Intimidade com Deus

8 परमेशरेरे नेड़े एज्जा, त तै तुश्शे नेड़े एज्जेलो, हे पापी लोकव, अपने ज़िन्दगी मरां पाप दूर केरा, ते हे दुमन्ने बाले लोकव अपने मन्न पवित्र केरा।

लेम्मी ज़िन्दगरे लेई अक बुलाओ

1 यहोवा ज़ोते, एज्जा सब ट्लिशोरो लोकव, पैनी कां एज्जा; ते ज़ैन कां रुपेइये नईं तुस भी एइतां घिन्ना ते खाथ! दाछ़रो रस ते दुद्ध मुफते मां एइतां घिन्ना।✝ 2 ज़ै खानेरी चीज़ नईं, तैसेरे लेई तुस किजो रुपेइये लातथ, ते ज़ैस सेइं पेट न भेरोए तैसेरे लेई किजो मेहनत केरतथ? ते मन लेइतां मेरी शुना, तैखन रोड़ी चीज़ां खाएले ते चिकनी-चिकनी चीज़ां खेइतां रज़्ज़ेले। 3 हे मेरे लोकव ध्यान देथ, ते मीं कां एज्जा; ते शुना तैखन तुस ज़ींते राले; ते अवं तुसन सेइं हमेशारो करार केरेलो, मतलब दाऊदे पुड़ अटल दयारो करार।✝ 4 शुना, मीं तै* रियासतां-रियासतां केरे लोकां केरे लेई अक शहादत ते प्रधान ते हुक्म देनेबालो ठहरावरोए।✝ 5 शुन, तू एरी कौमी ज़ैस तू न ज़ानस तैन कुजालो, ते एरी कौमां ज़ैना तीं न ज़ानन तीं कां दौड़ती एज्जेली, तैना तेरे परमेशर यहोवा ते इस्राएलेरे पवित्रेरी खातर इन केरेली, किजोकि तैने तीं शान-ओ-शोकत दित्तोरीए।

6 ज़ांतगर यहोवा मैल्ही सखते त तैसेरी तलाशी मां राथ; ते ज़ांतगर तै नेड़े आहे तैस पुकारा।

24 तैन केरे प्राथनाई करां पेइले अवं तैन जुवाब देइलो, तैना हेजू ज़ोते भोल्हे त अवं तैन केरि शुनेलो।

3 मीं कां प्राथना केर ते अवं तेरी शुन्तां तीं बेड़ी-बेड़ी ते भेदेरी गल्‍लां ज़ोइलो ज़ैन तू हुन्ना न समझ़स।

11 किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।

परमेशरेरे लेई इच्छा केरनी

1 ज़ेन्च़रे हिरनी नालेरे रोड़े पैनेरे लेई तरसतीए;

तेन्च़रे, हे मेरे परमेशर, अवं तेरे लेई तरसताईं।

2 ज़ींते परमेशर, हाँ अवं परमेशरेरो ट्लिशोरो आईं,

अवं किताली गेइतां परमेशरे कां तुत्तर हरेइलो।✝

ट्लिशरो मन परमेशरे मां रज़्ज़ते

1 हे परमेशर, तू मेरो परमेशर आस,

अवं तीं दिले सेइं तोपेलो;

शुकोरी ते ट्लिशोरी ज़मीनी मां ज़ैड़ी पानी नईं,

मेरे मने तेरी ट्लिशे, मेरो जिसम तेरी बड़ी इच्छा केरते।

2 एन्च़रे सेइं मीं पवित्र ठारी मां तीं पुड़ नज़र की,

कि तेरी शक्ति ते महिमा हेरी।

3 किजोकि तेरी दया ज़िन्दगी भर बड़ी रोड़ीए,

अवं तेरी तारीफ़ केरेलो।

4 एन्च़रे सेइं अवं ज़िन्दगी भर तीं धन ज़ोतो रेइलो;

ते तेरू नवं घिन्तां अपने प्राथनाई मां हथ खड़े केरेलो।

5 मेरी जान ज़ेन्च़रे चर्भी ते खूब रोड़ी रोट्टी सेइं रज़्ज़ेली,

ते अवं जयजयकार केरतां तेरी बडीयाई केरेलो।

6 ज़ैखन अवं खट्टी पुड़ भोल्हो तीं याद केरेलो,

तैखन रातरे एक्‍की-एक्‍की पहरे मां अवं तीं पुड़ ध्यान केरेलो;

7 किजोकि तू हमेशा मेरी मद्दत केरनेबालो बनोरोस,

एल्हेरेलेइ अवं तेरे फंघां केरि छावी मां जयजयकार केरेलो।

8 मेरो मन तीं पत्ती-पत्ती लगोरो रहते;

ते तेरो देइनो हथ मीं सुमैलतां रखते।

9 पन ज़ैना मीं मारनेरे लेई तियारन;

तैना ज़मीनी मां उन्ढे गाले।*

10 तैना तलवारारे हवाले किये गाले,

ते तैना गिद्दां केरि खूराक बेनि गाले।

11 पन राज़ो परमेशरेरे वजाई सेइं खुशी रालो;

ज़ै भी परमेशरेरी कसम केरेलो, तै घमण्ड केरेलो;

किजोकि झूठ ज़ोने बालां केरां आशी बन्द कियां गालां।

22 ते तै महिमा ज़ै तीं मीं दित्तोरीए, कि ज़ेन्च़रे अस अक आम तैन भी अक भोन। 23 अवं तैन मां भोइलो, ते तू मीं मां भोल्हो, ताके तैना सिद्ध भोइतां अक भोन, ते दुनिया ज़ांने कि तीं अवं भेज़ोरोईं। ज़ेन्च़रे तीं मीं सेइं प्यार कियो, तेन्च़रे तीं तैन सेइं भी प्यार कियो।

17 तेरो परमेशर यहोवा तीं सेइं साथीए, तै बच़ानेबालो बड़ो शक्तिमाने। तै तेरे वजाई सेइं खुशी मनालो, ते तै अपने प्यारेरे वजाई सेइं च़ुप रालो, फिरी उच्‍चे आवाज़ी सेइं गीतां ज़ोतो तेरे वजाई सेइं मघन भोल्हो।

9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।