26 फिरी परमेशरे ज़ोवं, "अस मैन्हु अपने रूपे मां ते अपनो ज़ेरो बनाम; ते तैना समुन्दरेरी मेछ़लन, ते अम्बरेरे च़ुड़ोलन, ते पैलतू जानबरन, ते सारे धेरती पुड़, ते सब रेंगनेबाले जीप जन्तून पुड़ ज़ैना ज़मीनी पुड़ पेटेरे भार च़लने बालेन, अधिकार रखन।" 27 तैखन परमेशरे अपने रूपे मां इन्सानेरी रच़ना की, ते अपने रूपे मां परमेशरे इन्सानेरी रच़ना की; नर ते नारी बनेइतां तैनी तैन केरि रच़ना की।

8 तैखन यहोवा परमेशर, ज़ै ड्लवझ़रे ठंडे वक्ते बागी मां एइतो थियो, तैसेरी आवाज़ तैनेईं शुनी। तैखन आदम ते तैसेरी कौन्श बागरे बुट्टन मांमेइं यहोवा परमेशरे करां छ़ेप्पी जेआं।

12 एल्हेरेलेइ ज़ेन्च़रे एक्‍की मैन्हेरे ज़िरिये यानी आदमेरे ज़िरिये पाप दुनियाई मां अव, ते पापे सेइं मौत आई, ते एन्च़रे मौत सेब्भी मैन्हन मां फैली। किजोकि सेब्भेईं पाप कियो।

45 पवित्रशास्त्रे मां इन भी लिखेरूए, "कि पेइलो मैन्हु, मतलब आदम, ज़ींतो प्राणी बनो," त आखरी आदम, यानी मसीह, हमेशारी ज़िन्दगी देनेबालो बनो। 46 मासे ते खूने सेइं साथी पेइले जिसम वजूदे मांए फिरी तैना जिसम ज़ैना परमेशरेरो आत्मा देते। 47 पेइलो मैन्हु ज़मीनरो मतलब मित्ती सेइं बनोरो थियो, तेन्च़रे दूइयोवं मैन्हु यानी मसीह, सुर्गेरां एवरो थियो। 48 लोक ज़ैना इस धेरतरेन तैना धेरतरे पेइले मैन्हु आदमेरे ज़ेरेन। पन ज़ैना लोक सुर्गेरेन तैना सुर्गेरे मैन्हु यानी मसीहेरे ज़ेरे आन। 49 ते ज़ेन्च़रे असेईं तैसेरू रूप ज़ै मित्तरो थियो धारण कियूं, तेन्च़रे तैस ज़ै सुर्गेरोए तैसेरू रूप धारण केरमेले।

1 "मैन्हु ज़ैस कौन्शां ज़र्म दित्तोरूए,

तैसेरे दिहाड़े थोड़े ते दुखे सेइं भेरतां आन। *

17 ‘कुन नाश भोनेबालो इन्सान परमेशरे करां जादे धर्मी भोल्हो?

कुन मैन्हु अपने बनानेबाले करां जादे पवित्र भोइ सकते?

17 मैन्हु कुने, कि तू तैस ऐहमयत देस,

ते अपनो मन तैस पुड़ लास।

6 बल्के पवित्रशास्त्रे मां कोस्कोई केन्चे परमेशरे सेइं एन ज़ोवरूए,

"मैन्हु कुन चीज़े, ज़ेसेरे बारे मां तू सोचतस?

या इन्सान कौने, कि तू तैसेरी फिक्र केरतस?

24 मैन्हु केरि बत यहोवारे तरफां ठहराई गातीए;

मैन्हु अपनि बत केन्च़रे सेमझ़ी सकेलो?

22 कि तुस पेइले चाल चलनेरे पुरानी इन्सानयती ज़ै टपलाने बैली इच्छां केरे मुताबिक भ्रष्ट भोइ गातीए, खोल्‍ला। 23 इसेरे बदले पवित्र आत्मा तुश्शे खियालन ते निज़िरियो बदले। 24 परमेशरे तुसन नव्वों सुभाव दित्तोरोए, ज़ै तैसेरे स्वभावेरे ज़ेरोए। त तुस नव्वें स्वभावेरे ज़ेरे ज़ीथ। सच़्च़े तुस धर्मी ते पवित्र भोथ।

15 मसीहेरे क्रूसेरे मौतरी वजाई सेइं, तैनी कानूनेरे सारे नियम पूरे तरीके सेइं खतम किये। मसीहेरो एरो केरनेरो मकसद ई थियो कि दूई टोली केरि अक नव्वीं टोली बनाए, ज़ै तैस सेइं ज़ुड़ोरी भोए।

11 पन हे तीमुथियुस, तू परमेशरेरो मैन्हुस, तीं इन गल्‍लां न लोड़न कियोरी, सिर्फ ज़ैन ठीके तैन केरनेरे लेई हर किसमे सेइं कोशिश केर। एरी ज़िन्दगी ज़ी ज़ैस सेइं परमेशरेरी आदर भोतीए, मसीह पुड़ भरोसो केर, होरि लोकन सेइं प्यार केर, मुश्किल वक्ते मां हिम्मत रख, ते होरि लोकन सेइं नेरमी सेइं बर्ताव केर।

11 इन मैन्हेरे बेडोनेरू ज़ेरूए। ज़ैखन अवं बच्‍चो थियो, त बच्‍चां केरो ज़ेरो गल्‍लां केरतो थियो ते सोचतो ते समझ़तो थियो। पन ज़ैखन अस बड्डे भोतम, त बच्‍चां केरि गल्‍लां शारतम।

21 किजोकि मैन्हेरी बत यहोवारी नज़री करां छ़पोरी नईं,

ते तै तैसेरे सब बत्तन पुड़ ध्यान देते।

1 मनेरी योजना मैन्हेरे कैबू मां रहतीए,

पन आखरी मां जुवाब यहोवारे तरफां भोते।

5 यहोवा एन ज़ोते, "लानतीए तै मैन्हु ज़ै मैन्हु पुड़ भरोसो रखते, ते तैसेरो सहारो नेते, ज़ेसेरो मन यहोवा करां दूर भोते।

7 एरो मैन्हु इन न समझ़े, कि मीं प्रभु करां किछ मैल्हेलू। 8 ई मैन्हु दूमन्नोए ते एपनी सैरी गल्‍लन मां चंचले।

1 बुढे मैन्हु न झ़िड़क पन तैस एन्च़रे आदरी सेइं सलाह दे ज़ेन्च़रे अपने बाजी, एप्पू करां निकड़े मैन्हु एन्च़रे सलाह दे ज़ेन्च़रे अपने निकड़े ढ्लाए।