Guardar o coração

23 Kɛŋa pou wɔle na gyee n konɔɔ,

nawolo nyi ke man te n nyeedoŋ pou na lee.

Keyako kufu gyanaarate

26 Me bu, mo nya nyeempɔ fa maŋ,

na n ke yela me gbɛɛneŋ ka gyoo n sia,

Nyansa Na Mo Abɔɔ Kpaakpaa Kɔŋ

1 Me bu, na wolee me kawola ya,

mɔna mo ma mmaraase ŋan do n konɔɔ man.

2 Nawolo nyi ŋe gyae ke yela n kulutooneŋ ka bo,

na ka mo wosefɛɛreŋ kɔna neŋ.

10 Ao Wurubuarɛ, mo konɔɔ fereŋkyeŋte do maŋ,

na n ka mo feliŋ kpaakpaate do maŋ.

23 Wurubuarɛ, kɛo me man na n ka gyeŋ me konɔɔ man,

kɛɛse maŋ kɛɛ, na n ka gyeŋ ma nyeempɔ man.

24 Kɛɛ nyi mberem nombiikum daale doo me man,

na n ka mo maŋ ta gbɛɛ keŋ doo kekpaakekpaa nɛ man.

2 Degbeŋgyoo, kɛɛse maŋ kɛɛ na n ka gyoo me man,

gyoo me konɔɔ na ma nyeempɔ man kɛɛ.

3 Nawolo nyi n kegyae keŋ taŋ ɔto ya nɛ doo me siaman,

te me dɔŋ nya anokoare keŋ man.

3 Akpaa n gyoo me konɔɔ man kɛɛ,

te n gyoo me man nelim te n kɛɛse maŋ kɛɛ nɛ,

n be gyae n kena nombiikum daale me man ya,

me nɔɔ te kolosita nombiikum ya.

4 Balaŋ gyaewɔ nyi baa yo fa maŋ kolo,

mɔna me wɔŋa ma wose lee balaŋ kumɛɛ gbɛɛneŋ man,

lee nombia ŋan ba lee n nɔɔman dɔɔ.

5 N gbɛɛneŋ man te me dɔŋ debaŋ kamasɛ,

me nawɔɔ te kpaŋte lee n gbɛɛneŋ man ya.

7 Me wɔe bɛɛ lɔ maŋ ya, Ao Wurubuarɛ,

me wɔe bɛɛ lɔ maŋ ya,

maa kpee nɔɔneŋ kɛlɛɛ neŋ.

10 Me ta mo me konɔɔ pou mɛɛ kɛo neŋ,

na yele maa yo gbɛɛ lee nyaŋ mmaraase ŋan wɔle ya.

11 Me ta mo n nombia ŋan weese me konɔɔ man,

na mɔɔ nyiŋ yɛɛ dukum tia neŋ ya.