Intimidade com Deus
A intimidade com Deus é o maior privilégio do cristão. Ele nos convida a nos aproximar, a conhecê-lo profundamente e a desfrutar de comunhão diária com o Criador do universo.
Aproximar-se de Deus
Chegai-vos a Deus e Ele se chegará a vós. Deus deseja intimidade, não religiosidade. Ele busca os que o buscam de todo coração.
<<Ɛ kɔŋ, ɛmɛɛ baŋ pou loŋboaneŋ na ko ŋon,
ɛ kɔŋ loŋse ŋan gyaŋ,
ɛmɛɛ baŋ ɛ be dana kɔba ya,
ɛ kɔŋ kaa lɛɛ na ɛ ke di!
Ɛ kɔŋ kaa lɛɛ waen na miliki
bɔɔ na mo kɔba lɛɛ ya, te kɔɔ dana koya ya.
Weera dɔɔ te ɛ ne wɔlɛɛ kɔba abɔɔ ŋan te yɛɛ weenɛɛ ya nɛ dɔɔ,
te ɛ ne kaa lɛɛ abɔɔ ŋan be gyae ke baa ŋon ya?
Ɛ tei, ɛ tei maŋ na ɛ ke di weenɛɛ kpaakpaa,
te ɛ sia gyae ka gye nideli.
Ɛ see deŋele na ɛ ke kɔŋ me gyaŋ,
ɛ tei na ɛ ke nyiŋ nyeedoŋ.
Maa bakenɔɔ kekpaakekpaa na ŋon,
ma anokoare kegyae keŋ mɔɔ yakosee fa Dawide nɛ.
Kɛɛ, ma te yɛɛ e adansɛɛte fa balaŋ baŋ,
balaŋ baŋ siamante na yoonɔɔ siamante.
Kɛɛ, n ke yilaa tɛɛlese baŋ n ba gyeŋ wɔ ya nɛ,
te tɛɛlese ŋan n ba gyeŋ ya nɛ baa yeu kɔŋ n gyaŋ,
lee Degbeŋgyoo n Wurubuarɛ,
Iseraetena fereŋkyeŋte ŋon dɔɔ,
nawolo nyi ŋon faana neŋ wosekenyiŋ.>>
Ɛ kɛo Degbeŋgyoo debaŋ keŋ ɛ ke naa e,
ɛ baake e debaŋ keŋ ɔ benaa.
Maa kpa wɔ pɛ baa baake maŋ,
bɛɛ kolosi na me te wulaa nyii.
Sede de Deus
Como a corça deseja as correntes de água, assim a minha alma suspira por ti, ó Deus. A intimidade nasce do desejo profundo.
Mena keŋ ŋaa ne yase ɔ sia kɛo boo man loŋ nɛ,
mena ke yaa ma woo ne kɛo nyaŋ me Wurubuarɛ.
Wurubuarɛ, ŋon ɔ yɛɛ nyeedoŋ Wurubuarɛ e nɛ loŋboaneŋ na ko ma woo.
Woromɔ yaa maa gyu kena Wurubuarɛ siaman?
Nyaŋ Wurubuarɛ, yɛna me Wurubuarɛ,
me sia te yɛɛ mɛɛ kɛo neŋ,
mɛɛ kɛo neŋ ŋgba loŋboaneŋ kɛɛ ko walaŋ nɛ,
n ne gyɔ ma wose pou loo,
ŋgba depampaa tɛɛle dowolosa nɛ,
botɔɔ keŋ loŋ na loŋ be kyaa ya nɛ.
Me naa neŋ nyɔ ɔsom deni keŋ man,
te me naa n doŋ na n gyoorobiiri.
N kegyae dei kela nyeedoŋ,
mena dɔɔ me nɔɔsebia gyae ka lese n yele.
Maa lese n yele ma kekyaabii man pou,
maa gyina me nyiŋmaase adido n yele man.
Gyae ke baa maŋ ŋgba weenɛɛ kpaakpaa ŋaale te me diiwɔ nɛ,
na maa mo me nɔɔsebia kpee nɔɔneŋ lese n yele.
Me doo ma dofoŋoŋ dɔɔ na mɛɛ tɔɔse neŋ,
mɛɛ gyueŋ n wose man nelim pou.
Nawolo nyi nyaŋ ne kyɔɔna maŋ,
n beŋkelɛɛ wuluŋ tɛɛ te mɛɛ nyaŋee kpee nɔɔneŋ.
Ma te gɔtaa neŋ,
n dunoluŋ nyiŋmaa danaana maŋ.
Baŋ bɛɛ gyae baa ko maŋ nɛ baa munu,
baa tisi gyoo woyadɛɛ.
Baa mo yoosila koe wɔ,
na baa bese gbougbouse weenɛɛ.
Mɔna gyoo waa nyaŋee lee Wurubuarɛ dɔɔ,
baŋ bɛɛ mo ba wose lɔ Wurubuarɛ dɔɔ nɛ baa lese ɔ yele,
mɔna baa wuu akɛrɛɛtena nɔɔse.
Unidade com o Pai
Jesus orou pela unidade dos seus com o Pai. A intimidade com Deus inclui confissão, perdão e alegria na comunhão.