Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
आपणु आखा भगवानेन बुलेन अनसारे जीवणे मां बेसका कावा चुक जाजे। हेरेसी तुंद्रे मां जे चे, भगवानेन बुल सीकाड़न्या नी बणनु चाहजे। कदी काहनुक आपसी जीप काजे कब्जाम राखीन, सामळ्ये असा बुले बुल्या करे, चु माणुस पुरु-पुरु पाक्कु छे, ने चु आपसा आखा डीलेक बी कब्जा मां राख सके।
भगवानेन छाचलु भगत, पुराह्यला ने रांडायलान दुखो मां, तींद्री मदत करसे। अतरोत नी बाकुन चु तींद्री मदत करनेन टेमे बी, आपसा काजे ईनी कळीन पाप-धंदा सी छेटु राख्से। आपणा भगवान बासेन नींगा मां चुखलो ने नी-गुनावाळी भक्ती जीत छे।
काहाकी उपर सीत, आपणुक वारलु चीज ने वारला वाटा आपे, तींद्रेम काय बी कसर नी रवे। ने आखो वीजाळान बास सीत जड़े, तेरेमां काय बी बदली नी हय सके, ने नी अदलु-बदलु करने सी तीना पर साहळु पाड़े।
ने चु हुकुम मानीन पाक्कु हय गुयु, असु करीन ईसु मसी हुकुम मान्ने वाळा वाटे जलमेन छुटकारान वजे बण गुयु।
ईसु तीना काजे कह्यु, "कदी तु पाक्कु बन्ने चाहे ती जां तारा धन काजे वेचीन गरीब काजे आप दे, ने तुसे सरगे मां धन जड़से; ने तु मारु चेलु बणीन मारे पुठ्ये चाल।"
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
मे तुहुंं काजे ज असु करीन कह्यु की, तुहुंं काजे मारु हुकुम पाळनेन खुसी जड़ती रवे ने ची खुसी पुरी की पुरी जड़ जाय।
आज लग तुहुंं मारे नावे दुवा करीन काय बी नी मांग्या। मांगसु, ती भगवान तुहुंंक आपसे, असु करीन की तुंद्री खुसी पुरी हय जाय।
तुहुंं ईनी कळीन माणसेन तसा मां बणु; बाकुन तुहुंंक नवली अक्कल जड़ गुय करीन आपसो वीच्यार ने वेहवार बदली लेवु, असो करसु ती तुहुंं भगवानेन वारु, ने गमे तसी, ने पाक्की मरजी सय रीते पारखीन जाण जासु।
ए मारा भाय, बहणस्या मे तुंद्रे सी हामरा मालीक ईसु मसीन नाव सी लीलघाये की तुहुंं आखा एकुत वात कह्जु, ने तुंद्रे मां झगड़ा नी हवणु चाहजे, बाकुन एकुत मन ने एकुत हीया मां हयन मेळीन रवु।
ने जी आखी वात मानीन आंबा-सांबा दयाळु वेहवार करु, काहाकी परम आखाम एक्कु लावीन आखाक पुरा-पुरा पाक्का करे।
ईसु मसी काजे मानीन तुंद्रे धड़े हिम्मत, ने तेरा परमेन सांती, ने भगवानेन जीव-आत्मान सात-संगात, ने तुंद्रा मन मां दया छे, ती मारी खुसी पुरी करने करीन एक मने, ने एकुत परम सी, ने एकुत वीच्यार मां रहु, ने अलग-अलग नी बाकुन हेळी-मेळीन परम सी रहु। दीसरा माणसे मारी बड़ाय करनु चाहजे करीन, ने टठाये, काय बी काम, मां करु, बाकुन नीचळा हय्न आपसा सी दीसरा काजे अदुस वारु समजु। तुंद्रे मायन एकेक जणु आपसीत फीकुर अतरी नी, बाकुन दीसरान भलायन फीकुर बी करु। जसु ईसु मसीन वीच्यार ने वेहवार हतलु, तसुत वीच्यार ने वेहवार तुंद्रु बी रहणु चाहजे।
चु ईसु, भगवान हय्न बी,
भगवान बराबर हवणेन हक काजे छुड़ देदु।
ने आपसा काजे अतरु नानु
ने हेटु कर देदु,
की माणसेन अवतार लीन माणसेन तसु बण गुयु,
ने तींद्रे अगळ पावर्यान तसु बण गुयु।
ने चु खुद काजे अतरु नानु ने हेटु समजीन अतरु जबर नीचळु बण गुयु, की भगवान बासेन हुकुम मानीन मोत,
ने चु बी कुरुसेन काठली मोत काजे बी सेण कर लेदु।
तेरेसी भगवान बी तीनाक अतरु मटु बणाय देदु,
ने तीनाक च नाव आप्यु ज आखा नाव सी बेसको वारु ने उपर छे।
काहाकी जे सरगे मां ने धरती पर ने धरतीन नेचा छे;
चे आखा ईसुन नाव सामळीन,
तेरे अगळ मांडा टेके।
ने भगवान बासेन सेक-सींगार वाटे आखा माणसे असा कय्न मान लेय की,
"ईसु मसीत आखान मालीक छे।"
तेरेमां मारा लाटेक्ला, जसा तुहुंं जलम भगवानेन हुकुम मान्ता आय रया, तसात हय बी मारी हजुरी मां अतरात नी बाकुन मारी बीना हजुरी मां बी अळी अदुस बीहता ने कापता जाय्न भगवानेन हुकुम मान्ता जावु ने असा करीन आपसा छुटकारा काजे आपसा काम मां पुरो-पुरो उजेंतु हवणे देवु। काहाकी हयु भगवानुत छे, जु खुद आपसी वारलु मरजी साहरे ईनाक कामेक पुरो करने तुंद्री हेर ने काम करने बाजी र्यु।
आखो काम बीना कुड़-कुड़ ने बीना वाते-वातेम जखड़ी पड़े बीगुर करु। काहाकी तुहुंं नी-गुना वाळा ने बयमान ने पाप मां चालने वाळा माणसे अगळ बी भगवानेन चुखला पुर्या-पारी बणीन रहु, ने तींद्रे ईचमां तुहुंं भगवानेन जीवतेला बुले लीन दुनीया मां भबळता तारान तसा देखायु। काहाकी ईसु मसीन आवणेन दाहड़े मां घमंड कर सकीस, ने ते असो नी हय जाय की मारो दवड़नु ने मारी मेहनत करनु फालतु हय जाय।
ने ईसु पर भुरसु करीन तुहुंं जी सेवा कर रया, ची सेवा भगवान अगळ चड़ावली बादान तसी छे; कदी मेसेक तीनी सेवान बादा पर, तुंद्रे वाटे मारो लुही बी उवहाड़नु पड़े, तेबी मे खुस छे, ने तुहुंं आखा साते बी खुस छे। तसात तुहुंं बी मारेन तसा खुसी मां रहु, ने मारे पुठ्ये खुसी मनावु।
मालीक ईसुन मरजी हय ती, मे मामार मारा सात-देण्या तीमुथीयुस काजे तुंद्रेन्चां खबर्यु मकली दीस। जत्यार चु पछु आवसे, ने मे तुंद्रे बारामां सामळीन खुस हय्स, ने मेसेक सांती जड़से। काहाकी मारे साते हेरेन तसु दीसरु काहनु माणुस नी हय, जु चुखला मने तुंद्री भलायन फीकुर करतु हय। काहाकी दीसरा आपसी भलायन फीकुर कर रया, ईसु मसीन भलायन फीकुर नी करता। तुहुंंक असो मालुम छे की, तीमुथीयुसयु खुस-खबर सामळावणे मां काठी मेहनत करीन मारी असी सात देदु, जसु एक पुर्यु आपसा बासेक काठी मेहनत करीन सात देय। हेरेसी मे आस करो, की जसों मेसेक मारे बारामां पतु चाल जासे की, मारो काय हवणे वाळो छे, ती मे हीनाक तुंद्रेन्चां मकली दीस। मालीक ईसु मां मारु पाक्कु भुरसु छे की, तुहुंंक भेळु हवणे करीन मे बी मामार आयस।
बाकुन हय एप्रादीत्या काजे तुंद्रेन्चां पछु मकेलनुत पड़ रयो, जु मारु भाय बराबर छे, ने खुस-खबरेन काम मां सीपायड़ान तसु काठु जीव करन्यु मारु साजल्यु छे, ने तुहुंंत तीनाक मारी सेवा चाकरी करने करीन तीनाक मारेन्चां मकेल्ला। काहाकी चु ईसुन सेवा करतु-करतु मांदु पड़ गुयु, ने अळी तीनाक जो बी पतु चाल्यु की तुहुंं बी तेरी मांदवाड़ेन बारामां सामळी लेदा। जो जाणीन चु तुहुंंक भेळु हवणे करीन बेसकु हेर करीन घाबराय रयु। तेरेसी मे तीनाक तुंद्रेन्चां मकलो। छाचली मां चु मांदलु ते हतलु ने मरनेत वाळु हतलु। बाकुन भगवान तेरे पर दया कर्यु। मारे पर दुख पर दुख नी पड़े करीन तेरे पर अतरुत नी बाकुन मारे पर बी दया कर्यु। तेरेमां एप्रादीत्या काजे मकलने करीन मे बी तीयार हय गुयु। काहाकी तुहुंं तीनाक अळी देखीन खुस हय जावु, ने मारी फीकुर बी कम हय जाय। ने तुहुंं तीनाक मालीक ईसुन नावे बेसका खुस हय्न भेळा हवजु, ने आव-भाव करजु। ने असला माणसेन अदुस ईज्जत कर्या करजु। काहाकी चु ईसु मसीन काम करतु जाय्न आपसा जीव काजे हेतळी पर लीन मरनेत वाळु हतलु। ने तीना काम मां चु आपसु जीव आपणे बी तीयार हय गुयु। छेटा रवीन मारे पुठ्ये तुहुंं काजे ज काम नी बण्यो, च काम चु पुरो कर देदु।
चेतीन रहु! कुय करु दीसरान कुहराय्न बदले कुहराय मां करु; बाकुन तुहुंं जलम एक दीसरान ने मंडळीन बाहरनान बी भलो कर्या करजु।