Jesus me ama

19 Ənə̂ əzə̂, kə yi tə̂ sə tə̂ lɔsu əzə̂, mbrə ə̂në ətshə, Ndjapä nə, tshə yîndə əzə̂ angbʉlînə.

10 Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne.

16 A wusə̂ kə yi tə̂ tə̂ äwä ərə səye: Jezu Kristə nə kâ tə̂ ye də sorô ye nɔ̂ mbrə əzə̂. Əzə̂ ndje, a lï ndə kə pa a ka tə̂ əzə̂ də sorô əzə̂ nɔ̂ mbrə alaye əzə̂.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

8 Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.

38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

35 Əde kə lï ndə kə pa tshə sɔ əzə̂ gashe tə̂ kə yində əzə̂ ə̂në Kristə nə yîndə əzə̂ kɔ? Ərə əyo wala âgbɔ̂ awa wala ərə kanga ə̂në azü ə mbrə tə̂ əzə̂ kɔ wala əgo wala aərə ə̂në a sə sə də nə ne kɔ wala ə̈bə̈ əmbrʉ ərə wala kuzu a? 36 Mata ə̂në Fraka nə̂ Ndjapä pâ əpʉ ə pa:

«Mbrə əbə,

ä sə lə ama kuzu alɔnɔ̂,

azü wu ä tə andalimi ə̂në əndje sə kə wa angrɔ əndje ə wa kɔ.»*

37 Bale, lə aərə səkɔ nɔ̂, a rô pâ nə də awlra gâ ye tə̂ äwä ətshə nə ə̂në tshə yîndə əzə̂ gâ ye kɔ.

5 Jezu Kristə nə, tə awopandəma ərə nə də äwänə, tə angbʉlî əzü kə she lə takpa tə̂ akuzu kɔ, ndje tə makɔndji nə̂ alayïngerə tshepashɔ nɔ̂, mbrə̈ ndje ə̂rɔ̂tə̂ ye kə e ə zä blatshe kə e!

Jezu Kristə nə yində əzə̂ â djɔ̂ əzə̂ lə anyaka nə̂ əzə̂ gâ ye tə̂ äwä ə̈ndjï ye kɔ. 6 Tshə mbrə̂ əzə̂ tə azü Əgɔngerə nə̂ ye, tə aawotokrɔ mbrə Abä nə də Ndjapä gâ ye. Kə mbe ətshe də awlra sə̈ mbrə Jezu Kristə nə də ə̂ngû də ə̂ngû piii! Asərəmə!

Kə sə əzü lə ə̂yîtshe

1 Ə̂në e sə tə aneshe ə̂në Ndjapä ə yində e ngbatshe kɔ, e mbrə̈ ərə mata Ndjapä nə, 2 kə sə e sə̈ lə kə yi tə̂, mata ə̂në Kristə nə ndje yîndə əzə̂ â kâ tə̂ ye tə ə̈bə̈ ərə əkrɔ, ə̂në ə fʉ ə fʉ kɔ, kə Ndjapä nə mbrə əzə̂ gâ ye kɔ.

13 Ə̈bə̈ âgbɔ̂ kə yi tə̂ ə̂në ə ro ənə̂ sə̂ ə̂në əzü ka tə̂ ye də sorô ye nɔ̂ mbrə agbɔbəngâ nə kɔ guta gu ne.

9 Mbrə ə̂në e wûsə̂ ə̂rɔ̂tə̂ Âgbɔ̂ Əyïngerə nə̂ əzə̂ Jezu Kristə gâ ye: ətshə ə̂në tshə sə tə əyïrishi kɔ, tshə mbrə̂ tə̂ ye tə əyïəyo mbrə e, ndə kə pa, tə̂ äwä əyo nə̂ ye nə, e do tə̂ e tə alayïrishi.