Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Nek ngma yit in yet yit bafi irat. Ke akak di se fɛ́ da a rasak ni icɛɛt awo, anet yɔng mi se kushining, a da kyem a bereng kurɔm wu ngma kusum.
Kuri ikuus fɛ́ Ada Adakunom shan yet iyɔng fi i se vit karìk, ke ikyɛng icɛɛt ayi, iyɔng fɛ́ ba di gbingding bakumung nɛ nakpin ayɛt izot na, ni iyisik kurɔm vit imoon ice ayɛt ikyɛng fi i da ki beseng yit azatse kang.
Kaakyi kunang kutek ni kugyat, ku nes azanɛn, ku nes narɔ Ada fɛ́ a nye mgbey, ayɔng fɛ́ da a shesheng nse tɛ nawu fɛ́ na serese awo.
Ni izen fɛ́ ba mi ku shining gyat, a sot itis isheshek vit nkum sak ngma na bayɔng fɛ́ ba foos ifɛ̀ wu.
AYeso ku bun ni ifɛ̀ yɛ, <<Ki ngɔn shim i da sot gyat, tse da tsi irɛp ngma ikyɛng fi ngɔn bɛ̀, nɔng i da bin kaba bakan e, i da ma sɛ kurúm azanɛn. Ama anɔng, ni bi ni di kuus mo.>>
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
In tsin ki tak yin anɔng, nɔng iyɛ ikan hom, da se ayɛt in, nɔng iyɛ ikan yin bin shining.
Sak atut, iyin da i mi rip yin ikikak ni iyerek hom awo. Rip yin, ba da ki nɔɔk yin, nɔng iyɛ ikan yin bin shining.
I bi ti ikuus yin nggɔn azatse kang awo, won yin Adakunom na a shesheng kuyiring yin ni nggɔn yin. Na anɔng wu, i da kyem imara yin, ni rēn yin ikyɛng fɛ́ Adakunom shim, idɔng fi i se gyat, ikyɛng ishim, i ti se yɛɛt.
Ábaruneng, in tsin ra won ni yin ayɛt iyerek aTisa yit aYeso Kristi fok, won ngma yin ni sot yin bazining, kɔng ikaba bi se nate yin, nɔng i da sot yin ayɛt imoon ice gyatgyat, ni foos yin ni yiring yin ikyɛng izining.
Ayɛt nkyɔrɔk nang ngma, sok yin ishim aza akaakyɛ, iye fi itoos ishɛrɛp e gyat ngma.
Ki i sɛs yin igbingding fi ines nek kusot kufiri yin na Anet-Isheshek, ki i sɛs yin imen iyɛ nek ishim wu, ki ibɛ yin inyis nɛ Kabik, ki ibɛ yin ishim nɛ angmishish, in tsin ra won ni yin, sak yin iyɛ ikan hom ni di barang dot, won kuyiring yin ni kusot kuzining, ni shim yin bafidang, sot yin bazining ayɛt abik ni ikyɛng fi i da nye yin. I bi nye yin ikyikak nek ishim ice kɛ nek ito ice awo, tit ayɛt nggɔn imen ice ni kok yin bafidang se kashon ni iyin. Akak yin bi tsɛt ikyikak ifi ishim ice wu kyɛk awo, tit idɔng fɛ́ bakak di ki sɛ itek bà. Won nggɔn yin ni in tas nfɛ́ Anet-Isheshek aYeso,
Iwu fɛ́ ngma ni kusɛ wu
tɛ Adakunom,
da a sok nagbirigbɔng wu tɛ
na Adakunom.
Ti ikyɛng fɛ́ a di ki
tekap shɛng awo.
Awɛt, a sok ice wu
tɛ a yet ikyikak awo,
a sok nse kusot asam,
a bɛ azatse
ni kurɔm anet awe.
Ayɛt nse wu tɛ anet awe,
a men ice wu,
a nabak ice wu sak ni iku,
sak ni iku, kuri ifi itekak!
Nek anɔng, Adakunom
ku sok garang,
sak narɔ fɛ́ ka dung wat.
A ku nɔk iyerek fi
i wat kaakyi iyerek.
Nɔng, ni iyerek aYeso,
kaakyɛ anet da te guk akuut,
azanɛn nɛ azatse,
nɛ aben na kazatse.
Nɛ kaakyɛ anet da taas
ni ilem wu fok,
aYeso Kristi yet aTisa,
na Ada Adakunom
di sɛs iratek.
Nek anɔng, bacɛk iyɛ hom, kyɔn ti fi i mi di mɛɛ yin ni ifok-ifɛ́, da ma nek in se azɔng ni iyin kyɛk awo. I wat foos yin ide yɔkɔnɔng fi da in se azɔng ni iyin awo. Ya yin kashon ni i rasak ni kutomong isheshek yin. Ni nnyim ni itiim irɔm ashon Adakunom, sak ni igang e. Nek Adakunom wu a se ni kutomong ayɛt ayɛ yin, nek iwu fɛ́ a ki saas yin ni ras yin ikyɛng fi iwu shim. Na ki nesek yin agap iras kpaf ikyɛng itek dɔng fɛ́ a mi sak ni iyɛ wu.
Ras yin kaakyi ikyɛng vit ikɔk ke nanan ayi, nɔng i da sot yin vit inɛn, ni se yin halal, nnon Adakunom fɛ́ na se vit karìk, fɛ́ ba se ayɛt banet azatse kang fɛ́ ba se kangang, kuzam banet fi nhwyɛ mi wuruk ni ba, in shim ni iron yin nate ba tɛ ádat. Ama anɔng bà, ni iberese yin ifɛ̀ fi i nesek kutset e gak, na anɔng wu in bi di tsot kugwɔm atuk ibɛ́ Anet-Isheshek, fok da i tsi hom ni kutomong hom kin yet kufɛ́ abap awo. Awɛt ama inabak ashosh, ki kutset hom da sot inosong-ashi igang e, nek kutomong inɔɔk atsak yin, in bi iyɛ ikan ni ifeng ni iyin ngma. Nek anɔng, i se gyat ni bɛ yin iyɛ ikan ni ifeng ni imi bá.
In bi ite iyɛ na aTisa aYeso, fok ngmash ni in tom aTimoti sak ni yin, nɔng imi bin di sɛ iyɛ ikan ama fi in mi fok ikyɛng fi i se yin ayɛt e. Da imi ti in bɛ̀ akak fɛ́ a bɛ́ kuyiring kutek naton yin ti iwu awo. Nek ngma ishɛrɛp e tsɛsɛk ikyɛng fɛ́ ba di ki sɛ ice bá da ikyɛng fi i di ki sɛ aYeso Kristi awo. Awɛt iyin rēn yin fok, aTimoti mi tonong ice wu fok iwu se zɛɛt, nek ti nggon na ada ka, aTimoti mi ra isam gung ni imi ayɛt kutomong ishara ifɛ̀ deng. Nek anɔng, in bi ite iyɛ fok ngmash ni in ku tom sak ni yin, ki in sɛ irēn ikyɛng fi i da te ni imi. In bi nɔɔk atsak na aTisa, fok imi ice hom, ngmash ni in bɛ́.
Awɛt imi di i se gyat ni in ti in ki tom yin Apaforiditus, aruneng, afidang itomong nɛ afi ifiri hom ni itsom, fɛ́ a tɛ a yet atom yin, ayɔng fi iyin ku tun yin na a bɛ́ a di ses mo. A bi iyɛ ngash ku di yin, a nɔ kudaam nek iyin fok yin fok a kurɔ. Ey, na tsak e a kin se ni rɔk, bakat na a ku. Awɛt Adakunom fok angmishish wu, da angmishish wu kyɛk awo, ngma ni imi. Adakunom di tun kafa kawe naton kafa kawe. Nek anɔng, a di se ki in mi ku yirik na a bun, nɔng ki i ku di yin, i da nye yin iyɛ ikan ni kudaam hom di kyɛk. Ku shan yin ni iyerek aTisa ayɛt kafa kakan. Nesek yin banet ti iwu iratek. Nek gyet kyɛk ke a ku nek kutomong Anet-Isheshek. A nɔɔk nwaa kutset wu ayɛt igbingding hom, a ki faam yin mo kawat ikyɛng fi iyin kyem i nye yin awo.
Da akak na a tarang akak na anyas awo, tit na a nye nyɛk, nye yin itek sak na bafidang ni ishɛrɛp banet.