10 कऊँकि पैसे रा लाल़च सब प्रकारा री बुराईया री जड़ ए। इजी रे लाल़चो रे पड़ी की कुछ लोक तो विश्वासो ते पटकी गे और आपणे आपू खे कई प्रकारो रे दु:खो री छानणी बणाईता रा।

9 पर जो अमीर ऊणा चाओए, सेयो एड़ी परीक्षा और फंदे रे, बऊत मूर्खता और आनिकारक लालसा रे फसोए, जो माणूंआ खे बिगाड़ी देओईया और नाशो रे समुद्रो रे डूबाई देओईया।

24 "कोई बी माणूं एकी बखतो रे दो मालका री सेवा नि करी सकदा, कऊँकि तेस एकी साथे प्यार और दूजे साथे बैर राखणा या एकी साथे मिले रा रणा और दूजा तेस तुच्छ जाणना। तुसे परमेशर और धन दुँईं री सेवा नि करी सकदे।

5 इजी री खातर आपणी तिना शरीरो री इच्छा खे काई देओ, जो तरतिया पाँदे ए, मतलब-व्याभिचार, अशुद्धता, बुरी इच्छा, बुरी लालसा और लोब, जो मूर्तिपूजा रे बराबर ए।

3 जेड़ा परमेशरो रे लोका खे सई ए, तुसा लोका बीचे व्याभिचार और कोई बी अशुद्ध काम या लोबो री चर्चा तक नि ओ।

15 तेबे तिने तिना खे बोलेया, "चौकस रओ; और हर प्रकारा रे लोबो ते आपू खे बचाई की राखो, कऊँकि केसी री बी जिन्दगी, तेसरी सम्पतिया ते बड़ी नि ऊँदी।"

36 जे माणूंए खे सारी दुनिया मिली जाओ, और आपणे ई प्राण नि रओ, तो तेसखे क्या फाईदा?

19 "आपणी तँईं तरतिया पाँदे धन कट्ठा नि करो, जेती कीड़ा और केअट लगी जाओई और जेती चोरा खे पता लगी जाओआ और चोरी करोए। 20 पर आपू खे खरा काम करी की स्वर्गो रे धन कट्ठा करो, जेती ना कीड़ा लगो, ना खराब ओ, ना तेती चोरो खे पता लगोआ और ना ई चोरी करदे।

4 अमीर ऊणे खे जादा मईणत नि करनी,

आपणी समजा रा परोसा छाडणा।*

11 तोखे की कमाया रा तअन छोड़ ई खत्म ऊई जाओआ,

पर जो मईणत करोआ, तेसरी बढ़ोतरी ओई।

10 जो पैसेया साथे प्यार करोआ, तेसखे पैसेया साथे तसल्ली नि ऊणी ओर ना तेसखे जो जादा तअन-दौलता ते प्यार राखोआ तेतेरे फायदे ते। ये बी बेकार ए।

15 जिंयाँ से माया रे पेटो ते नांगा ई निकल़ेया, तिंयाँ ई से मरी बी जाणा; जेड़ा आया था ओर तेसखे आपणी मईणता रे बदले कुछ नि मिलणा, जेतेखे से आपणे आथो रे लई जाई सको।*

26 कोई एड़ा ए* जो पूरा दिन सोचेया ई करोआ,

पर तार्मिक माणूं दूजेया खे बऊत चीजा देणे खे त्यार रओआ।

6 इजी री खातर सरकारा खे मामला बी देओ, कऊँकि शासन करने वाल़े परमेशरो रे सेवक ए और सदा एसी कामो रे लगे रे रओए।

36 प्रभु, मेरे दिलो खे लाल़चो रिया तरफा खे नि,

पर आपणियां शिक्षा रिया तरफा खेई फेरी दे।