Ganância

10 Mbrə ə̂në əgo ngendja sə tə əshe aəmbrʉ aərə nɔ̂. Alabə̈ azü ə̂në əndje zâ əgo ngendja nə gâ tə̂ əndje kɔ, əndje tshî äwä əpʉ lɔsu nə tʉ gâ ye, â əndje də ə̂tə̂ əndje, əndje yî tə̂ əndje gâ lə aərə ə̂në ə djîngli tshelə akrɔ əndje kɔ gâ ye.

9 Bale, azü ə̂në əndje yində kə sɔtə̂ aərə tshepashɔ ngbatshe kɔ, əndje sə kə te gâ lə ərə ə̂në ə frɔ əndje kɔ, ə te gâ lə ə̂kû, ə te gâ lə adongo aəmbrʉ aəgo əndɨ nɔ̂ ə̂në ə sə kə ndɨ əzü, ə̂në ə sə kə na də əzü gâ tə̂ äwä kuzu kɔ.

E mä kosəra kʉ kə Ndjapä

24 «Ə̈bə̈ əyïkosəra lï lï ndə kə ma kosəra kə aâgbɔ̂ azü bishi ne. Mbrə ə̂në, tshelə ye sə kə yində ə̈bə̈ nə bale ə wəra tə̂ ye tə̂ bale nə, wala tshə sə kə wu bale nə tə amba əzü lə ala ye, â sə kə tɔ popo ə̈bə̈ nə bale. E lï lï ndə kə pa e vrɔ Ndjapä də ngendja äwä bale ne.»

5 Rəkɔ, e wö aərə nɔ̂ ə̂në ə sə lə e tə ənə̂ tshepashɔ kɔ gâ ye, mata kə mbrə ə̂trû, də kə mbrə ərə kene, də aəgo yïrə̈, də aəmbrʉ aəgo tə̂ lɔsu, gâ ndə əgo kə sɔtə̂ aərə, ə̂në ə sə tə ə̈bə̈ äwä kə vrɔ aamba andjapä kɔ.

3 E sə tə azü nə̂ Ndjapä, rəkɔ əpʉ kə mbrə ə̂trû də âkâ aəmbrʉ aərə gana nɔ̂ gâ ndə əgo aərə nɔ̂, əndje djï ndə nə djï lə takpa tə̂ e ne.

15 Mandânə, tshə pâ kə ə̂kpû azü nə ə pa: «E bäta tə̂ e ndə kə pa əgo kə sɔtə̂ aərə mi e mi ne, mbrə ə̂në sorô əzü sə sə lə aərə nə̂ ye ne, kədə tshə â sə də aərə â ro pâ nə.»

36 Kədə ə̈bə̈ əzü kə sɔtə̂ aərə tshepashɔ səye nɔ̂ â ndɨ əwu ye də ə̂tə̂ ye, ərə yekɔ də̂ tshə sə kə sɔtə̂ nə mandânə?

Əpʉ gâ pâ kə bata aərə mâ lafɔ

19 «E ngbö aərə nə̂ e ngbö gâ tə̂ nə pâ ashɔ səye ne. Pâ ashɔ səye, akɔ də ngbʉndji sə kə gba tshelə aərə, alayïangba sə kə ngɔ manda ə zɨ angba aərə. 20 Bale, e ngbö aərə nə̂ e gâ tə̂ nə mâ lafɔ-e, tə̂ ətshe ə̂në akɔ də ngbʉndji ndɨ ərə ndɨ tə̂ nə ne kɔ, alayïangba ngɔ manda ngɔ wala ə zɨ angba ərə zɨ tə̂ nə ne kɔ.

6 Mbrə nə ndje də̂ e piyi lapɔ kɔ. Mbrə ə̂në aaworɔ ngendja lapɔ nə sə tə alayïkosəra nə̂ Ndjapä, alɔ ə̂në əndje sə kə mbrə kosəra nə kɔ.