Homem

Kwú nɔ nə gwè hə kəghɔ Adaŋ, məchímbi gwè hə kəghɔ Wo ndə Nyii Kùŋ Tə́ŋ

12 Nɔ, bʉ̂ʼʉ kə gwè kəwʉʉnəmbi tíŋ hə bɔ̌ŋ mbyu wo-imɔʼ, kwú nɔ kə gwè tíŋ hə bɔ̌ŋ bʉ̂ʼʉ, bʉʼka yɔ̄ŋ-yə, kwú nɔʼ wɔ̀ʼnə kəwʉʉnəmbi tʉ bʉə bənchəŋ bʉʼka bʉə bənchəŋ nɔʼ chìi bʉ̂ʼʉ.

45 Nɔ, bə nɔ nyɔ̀ʼ mu ŋwɔʼnə-Nyii mbɔ, "Bə nɔ chìi fəŋ Adaŋ gwè bɛ wo ŋɛnə." Ndyiʼtə-Adaŋ-kə nɔ bɛ Jiso ndə ɔ bɛ lyʉʉhəkə ndə ĩ kɔ́ məchímbi. 46 Kaa mbʉə ndə ĩ gwè hə kəghɔ-LyʉʉhəNyiikə ndə i gwè fəŋ fɛ, bɔŋ nɔ bɛ ŋkɛŋ mbʉə ndə bə bí wo nə yɔŋ, ndyiʼtə-mbʉə-kə kə́ bɛ yi-yə ndə i gwè hə kəghɔ-LyʉʉhəNyiikə. 47 Fəŋ wo nɔ kə lɔ̀ hə kəchisê, bə chìi ɔ nə chɔʼkə, biitə-wo-kə lɔ̀ hə yuo. 48 Ntɛ ndə wo ndə bə nə chìi ɔ nə chɔʼkə kə bɛ yɔŋ, nɔ bɛ haʼ nɔ ndə bʉə ndə bə chìi bɔŋ nə chɔʼkə ghɔ bɛ. Ntɛ nə wo ndə ɔ gwè hə yuo bɛ yɔŋ, nɔ bɛ haʼ nɔ ndə bʉə ndə bɔ̂ŋ bɛ bʉə-yuo bɛ yɔŋ. 49 Haʼ ndə bʉʼʉ fínə wo ndə bə chìi ɔ nə chɔʼkə, nɔ bɛ haʼ nɔ ndə bʉʼʉ bu yi fínə wo ndə ɔ gwè hə yuo ghɔ.

6 Bə nɔ nə nyɔ̀ʼ kəyəŋbɛʼ mu ŋwɔʼnə-Nyii mbɔ,

"Woməsʉʉ bɛ ka, ndʉʉghɔfii, ndə a tʉʼ kwɛ́nə ɔŋ,

byuunɔ vaa-woməsʉʉ, ndə a tʉʼ lɛ́nə ɔŋ?

22 nɔ b̈ii mɛ̀ʼ nduɔŋ nuʼ ndə i kə fəŋ bɛ mu mbʉə-bii, b̈ii kə́ chìi nubə nə yɔŋ, ndə ĩ kə́ bʉ́əhə bii, bʉʼka nu-bʉəbʉə-bə ndə b̈ii kə kʉ̀ʉ ndə məfɔ̀ʼ i fə́ʼhə bii, 23 lʉ̀ fyii fefe ghɔŋbə ndaa fefe. 24 Bii bɔŋ kie ndə məmɔ̀ʼ gwo mbʉə fefe ndə bɛ finə-Nyii, kə́ bɛ ndyʉndyʉ nə shʉəŋ bɔŋleʼ bɛ tʉ́ʉnə.

15 Ɔ byùutə ŋkʉʉŋkʉʉ ndə i kə bɛ mu bʉʼʉ nə kwu, ndə i gwè bʉʼka nuʼ-bʉə-Juu ghɔŋbə bəŋkahə-bi leʼnə bɛŋtə-i, mbɔ ɔ chʉʼ chìi wo fefe imɔʼ ndə nuɔ-bʉə-tə ibûu ndə məgwè nə fyiighʉ́ənə mu bɔŋ.

Ndyiʼtə-tʉ̂ʼ-Bɔɔ-kə

11 Bɔŋ tʉ mbəŋ-aŋ, wo-Nyii, nyʉ́ʉ nubə-ɔ̄ŋ. Kə́ kɔ̀ɔtə ndə məbɛ ndyʉndyʉ kə́-leʼ-chí mbi ndə ntɛ ndə i tʉʼ kɔ́ kuŋhə tʉ Nyii, mɔ̀ʼfyii-a ndəŋ Nyii, kie ŋkʉ̂ʉ, lyʉ̀ʉtə́nə, bɔŋleʼ kie mbuɔnəbə.

11 Vɛʼ ndə mɔ kə bɛ vaambuɔ, mɔ kə́ kwə́ʼ nə vaambuɔ kə́ kwɔ̀ʼtə nubə bɔŋleʼ lɛ́nə nə vaambuɔ. Ndʉʉ ndə mɔ kə bɛ woghəŋ, mɔ mɛ̀ʼtə nu-vâambuɔ-bə chɔ.

7 Ntɛ wo-maa-ɔ̄ŋ kie ndə mə-kə́-kwɔ̀ʼtə mbɔ ɔ bu kie fɔkə kəghɔ-Tiekətʉ fɛ. 8 Ɔ nɔ bɛ nə wo təbuuŋ bûu təmə tə́nə ndəŋ fia imɔʼ ndə nubə inchəŋ ndə ɔ tʉʼ fɔ̀ʼ fɛ.

Tʉ̂ʼtə te bʉə ndə bɔ̂ŋ nɔʼ bɛ́ŋ Nyii

1 Kə a mə sɔ́ʼ woghəŋ shʉ́əshʉ́ə fɛ, kwə́ʼ tʉ ɔŋ buɔbuɔ fi nə ɔ bɛ tie-a. Lʉ̀ vâakəyɔwo bələŋ ndə bəliŋ-ba,