Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
E peenaw thehoypaw hynh minphuin hae balyn kalan ccaekia lang laephi pynpi kya oun ho cih hae; tukoute athangnaw tuh yn thua cih.
"Tuin ccyh kya-e teingnaw koute
vaekheihmawte khuanin tuh
yn moh cih zah sawpaw mah
yn aw vae lan khyh,
te awsi hae tuh vaawlui kyate
oun ccah cih hae zah
vaawlang e thungnaw hae balyn tuh
oun hy vae cih hae.
Tetuh Ccungccaw Ccapaw kya-e muihsahnaw kha vaawlang kya yn langkuh cih; laephi vaw e minphuin hae balyn tuh oun rah oun khui cih hae, te Ccungccaw Ccapaw tuh thungnaw te alesaepaw phu-enaw ryte vaawlang e maeking kya yn rungpaw kha oun muih vae cih hae. Te myarya ccaepaw mungkae roi ryte a vaaw hae kha yn saw cih hae zah amaw nynh a po hae paw kha minmin nynh laephi ki kipali kyate, vaawlang athangnaw san kheit kyate san kheit kyacia oun pum cih hae.
Tukeiccuze nae Bawipaw tuh hohtuh nin nynh yn thua cih cipaw kha na ny khyh oh keiccuze paccynkute la ngaw oh. Thuasalama e hynh nyh oh; inn hoitupaw nynh miruh yn thua lanpaw accyh kha a ny ze, miruh nynh a inn kha a kiabia khyh nawlan phang a ngaw cih. Tukeiccuze nanning mah raeringkute um oh, pawccecize na tua khyh oh ccyh lyakhe Ccungccaw Ccapaw tuh yn thua cih.
Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um," cite a zuitu hae kha a hopya hae. Amen.
"Thuasalama tuh-e nin te ccyh tuh hum nynh sanmah nyh khyh, vaawlang umpaw vaaw hae te Ccapaw nynh mah nyh khyh hae, Paaw rou nynh a nyh.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Nyathya nin kya tuh vawsawnaw ccyh yn thua cih cipaw kha la nyh. Pawccecize ccungccaw hae tuh mimaw a sungsakuh hae paw, phua a duaa hae paw, a pookuh hae paw, a lysakuh hae paw, milae thethya ho hae paw, nungpaaw kawngae lei hae paw, lungtuabya a hothya lei hae paw, athyaa lei hae paw, sungsahnaw hoi lei hae paw, ccungccaw ngaethya lei hae paw, milae thanho hae paw, a sungkuh kho lei hae paw, eih rei kaesy hae paw, ahoypaw a hua hae paw, lungzi lei hae paw, paw peki lei hae paw, a lysakuh hae paw, Pachia sungsahpaw laeze hoysahnaw a ryhua hae paw, Pachia rawrihpaw o-ang lante a umsaku hae zemah tuh-e thungnaw kha a vua hae paw nynh thua hae. Tuhcihawpaw ccungccaw hae kha la sibia hae.
‘Pachia nynh a hopaw tuh,
nyathya nin kya hynhte yn cyihkuh cih.
Ccungccaw balyn tungvaw kya
ka Muisaw ka bu cih;
nae ccapaw hae te
nae ccanung hae nynh
profehbya a ho cih hae,
nae paawpi hae nynh
maan a sah cih hae.
Tuin nin kya vae tuh,
ka seenung hae te
ka seepaw hae kya heize
ka Muisaw kha ka bu cih zah
profehbya a ho cih hae.
Luki lang vaawlui kya
ngaeangnaw hae kha ka langsah cih zah
akaw lang laephi vawlan chii,
maee te maeekhuh muihsahnaw hae
ka langsah cih.
Bawipaw kya-e alesaepaw te
aphu-epaw nin a thua mawkhe
khuanin tuh amoh cih zah
sawpaw tuh chiise lang yn tang cih.
Tetuh Bawipaw min
a kopaw miakaw tuh
khum athua cih,’ a ci.
Tukoute ccungccaw balyn
tungvaw kya ka muisaw ka bu cih;
nae ccapaw hae te nae ccanung hae nynh
profehbya a ho cih hae,
nae paawpi hae nynh
maan a sah cih hae zah,
nae ccangvae hae nynh
vizin hae kha a muih cih hae.
Tuin nin kya vae tuh,
seenung hae te seepaw hae kya heize
ka muisaw kha ka bu cih.
"Tuh ccyh lyatuin, na minphuin hae thungkhawtu, bawi lepaw Mikhael tuh yn langkuh cih. Minphuin hae a um takaw hae te a um boi leipaw lungriathaenaw ccyh tuh yn thua cih. Thuasalama tuh ccyh lyatuin, ccauh kya a min zei athuapaw na minphuin hae miakaw tuh luesah athua cih hae. Laenoi kya a ih hae paw patae tuh oun tho cih hae, abang tuh zungzae hiinnaw te a tho cih hae zah, abang tuh maethyanaw te zungzae theihryakunaw khate a tho cih hae. Mihaw hae tuh vaawlui a awpaw hawte a aw cih hae zah, ccungccaw patae kha dingnaw kalan a cciakhae hae paw tuh awsi hawte zungzae te zungzae cia a aw cih hae.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Kaening nynh Bawipaw bya liate e hynh kae hopya oh: Bawipaw yn thua cia ah hiinhy oh paw aening nynh a chih vae hae paw kha laan ah thoih lan khyh oh. Pawccecize Bawipaw amaw tuh kawpyanaw roi, vaaw hae lakuze lupi athuapaw roi te Pachia mungkae roi ryte vaawlang te yn rungbung cih. Tetuh Khri kya a chih hae paw tuh masaty oun tho cih hae. Tukoute ah hiinhy oh paw aening tuh vaawlang kya Bawipaw te tungku khylan minmin ryte pynkheihlan maeking kya hangthung ah thua cih oh, tetuh Bawipaw ryte zungzae umkheih lan vae. Tukeiccuze hynh-e bya hae hynhte lu kheit te lu kheit thawzung la pyakuh oh.
Tukeiccuze ming hae nynh a i hae hawte ih nan oh sih, aening tuh raeringkuh oh sih lah, hawrarih lan um oh sih. Pawccecize a ih hae paw tuh khuazi nynh a i hae, a rui hae paw mah khuazi nynh a rui hae. Thuasalama aening tuh khuadae te ah seku oh keiccuze hawrarih lan um oh sih, zynnaw te sungsakunaw kya-e bykhaw khate ccaankuh oh sih lah, khumnaw kya-e ngaehoinaw sivawlukhung kha khungkuh oh sih. Pawccecize Pachia nynh a thinrianaw kha teing khylan aening kha oun paccyn khyh; ah Bawipaw Jesu Khri liate khumnaw mue khylan nynh oun paccyn.
"La raeringkuh oh, tuhkhyhze tuh hoysahnaw, zu-aenaw te hynh-e hiinnaw elang thinphangnaw khate nae thinlung tuh a vawsaw cih, te tualeipite tuh-e nin nynh ae thuanua cih oh. Pawccecize tuh-e nin tuh laephi pynpi kya ccungccaw balyn tungvaw khe kaang hawte yn thua cih. Yn thua cih paw uccaw balyn kyate na lue kho nawlan oh te Ccungccaw Ccapaw malang na thadyn kho nawlan oh raeringkute tyty um oh lah sawsang oh," a ci.
Thuasalama sungsah hae, Bawipaw hanlan nin kheit tuh kum thong kheit hawte, kum thong kheit tuh nin kheit hawte athuapaw hynh-e uccaw ccangkheit hynh ning nan oh. Ccungccaw abang nynh a thysung cite a tua hae hawte, Bawipaw tuh byakinpyakunaw kong lante a thysung khyh. Lu kheit san ro leite ccungccaw balyn a ngaesiku nawlan hae a ry keiccu nynh aening kya a lungsae. Thuasalama Bawipaw Nin tuh khuazi kya miruh a thua hawte nynh yn thua cih. Tuh-e Nin kya vaawlang tuh myarya ccaepaw siaruanaw khate azo cih, vaawlang a umpaw uccaw hae tuh maee nynh oun u cih hae zah marya oun roh cih. Laephi te a vawlan um hae paw mah phe athang cih hae.
E uccaw hae balyn tuh ro athua cih keiccuze athyaapaw hiinzia te Pachia rawrinaw kya pawcihawpaw ccungccaw lang mou thua lan na ccan oh? Pachia Nin yn thua lanpaw kha na ngaw oh keiccuze tuh-e Nin tuh arangte yn thuasah nawlan hoyte zuakuh oh. Tuh-e nin kya vaawlang tuh maee te ro athua cih, vaawlang e uccaw hae kha maee nynh oun u cih hae. Tuhzemah aening tuh bya oun kinpyaku thyhte dingnaw a umnaw vaaw thawpaw te laephi thawpaw kha nynh ah ngaw oh.
Ngaetua oh, byakhupaw ccangkheit kae hopah oh! Aening ah balynte marya chi lei lan, thuasalama aening balyn tuh nyathyakou mungkae yn ccae te, sosohtari kya, mitsiphalah kya marya rulae ah thua cih oh. Pawccecize mungkae roi yn ccae cih zah a chih hae paw kha aroh kho leipaw lante thosathui athua cih hae zah aening tuh rulae ah thua cih oh.
Vaaw thawpaw te laephi thawpaw kha
ka rae cih;
langmawlya e uccaw hae kha
liathui thua vae lan khyh,
tuathui mah thua vae lan khyh.
Ka rae lanpaw uccaw kyakhe
zungzae nae lungtua sah lah,
nae lungpaw sah;
pawccecize Jerusalem kha
lungpaw um lante ka rae cih zah,
a ccungccaw hae kha
lungrythua lante ka rae cih hae.
Jerusalem kya ka lungpaw cih zah,
ka ccungccaw hae tungvaw
ka lungrythua cih;
tuin kya rawkhuinaw roi te
lungvawsawnaw roi kha
thae thua vae lan khyh.
Somaee hawte asopaw nin tuh yn thua cih, a lysakuh hae paw te hoyleinaw a raetu hae balyn tuh ccatanphue athua cih hae; mih tharui te mih karan hae kha a laehypaw um lei lan ciate tuh-e nin nynh khaleih a u cih hae, cite vaaw Bawipaw nynh a ci. Thuasalama ka min saw na tua oh paw nanning hanlan tuh a sake kya dannaw a umpaw dingnaw khuanin yn thua cih. Sahiinkhia kyate vaetuataw hae thohkute a pou hae hawte lungtuate na pou cih oh.
Tukoute vaaw thawpaw te laephi thawpaw kha ka muih; pawccecize masaty vaaw te masaty laephi tuh zo hae zah rili mah um vae khyh. Athyaapaw khuapi athuapaw Jerusalem Thawpaw tuh a vawpaw hanlan a ccaankuhpaw akaepaw liaccanung hawte paccynkuh zah Pachia kyate vaawlang te yn rungbungpaw kha ka muih. Vaawlang te roi accaepaw nynh,
"Dotua oh, Pachia nynh
a umnawpaw bu tuh
ccungccaw hae kya um zah,
Pachia tuh minmin ryte a um vae cih;
minmin tuh a ccungccaw hae
athua vae cih hae.
Pachia tuh minmin ryte a um cih zah
mih Pachia athua vae cih.
Pachia nynh mih mit kyate
mitphi balyn kha a hupah cih hae.
Chinaw um vae lan khyh.
Ngaethyanaw, rawnaw te ccinaw
um vae lan khyh;
pawccecize langmawlya e
uccaw hae tuh pong azo vae hae,"
cite a hopaw kha ka thae.