Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Ù nijo a vipɛlinɛni piti kpai. Ama naa shɔ gbete au nii ɓɛjo au nya shanɛni ɓa, si ikɔ zɛnɔɔ ruu shanɛ ɓɛjo au kɔuyuu dɔɔtɔyɛ.
Vigbete Ɗalapa u Ɓeye Nyaba gɨnnɛ gbete Ɗa, Ɓeye ɔrinɛu u ɔ̃ nyaba gɨnn;e tɔ̃ɨvɨng ukɔɔ ɔ̃rɛ: u kɔ jaavɔyi a suuvɔyi ai raaɓoonɛni,u kɔu yuu sɔ̃njo a nyaba gbete ɓa tɔ̃ ɓayɛ a koo tipini.
Vi ãnɛ tɔ̃vɨn shɛ arɛ a laarɛ a Ɗalapa ɗɔbii, shɔgbete au kɔri koo lapa a ɗɔsẽsẽniyɛ, shɔgbete au kɔsi ɓa, u risi ɗɔsẽsẽ u ɔ̃ ɗɔkɨnri ɓa.
Akɨnti gbete si yɛtɛ nɔgbete yɛ ɔ̃ tɛpɛ-tɛpɛyɛ, shɔ gbeteyi gɨu nyayɛ,
Yesɔ geliu ne,<<Akɛ tɔnɛ nɛn kasirɛ nɛn ɔ̃ tɛpɛtɛpɛ, yɛne, a mɛlaa vii wɛrɛ piti kpai a ã shɔ raayi, a yɛ kpaa ɗɔ vi sɨne tɔ a kolapa. Nɗaa arɛ, a gɨn kɛkn.>>
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
<<N gelɔɔ vim aru n binyatɔ̃nɛ u ɔ̃ a ɔkɔɔni, a nɔgbete ɔ binyatɔ̃nɛ u ɔ̃ jo piti kpai.
Anɛ dɔdɔrim ɔ ji gaki vi wɔɔ ɓa ang nii ɓa; ɔkɛ gakinɛ Ɗalapa yɛ ãwɔtɔ, nɔgbete ɔ sisɨn puru u ɔ̃ piti kpai.
Ɔkɔ ɓusi jakɨntimiyi vitɔ̃vɨng gelinɛ nɛ, ɔ yaa ɔ ruuvini pɛlinɛtɔ, ɔ kɔsi sisɨntɔ awɔ nyaba ɔ̃nɛ piti kpai, nɔgbete ɔyɛ zɛ vigbete Ɗalapa kasi nɛɔ pɛliyɛ, ukɔ ɔ̃rɛ vigbete tɔ̃vɨn a nyaba gbete Ɗalapa kasiyɛ piti kpai.
N shɔbiiyi n gakɔɔtɔ piti kpai au Uɓeyelapa Yesɔ Kirisi nii, ɔ ɓasiyuu ɔ nya u ɔ̃ gbete ayuu vigbete ɔ shayɛni, nɔgbete yuvɔsinɛ yɛ ɔ̃ tɔɓa awɔ tetteni ɓa. Ɔ yuɓasinɛ u ɔ̃ gbete shɔrɔrɔ, ɔ sisɨn u ɔ̃ gbete ɔ nyashanɛ u ɔ̃ gbete.
Vigbete au tɛɛ vimiyi kpai ukɔ ɔ̃rɛ zɔ ɔrinɛ, ukɔɔ ɓasi vimiyi yuurɛ ɗɔgbete kpai dangdang.
Ɔ Suru a Kirisi bi ukɔ masɔɔbiirɛ, u ɔrinɛkɔ roorɔɔ sisɨnrɛ. Ɔ yuɓasinɛtɔ a Ɗa Suruni ya? Ɔ ɔ̃nɛ tasinɛ tɔ̃vɨn a raatanɛni aɗɔni ya? Aru nankɔ n gakɔɔtɔ ɔ pɔ̃nrɛ n kpaa sisɨn purutɔ fɛ̃ɛm u lɛrinɛ u ɔ̃ gbete, u ɔrinɛ u ɔ̃ gbete, u ɔ̃ gbete a suru, u sisɨn u ɔ̃ gbete. Ɔkɔɔ pɛli viwɔɔnɛ aru ɔ yuu kasinɛ, ko aru yuu bassinɛ, ama ɔ roorɔɔ yuutɔ a zɔ biini, kopiɗaviya ɔ tuu shɔwɔyi naa i tɛwɔ tɛttɔ. Ɔkɔɔ kɔnɛ ɔ yuukɔ sheeli ama ɔ wesho jo zɔ gãsiyi ɓɛɛni. Ɔ ruubii u ɔ̃ jo naa Kirisi Yesɔ ɓɛɛyɛ:
Kopiɗaviya Yesɔ kirisi u ɓɛɛjo Ɗalapa kɔ,
ama ji pɔ̃ ɓa sisɨn ni ɓa ko a kaka nɛn zali a Ɗalapa niɓa.
A nɔgbete si pɛli vim, au kasinɛ a ã vigbete u a wuniyɛ kpai,
a risiu yuu naa jawɛrɛ
risiu yuu naa shɔzɛ
a shɛ a shɔzɛ jasuru.
Roori yuu a gɨn Ɗalapa nyarɛ au n-tiurɛ shɔ nyo vɔrɔ
aka naɓaanɛ a laa.
Aruumkɔ Ɗalapa basiu fɛ̃ɛm tɛɛ vi piti kpai.
a ãu nii gbete au tɛɛ nii gãsiyitɔ piti kpai.
Aru Yesɔ nii bassinɛ
vi piti a lapa a kotipini, a koo gbete a tɔ̃ɔ̃ tipi dii,
i yɛ ta a yugboti a Yesɔ ɗekɨn
i piti kpai i yɛ nwa Yesɔ Kirisi ruubiitɔ nɛu pɛ Uɓeyelapa,
aru shɔu bassi Ɗalapa u Ɓeye.
Aru nankɔ n shɔbiiyi gbete n ɔrinɛyɛ, ji naa ɔ gɨn n nya a lee-lee yɛ a ɗagbete n si a ɔkɔɔniyɛ, yɛ kɔritɔ ɔ ɔrin bajo dɔdɔrimkɔ a ɗagbete n ɓa a ɔkɔɔni ɓam. Ɔ yɛ ɗekɨn a vishonɛ pɛlinɛ atette Ɗalapa setintanɛ a bizaanɛni nɔgbete ɔ yɛ yisi vishonɛ gbete yɛ ãwɔ raanɛyɛ, aruviya kopiɗaviya Ɗalapa u ɗɔvishonɛ awɔ yuuni u pɔ̃wɔrɛ awɔ kasinɛ ɔ gɨu vigbete kasiyɛ.
A vigbete ɔ pɛli kpai ɔkɔɔ nwalinya wɔɔnɛ ko ɔkɔɔ masinyanɛ, nɔgbete ɔ yɛ ɔ̃ shɔ gbete i ruuvini ɓa tɛpɛ-tɛpɛ wasak naa Ɗalapa jaayi, shɔgbeteyi ɔ̃ a koo gbete shɔ kuli shɔ nɔɔ a shɔ ruuviyini. Ɔ̃rɔɔtɛ kaka jazɨng akɔrɔ ɔ koli ai tete naa sɛ koli a nyasiyɛ, naa ɔkɛ geli shɔ ruu gbete ã suruyɛnɛ. Ɔkɛ shanɛ, sin kpaa vigbete n baasi awɔ yuutɛ a leegbete Kirisi yɛ ayɛni, aruviya yɛ tasitɔ nɛ n bimanɛ ang vishonɛni kpai ji yɛ ɓa weze ɓa.
Ama ko shɔu tẽeng kpaa naa vi-ãnɛ gbete ɔ sisɨn ã Ɗalapa viyuu ãnɛyɛ. Kɛ ɔ̃nɛ nankɔ, si n nta sisɨn purutɛ, n yɛn nta sisɨn purutɔ a kooni kpai. Ji nankɔ, ɔ̃rɔɔtɛ kaka jazɨng akɔrɔ ɔ nta sisɨn purutɔ, ɔ tasi sisɨn puru ntanɛtɔ a nkɔni.
Kɛ ɔ̃nɛ Uɓeyelapa Yesɔ kasinɛ, yɛ ɔ̃ ɓa ɗɔkɔkɔ ɓa n pɔ̃ sisɨn n yɛn zɛnɔɔtɔ n sho Timotirɛ awɔ ɗɔbiini, nɔgbete n yɛn kpaa bi lakinɛ ayuu ruu gbete n nta awɔ yuuni. Ji ukɔ sheeli nta ruu ang nya a shɔgbete au yɔriyuu awɔ yuuniyɛ. Ko-piya yɔriyuu jo au ɓɛɛ vishonɛkɔ sheeli, ama ɓa ayuu vigbete sã Yesɔ Kirisi ruubiiyɛ ɓa. Ama ɔ awɔ yuu ɔ zɛ nɔgbete Timoti tasiu vishonɛyɛ tɛttɔ, nɔgbete u a nkɔni, naa javɔshɔ a ɓeye, u pɛli vishonɛ tɛttɔ a ɗɔɔzɔ ayuu ruu tɔ̃vɨn ni. Yɛ ɔ̃ ɓa ɗɔkɔkɔni ɓa nkɛ nta vigbete yɛ kpaan yɛnɛ n pɔ̃tɛ sisɨn n-tɛ n yɛn shoutɔ awɔ ɗɔbii.
N ã sisɨntɛ au Uɓeyelapa biini, yɛ ɔ̃ ɓa dɔkɔkɔ ɓa n yɛn awɔ ɗɔbiitɔ.
N zɛ ang sisɨn n-tɛ pɛ tɔ̃vɨn n shoshi ɔ mazɔ̃ Abaporiditu, shɔgbete au pɛli vishonɛ au waaba naa jashonɛ a nkɔni aru u shi ayuu ruu tɔ̃vɨn au pɔ̃sing naa. Zassibiitɛ fɛ̃ɛm aru kasɔɔ zɛnɛ kpai, yɔriyuutɛ fɛ̃ɛm aru ɔ nta nɛu vɔrɔyɛ. Nizɛ usi vɔrɔ nakɛ vɔnɛ, ama Ɗalapa ntau raatɔ, si ɓa au yuukɔ sheeli ɓa ama a nkɔni, si ɓa ɗɔkɔ ɓa n yɛti lɛsinɛ si ɔ̃ bang. Ukɔ sɨnrɛ n kasirɛ fɛ̃ɛm n shourɛ toti awɔ ɗɔbii nɔgbete ɔ nta sisɨn puru naa ɔkɛ zɛunɛyɛ, n yɛti lɛsinɛ yɛ yisinyakɛtɔ. Ɔ tɛu nakaziti a sisɨn puru, naa shɔ sisɨn ãnɛ a Uɓeyelapa bi. Shɔ naa shɔmiyi ɔ tasiyi basinɛtɔ kpai naa ukɔ, aruviya mɛliu suru tɛttɔ naakɛ vɔnɛ maani aru Kirisi vishonɛ, aru u pɔ̃sinnaa ayuu vigbete ɔ awɔ yuu ɔ ji zɛnɔɔ pɛlinɛ ɓayɛ.
Ɔ kɔyuutɔ shɔwɔ ukɔ kɔsinɔɔ vikɔ̃linɛ a vikɔ̃linɛni, ama kopiɗaviya ɔ pɛlɔɔ yuu vitɔ̃vɨng a kopiyani.