34 Nduɔ, nɔʼ m̈ɔ kɔ́ ŋkahə fefe tʉ bii. B̈ii kʉ̀ʉ ŋwɔŋtə-ii, haʼ ndə mɔ nɔʼ kʉ̀ʉ bii, mbəŋ-yii ghɔ nɔ kie ndə məkʉ̀ʉ ŋwɔŋtə-ii. 35 Kaʼ bii kʉ̀ʉ ŋwɔŋtə-ii, i chìi wʉʉnəmbikə kínə mbɔ bii nɔ bɛ vâafɔʼɔ-bɔŋ."

7 Mbʉətə bətieŋkɔŋ-bɔŋ, b̈ʉʼʉ kʉ̀ʉ ŋwɔŋtə-ʉʼʉ, bʉʼka ŋkʉ̂ʉ nɔ gwè hə kəghɔ-Nyii. Wo ndə ɔ kie ŋkʉ̂ʉ, Nyii nɔʼ bí ɔ, ɔ bɔŋ kínə Nyii.

20 Kaʼ wo ghɔ̀ŋ mbɔ, "Mɔ nɔ kʉ̀ʉ Nyii," bɔŋ bàa liŋ-iŋ, təmə ɔ nɔ bɛ wo kəlɛɛŋhə, bʉʼka kaʼ wo gòʼ təmə kʉ̀ʉ liŋ-iŋ ndə ɔ tʉʼ nyíɛ ɔŋ fɛ, ɔ mə kʉ̀ʉ Nyii ndə ɔ gòʼ təmə nɔʼ nyíɛ ɔŋ fɛ təka.

10 W̃otəmiyɔŋ ndə ɔ kʉ̀ʉ liŋ-iŋ nɔ káa mu kɛʼɛ, nɔ, təmə nubɛʼkə bɛ mu mbʉə-ɔ ndə bəkɔ i tʉ́ʉhə ɔŋ, ɔ chìi bʉ̂ʼʉ fɛ.

1 Wotəmiyɔŋ ndə ɔ bɛ́ŋ mbɔ Jiso bɛ mbʉ Wo ndə Nyii Kùŋ Tə́ŋ, Nyii nɔʼ bí ɔ, bʉə ndə bɔ̂ŋ kʉ̀ʉ mbʉ Tie nɔ kʉ̀ʉ wotəmiyɔŋ ndə ɔ nɔʼ bí ɔ.

22 Nduɔ ndə bii nɔʼ búu ŋwɔŋ-yii ndə i gwè hə ndəŋ məyʉ́ ŋgie-shʉəŋ-kə, kə́ tə́nə chɔ, ndə ĩ gwè nə ŋkɛŋ ŋkʉ̂ʉ tʉ bəbɛʼbʉə ndə bɔ̂ŋ nɔʼ bɛ́ŋ Nyii nɔ, b̈ii kʉ̀ʉ ŋwɔŋtə-ii nduɔ jyujyu nə fyiihə-ii inchəŋ.

25 təmə lèʼnə ndə mə-kə́-chə̀ŋtə kəyəŋ kəmɔʼ fɛ, ndə bəbɛʼbʉə nɔʼ lʉ̀ bɛ nuʼ-yʉə, b̈ʉʼʉ bɔŋ kə́ kwèʼhə ŋwɔŋtə-ʉʼʉ, fɔŋ ɛŋ kə́ bɛ ndə bii tʉʼ nyíɛ ndə mbʉ kəChî Tiekətʉ tʉʼ kə́ŋhə gwè.

16 Ŋgie-Klai-bə nɔ kie ndə məbɛ mu fyii-bii jyujyu, b̈ii kə́ dàhə bɔŋleʼ tʉ́ʼtə ŋwɔŋtə-ii nə ntɛ-mukətʉ-súunə-hə inchəŋ. B̈ii kə́ yùɔ lyuutə mu Ŋwɔʼnə təLyuu, lyuutə ndə i tʉʼ lə̀ʼtə Nyii bɔŋleʼ yùɔ ibɛʼ-yə lyuutə ndə i gwè hə kəghɔ-LyʉʉhəNyiikə, b̈ii kə́ yùɔ tʉ Nyii nə ndɔ mu fyiihə-ii.

19 B̈ii yùɔ ntɛ-təlyuu-Nyii-hə ndə Dɛbi kə yùɔ tʉ bəbɛʼbʉə bɔŋleʼ kə́ yùɔ ibɛʼ-yə ntɛ-təlyuu-hə ndə i gwè hə kəghɔ-LyʉʉhəNyiikə bɔŋleʼ bʉ̂ʼtə fɔbə ndə mələ̀ʼtə Tiekətʉ nə fyiihə-ii inchəŋ,

15 "Kaʼ liŋ-aŋ chìi bʉ̂ʼʉ tʉ a, gɛ̀ shyíi ɔ nə bʉ̂ʼʉ-e haʼ bii ɔ bəbûu. Kaʼ ɔ yʉ́ chu-a, təmə a nɔʼ bʉ̀nə kie liŋ-aŋ. 16 Bɔŋ kaʼ ɔ gòʼ təmə yʉ́ fɛ, lʉ̀ ibɛʼ-yə mbyu wo byuunɔ bʉə bəbûu b̈ii bɔŋ gɛ̀ mɔʼɔ, kə mbɔ ŋgiekə təmiyɔŋ ndə a gìe, bʉə bu bɛ ghɔ bəbûu byuunɔ, bʉə bətia ndə bəkɔ bɔ̂ŋ nú gwù mbɔ i nɔ kʉ̀ʼnə.

15 "Kaʼ liŋ-aŋ chìi bʉ̂ʼʉ tʉ a, gɛ̀ shyíi ɔ nə bʉ̂ʼʉ-e haʼ bii ɔ bəbûu. Kaʼ ɔ yʉ́ chu-a, təmə a nɔʼ bʉ̀nə kie liŋ-aŋ. 16 Bɔŋ kaʼ ɔ gòʼ təmə yʉ́ fɛ, lʉ̀ ibɛʼ-yə mbyu wo byuunɔ bʉə bəbûu b̈ii bɔŋ gɛ̀ mɔʼɔ, kə mbɔ ŋgiekə təmiyɔŋ ndə a gìe, bʉə bu bɛ ghɔ bəbûu byuunɔ, bʉə bətia ndə bəkɔ bɔ̂ŋ nú gwù mbɔ i nɔ kʉ̀ʼnə. 17 Kaʼ ɔ tɛ́ŋ ndə məyʉ́ chu-yʉə, a fʉ̀ʼtə tʉ chɔshi. Bɔŋ kaʼ ɔ tɛ́ŋ ndə mə-buŋ-yʉ́ chu chɔshi, a lʉ̀ ɔ ndə wo ndə ɔ gòʼ təmə bɛ wo-Juu fɛ leʼnə wo fí tashi. 18 Nɔʼ m̈ɔ shyíi bii nə shʉəŋ mbɔ nukə təmiyɔŋ ndə bii chíe kəchisê, bə bu fəŋ chíe yuo, nukə təmiyɔŋ ndə bii chóʼ kəchisê, bə bu fəŋ chóʼ yuo.

19 "Nɔʼ m̈ɔ bìʼ shyíi bii nə shʉəŋ mbɔ kaʼ bii bəbûu kie ŋgiekə imɔʼ kəchisê ndəŋ fɔkə ndə bii bíʼtə nə yie-ɔ, Tie-ɔ ndə ɔ bɛ yuo bu fɔ̀ʼ tʉ bii. 20 Bʉʼka yəŋkə ndə bʉə bəbûu byuunɔ bʉə bətia chə̀ŋtə chɔ yie-mɔ, mɔ nɔ bɛ mu bɔŋ."

35 "Nɔ bɛ haʼ nɔ, ndə Tie-ɔ ndə ɔ bɛ yuo bu chìi tʉ wotəmiyɔŋ mu bii, kaʼ ɔ gòʼ təmə sʉ̀fyii-i hə ndəŋ bʉ̂ʼʉ liŋ-iŋ mu fyii-ɔ fɛ."

40 Mbʉ Fɔŋ bu bə̀ŋhə tʉ bɔŋ mbɔ, ‘Nɔʼ m̈ɔ shyíi bii nə shʉəŋ, ndə bii kə fɔ̀ʼ tʉ ndyiʼtə-wo-kə mu bəliŋ-bɔŋ-bɔ̄ŋ, bii nɔ nə kə́ fɔ̀ʼ tʉ mɔ.’

35 Bʉʼka mbɔ wo ndə ɔ tʉʼ fɔ̀ʼ nukə ndə Nyii kʉ̀ʉ, ɔ nɔ bɛ liŋ-ɔŋ woləŋ ghɔŋbə liŋ-ɔŋ woke leʼnə naa-ɔŋ."

1 Kə a mə sɔ́ʼ woghəŋ shʉ́əshʉ́ə fɛ, kwə́ʼ tʉ ɔŋ buɔbuɔ fi nə ɔ bɛ tie-a. Lʉ̀ vâakəyɔwo bələŋ ndə bəliŋ-ba, 2 kwə́ʼ tʉ bəke ghəŋ buɔbuɔ ndə bənaa-ba, bɔŋleʼ kwə́ʼ tʉ vâakəyɔwo bəke ndə bəliŋ-ba, fɔ̀ʼ nubə-ɔŋ inchəŋ nə fyii-a itʉ́ʉnə.

8 Kaʼ wo gòʼ təmə kə́ lɛ́nə bʉə-kəlɔŋ-bi fɛ, fɔŋ ɛŋ kə́ bɛ yi-yə bʉə mu njaa, təmə ɔ nɔʼ tɛ́ŋ məmɔ̀ʼfyii ndəŋ Nyii ndʉʉmɛ i dʉ̀ʼ mbɔ nuʼ-i nɔ byʉ́ʼ tə chàa yi-wo-yə ndə ɔ gòʼ təmə kínə Nyii fɛ.