Irmãos
A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.
Amor fraternal
Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.
Mə za ə̈bə̈ tafa âgbɔ̂ əpʉ kə e: e yï tə̂ e lə takpa tə̂ e; mata ə̂në mə yində e kɔ, e-e ndje, e yï tə̂ e lə takpa tə̂ e. Kədə kə yi tə̂ kə sə lə takpa tə̂ e, azü nɔ̂ sə kə wusə̂ nə ə pa e sə tə atrawaya nə̂ əmə.»
Kə yi tə̂ to mâ ndə Ndjapä
Alaye ə̂në mə yində e ngbatshe kɔ, a yï tə̂ əzə̂ lə takpa tə̂ əzə̂, mbrə ə̂në kə yi tə̂ to mâ ndə Ndjapä, â əzü nɔ̂ ə̂në tshə sə kə yində azü, Ndjapä kə zû ətshə â tshə wusə̂ Ndjapä nə.
Kədə ə̈bə̈ əzü kə pa: «Mə yində Ndjapä», â tshelə ye wəra tə̂ ye tə̂ aye nə, tshə sə tə əyïəterə, mbrə ə̂në əzü ə̂në tshə yi yində aye nə, ə̂në tshə sə kə wu ətshə ə wu kɔ ne, tshə lï lï ndə kə pa tshə yində Ndjapä nə, ə̂në tshə wu ətshə wu ne kɔ ne.
Əzü ə̂në tshə yində aye nə, tshə sə lə ə̂yîəwo nə â ə̈bə̈ ərə lə ye ndə kə pa tshə te mbrə nə guta gu ne.
Lɔsu za äwä kə əzü ndə kə ro pâ tshepashɔ
Əzü nɔ̂ ə̂në tshə yində nə də lɔsu ye ə pa Jezu sə tə Kristə nə kɔ, tshə sə tə əgblə nə̂ Ndjapä, â əzü nɔ̂ ə̂në tshə yində Abä də Ndjapä nə, tshə yi ndje ndə aneshe nə̂ Ndjapä nə.
E yï tə̂ e lə takpa tə̂ e
Tə̂ äwä kə mbrə ərə Lïndə̂ djatra əpʉ, e dô tə̂ e tə azü ə̂në əndje sə mvo gâ ye, ndə kə pa e yi tə̂ e tə alaye də lɔsu bale. Rəkɔ, e yï tə̂ e tə bandanə lə takpa tə̂ e də lɔsu e nɔ̂.
Comunhão e edificação
Não abandoneis a congregação. Encorajem-se mutuamente, cantem juntos e instruam-se na Palavra de Cristo.
A tshï tshï äwä aangbɔ nə̂ əzə̂ tʉ, mata ə̂në alabə̈ azü nə ə mbrə tə mandʉ nə kɔ ne. Bale, a gbɔ̈gbɔ lɔsu angâ əzə̂ lə takpa tə̂ əzə̂, ə mbrə̈ rə ə ro ənə̂ sə̂ ə̂në a mbrə̂ ətshinə kɔ, ə̂në e wu ə pa əlo Âgbɔ̂ Əyïngerə ndô trö gâ ye kɔ.
Əpʉ nə̂ Kristə nə də aə̂rɔ̂ aərə tshelə nə nɔ̂ sə̈ lə e. E yïsə̂ ərə kə angâ e lə takpa tə̂ e ə mʉ̈ əpʉ kə angâ e lə takpa tə̂ e tə̂ äwä kə wusə̂ ərə nɔ̂ ə vï aamba aətshi, də aətshi kə vrɔ Ndjapä də aətshi ə̂në Âgbɔ̂ Yîrə̂ ə ko kə e kɔ də lɔsu e nɔ̂ ndə kə za mərshe kə Ndjapä nə.
E pä əpʉ lə takpa tə̂ e lə aətshi də aətshi kə vrɔ ətshe gâ ndə aətshi ə̂në Âgbɔ̂ Yîrə̂ nə ə ko kə e kɔ. E vï aətshi ə tɔ̈lɔ Âgbɔ̂ Əyïngerə də lɔsu e nɔ̂.
Perdão e reconciliação
Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.
Äwä kə gba əpʉ lə kumu ngâ zə
«Kədə aye zə kə ma əmbrʉ ərə kə əbə, nä ə wü ətshə. E də ətshə bishi, bə yisə̂ nyaka nə̂ ye kə ətshə. Kədə tshə dji əbə, kandää, bə wə̂ra aye zə nə gâ ye. Bale, kədə tshə dji əbə dji ne, zä ə̈bə̈ əzü bale wala bishi gâ ndə zə e na kwatəndje ndə kə pa e gamba əpʉ nə də ala azü bishi nə wala vəta nə.
Äwä kə gba əpʉ lə kumu ngâ zə
«Kədə aye zə kə ma əmbrʉ ərə kə əbə, nä ə wü ətshə. E də ətshə bishi, bə yisə̂ nyaka nə̂ ye kə ətshə. Kədə tshə dji əbə, kandää, bə wə̂ra aye zə nə gâ ye. Bale, kədə tshə dji əbə dji ne, zä ə̈bə̈ əzü bale wala bishi gâ ndə zə e na kwatəndje ndə kə pa e gamba əpʉ nə də ala azü bishi nə wala vəta nə. Kədə əzü nə kə wəra tə̂ ye ndə kə dji əpʉ nə̂ əndje, yïsə̂ ndəma əpʉ nə kə Laglizə. Kədə tshə wəra tə̂ ye ndje ndə kə dji əpʉ nə̂ azü Laglizə nə, wü ətshə mata ə̈bə̈ əzü ə̂në tshə wusə̂ Ndjapä wu ne kɔ wala ə̈bə̈ aworɔ ngendja lapɔ.
«Djatra əpʉ, mə pa kə e: ərə nɔ̂ ə̂në e sə kə kânga äwä nə pâ ashɔ, Ndjapä sə kə kânga äwä nə mâ lafɔ-e. Ərə nɔ̂ ə̂në e sə kə krɔ äwä nə pâ ashɔ, Ndjapä sə ndje kə krɔ äwä nə mâ lafɔ-e.
«Djatra əpʉ, mə kwatə̂ əmə ə pa kə e: kədə azü bishi lə takpa tə̂ e kə dji tə̂ əndje pâ ashɔ səye ndə kə yu tshuku ərə yekɔ, Abä əmə ə̂në tshə sə mâ lafɔ kɔ sə kə za ərə səkɔ kə əndje. Mbrə ə̂në, tə̂ ətshe ə̂në azü bishi wala vəta ngbo tə̂ əndje gâ tə̂ nə də əɨrɨ əmə, mə sə lə takpa tə̂ əndje.»
Bale, Jezu kwatə̂ye ə pâ: «Abä əmə ə̂në tshə sə mâ lafɔ kɔ sə ndje kə ma kə e äwä bale rə, kədə əzü bale bale lə takpa tə̂ e kə gba tshelə ködä nyaka gba lə kumu aye nə də lɔsu ye nɔ̂ ne.»
Bale, əyïngerə nə sə kə kirə əpʉ kə əndje ə pa: "Djatra əpʉ, mə pa kə e, alɔnɔ̂ ə̂në e ma ərə səkɔ kə ə̈bə̈ əngʉ əzü səye bale lə takpa tə̂ alaye əmə, əmə də̂ e mâ ərə nə kə əmə kɔ."
Əzü ə̂në tshə mbrə ərə ə̂në tshelə Ndjapä yində nə kɔ, tshə sə tə aye əmə, tə kobɔ əmə wala tə əyï əmə.»
Ngä ngä kə yawaza koshe ne, bale pä əpʉ kə ətshə mata abä zə, ə pä əpʉ kə amɔdɔ mata alaye zə, ə pä əpʉ kə yawaza yashe mata əyï zə, ə pä əpʉ kə alamvera mata alakobɔ zə, mbrə̈ rə də lɔsu ə̂në ə sə mvo nɔ̂ kɔ.
Kədə ə̈bə̈ əzü kə bata alayɔ nə bata, dîrî dîrî azü tshelə anda nə̂ ye ne, tshə tshî äwä əpʉ lɔsu tʉ gâ ye â sə tə əmbrʉ əzü ə rô əzü ə̂në tshə wusə̂ Ndjapä wu ne kɔ.