31 इना सोभी गल्‍लो नचोल़ निखल़ा इहअ कि, ज़ै परमेशर हाम्हां बाखा होए, तै निं हाम्हां का कोहै ज़िती सकदअ।✝

10 तम्हैं निं डरी आथी, तम्हां संघै आसा हुंह!

हुंह आसा थारअ परमेशर, तम्हां निं कोही का डरने ज़रुरत आथी!

तम्हां लै बल दैणअ मुंह अर थारी मज़त बी करनी मुंह।

तम्हैं नढैऊणैं मुंह हाथै ढाकी संघा डाहणैं बच़ाऊई।✝

31 पर ज़ुंण बिधाते आसरै रहा, अर ज़ुंण तेऊ का मज़त मांगा,

तिन्‍नां भेटणअ ताज़अ ज़ोर।

तिन्‍नां लागणै मुक्षरलै ज़िहै नऊंऐं फैंख,

तिन्‍नां बाहणीं ठुहर पर तिन्‍नों शाह निं फुलणअ,

तिंयां निं हांढी-हांढी बी दुबल़ै हणैं।"

13 मसीहा ज़ुंण मुल्है शगती दैआ तेऊ दी सका हुंह सोभ किछ़ करी।

6 "तम्हैं निं आपणअ हैअ चोल़ी! नां तम्हैं जरदण पार बस्सै दै तेऊ देशे लोगा का डरी आथी। किल्हैकि बिधाता हणअ सदा तम्हां बाखा आप्पै अर सह निं तम्हां कल्ही छ़ाडदअ"

7 परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्‍कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।

3 सिधअ इहअ ई निं, हाम्हां लागा बूरै बगता दी बी परमेशरे प्रतप्पो इहअ सोठी करै घमंड करनअ कि बूरै बगता संघै सबर, 4 अर सबर करी बूरै बगता दी खरै निखल़णैं करै हआ आशा पैईदा, 5 अर आशा डाहणें निं शरम हंदी, किल्हैकि ज़ुंण पबित्र आत्मां परमेशरै हाम्हां लै आसा दैनअ द, तेता संघै आसा परमेशरै हाम्हां लै म्हारै मन्‍नैं आपणीं झ़ूरी बी भरी दी।

35 आपणीं खरी दी निं प्रभू दी भरोस्सै करने आपणीं हैअ छ़ाडा, किल्हैकि तेतो भेटणअ तम्हां बडअ फल।

10 *याक. 1:12ज़ुंण दुख ताह भुगतणै, तेता का निं डरी, किल्हैकि भाल़ै, राख्सा आसा तम्हां मांझ़ै कई लाऐ दै कैद खानै पाई ताकि तम्हां परखी सके, तम्हां लागणअ दसा धैल़ै सांगट ज़िरनअ, प्राण दैणैं तैणीं रहै विश्वासी बणी, तै दैणअ मुंह ताल्है ज़िन्दगीओ मुगट।’

33 "ईंयां गल्‍ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"

16 म्हारअ मन्‍न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं। 17 किल्हैकि घल़ी-पलो हल़कअ ज़िहअ कष्ट करा हाम्हां लै ज़रूरी सदा रहणैं आल़ी ज़िन्दगी अर प्रतप्प पैईदा। 18 हाम्हैं निं तिन्‍नां खरी दी धैन दैंदै ज़ुंण हाम्हां का एभै शुझिआ पर हाम्हैं दैआ तिन्‍नां च़िज़ा दी धैन ज़ुंण हाम्हैं भाल़ी दी निं आथी। किल्हैकि ज़ुंण हाम्हैं एभै भाल़ा तिंयां आसा थोल़ै धैल़ै लै पर ज़ुंण च़िज़ा हाम्हैं भाल़ी निं आथी तिंयां रहणीं सदा बणी।

23 ईशू बोलअ तेऊ लै, "ज़ै तूह करी सका, अह कै गल्‍ल हुई? विश्वास करनै आल़ै लै सका सोभ गल्‍ला हई।"

5 सोभै गल्‍ला दैआ बिधाते हाथै छ़ाडी,

बिधाता दी डाहा भरोस्सअ, तेऊ हेरनी सोभै गल्‍ला पूरी करी।

23 धर्मीं मणछा नढैऊआ बिधाता आप्पै,

सह हआ तिन्‍नें ज़िन्दगीए हर गल्‍ला करै खुश।

24 च़ाऐ तिन्‍नां ठोहल़ बी लागे, तिंयां निं धरनीं बधल़णैं,

किल्हैकि तिन्‍नों हाथ हआ बिधाता डाहअ द ढाकी।

22 हे बिधाता, हाम्हैं आसा तेरै,

हाम्हैं खोज़ा आपणीं खरी ताखा

अर तूह निं धर्मीं मणछा हारनै दैंदअ।

1 खरीए पलका पाई मंऐं बिधाता सेटा पकार,

तेऊ शूणीं मेरी अरज़।

6 फेरा-फेर मुंह हारदै-मारदै आऐ दै

हज़ारो दुशमणा का निं हुंह डरदअ।

11 ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्‍नी करने आथी। मेरी सोठ हणीं एही ज़ेथ आजू तम्हां आशा रहे।

17 थारअ परमेशर बिधाता आसा तम्हां संघै।

सह आसा बलबान अर तेऊ हेरनै तम्हैं बच़ाऊई।

तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।

तेऊ बोल़णीं गिह किल्हैकि सह आसा तम्हां करै खास्सअ खुश।"

26 ईशू बोलअ तिन्‍नां बाखा भाल़ी, "ज़ुंण मणछे भलै हई निं सकदअ, सह सका परमेशरे भलै हई।"

9 पबित्र शास्त्रो मतलब बी आसा इहअ ई ज़ेभै तिंयां इहअ बोला,✝

"ज़ुंण गल्‍ला आछी निं भाल़ी, अर कानै निं शूणीं,

अर ज़ुंण गल्‍ला मणछे दिलै ई दी निं पल़ी,

तिंयां ई गल्‍ला आसा ज़ुंण परमेशरे आपणैं

झ़ूरी डाहणैं आल़ै लै आसा बणाईं दी।"

12 पर शमाह रहअ खेचै मांझ़ा-मांझ़ी एक्‍कै खल़्हुई अर तेऊ मारै खास्सै पलिश्ती अर खिरी ज़ितअ सह! अर तधू बी दैनी बिधाता इज़राईली लै एक बडी ज़ीत।