै आसा, ज़ेभै प्रभू फिरी एछणअ तेभै निं हाम्हैं तेऊ सेटा मिलदै तिन्नां का आजू डेऊणैं ज़ुंण विश्वासी मरी आसा गऐ दै।
किल्हैकि प्रभू ईशू मसीहा होथणअ आप्पै स्वर्गा का, तेभै शुणनअ अर प्रधान स्वर्ग दूतो बोल अर परमेशरे नाद बाज़णीं, अर ज़ुंण विश्वासी मरी आसा गऐ दै, तिंयां हणैं पैहलै ज़िऊंदै। तेखअ हाम्हैं ज़ुंण ज़िऊंदै अर बच़ै दै आसा, तेखअ च़कणै हाम्हैं बी तिन्नां संघै उझै बादल़ा दी प्रभू सेटा मिलदै अर तेभा पोर्ही रहणैं हाम्हैं सदा प्रभू संघै। इहअ करै करा इना गल्ला करै एकी-दुजै लै हैअ दैई।
तैही निं होरी ज़िहै सुत्ती रहा, पर बिहुदै अर चतैन रहा। किल्हैकि ज़ुंण सुत्ती रहा, तिंयां रहा राची ई सुत्ती अर ज़ुंण शराबी हआ तिंयां बी झुटा शराब राची। पर हाम्हैं आसा धैल़ीए, तैही रहा सुफी। विश्वास अर झ़ूरी डाहा ज़ुंण म्हारी फाज़त करा ज़िहअ सपाही टोप अर हीकबंद बान्हीं आपणीं फाज़त करा। तम्हैं डाहा एही आशा कि हाम्हैं आसा सदा रहणैं आल़ी सज़ा का बच़ाऊई हेरै दै ज़िहअ सपाहीओ टोप तेऊए फाज़त करा।
किल्हैकि परमेशरै निं हाम्हैं सज़ा दैणा लै आथी छ़ांटै दै, पर हाम्हैं आसा एते तैणीं डाहै दै कि हाम्हां मसीहा ईशू करै उद्धार भेटे।
"एता लै रहै चतैन, इहअ निं हआ कि थारै मन्न पेठे कबाता अर राल़ै-मताल़ै हई ऐहा संसारे ज़िन्दगीओ फिकर करी ढिलै होए, अर सह धैल़ी एछा तम्हां लै नभैऊशै ज़िऊआ लै ज़ज़ाल़ ज़िहअ। किल्हैकि सह एछणी सारी पृथूई दी सोभी लै बराबर।
"बिऊंतै रहै अर हर बगत रहै प्राथणां करदै लागी कि तम्हैं एछणैं आल़ी सारी खरी का बच़े, मुंह मणछे पूते सम्हनै खल़ै हणैं जोगी हई सके।"
मेरै पैरै साथीओ, ऐहा गल्ला निं कधि बिस्सरी कि परमेशरे एक धैल़ी हआ हज़ार साला ज़ेही अर हज़ार साला हआ एकी धैल़ी ज़ेही। तेऊ लै आसा एक धैल़ी अर हज़ार साला दुहै एक बराबर।
कई लोग सोठा इहअ कि प्रभू आसा आपणीं फिरी एछणें करारा पूरी करना लै बल़ैग पांदअ लागअ द। पर प्रभू निं एऊ साबै बल़ैग करदअ आथी लागअ द। तेऊ आसा तम्हां लै सबर डाहअ द। किल्हैकि सह निं कोही बरैबाद करनअ च़ाहंदअ। पर सह च़ाहा इहअ कि हरेक मणछ आपणैं पापो प्राश्त करे अर परमेशरा सेटा फिरी एछे।
पर मसीहा एछणअ पाक्कै दी फिरी अर सह एछणअ नभैऊशै, ज़िहअ च़ोर एछा। तैहा धैल़ी हणीं सरगै गुल़ूबिज़ल़ू करै बडी छ़ेल़ अर सरग निं शुझणअ। सरगे सोभै च़िज़ा सुरज़, ज़ोथ अर तारै दझ़णैं पठी। तैहा धैल़ी करनी परमेशरा लोगे तिंयां गल्ला प्रगट ज़ुंण तिन्नैं संसारै रहंदी किई ती अर तेतो हणअ नसाफ।
अह गल्ल आसा पाक्की कि परमेशरा करनी सोभै गल्ला इहअ करै खतम, तै आसा तम्हां का थोघ कि थारअ बभार किहअ लोल़ी हुअ। थारअ बभार लोल़ी धर्मीं अर पबित्र हुअ अर थारै हर कामां करै लोल़ी परमेशर खुश हुअ। आपणअ बभार डाहा तिहअ ज़िहअ तम्हैं आशा डाही तैहा धैल़ी न्हैल़ै आसा लागै दै ज़ुंण परमेशरै मसीहा फिरी एछणा लै आसा छ़ांटी दी। तैहा धैल़ी छ़ेक्कै एछणा लै करा पूरी कोशिश। तैहा धैल़ी दहणअ परमेशरा सरग आगी करै अर सुरज़, ज़ोथ अर तारै गल़णै तैहा आगीए घमास्सा करै।
पर हाम्हां विश्वासी आसा परमेशरा का एही आशा कि तेऊ बणाणैं नऊंअ सरग अर पृथूई ज़िहअ तेऊ बाहिदअ आसा किअ द। तिधी रहणैं सिधै धर्मीं मणछ।
एऊ गुप्त भेदे बारै शूणां, हाम्हैं निं सोभै मरनै, ज़ेभै खिरीए नाद बाज़णीं तेभै बधल़णीं म्हारी देही एकी पला भितरी। ज़ेभै तैहा नादे छ़ेल़ हणीं तेभै हणैं मूंऐं दै सदा लै ज़िऊंदै तिंयां रहणैं सदा ज़िऊंदै अर हाम्हां सोभी लै भेटणअ होर रूप अर काया।
बिधाता बोलअ इहअ, "मुंह बणाईं नऊंईं पृथूई अर नऊंअ भ्रमंड। ज़ुंण बी एता आजी थिई, तिंयां बिस्सर्नी पठी। खुश हआ अर सदा करा नंद। ज़ुंण नऊंअ एरुशलेम मुंह बणाणअं, तेथ हणीं नंद अर तैहा नगरीए लोग रहणैं सोभ खुश। हुंह आप्पू बी हणअ एरुशलेम नगरी अर तेते परज़ा करै खुश। तेथ निं तेखअ कधि लेर-पकार अर दुख-तकलिफी हणीं।
"सह महान धैल़ी ज़ेभै मुंह बिधाता संसारे लोगो नसाफ करदै एछणअ, सह एछणी ज़रूर। सज़ा एछणी आगीए दरैऊआ ज़ेही अर आग भकी दी भठी ज़ेही। कदुष्ट काम करनै आल़ै घमंडी मणछ हणैं तेता करै खतम। तिंयां करनै इहै खतम ज़ेही आग शुक्कै घाहा दहा। तेखअ निं किछ़ बच़णअ।
"पर ज़ुंण मेरअ अदर करा, तिन्नां लै निं इहअ हणअ। तम्हां बच़ाऊंणे मेरी शगती निखल़णीं तम्हां लै सुरज़ा ज़ेही अर तेते धुप्पै करै हणैं तम्हैं नरोगै। तम्हैं हणैं आज़ाद अर खुश ज़िहअ खुढे गल़ैऊंडी का खोल्हअ द बाछ़ू पटिक्कल़ै दैआ।
तेखअ भाल़अ मंऐं नऊंअ सरग अर नऊंईं पृथूई किल्हैकि पैहलअ सरग अर पृथूई हुई खतम अर समुंदर बी निं रहअ।
तेखअ भाल़ी मंऐं पबित्र नगरी एरुशलेम स्वर्गा का परमेशरा सेटा का होथदी, अर सह थिई लाल़ी ज़ेही सज़ाऊई दी, ज़ुंण आपणैं लाल़ै लै हार शंगार किई दी हआ। तेखअ शूणअ मंऐं राज़गाद्दी सेटा का एक ज़ोरै इहअ बोल्दअ, "भाल़, एभा पोर्ही बस्सणअ परमेशर मणछा जैंदरी, अर तेऊ करनअ तिन्नां मांझ़ै बसेरअ, अर तिंयां हणैं तेऊए परज़ा अर परमेशरा रहणअ आप्पू ई तिन्नां संघै अर सह ई हणअ तिन्नों परमेशर।
"तेऊ टुशणैं तिन्नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्ला ती, तिंयां सोभै गल्ला हणीं खतम।"