Honestidade
A honestidade é virtude cristã fundamental. Deus é Deus de verdade e nos chama a viver com integridade, transparência e retidão em todos os nossos relacionamentos e negócios.
Integridade diante de Deus
O Senhor abomina a balança falsa, mas o peso justo é seu prazer. A integridade dos justos os guia pelos caminhos retos.
ज़ुंण बाट-तराकल़ा तोलणां लै ठगी करा, तेऊ लै करा बिधाता नफरत,
पर ज़ुंण मानदार आसा, तेऊ लै हआ खुश।
भलै मणछा सखाऊआ मानदारी,
पर धोखै दैणैं आल़अ हआ आपणैं ई कदुष्ट कामां करै बरैबाद।
भलै मणछा सखाऊआ मानदारी,
पर धोखै दैणैं आल़अ हआ आपणैं ई कदुष्ट कामां करै बरैबाद।
अक्ली करै लागणअ तम्हां का थोघ कि
धर्म, भलाई अर मानदारी किज़ै आसा।
काम करनअ सह ज़ुंण ठीक अर भलअ आसा,
तेता करै हआ बिधाता बल़ीदाना का बी खास्सअ राज्ज़ी।
तंऐं रहणअ आजू आज़रै भाल़ै लागी कि तूह किधा लै च़ाल्लअ।
पर हाम्हैं आसा हेरै दै इहै काम छ़ाडी ज़ेता करै हाम्हैं शर्मिंदै हणअ पल़े अर नां हाम्हैं आप्पू च़लाक बणदै अर नां परमेशरे बैणा दी मलाबट करदै आथी। हाम्हैं खोज़ा लोगा का मसीहे बारै सत्त। हरेक मणछ सका म्हारै बारै ऐहा गल्ला बोली कि हाम्हैं आसा शुचै।
हाम्हां डाहा इना सोभी गल्लो मानदारी दी अर सोभी मणछे आछी सम्हनै करनैओ खैल। हाम्हैं च़ाहा इहअ कि सोभी का लोल़ी थोघ लागअ कि हाम्हैं एता किहअ करै करा अर हाम्हैं समझ़ा इहअ बी कि ऐहा गल्ला भाल़णैं आल़अ आसा प्रभू बी।
Praticar a honestidade
Falai a verdade, pagai o que deveis, não negueis ao próximo o bem. A honestidade prática é testemunho do evangelho.
एकी-दुजै का निं झ़ुठअ बोला, किल्हैकि तम्हैं हेरअ आपणअ पाप करनै आल़अ बूरअ सभाब अर सोभै कदुष्ट काम करनै छ़ाडी।
इहअ करै करनअ हरेकी मणछो हक दैई, ज़हा कारअ लोल़ी, तेऊ लै दैआ कारअ, ज़ै कहा च़ंदअ लोल़ी तेऊ लै दैआ च़ंदअ। ज़सरी डरा हेठै लागा रहणअ तेते रहणअ डरा हेठै, ज़सरअ अदर लागा करनअ तेऊओ करा अदर।
तैही लागा कारअ बी दैणअ, किल्हैकि तिंयां अफसर आसा परमेशरे दास अर तेऊ कामां पूरै करदै लागै दै ज़ुंण तिन्नां करनअ लागा।
बूराईए बदल़ै निं कोही संघै बूराई करा, तिन्नां गल्ले फिकर करा ज़ुंण गल्ला सोभी लोगा लै भली आसा।
ज़ेतरी तेरी समरता आसा,
तेऊ साबै लऐ होरीए मज़त करी ज़हा ज़रुरत आसा।
धोखै करै खास्सी कमाई का आसा,
मानदारी दी खटअ द धख ज़िहअ ई भलअ।
कदुष्ट मणछै डाही दी ज़ैदाता करै निं किछ़ै नफअ हंदअ,
पर मानदारी सका थारी ज़िन्दगीए फाज़त करी।
Confissão e transparência
Confessai as vossas ofensas uns aos outros. Quem confessa e deixa o pecado encontra misericórdia e restauração.
ज़ुंण आपणैं पाप च़ोरी डाहा, सह निं ज़िन्दगी दी सफल हंदअ।
पर ज़ुंण तिन्नां मना अर आजू पाप करनअ छ़ाडा, तेऊ लै करा बिधाता झींण।
तैही मना तम्हैं आप्पू मांझ़ै एकी-दुजै सेटा आपणैं पाप, संघा करा एकी-दुजै लै परमेशरा सेटा प्राथणां, ज़िहअ करै तम्हैं भिई नरोगै होए। किल्हैकि धर्मीं मणछे प्राथणां करै सका सोभै गल्ला हई।
पर हे मेरै भाई-बैहणीओ, सोभी का बडी गल्ल आसा अह कि ज़ेभै बाहिदअ करे तेभै निं झ़ुठै सोह खाई, नां स्वर्गै, नां पृथूईए, नां कोई बी च़िज़े। थारअ "हाँ" करनैओ मतलब लोल़ी "हाँ" हुअ अर थारी "नांह" करनैओ मतलब लोल़ी "नांह" हुअ। नांईं ता परमेशरा दैणीं तम्हां लै एकी धैल़ै सज़ा।
पर ज़ुंण अक्ल उझै का परमेशर दैआ तेता करै शिखल़ा हाम्हैं पबित्र रहणअ, होरी संघै डाहणअ मेल़-ज़ोल़, सोभी लै झणैल़ू हणअ, मज़त करनी, ज़िम्मैंबारी समझ़णीं, कहा मणछा लै भेदभाब निं करनअ अर मानदार रहणअ।
ज़ै हाम्हैं इहअ बोले कि प्रभू संघै आसा म्हारी साझ़ अर तेखअ बी हांढे हाम्हैं न्हैरै दी! तै आसा हाम्हैं झ़ुठै अर तै निं हाम्हैं सत्ता दी रहणैं आल़ै आथी।
ए लान्हैंओ, म्हारी झ़ूरी निं लोल़ी सिधी गल्ला करनै दी रही, पर हाम्हैं लोल़ी भलै काम अर सत्ता दी रही झ़ूरी किई।
Coração puro
Bem-aventurados os puros de coração, porque verão a Deus. A honestidade começa no interior e se manifesta nas ações.
परमेशर दैआ तिन्नां लै बर्गत ज़सरै मन्नैं खोट निं आथी,
तिन्नां भेटणअ परमेशर।
सबर डाहणअ संघा दैणअ बिधाता काम करनै,
कदुष्ट मणछा सफल हंदै भाल़ी निं फिकर करनअ अर
नां तिन्नें कदुष्ट बिक्री भाल़ी हैल़अ करी।
तेऊ मणछा लै हआ बर्गत ज़ुंण होरी लै बी ऋण दैआ अर
ज़ुंण बपार करना लै मानदार हआ।
खास्सी मैन्थ कर ताकि तूह आप्पू परमेशरा सेटा पेश करी सके अर परमेशर ताह करै खुश होए। तूह कर बधिया मिस्त्री ज़िहअ काम ज़हा शर्मिंदअ नां हणअ पल़े अर ज़ुंण शुचै बैणा ठीक ज़ाणा खोज़ी।
"इहअ निं कोह आथी ज़ुंण दीअ ज़ाल़ी दरोठू भितरी डाहा कि पलगा हेठै डाहा पाई, तेता डाहा दीअदानी दी उछ़टै ताकि सारै घअरा भितरी एछणैं आल़ै लै प्रैश्शअ होए।
कदुष्ट मणछा लै हआ तेऊए आपणीं ई बोली दी झ़ुठी गल्ला फाही,
पर मानदार मणछ जाआ आफ़ता का बच़ी।
मानदार शाजत खोज़ा दालता दी शुची गल्ला,
पर झ़ुठअ शाजत खोज़ा झ़ुठी गल्ला।
कदुष्ट मणछ पाआ एही फुआह,
ज़ेता करै आफ़त बी पल़ा अर साथ-संगत बी चुटा।