Incentivo

A Bíblia é fonte inesgotável de incentivo. Em cada página, Deus nos encoraja a não temer, a perseverar e a confiar que Ele está conosco e é maior que qualquer adversidade.

Deus é por nós

Se Deus é por nós, quem será contra nós? O Senhor fortalece, sustenta e guia seus filhos em cada batalha e desafio.

God nono dem muduo podo norukwa i, taragl swara ta si kegl dikrabuka

31 Ana God nono yegl mere ere wakai ere norsre, nono munara mogl norukwa pre nono pre yubun dekramga. Yoba nono kudano ikne mere yegl mogl, ere kide ere noramnedi eraiglkwa ba God nono munara mogl norukwa pre i ta eribi, kuno erekrabuka.

Romanos 8:31

13 Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.

Filipenses 4:13

7 Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.

2 Timóteo 1:7

Esperança e perseverança

A tribulação produz perseverança, a perseverança produz caráter, e o caráter produz esperança que não decepciona.

3 Ana nono okuo God bogl akie moramga i pre gun yedre, te nono erme makandigle mogl, yubun yumga i ama gun podo yenamga. I siragl pre nono pre kan erumga i, nono yubun yumnara i, nono si gigledi norukwa. 4 Yubun kane kane umara i, nono si gigledi noruko,yobuglo idre, kaglno mina adigl munga. Te, nono kaglno mina adigl munga igne, nono okuo God bogl wakai kaima moramnedi prumga ikra ama u gigle dugwa. 5 Te, nono okuo God bogl wakai kaima moramnedi pre gi dumga i, u yoko ta enan, kide pramga mere yegl ta manugwa. Nono ka kaima ye bogl akie aimadi kamun wakai moramga i, nogugl paugwa. Nogugl paugwa i siragl pre God ye dem muduo siragl mere norukwa i, i nogugl ede kodugwa. Ye Mudu Murubuglo noruko, Mudu Murubuglo nono deno muduno mina kogon ersre, God dem muduo podo kide norukwa i, i nogugl ede norukwa.

Romanos 5:3-5

35 Ana okna ene mabuno yegl ersre, adigl gigledi meglkwa pre erme yoba ene ere kide ta ere tebi, ene pre mediglkwa i kide kodokre, God no ere wakai ere norabukra we di pre pai molo. I siragl pre ene yegl pre pai meglbi, ene topo podo okuo inaiglkwa.

Hebreus 10:35

10 Yagl Kade yegl didre, ama yegl dugwa, Ana ene kuri kaima ta moglsre, yubun podo ta inaiglkwa ba ene kudugl goglkrio dugwa. Ene prio! Yagl Kide ene ta eribi kanagledi pre yoba tau nomane tenan, yoba i ene tau si kane sibi, ene 10-pela de mere yubun podo inaiglkwa. Taragl yegl mere plau dinabuka ba ene na kana duglo bogl pai molo. Te, ene na pre goraiglkwa mere yegl ta panan, ama na kana kide kodokrio! Ene yegl eribi, na topo wakai ta ene tenaglka. Topo i, king bitno gagl mere yegl yogo, kagie kor kaima meglkwa bitno gagl we dimiwe di, yegl dugwa.

Apocalipse 2:10

33 Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.

João 16:33

16 No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa. 17 No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka. 18 Yegl pre no taragl erme gumuglno mina kan munga i, pre i mitna edekrumga ba no taragl tau gumuglno mina kankrumga i, pre i mitna edumga. I siragl pre taragl tau erme gumuglno mina kanumga i, ege sugunagle keme yenabuka ba taragl tau gumuglno mina kankrumga i, aimadi kamin yenabuka.

2 Coríntios 4:16-18

23 Yegl dugo, Jisas di ikne ede te, yegl dugwa, Ene taragl ta eratnga kuno eran we di yegl dinga i we? dugwa. Ene na pre medigln, na taragl mudu eraglka keme pamiwe di, Jisas yegl dugwa.

Marcos 9:23

Deus cuida de nós

Entrega o teu caminho ao Senhor. Lança sobre Ele as tuas ansiedades, porque Ele tem cuidado de nós diariamente.

Futuro e promessas

Eu sei os planos que tenho para vocês — planos de paz e não de mal, para dar-lhes futuro e esperança.

26 Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.