Guardar o coração

23 எல்லாவற்றிற்கும் மேலாக, உன் இருதயத்தைக் காத்துக்கொள்,

அதிலிருந்து நீ செய்யும் எல்லாமே உனது வாழ்வின் ஊற்றாகப் புறப்பட்டு வரும்.

பழமொழி 18

26 என் மகனே, உன் இருதயத்தை எனக்குக் கொடு;

உன் கண்கள் என் வழிகளைப் பின்பற்றுவதில் மகிழட்டும்.

ஞானம் நல்வாழ்வை அளிக்கிறது

1 என் மகனே, என் போதனைகளை மறவாதே,

என் கட்டளைகளை உன் இருதயத்தில் வைத்துக்கொள்.

2 அவை உனக்கு நீண்ட ஆயுளையும்,

சமாதான வாழ்வையும் கொண்டுவரும்.

45 நல்ல மனிதன் தன் இருதயத்தில் நிரப்பி வைத்திருக்கிற நன்மையிலிருந்து, நல்ல காரியங்களை வெளியே கொண்டுவருவான்; தீய மனிதன் தன் இருதயத்தில் நிரப்பி வைக்கப்பட்டிருக்கிற தீமையிலிருந்து, தீய காரியங்களை வெளியே கொண்டுவருவான். ஏனெனில் இருதயத்தின் நிறைவிலிருந்தே வாய் பேசும்.

10 இறைவனே, தூய்மையான இருதயத்தை என்னில் படைத்து,

நிலையான ஆவியை எனக்குள் புதுப்பியும்.

8 இருதயத்தில் தூய்மை உள்ளவர்கள் ஆசீர்வதிக்கப்பட்டவர்கள்,

அவர்கள் இறைவனைக் காண்பார்கள்.

23 இறைவனே, என்னை ஆராய்ந்து என் இருதயத்தை அறிந்துகொள்ளும்;

என்னை சோதித்து என் வருத்தமான சிந்தனைகளை அறிந்துகொள்ளும்.

24 உம்மை வருந்தும்படிச் செய்யும் வழி ஏதாவது என்னில் உண்டோ என்று பார்த்து,

நித்திய வழியிலே என்னை நடத்தும்.

2 யெகோவாவே, என்னைச் சோதியும், என்னைப் பரிசோதித்துப் பாரும்,

என் இருதயத்தையும் என் மனதையும் ஆராய்ந்து பாரும்;

3 ஏனெனில் உமது உடன்படிக்கையின் அன்பு

எப்பொழுதும் என் கண்களுக்கு முன்பாக இருக்கிறது;

நான் உமது சத்தியத்தின்படியே வாழ்கிறேன்.

3 நீர் என் உள்ளத்தை ஆராய்ந்து பார்த்தாலும்,

இரவில் என்னைச் சோதித்தாலும்,

நீர் எந்தத் தீங்கையும் கண்டுபிடிக்கமாட்டீர்;

என் வாயினால் நான் பாவம் செய்யமாட்டேனென்று தீர்மானித்திருக்கிறேன்.

4 மனிதர்கள் என்னைத் தீமைசெய்ய வற்புறுத்தினாலும்,

உமது உதடுகளின் கட்டளையினால் வன்முறையாளர்களின் வழிகளிலிருந்து,

என்னை விலக்கிக் காத்துக்கொண்டேன்.

5 உம்முடைய வழிகளை, என் காலடிகள் உறுதியாய்ப் பற்றிக்கொண்டன;

என்னுடைய பாதங்கள் தடுமாறவில்லை.

7 என் இருதயம் உறுதியாயிருக்கிறது,

இறைவனே, என் இருதயம் உறுதியாயிருக்கிறது;

நான் இசையமைத்துப் பாடுவேன்.

2 இனிமேலும் இந்த உலகத்தின் மாதிரிகளுக்கு ஒத்து நடவாதேயுங்கள். இறைவனால் உங்கள் மனங்களில் ஆழமாக புதுப்பிக்கப்பட்டு, உங்கள் இயல்பில் மாறுதல் அடையுங்கள். அப்பொழுதே நீங்கள் சிறந்ததும், அவரைப் பிரியப்படுத்துகிறதும், முழுநிறைவானதுமான இறைவனுடைய சித்தம் என்ன என்பதை நடைமுறையில் அறிந்துகொள்வீர்கள்.

8 இந்த சட்டத்தின் புத்தகத்தை* உன் வாயிலிருந்து விலக்காமல் தொடர்ந்துபடி; அதில் எழுதியிருக்கிற யாவற்றையும் செய்யக் கவனமாயிருக்கும்படி, அதில் இரவும் பகலும் தியானமாய் இரு. அப்பொழுது நீ செய்யும் எல்லாவற்றிலும் செழித்து வெற்றிபெறுவாய்.

10 நான் முழு இருதயத்தோடு உம்மைத் தேடுகிறேன்;

உமது கட்டளைகளில் இருந்து என்னை வழிவிலகிப் போகவிடாதேயும்.

11 நான் உமக்கு எதிராய் பாவம் செய்யாதிருக்கும்படி,

உமது வார்த்தையை என் இருதயத்தில் மறைத்து வைத்திருக்கிறேன்.

5 உன் இறைவனாகிய யெகோவாவிடத்தில் உன் முழு இருதயத்தோடும், உன் முழு ஆத்துமாவோடும், உன் முழுப் பெலத்தோடும் அன்பு செலுத்து. 6 இன்று நான் உங்களுக்குக் கொடுக்கும் கட்டளைகள் உங்கள் இருதயத்தில் இருக்கவேண்டும்.

46 அவன் அவர்களிடம், "நான் இன்று பயபக்தியுடன் உங்களுக்கு அறிவித்த இந்த வார்த்தைகளை உங்கள் இருதயத்தில் பதித்துக்கொள்ளுங்கள். இந்த சட்டத்தின் வார்த்தைகளுக்கெல்லாம் கவனமாய் கீழ்ப்படியும்படி உங்கள் பிள்ளைகளுக்கும் கட்டளையிடுங்கள்.

6 எதைப்பற்றியும் கவலைப்பட வேண்டாம். ஆனால் எல்லாவற்றிலும் நன்றி செலுத்துவதோடு, உங்கள் விண்ணப்பங்களை, மன்றாட்டினாலும், வேண்டுதலினாலும் இறைவனிடம் அர்ப்பணியுங்கள். 7 அப்பொழுது, விளங்கிக்கொள்ளும் ஆற்றலுக்கு அப்பாற்பட்ட இறைவனுடைய சமாதானமும், அமைதியும் உங்கள் இருதயங்களையும், மனங்களையும் கிறிஸ்து இயேசுவில் காத்துக்கொள்ளும்.

8 இறைவனுக்கு அருகில் வாருங்கள், அவரும் உங்களருகே வருவார். பாவிகளே, உங்கள் கைகளைக் கழுவுங்கள். இருமனம் உள்ளவர்களே, உங்கள் இருதயங்களைச் சுத்திகரித்துக் கொள்ளுங்கள்.

8 நீங்களும் பொறுமையுடையவர்களாய், உறுதியுடன் நில்லுங்கள். ஏனெனில் கர்த்தருடைய வருகை நெருங்கி இருக்கிறது.

பரிசுத்த வாழ்வுக்கு நிபந்தனைகள்

1 நீங்கள் கிறிஸ்துவுடனேகூட உயிருடன் எழுப்பப்பட்டிருக்கிறபடியால், பரலோக காரியங்களிலேயே நாட்டம் உடையவர்களாயிருங்கள். அங்கே கிறிஸ்து, இறைவனுடைய வலதுபக்கத்தில் உட்கார்ந்திருக்கிறார்.