Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
परमेशरे बात आसा शुची-पाक्की,
बिधाते बैणा दी आसा सत्त। ज़ुंण तेऊ सेटा शरण लआ,
सह करा तिन्नें फाज़त।
हे परमेशर बिधाता, तेरी बात आसा शुची-पाक्की,
तेरै बैणा दी आसा सत्त।
ज़ुंण ताह सेटा शरण लआ,
तूह करा तिन्नें फाज़त।
बिधाता दैआ तिन्नां लै बर्गत ज़हा दी किछ़ै खोट निं हंदी अर
ज़ुंण बिधाते बधाने साबै ज़िन्दगी ज़िऊआ।
तेथ सका सिधै तिंयां ई मणछ डेऊई ज़ुंण नर्दोश ज़िन्दगी ज़िऊआ अर
कबल्लै भलअ ई करा,
अर ज़ुंण दिला का शुची गल्ला बोला।
ज़ुंण होरीए बेइज़ती निं करदै,
ज़ुंण आपणैं साथी-संघी लै बूरअ निं करदै अर
नां तिन्नें फुआह पांदै।
ज़ुंण मणछ मानदार अर धर्मीं आसा,
सह करा तिन्नें मज़त अर फाज़त।
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
हाम्हैं सोभ करा कई बारी च़ूक, ज़ुंण आपणीं ज़िभा बशै करा, सह ई आसा सिध्द मणछ अर सह सका आपणीं सारी देही बशै करी।
म्हारै बाब परमेशरा का शुझिआ धर्म इहअ कि छ़ुटै-मुक्कै दै अर बिधबा बेटल़ीए करनी तिन्नें खरी-अऊखी मज़त। आप्पू रहै संसारे हर पाप करनै का दूर रही नर्दोश।
किल्हैकि हरेक शोभलअ बरदान अर हरेक शुचअ दान एछा म्हारै बाब परमेशरा का ज़ुंणी सरगे सोभै प्रैश्शै दैणैं आल़ै तारै बणाऐं। सह निं बदल़दअ अर नां फेर फिरी करै छ़ैल्ली ज़िहअ एछदअ डेऊंदअ रहंदअ। परमेशर आसा हर बगत भलअ।
सोभी गल्ला दी सिध्द हई बणअ सह सोभी लै उद्धार दैणैंओ मूल़ ज़ुंण तेऊए गल्ला शूणां अर मना।
ईशू बोलअ तेऊ लै, "ज़ै तूह सिध्द हणअ च़ाहा, तै डेऊ, अर आपणीं ज़ैदात बेच़ पठी संघा बांड तेता रैनै-गरीबा लै। ताह जाणअ धन स्वर्गै भेटी। आप्पू च़ाल्ल तूह मुंह संघै।"
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
मंऐं बोली तम्हां ई का ईंयां गल्ला एते तैणीं कि मेरी खुशी तम्हां दी बणी रहे अर थारी खुशी पूरी होए।
अज़ी बी निं तम्हैं मेरै नाओंऐं किछ़ै मांगअ आथी, ज़ै तम्हैं मांगे, तै जाणीं तम्हां सह गल्ल भेटी ज़ेता तम्हैं मांगा ताकि थारी खुशी पूरी होए।
एऊ संसारे मणछा ज़िहै निं हआ, थारै मन्नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।
भाईओ, हुंह करा तम्हां का प्रभू ईशू मसीहे नाओंऐं अरज़ कि तम्हैं सोभै डाहा आप्पू मांझ़ै सोभै कठा रही एक मन्न अर एक मकसद।
सोभी का ज़रूरी गल्ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़।
तै ऐबै, ज़ै मसीहा दी तम्हां हैअ आसा, मसीहे झ़ूरी दी तम्हां शांती आसा, पबित्र आत्मां दी साझ़ आसा, मसीहा तम्हां लै झींण अर झ़ूरी किई, तै करा मेरी ऐहा खुशी पूरी कि एक मन्न रहा अर एक्कै ई झ़ूरी, एक सोठ अर हर काम करनअ सोभी मिल़ी-ज़ुल़ी करै एक मन्न बणाईं।
ज़ेऊ साबै तम्हैं ज़िन्दगी ज़िऊआ, तेथ निं सिधअ आपणअ नफअ भाल़णअ। घमंडी निं हणअ। हथू करनी होरीए बी इज़त। होर मणछ बी समझ़णैं आप्पू का खास। सिधै आपणैं ई बारै निं सोठणअ कि थारी कै ज़रुरत आसा। तम्हैं सोभी करनी होरीए बी गरज़ पूरी।
थारी सोर लोल़ी तेऊ साबै हुई ज़ेऊ साबै मसीहा ईशू सोठा:
मसीहा निं परमेशर हई बी
परमेशरा ज़िहअ हणअ आपणैं बशै डाहणें गल्ल समझ़ी।
सह बणअ होछ़अ,
मणछे देही धरी करै हुअ सह हाम्हां लै
दासे रुपै प्रगट हई मणछा ई बराबर।
पर तेभै बी त सह परमेशर ई।
मणछे रुपै प्रगट हई हुअ सह मानदार
अर परमेशरे हर गल्ला मनी मरनै तैणीं, इधी तैणीं कि ज़ुल्म करनै आल़ै ज़ेही ज़िरी तेऊ क्रूसे मौत बी।
तैही किअ परमेशरै मसीहा लै सोभी का बडी पदबी दैई तेऊओ अदर
परमेशरै दैनअ तेऊ लै अह नाअं ज़ुंण सोभी नाओंआं का बडअ आसा।
कि ज़ुंण स्वर्गै अर पृथूई दी अर ज़ुंण पृथूई हेठै आसा,
तिंयां सोभै प्रभू ईशूए नाओंऐं ज़ान्हूं टेक्की करै तेऊओ अदर करे।
बाब परमेशरे प्रतप्पा लै
सोभै लोग ऐहा गल्ला मने कि ईशू मसीहा ई आसा प्रभू।
मेरै पैरै भाईओ, ज़धू हुंह तम्हां संघै त तधू रहै तम्हैं सदा मेरी हर गल्ला मंदै लागी। ऐबै आसा हुंह तम्हां का दूर अर तै आसा तम्हां लै होर बी ज़रूरी कि तम्हैं मेरी गल्ला मने। परमेशरो अदर अर डरा हेठै रही मना तेऊए हर गल्ला, थारै उद्धारा का भेटणैं आल़ी शोभली गल्ला लै करा होर बी खास्सी मैन्थ। किल्हैकि परमेशर आसा तम्हां दी आप्पै लागअ द काम करदअ अर तम्हां लै एही शोभली च़ाहा अर शगती दैंदअ लागअ द ज़ेता करै सह खुश हआ।
कोई बी कामां करना लै नां हठल़दै लागणअ अर नां किज़ै खरी खोज़णीं। ताकि तम्हैं शुचै अर पबित्र हई उंबल़ै अर हठू लोगा मांझ़ै परमेशरे बेदाग लुआद बणी रहे। ज़हा मांझ़ै तम्हैं सदा रहणैं आल़ी ज़िन्दगीओ बैण लई एऊ संसारै ज़ल़दै सदीऐ ज़िहै शुझिए। कि मसीहे फिरी एछणें धैल़ी हुंह बी तम्हां पिछ़ू घमंड करी सकूं कि नां मेरअ प्रभू दी अह ठुहर्नअ अर नां मेरी अह मैन्थ ज़ांऐं डेऊई।
ज़ै मुंह थारै विश्वासे बल़ीदान अर च़ाकरी लै मुंह मरनअ बी पल़े तैबी आसा हुंह खुश अर तम्हां सोभी संघै मनाऊंआं हुंह खुशी। तिहै ई रहा तम्हैं बी खुश, अर मुंह संघै मनाऊंआं खुशी।
मुंह आसा प्रभू ईशू दी आशा कि तिमोथी छ़ाडणअ मुंह तम्हां सेटा लै एभी, ताकि थारै हाल-च़ाल ज़ाणीं करै मुंह बी हैअ भेटे। किल्हैकि मुखा निं इहै सभाबो कोहै आथी ज़ुंण शुचै मन्नैं थारअ फिकर करे। होरी हआ सिधी आपणैं बारै फिकर। तिन्नां निं मसीहा ईशूए कामें बारै फिकर हंदअ।
पर तिमोथी आसा तम्हैं परखी बी हेरअ द अर तम्हां का इहअ थोघ बी आसा कि ज़ेही मैन्थ एक शोहरू आपणैं बाब संघै करा, तेही मैन्थ किई तेऊ मुंह संघै खुशीए समादा खोज़णें च़ाकरी करना लै। मुंह आसा एही आशा कि ज़िहअ ई मुखा थोघ लागे कि आजू मेरी किज़ै दशा हणीं, तिहअ ई छ़ाडणअ मुंह अह तेभी तम्हां सेटा लै। मुंह आसा प्रभू दी इहअ बी भरोस्सअ कि आप्पू बी एछणअ हुंह तम्हां सेटा लै छ़ेक्कै।
इपफ्रदीतुस आसा तम्हैं मुंह सेटा लै ज़रूरी गल्ला लै मेरी च़ाकरी करनै आल़अ दूत छ़ाडअ द। सह आसा मेरअ भाई, प्रभूए कामां लै साझ़ू शधाणूं अर साथी जोधअ पर मंऐं समझ़अ सह तम्हां सेटा लै ज़रूरी छ़ाडणअ। किल्हैकि तेऊओ मन्न त तम्हां सोभी सेटा लागअ द अर तैही रहा त अह खास्सअ बेचैन ज़िहअ, किल्हैकि तम्हैं त एऊए बमारीए बारै शूणअ द। अह हुअ त सच्च़ी बमार, इधी तैणीं कि सह गअ त मरी, पर तेऊ लै किई परमेशरै झींण कि सह नरोगअ। मुल्है बी किई झींण कि मुल्है शोगा प्रैंदै शोग नां होए।
तैही किई मंऐं तेऊ तम्हां सेटा लै छ़ाडणें कोशिश कि तम्हैं तेऊओ मुंह भाल़ी खुशी होए अर मेरी फिकर बी दूर होए। तैही करै तम्हैं बी प्रभू दी तेऊओ बडै नंद अर खुशी दी सुआगत अर इना इहै मणछो करनअ अदर। किल्हैकि एऊ पाऐ मसीहे कामां लै आपणैं प्राण बी खातरै दी अह बच़अ मरनै का बाल़-बाल़, ताकि ज़ुंण कामीं पेशी तम्हां बाखा का मेरी च़ाकरी दी हुई, तैहा पूरी करे।
ऐहा गल्लो डाहै धैन, तम्हां मांझ़ै निं कोहै कसरै कदुष्ट कामें बदल़ै बूरअ करी। पर कबल्लै रहणअ भलाई करना लै आजू, अर आप्पू मांझ़ै अर सोभी संघै करा भलाई करने कोशिश।
पर तज़ी बी हआ परमेशर मुंह गंईं-गंईं हांढदै भाल़अ लागअ द,
पर ज़ेभै सह मुंह परखे,
हुंह निखल़णअ च़ोखै सुन्नैं ज़िहअ शुचअ।
हुंह रहअ कबल्लअ ज़ेसी तेऊ बोलअ तैहा ई बाता हांढदअ लागी,
तेता का निं हुंह ओर्ही नां पोर्ही डेऊअ।
ज़िहअ तेऊ हुकम किअ, मंऐं किअ तिहअ ई,
मंऐं निं कधि आपणीं मरज़ी किई अर मंऐं किअ तिहअ ई ज़िहअ सह च़ाहा त।