8 ፆኦሲ ባንሢ ዑኩዋቴ፥ ፆኦሲያ ዒንሢ ባንሢ ዑካንዳኔ፤ ዒንሢ ጎሞ ዓሳ! ዒንሢኮ ኩጮ ማስኪ ጌኤሹዋቴ፤ ዒንሢ ሴካ ሃንጋ ጋዓ ዓሳ! ዒኖ ዒንሢኮ ፒዚሱዋቴ።

1 ናንጊና ናንጋ ጎዳ ሂዚ ጋዓኔ፦

«ዒንሢ ዼኤቢንቴ ዓሳ ቢያ ሃንጋ ዋኣፆ ባንሢ ሙኩዋቴ!

ዒንሢ ሻንቃኒ ሚኢሻ ባኣ ዓሳ!

ሃኒ ሙኪ ሻንቂ ሙዑዋቴ! ሃኒ ሙኪጋፓ

ሚኢሼ ጪጊባኣያታዖ ዲኢቆና ዎይኖ ዑዦና ዑሽኩዋቴ። ✝

2 ፓሡዋ ሙኡዚም ሚኢሾ ዒንሢኮ ዓይጋ ዒንሢ ኬሳይ?

ሚሻኑዋ ባኣዚም ዎልቆ ዒንሢሲ ዓይጋ ዒንሢ ጋፒሳይ?

ሃሢ ታ ጋዓ ባኮ ኮሺ ዋይዚጋፓ ኮሺ ማዔ ሙዖ ሙዑዋቴ፤

ዶኦሪንቴ ኮዦ ሙዖ ሙይ ዎዛዹዋቴ።»

3 «ዋዮ ዒንሢሲ ቡሊ ታ ባንሢ ዑኩዋቴ፤

ሼምፔና ናንጋኒ ቃኣሎ ታኣሲ ዋይዙዋቴ፤

ታኣኒ ዳውቴ ናሽኬሢጉዲ

ዒንሢም ጉሙርቂንታያ ማዒ ናሽካኒ

ናኣናና ናንጋ ጫኣቁሞ ዒንሢና ታ ጫኣቃንዳኔ። ✝

4 ዓካሪ ታኣኒ ዒዛ ሜሌ ዴሮም ማርካ፥

ሱኡጌ፥ ቢታንቶና ዎይሣያኣ ማሄኔ።

5 ኔኤኒ ዔሩዋ ካኣቶ ኔ ዔኤላንዳኔ፤

ናንጊና ናንጋ ጎዳ ማዔ ኔ ፆኦዛሢ

ዒስራዔኤሌኮዋ ዱማዼሢ ኔና ዼግ ዼጊዴሢሮ

ኔና ዔሩዋ ካኣታ ሩኡሪና ኔ ባንሢ ሙካንዳኔ።»

6 ናንጊና ናንጋ ጎዳ ጴዻ ዎዶማና ዒዛ ኮዑዋቴ፤

ዒዚ ዑኬ ዓኣማና ዒዛ ዔኤሉዋቴ።

24 ሃጊ ዔያታ ታና ዔኤሉዋንቴ ታ ዬሃንዳኔ፤ ኬኤዚ ዔያታ ጋፑዋንቴ ታ ዋይዛንዳኔ።

3 ዒዚ ሂዚ ታኣም ጌዔኔ፦ «ታ ባንሢ ዒላቲ ታኣም ኬኤዜ፤ ታ ኔኤም ኔ ኮዓ ባኮ ማሃንዳኔ፤ ሃያኮ ቤርታ ኔኤኒ ዔሩዋኣያ፥ ዓሲ ጋፒሲ ዔራኑዋ ዼኤፒ ዼኤፒ ባኣዚ ፔጋሲ ታ ኔና ዻዋንዳኔ።

11 ዒንሢ ዛሎ ታኣኒ ማላ ማሊፆ ታ ዔራኔ፤ ዬይ ማሊፃ፦ ፑርታ ባኣዚቱዋንቴ ኮሺ ባኣዚ ዒንሢም ጴዺሳያ፥ ዒንሢ ዎዛ ጌሢ ካፓ ኮዦ ባካኣ ማዺንቲ ኩማንዳጉዲ ማሃያኬ፤

1 ሮኦቶ ዼኤቢንቲ ዓልቃ ዋኣሢ ዴንቃኒ ኮዓሢጉዲ

ፆኦሲዮ! ታ ሼምፓሢያ ኔና ዴንቃኒ ዼኤቢንቲ ኮዓኔ።

2 ታ ሼምፓሢ ፆኦሲ፥ ናንጊና ባይቁዋ ፆኦዛሢ ዼኤቤኔ፤

ዓይዲ ታኣኒ ሄሊ ፆኦሲኮ ዓኣፖ ካሮ ዛጋንዳይ?

1 ፆኦሲዮ! ኔኤኒ ታ ፆኦዛሢኬ፤

ዒናፓ ታ ኔና ዴንቃኒ ኮዓኔ፤

ዑፃ ታኣኮ ኔና ሱኡካዻኔ፤

ዋኣሢ ባይዚ ሜሊ ፃሄ ሳዓጉዲ

ሼምፓሢ ታኣኮ ኔና ዼኤቤኔ።

2 ታኣኒ ኔና ኔ ማኣሮይዳ ዛጌኔ፤

ኔኤኮ ዎልቆንታ ቦንቾዋ ታ ዴንቄኔ።

3 ሚጪንቲፃ ኔኤኮ ናንጊዳፓ ባሼታሢሮ

ዻንጋ ታኣኮ ኔና ጋላታኔ።

4 ዓካሪ ናንጎ ዎዶይዳ ቢያ ኔና ታ ጋላታኔ፤

ኔ ሱንፆና ታ ኩጮ ታኣኒ ሌካ ዔቂሳኔ።

5 ሼምፓሢ ታኣኮ

ዔኤሲና ማሊና ሙዒ ዎዛዻ ዓሲጉዲ ዎዛዻኔ፤

ዻንጋ ታኣኮ ዎዛና ጋላታ ዓይኑሞ ኔኤም ዓይናዻኔ።

6 ታ ላሄ ቤዛ ዓኣዖ ኔና ማላኔ፤

ዋንቶ ቢያ ኔ ባኣዚ ታ ሱካኔ።

7 ኔኤኒ ታና ማኣዳሢታሢሮ

ኔኤኮ ጋኣዞ ሺቦ ዴማ ዔቂ ዎዛና ታ ዓይናዻኔ።

8 ሼምፔላ ታኣኮ ኔና ጩጫምቢ ዓርቄኔ፤

ኔኤኮ ሚዛቆ ኩጫኣ ታና ኬልቄኔ።

9 ታና ዎዻኒ ኮዓሢ ቢያ

ሃይቂ ዱኡኪንታንዳኔ።

10 ጬንቾ ዓፓሮና ዔያታ ዎዺንታንዳኔ፤

ሌዞ ዔያቶኮ ቦዖ ሙዓንዳኔ።

11 ፆኦሲ ዒዛም ባሺሢ ዒንጋሢሮ

ካኣቲ ዎዛዻኔ፤

ፆኦሲ ሱንፆና ጌፓ ዓሳ ቢያ

ዒዛ ጋላታንዳኔ፥ ሉኡቃ ዓሶ ዻንጋ ጋዓንቴ ዓርቂንታንዳኔ። ✝

22 ኑኡኒ ፔቴ ማዔሢ ጎይፆ ዔያታኣ ዎላ ፔቴ ማዓንዳጉዲ ታኣም ኔኤኒ ዒንጌ ቦንቾ ታ ዔያቶም ዒንጌኔ። 23 ታኣኒ ኔና ሺኢቃሢ ታኣኒ ዔያቶና፤ ኔኤኒያ ታኣና ማዔሢጉዲ ዔያታኣ ጉቤና ፔቴ ማዓንዳጉዲኬ፤ ሃሣ ኔኤኒ ታና ዳኬሢና ኔ ታና ናሽኬሢጉዲ ዔያቶዋ ኔኤኒ ናሽካሢ ዓጫ ዔራንዳጉዲኬ።

17 ናንጊና ናንጋ ጎዳ ማዔ ኔ ፆኦዛሢ ኔኤና ዎላኬ፤

ዒዚ ፔ ዎልቆና ኔና ባሺሳንዳኔ፤

ናንጊና ናንጋ ጎዳ ኔኤኒ ዎዛሳያ ማዓንዳኔ፤

ፔ ናሹሞና ኔና ዒ ዓካሳንዳኔ፤

ዴራ ቦንቾ ኬሊና ዓይኑሞና ዎዛዻሢጉዲ

ዒዛኣ ኔኤኒ ዎዛሳያ ማዓንዳኔ።»

9 ኑኡኮ ጎሞ ፆኦሲም ኑ ቡኡፄቴ ዒዚ ጉሙርቂንታያ፥ ሃሣ ጌኤሺ ማዔሢሮ ጎሞ ኑኡኮ ቢያ ዓቶም ጋዓንዳኔ፤ ኑ ዻቢንቶይዳፓኣ ቢያ ኑና ዒ ጌኤሻንዳኔ።