Uma só carne

21 तेखअ सताऊअ बिधाता सह आदमी घणीं निंजा दी, ज़ांऊं सह सुत्तअ, तेखअ काढअ तेऊओ एक शल़्हअ अर तैहा ज़ैगा भरअ मास्स।✝

22 तेऊ शल़्है करै बणाईं बिधाता एक बेटल़ी, संघा निंईं सह तेऊ आदमी सेटा लै।✝

23 तैहा भाल़ी बोलअ तेऊ आदमी,

"अह आसा बै मुंह ई ज़ेही,

अह आसा मेरी देहीओ भाग अर

मेरअ आपणअ हाड-मास्स।

मुंह डाहणअ ऐहा नाअं बेटल़ी।"

24 तैही रहणअ मर्ध आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।✝

18 तेखअ सोठअ बिधाता इहअ, "आदमीओ एक्‍कै रहणअ निं ठीक आथी, मुंह बणाणअं एऊ लै इहअ साथी ज़ुंण एऊ संघै ढब्बे।"✝

27 तेखअ बणाऐं बिधाता मणछ आपणैं रुपै आप्पू ज़िहै, तिंयां बणाऐं बिधाता मर्ध अर बेटल़ी दूई रुपै।✝

4 ईशू दैनअ तिन्‍नां लै ज़बाब, "तम्हैं कै इहअ पहल़अ निं आथी कि ज़ुंणी तिंयां बणाऐं, तेऊ बणाऐं तिंयां शुरू ई का मर्ध अर बेटल़ी, संघा बोलअ तिन्‍नां लै इहअ,✝

5 "तैही रहणैं तिंयां आपणैं ईजा-बाबा का ज़ुदै आपणीं बेटल़ी संघै, अर तिंयां दुहै हणैं एक देही? 6 तैही निं तिंयां ऐबै दूई देही आथी पर तिंयां रहा एक देही बणी। इहअ करै ज़ुंण परमेशरै आसा ज़ोल़ै दै, तिन्‍नां ज़ुदै करदै निं तम्हैं लागा।"

6 मणछ आसा पैहलै ई का परमेशरै मर्ध अर बेटल़ी ई बणाऐं दै।*मूल. 1:27; मोत्त. 19:4 7 तैही बोला परमेशर कि मर्ध रहणअ आपणैं ईजा-बाबा छ़ाडी आपणीं लाल़ी संघै एक। एही ता थिऐ बैह करनै आल़ै पैहलै दूई ज़ुदै-ज़ुदै मणछ, परमेशर मना तिन्‍नां दुही ऐबै एक मणछे रुपै, तैही च़ाहा सह कि तिंयां लोल़ी बैहा बाद सदा कठा रहै।

8 "तैही निं तिंयां ऐबै दूई देही आथी पर तिंयां रहा एक देही बणी।*मूल. 2:24 9 एतो मतलब आसा इहअ कि ज़ुंण परमेशरै ज़ोल़ै दै आसा, तिन्‍नां ज़ुदै करदै निं तम्हैं लागा।"

28 एऊ साबै आसा इहअ ठीक कि मर्ध ज़ुंण आपणीं-आपणीं लाल़ी संघै आपणीं देही ज़ेही झ़ूरी डाहा, सह डाहा आप्पू ई लै झ़ूरी। 29 किल्हैकि कोही निं कधू आपणीं देही संघै ज़ीद किई, पर तेता धाचा-पाल़ा हेर-सभाल़ करी, ज़िहअ मसीहा टोलीए हेर-सभाल़ करा 30 किल्हैकि हाम्हैं आसा मसीहे देहीए आंगा ज़िहै।

31 ज़िहअ पबित्र शास्त्र बोला,✝

"मर्ध रहणअ आपणैं ईजा-बाबा छ़ाडी

आपणीं लाल़ी संघै मिली अर

तिंयां दुहै हणैं एक देही।"

32 अह आसा बडअ भेद, पर हुंह बोला इधी मसीहे अर विश्वासी टोलीए बारै। 33 पर अह गल्‍ल आसा तम्हां लै बी, तम्हां मांझ़ै करै हरेक ज़ण्हअ आपणीं लाल़ी संघै आप्पू ज़ेही झ़ूरी, तैही रहणअ मणछ आपणैं ईज-बाब छ़ाडी आपणीं लाल़ी संघै मिली, अर तिंयां दुहै हणैं एक देही। लाल़ी बी लोल़ी कि सह आपणैं मर्धे डरा हेठै रहे।

15 तम्हां का आसा थोघ कि थारी देही आसा मसीहे आंग। तै हुंह तेऊ आंगा ज़ुंण मसीहो आसा तेता कै हुंह कंज़री बेटल़ी संघै करूं साझ़ू? इहअ निं हई सकदअ!

16 अह आसा पबित्र शास्त्रा दी लिखअ द, "तिंयां दूई हणैं एक देही।" तम्हां का लोल़ी ऐहा गल्‍लो थोघ हुअ कि ज़ुंण कंज़री बेटल़ी संघै साझ़ू हआ सह हआ तैहा संघै एक देही।✝

17 ज़ुंण प्रभू संघै साझ़ डाहा तेऊए आत्मां अर प्रभूए आत्मां हआ एक।

15 तम्हैं बिधाता बैहे बधाना करै मर्ध-बेटल़ी एक देही हणां लै निं आथी बणाऐं दै? थारी देही अर आत्मां आसा दुहै बिधाते। तै किज़ू लै किऐ बिधाता तम्हैं कठा? सह च़ाहा इहअ कि थारी लुआद होए अर तिंयां बी बिधाता लै होए। तैही सोठा राम्बल़ै करै कि तम्हैं केही ज़िन्दगी ज़िऊआ। तम्हैं निं आपणीं बेटल़ी संघै विश्वास घात करी ज़हा संघै भर ज़ुआनी थारअ बैह आसा हुअ द।

18 खारकी अमरा लोल़ी तेरी लाल़ी ताल्है भरी कुहै ज़ेही बर्गत हुई,

तूह रहै तैहा ई संघै खुश अर मगन।

19 सह लोल़ी ताल्है हरनी ज़ेही लोभणैं आल़ी हुई,

तेसे हिक्‍का भाल़ी लोल़ी तेरअ शाह हरअ फिरअ

अर तम्हैं लोल़ी एकी-दुजै लै खास्सै झ़ूरै।

20 ए मेरै शोहरूआ, तूह होरीए बेटल़ी भाल़ी किल्है पल़ा ज़ाहै-मोहै?

अर होरी बेटल़ी संघै किल्है मल़्हैछिया?

14 सोभी का ज़रूरी गल्‍ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। 15 सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्‍लै रहा परमेशरो शूकर करदै लागी।

25 इहअ करै झ़ुठअ बोल़णअ छ़ाडी बोला हरेक आपणैं साथी-संघी का शुचअ, किल्हैकि हाम्हैं आसा आप्पू मांझ़ै एकी देहीए आंग।✝