9 प्रभुए माखे बोलेया, "मेरी कृपा ताखे बऊत ए; कऊँकि मेरी सामर्थ कमजोरिया रे बऊत अच्छा काम करोई।" इजी री खातर आऊँ बड़ी खुशिया साथे आपणी कमजोरिया पाँदे कमण्ड करूँगा ताकि मसीह री सामर्थ मां पाँदे छांएं करदी रओ।

10 इजी बजअ ते आऊँ मसीह री खातर कमजोरिया रे, निन्दा रे, गरीबिया रे, उपद्रवो रे और मुसीबता रे खुश ए; कऊँकि जेबे आऊँ कमजोर ओऊँआ, तेबे मसीह री सामर्था ते तागतबर ओऊँआ।

7 परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।

13 मसीह रे जरिए जो माखे सामर्थ देओआ तिदे आऊँ सब कुछ करी सकूँआ।

29 से थके रेया खे तागत देयोआ ओर कमजोरा खे शक्ति देयोआ।

26 मेरा शरीर ओर दिल चाए दोनो आरी जाओ;

पर परमेशर, तूँ सदा मेरे दिलो री चट्टान ओर इस्सा ए।

3 गरीब ओर अनाथा रा न्याय चुकाओ,

जरूरतमंदा ओर बेसहारा खे बेकसूर सिद्ध करो।

7 आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।

28 ओ सब मईणत करने वाल़ेयो! और बोजे की दबे रे लोको, मांगे आओ, मां तुसा खे राम देणा।

26 ईंयां ई पवित्र आत्मा बी आसा री मताद करोआ जेबे परमेशरो पाँदे आसा रा विश्वास कमजोर ओआ। कऊँकि आसे नि जाणदे कि प्रार्थना किंयाँ करनी चाईयो। पर पवित्र आत्मा आपू ई एड़िया आहें परी-परी की, जो बखाण नि करी सकदे, आसा खे बिनती करोआ।

15 कऊँकि आसा रा प्रदान पुरोईत एड़ा निए, जो म्हारी कमजोरिया रे आसा साथे दु:खी नि ऊई सको, बल्कि से सबी गल्ला रे आसा जेड़ा परखेया, तेबे बी पापी नि निकल़ेया।

41 जागदे रओ और प्रार्थना करदे रओ कि केथी तुसे परीक्षा रे नि पड़ी जाओ; आत्मा तो त्यार ए, पर शरीर कमजोर ए।"

22 मनो री खुशी ई सबी ते बड़ी दवा ए, पर जेबे मन टूटोआ तेबे आड्डिया बी सूकी जाओईया।

8 तिना लोका रिया तरफा ते बोल जो आपू खे नि बचाई सकदे,

ओर सबी अनाथा रा न्याय ठीक-टंगो रे करेया कर।