31 Úaraguati lémeri Nubungiute,

lunti lemenigidúniwa luagu le füramase lubéi Nabureme.

Góunigi lumutiña Nubungiute sun ha hemenigibaña luagu.

30 Suruti lémeri Bungiu,

gadünati lererun Aburemei lun lemenigidun luagu;

góunigi lumutiña Bungiu sun ha afiñebaña luagu!

1 Fuleseiwatiña ha harumabei hóuseragun houngua,

falá haméi larufudahan Aburemei.

2 Hárügüñanu richaguabaña abagaridun,

adüga haméi le buídubei,

ha ariñagubalin inarüni tídangiñe sun hanigi,

3 ha mayanuhanbaña wuriba ni ka uagu

ha madügünbaña wuribati houn hamadagu,

manabun hamaña habesinanigu,

7 Íderagua lumutiña ani góunigi laña

ha abagaridubaña lidan úarani

luma lidan arumani le gumuti.

2 Sun wagía charatiwa; anhein anihein lubéi aban gürigia machararunti lidan le lariñagubei, aban wügüri buiti le gumuti ligía, le giñe gayaraabei labuguruni sun lúgubu.

27 Anihán agunfuliruni le harumabei, le aubei lagundaara Wáguchi Bungiu: Lun wíderaguniña méteñuhaña hama würiña ha hilaañabaña hámarigu lidan hadiheri, luma lun madaseirun wamá lau burí katei wuribati le lani ubóu le.

17 Sun buiti le ichugúbei woun, le úabei mégeiti luagu siélugiñe liabin, lúmagiñe Bungiu le adügübalin burí lilanpuna sielu. Bungiu le ligiamémebei súnwandan; úati sánsiguaü lidan, mamuñoungadun ligía.

9 Dánbeiti úaraguaali sunsuinagubei lau lasufurirun, ñǘbuinti lun lébunabei lan asalbaruni le magumuchaditi houn sun ha gaganbadibaña lun.

21 Aba lariñagun Hesusu lun:

—Anhein busén bubéi buidu ban sunsuinagubei, alugurabéi sun le búmabei, ábame bíchuguni lebegi houn gudemetiña, ábame bibihin irisini sielu; ábameti biabin, ábame bafalarunina.

11 «Nadimurehanbei hun ítara lun hagundaarun numa, dayarü láamuga hugundan.

24 Chülǘ lumoun dan le, mamuriahangidün ni kata lidan niri; hamuriaha, ábame hibihin, buin humaamuga lau ugundani.

2 Hebé habagaridun keisi lirahüñü ubóu le; lubaragiñe lira, sansi huméi ligaburi hisaminan, sansi láamuga giñe ligaburi habagaridun. Ítara luba hiabin lun hasubudiruni le lugundanbei Bungiu hun—le buídubei, le úaraguabei.

10 Niduheñu, ayumuraguatina hun lidan liri Wabureme Hesukrístu, lun húaradun, lun ua lan fánreinguaü hidan. Abagarida humá lidan úarani le gumuti, lau ábanmeme luwuyeri saminaü luma aritaguni.

14 Lóugiñe sun katei, hínsiñehabu humá; ligía katei le íchugubalin sun katei lidan aban.

1 Ánheinti rúhali lubéi Kristu ubafu hun lun híchugun gurasu, anhein íderagua lubalün línsiñehabu lun híchugun dǘgüdaguaü houn amu, anhein gafanran hubéi súngubei lidan ábanmeme Sífiri, anhein anihein lubéi gudemehabu tidan hanigi, 2 gúndaaguagüda humana lau haganóun lidan úarani luma ínsiñehabuni húmawagua, óundarañu lau ábanmeme Sífiri luma ábanmeme saminaü. 3 Madüga humá ni kata huouguarügü lun hanügǘniwa weiri, ni lau pantaü; lubaragiñe lira lau lan ǘnabuguni, ani buidulá hanügüniña amu gürigia huéi guánarügü. 4 Mámarügüla katei le buídubei hun háluaha, áluaha huméi giñe le buídubei houn amu.

5 Ítaramemela ligaburi hasaminarun kei meha ligaburi lasaminarun Kristu Hesusu:

6 Lau sun meha Bungiu Irahü lan ligía,

málugunti lárügüdüni liricha kei Bungiu.

7 Lubaragiñe lira, aba lígiruni le lánibei,

aba ladügün kei ubúeini lau lágurahoun kei wügüri.

8 Danti le ítarahali kei wügüri,

aba lǘnabudaguagüdüntima lungua,

ani ladüga laganbadi, aba lounwen luagu gurúa

lau sun nibusigarídüna lan óunweni luagu gurúa.

9 Ligía líchugunbalin Bungiu liñun-agei uéiriguni lun

luma iri le wéirigutimabei lídangiñe súngubei,

10 lun danme lan haganbuni sun ha siélubaña, ha múarugubaña,

hama ha lábugiñebaña múa liri Hesusu, lun háhuduragun lun;

11 gúfese tuguyame sun iñeñein luagu Hesukrístu lan Waburemebei,

lun luéirigun Bungiu Úguchili.

12 Ítara liña lubeiti niduheñu hínsiñetiña nun, ítara kei aganba humanina súnwandan dan le meha húmañadina lan, aganbatima humana guentó dan le dise nan. Awadigimaridameme humá lau duari luma inebesei darí hasubudiruni ka lan asalbarunibei le tímatimaati. 13 Bungiu íchugubalin lubuidun aritaguni hun lun héibugun luma, íderagualaün lun hadügüni kei labusenruni.

14 Adüga huméi sun katei magülülühanga ani masigenehanga huguyame, 15 madarirúniwa láamuga duru huagu, ni mégeiti, lirahüñü humaamuga Bungiu, ha harumatiña haganagua gürigia wuribatiña ani salufuritiña. Huguya, harugoungadagüdatün haganagua gürigia hagía kei waruguma ubouagu, 16 ragüñu huguya luagu uganu lánina ibagari. Dánmeti liabin Hesukrístu, gúndaabadina huagu, lau nasubudiruni luagu mama lan luagu ni kata náfaagua luma nuadigimarida haganagua. 17 Íbini lun lan níchuguni nibagari guánarügü lun lóustarun idewesei buiti le híchugubei lun Bungiu luagu hafiñen, gúndaabadina úara huma luagu. 18 Lunti giñe hagundaarun úara numa ani gafanran huguyame numa lidan nugundan.

19 Anhein busén lubéi Wabureme Hesukrístu, nóunahabei Timotéu arihaün madise, lun gayaraabei lan nagundaarun danme le lagiribudun lau uganu nun huagu. 20 Ladüga úati amu numa le asaminaruti kei au, le áfaaguti lun buidu lan lidin hun; 21 súngubei hawouguarügüñein haritagua, mama le labusenrubei Kristu Hesusu. 22 Ánheinti Timotéu, subuditi ligaburi hun, luma ida liña lan leseriwidun numa lidan lapurichihóun uganu le lánina asalbaruni keisi aban isaani le íderaguti lúguchi. 23 Agurabatina lubeiti nóunahani arihaün lárigiñeme nasubudiruni kaba lan asusereda nun; 24 lau sun afiñe nan luagu anihán lan lugundanbei Bungiu, lun nidin arihaün nungua madise.

25 Genege lumuti giñe nun luagu lunti lan nóunahani níbiri Epafurodítu lárigoun humoun. Kei hasubudirun, ligía nóubabei lidan luadigimari Kristu luma lidan áfaaguni, le hóunahabei huguya guánarügü nun lun letenirun lun le nemegeirubei. 26 Wéiriti lálugun huagu ani gíbeti laritagun ladüga haganbun luagu lisandi. 27 Inarüni luagu sandi lan meha, yarafa lun lounwen; gama lumoun aba gudemehabu lan Bungiu lun luma nun lun mibihin nan íruni lanwoun le nuágubei, aba lareidaguagüdüni. 28 Ligíatima nabusenrubei nóunahani lun hagundaarun lau harihini luma lun maweirin lan nirun. 29 Resibi huméi lau sun ugundani keisi iduhei luéigiñe Wabureme Hesukrístu; ani hínsiñe hagíame sun ha ítarabaña kei ligía hun súnwandan, 30 kei chülǘ lubéi yarafa lun lounwen ladüga leseriwidun lun Kristu. Deregeguati lungua, meberesegúnga kaba lan asusereda lun, lun leseriwidun nun, katei le hásiñarubei adüga lugundun díseñu hiña lan nuéi.

15 Ualá ni aban afayeiruti wuribani luagu wuribani. Hóucharügü humá hadügün buiti húniwagua, luma houn sun gürigia.

10 Subudi lumuti kada aban lídangiñe némeri,

ánhana lóuchagua harumañu luba náfuridun kei golu.

11 Súnwandan nafalaruni üma le larufudubei

nun madireirunga luéi.