Homem

Adam A Kirisi

12 Ruuvini a kotipim a shɔzɛ gbete yuu, a u ruuvini n ti vɔnɛ. Aru vimkɔ vɔrɔ ɔ̃tɛ shɔ yuu piti aru gbete shɔ pɛli ruuvinitɛ kpai.

45 Aru laabeenɛ Ɗanyaruubii shanɛ, <<Shɔu a Ɗa gau shɛshɛnɛ a koo, pɛ Adamu, Ɗa mau nɛu ɔ̃ a suru niyɛ>>Ama Adamu shɔ nyayisinɛ ukɔ ɔ̃rɛ Yesɔ Kirisi, gbete ã shɔ Ɗa suru yɛ. 46 Ama ɓa suru bikɔ gaa shɛnɛrɛ ɓa, pɛ shɔ shɔzɛ gaa shɛnɛrɛ, kɛɗɔn a kɨntiuni kɛ Ɗasuru shɛrɛ. 47 Adamu shɔ gaanɛ shɛ a kotipi gbete shɔ mau a tipi yɛ, shɔu pɛsiuyɛ ukɔ ɔ̃rɛ Yesɔ Kirisi gbete shɛ a kolapa yɛ. 48 Shɔgbete i shɛ kotipiyɛ i ɔ̃ ji naa shɔ kotipiyi, ji naa nɔgbete shɔgbete i shɛ a kolapa yɛ, i ɔ̃ ji naa shɔgbete ai a kolapa yɛ yikɔ. 49 Ji naa nɔgbete au jasuru naa shɔgbete au shɛ a kotipim ɓɛɛ ɔ̃ yɛ, au jasuru yɛ ɔ̃ji naa shɔgbete au shɛ a kolapam ɓɛɛkɔ.

6 Anɔgbete si pɛli nam, ji nagbete shɔ bee a laabeenɛ Ɗalapa nɛ:

<<Gbee Ɗalapa, shɔzɛ ɔ̃kɛ iviya gbete a lɛri au yuuni viya;

ji shɔzɛ gbãgbã weze, a koyuu ai bi ya?

22 Aruukɔ ɔ yawɔ nyaba gbaali kati, gbete pɔ̃ɔrɛ ɔ ɔ̃ nagbete ɔ ɔ̃ siyɛ, au vishɔ ɗakinɛ lɛsi tɛttɔyɛ. 23 Ɔ̃tɛ kaka jazɨng a kɔrɔ, ɔ sisɨn a lɛrinɛni ɔ kɔsitɔ u ɔ̃ sɔɔ kpai, 24 ɔ̃tɛ kaka jazɨng awɔ kɔrɔ ɔ tuu sisɨn sɔɔ, gbete Ɗalapa shɛshi au shẽbiiyɛ naa u ɓɛɛyɛ, a tasiu yuu a shonɛ tɔ̃vɨn a ɔ̃nɛ Wɔsɔ-wɔsɔ.

15 Sɔ̃ɔ̃ Musa nya-ãsinɛtɛ au nyadanɛni, pɛli vim ɗɔkɔ aru u ɓasi Yahudawayi a shɔgbeteyi ɓa Yahudawa ɓa i ɔ̃ gbete awuni. A nyabankɔ i kpaa ɔ̃nɛbiinyatɔ̃nɛ.

Bulus Ãsi Timoti Nya

11 Ama mɔkɔ Timoti, a pɛ Ɗalapa ɓɛɛ, a yaa viwatɔ kpai a mabii a kã tɔ̃vɨn shonɛ, sisɨn ãnɛ, ɔrinɛ, sisɨnmɛɛnɛ, a yuurorinɛ.

11 A ɗagbete sin jabẽrẽti yɛ, n nyanwanɛ naa jajja ɓɛɛ, n ntavi naa jajja a ruu lɛrinɛ ni si jo naa jabẽrẽtiyi ɓɛɛ; dɔdɔrim ang batɛ mi, n pɛli vi tɔɓa a nyaba jajja ni ɓa.

7 Ɔkɛ ɔ̃nɛ nankɔ, ɔrɔɔtɛ kaka jazɨn a ɔkɔrɔɔ, ɔkɔɔ tɔnɛyi kpaa vitɔ̃vɨng wɔtɔ a Uɓeyelapa naani, 8 u pɛ shɔ sisɨn bɔ̃nɛ, pɔ̃u sisɨn ɓa ɗɔgbete au vishonɛni kpai ɓa.

Vishonɛ Gbeteu pɛli Shɔwɔyɛ

1 Mɔkɔ lasi shɔpɛ̃ni nɛ, ama a gakiutɔ naa u pɛ mɛye. A tuu jaa vɔyi naa mɛzɔ̃yi,