Homem de Deus

Palɔ mʉ̂ əpʉ kə Timɔte

11 Ə də̂ ənə̂ zə, əzü nə̂ Ndjapä, kpë äwä aərə səkɔ. Grɔ̈ də̂ äwä kə mbrə ərə də äwänə, äwä kə tɔ popo Ndjapä, äwä əpʉ lɔsu, äwä kə yi tə̂, äwä kə kânga lɔsu lə aərə, də äwä zɨtɨ lɔsu.

Kə mbrə tə̂ zə sə̈ tə ə̂rɔ̂ ərə mbrə azü nə̂ Ndjapä

12 Mbrə̈ ndə kə pa ə̈bə̈ əzü bale wu wu əbə lə ala ye tə əgblə ne, bale sə̈ tə ə̈bə̈ ə̂rɔ̂ ərə tə̂ äwä əpʉ ama zə də kə mbrə tə̂ zə də kə yində azü də əpʉ lɔsu zə də äwä kə sə əbə mvo ndə kə pa azü ə̂në əndje zâ lɔsu əndje kə Ndjapä gâ ye kɔ, əndje wu ə mbrə tə̂ əndje mata əbə.

Aə̂dû aəpʉ gâ ndə əpʉ kə bla ətshe

13 Ala e gbɔ̈, e kä gâ pâ əpʉ lɔsu e! E mbrə̈ tə̂ e tə akoshe ə gbɔ̈ ə gbɔ̈! 14 E mbrə̈ aərə nə̂ e nɔ̂ tə̂ äwä kə yi tə̂ e!

6 Ə̈bə̈ koshe sə̂ je ə̂në Ndjapä wlâ ətshə, əɨrɨ ye kə də̂ Zââ. 7 Tshə nâ tə əzü ə̂në tshə na ndə kə pa ndə əpʉ ərə nə, ndə kə pa ndə əpʉ ə̂yîəwo nə, kanika azü nɔ̂ za lɔsu əndje kə Ndjapä tə̂ äwä ye.

12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä. 13 Əndje zû əndje zû tə̂ äwä ə̈ndjï, wala tə̂ äwä əgo əndu əzü wala tə̂ äwä ərə ə̂në tshelə əzü kə yində nə kɔ ne, bale əndje zû əndje tə̂ äwä Ndjapä.

31 A wusə̂ nə ə pa Ndjapä sə sə kə dji alayïnyaka ne. Bale, kədə ə̈bə̈ əzü kə sə kə kpe rawa Ndjapä â sə kə mbrə ərə ə̂në tshelə ye yində nə kɔ, Ndjapä nə sə kə dji əpʉ nə̂ ye.

22 Rəkɔ, e lï ndə kə pa e wəra tə̂ e tə̂ kə mbrə tə̂ e leme-e ətshinə kɔ ə verə angbrɔ kə sə e mata agba ləba gâ tʉ, ə̂në aəgo nə sə kə frɔ əzü ndə kə na də ətshə gâ tə̂ kuzu kɔ. 23 E kätə̂ äwä kə Âgbɔ̂ Yîrə̂ tshə do kə wusə̂ ərə nə̂ e tə tafa nə. 24 E yï tafa kə sə əzü gâ tə̂ e mata tafa ləba, ə̂në Ndjapä nə mbrə̂ gâ ye ə ko ətshə kɔ â ə̂në ə sə tə̂ äwä kə mbrə ərə də äwänə də kə sə kpî mbrə Ndjapä nə kɔ, Lïndə̂ djatra əpʉ.