1 Ń ayayaba ɓədagbma ɓə nyi, Ɓədagbma yi ɓə kwnusnu n Shekwoyii nu, jesnu Ɓədagbma yi ɓə zhni Shekwoyi nu.

1 Ń ayayaba ɓədagbma ɓə nyi, Ɓədagbma yi ɓə kwnusnu n Shekwoyii nu, jesnu Ɓədagbma yi ɓə zhni Shekwoyi nu. 2 Wo ɓə kwnusnu n Shekwoyii nu ń ayayaba. 3 N əwoi nu ń a ɓə zhni anya vnyanya; ntna wo, a to ɓə myi a zhni nyahonyahoi ń a ɓə kwu zhni nyi m.

14 Ɓədagbma kwo ɓə la zè nayi jesnu waa dna n əyi atasni. Yi kwu əwo latu gyewye, latu Nugwnu ɓyigba nya, ń wo ɓə gbmi n Dada aba, n nunui n shebmyashii ɓədo n gaiciyanunuii.

9 Ntuge dna n Kirisiti nayi nu n Ikwoda Duduyi vnyanya dogbe gyianyì dna n nunui,

9 Ntuge dna n Kirisiti nayi nu n Ikwoda Duduyi vnyanya dogbe gyianyì dna n nunui, 10 jesnu dna ń Kirisiti nu ń a kwu ɓe n fyei fyi n nunu. Əwo nu zhni tukwoda tu n kalá dəhodəhoi ɓədo n ikwoi.

5 N əfye tagyiaje, fye kwu bwugbadna gbmanyigbmanyi ɓwa ngye Kirisiti Yeisu nya:

6 Əwo, dna n əwo nyinyì, wo ɓə zhni Shekwoyi nu,

ama to wa zhninubwo ge gye wo snulo dəidəi n Shekwoyii m, kwo nge əɓo nu n wo ɓa zhni apma n kwoi ntu əwohni gyiba ɓo m;

7 n əkwoɓwi, waa əwohni zè wo to zhni nyaho nu m,

wa la fyenu nyinyì nu shi,

ntuge a ɓə n woi zhni dna n zanyikwoci dogbe nu.

5 N əfye tagyiaje, fye kwu bwugbadna gbmanyigbmanyi ɓwa ngye Kirisiti Yeisu nya:

15 Wa nyaɓo, "Ama əfye ma a? Fye gna ge mi zhni nyika nu a?"

16 Sima Byitusu wa dnaɓəgbe, "Ho zhni Masifu nu, Shekwoyi wyewyeyida Nugwnu."

17 Yeisu wa dnaɓəgbe, "Anabəlikada nu ń hoi, Sima Jona nugwnu, ntuge nayi n amii nu to wu ho əɓəye m, ama əmi Dada nu ń wo dna ń əshemi nyi.

23 "Ɓyinyikwoyi kwului ɓə la nubwo woi ma əɓyinugbai, a ɓə yi wo əye Immanuwe" (n kwo nu gyi, "Shekwoyi kwnusnu lo n yii").

54 Əsa n bəzhetagyida n aza yii n ɓa ɓə zhi ɓai gwu Yeisu nyi, ɓə gye əknyi kwoi jeashna, jesnu n aɓo vnyanya n ɓa ɓə zhni nyi, ədna kwa wo ɓa, jesnu ɓa daɓo, "Ɓəhnihni wo ɓə zhni Shekwoyi Nugwnu nu!"

61 Ama Yeisu wa gnyi pyi to wa dnaɓəgbe m.

Jesnu pirisiti dnagbmai wa nya wo əɓo, "Əho nu zhni Kirisiti, Anabəlikada Nugwnu?"

62 Yeisu wa gna, "Əmi nu, fye ɓə gye Əza Nugwnu ń sasetu ń Dagayi ikwo Duduyi ɓwaizhe jesnu woi ɓe n tu ń ənyì əshebmana nya."

6 Wa gna, "Ədna to wo fye m, fye zna Yeisu Nazeretiyi nu shni n a ɓə znu wo du nyi. Wo la laka! Wo to dnalo n ya m. Fye gye aba n ɓa ɓə n woi yashi nyi.

21 She a ɓə gnyi ai zhni aza vnyanya batizima, a kwu batizima zhni Yeisu cè. Jesnu shi wo ɓə gnyi woi zhniaduwa, əshemi kwa gwuya 22 Zafnu Gyigyiyi wa shnizhi tu n Yeisu ngye lukpe. Jesnu a wo bəgye kwa gbmiɓe n əshemi: "Əho nu zhni əmi Nugwnu, əza n mi ye wo; n əhoi nu n mi ɓwa agbmada."

58 Yeisu wa dnaɓəgbe, "Ɓəhnihni əmi nu gna fye, a ɓə snu ń a ma Ibrahim, mii gnyi gnyi!"

30 Əmi n əmi Dadai yi zhni gbmanyi nu."

17 Yeisu wa gna ɓa, "Əmi Dada zhni əwo tnutnu lo ciici nya n naiye, əmihni ce, mi zhni tnutnu lo." 18 Ntu n ɓəye ɓo, ɓa gna aɓo znaznashni nu nabai ɓa wu wo; ntuge wo to ɓə ɓwa Sibyiwyi owa nu bmaya m, ama woi yi Shekwoyi nge əwohni Dada, woi zè əwohni nsnu dəidəi n Shekwoyii.

18 Ntu n ɓəye ɓo, ɓa gna aɓo znaznashni nu nabai ɓa wu wo; ntuge wo to ɓə ɓwa Sibyiwyi owa nu bmaya m, ama woi yi Shekwoyi nge əwohni Dada, woi zè əwohni nsnu dəidəi n Shekwoyii.

21 Ntuge n ɓwasnu shi Dada kwú azafyí kala n əfyi, woi ga ɓa wyewyeyi nyi, nlonu n Nugwnu ga zahozahoyi wyewyeyi n kwa da wo, nge wo ga wo. 22 Ntuge Dada ta da zaho owa m, ama wo kwu owada vnyanya yafyi n Nugwnu akwnu, 23 nabai aza vnyanya ɓa ga Nugwnu mwamwa ngye shi ɓa ga Dada mwamwa nyi. Əzadəhodəhoyi n wo to ga Nugwnu mwamwa m, wo too ga Dada mwamwa n wo ɓə tnu n woi nyi m.

25 Ɓəhnihni əmi nu gna fye, əsa ɓe lo jesnu nsaiye kwo la ɓe, əsa n afyífyiyi ɓə wo Shekwoyi Nugwnu bəgye; aza n ɓá wo, ɓa ɓə ɓwa wyewyeyi.

6 Yeisu wa dnaɓəgbe, "Əmi nu zhni zokwo jesnu gaiciyanunui n wyewyeyii. Zaho taa myi wa ɓe Dada aba m, akpəge dna n əmi.

9 Yeisu wa dnaɓəgbe: "Ho ta kpe mi əye lo m, Fyilibwus, əsa n kwo la mwa mii kwnusnu n fyei nyi? Zahozahoyi n wo kwu mi gyewye wo kwu əmi Dada gyewye. Knyiyi nu ɓa zhni ha gna, ‘Wu yi Dada a’? 10 Fye too ga gaiciya nge mi dnalo n Dada, jesnu nge Dada dnalo n mi m? Aɓədagbma n mi gna fye nyi, mi ta da ɓa ń əmihni ikwoi nu m. Ama, Dada nu, n wo dna n mi nyi, əwo nu zhni əwohni tnutnu.

25 Yeisu wa gna wo, "Əmi nu zhni əfyikalakwu n wyewyeyii. Əza ń wa ga mi gaiciya, wo ɓa ɓwa wyewyeyi, kwo n wa fyí nu;

40 Nlonu Yeisu wa gna, "Mi to kwu gna ho nge n ha ga gaiciya, ho ɓa gye latu Shekwoyi nya m?"

12 Ata shna gnyignyi ɓwa n əzaho m, ntuge əye ədo to shnasnu lo ń əshemi snuta, n a la ga azanyikwoci n kwo zhni ɓəshishi nu, ya pwo n əkwoi m."

36 Shi ɓa ɓə fyilo n əzna lo n zokwoi, ɓa si nuwna aba jesnu zakakayi wa gna, "Shiawye, nuwna fyi nyi. Knyiɓei nu ɓa kpma mi batizima zhni a?"

[37 Fyilibwus wa gna, "Ndəi ho la gaiciyaga n əho ədui vnyanya, a ɓa myi a zhni ho batizima."

Zakakayi wa dnaɓəgbe, "Mi la gaiciyaga nge Yeisu Kirisiti nu zhni Shekwoyi Nugwnu."] 38 Njesnu wa ga əgbe nge a la snukna-dokwo kpegnyi. Nlonu Fyilibwus n zakakayii ɓa kafyi n nuwna jesnu Fyilibwus wa zhni wo batizima.

3 Nugwnu nu zhni nasheya Shekwoyi latu nya jesnu əwo dogbe cimcim shi wo wu, n anyai wnafyi vnyanya n əwo akwnu, n əwo ɓədagbma kalá nyai. She wo ɓə la pwo aleifyi pmyapmya tnutnu, waa sasetu n Latu Duduyi ɓwaizheɓwa dna n əshemi.

4 Ntulonu, wo ɓə la zè əza n wo du amaləka n mwamwa, n ɓwasnu ngye əye n wo ɓə gyi əkwo əgwú nyi, kwo ɓə du əɓa nya.

14 Ntucenu, shikwonyi yi n pirisiti Dnagbmai yaakwoi lo n wo la gwnulo əshemi, Yeisu Kirisiti Shekwoyi Nugwnu, fye fa ya kwu gaiciyaganunui shiɓwa kamkam, n yi kpema kwo nyi. 15 Ntuge yi to n pirisiti dnagbmai nu, n wo taa myi wa kpe əyi akalágba əɓo ye m, ama yi n zaknayii lo, n a ɓə kwu wo mwi n zokwo dəhodəhoi n ɓwasnu ngye əyi; dudulonu wo to ɓə zhni leifyi m.

2 Yi kwu əyi awyeknyi n Yeisu, əwo nu zhni gnabye jesnu əyi gaiciyaganunui nya. Ntuge a ɓə lá agbmada shi n əwo abye; waa əmìfyi n znudui, waa əkwo vnyinkwo gbmiya, jesnu waa sasetu n Shekwoyi əbeshnikpegye ɓwaizheɓwa.

17 Ntu n ɓəye ɓo, a ɓə la wo zhni ngye əɓa, n zhni zanyikwoci kpəcikpəcí n səpa dəhodəhoi, nabai n wo ɓə la zè pirisiti dnagbmai gaiciyazhninunui jesnu snusnugyei, dna n Shekwoyi tnutnuzhni, jesnu n wo ɓə myi wa ga tagbanyaga, ntu aza aleifyi ɓo.

15 Əzahozahoyi n wa ye nge Yeisu zhni Shekwoyi Nugwnu nu, Shekwoyi dnalo n wo jesnu əwohni n dna n Shekwoyi.

15 Əzahozahoyi n wa ye nge Yeisu zhni Shekwoyi Nugwnu nu, Shekwoyi dnalo n wo jesnu əwohni n dna n Shekwoyi.

9 Shekwoyi ɓə wu əwo yeye dna n əyi atasni nlai nu: Wo ɓə tnu n əwo Nugwnu mamayi gbmanyi kəto dna n anyi, nabai n yi ɓa myi ya gyianyì dna n əwo. 10 Dəye nu zhni yeyewu: toge yi ɓə ye Shekwoyi nu m, ama nge əwo nu ɓə ye yi jesnu wa tnu n əwo Nugwnui n zhni tagba nyagbmi ntu əyi aleifyi zo ɓo.

9 Shekwoyi ɓə wu əwo yeye dna n əyi atasni nlai nu: Wo ɓə tnu n əwo Nugwnu mamayi gbmanyi kəto dna n anyi, nabai n yi ɓa myi ya gyianyì dna n əwo.

8 Əza n wo zhni leifyi, wo zhni Shetam nya nu, ntuge Shetam nu ɓə ya leifyizhni n kpmisnuyi. Ɓətukwo n kwo ɓə zhni Shekwoyi Nugwnu wa kpeyaɓe nyi, əkwo nu nge wa kwu Shetam tnutnu zhniagbma.

5 Nyika nu lo n wo myi n anyi əɓo a? Əza yi nu ɓwasnu n wo n gaiciyai ga nge Yeisu nu zhni Shekwoyi Nugwnu.

11 Njesnu dəye nu zhni ɓəgbmi: Shekwoyi wo la wyewyeyi nyalonyalo nya ga yi, njesnu wyewyeyi ye kwo dnalo n əwo Nugwnu nu. 12 Zahozahoyi n wo n Nugwnui lo, wo n wyewyeyii lo; zahozahoyi n wo to n Shekwoyi Nugwnui lo m, wo to n wyewyeyii lo m.

9 Ń ha da n əho əgbei, "Yeisu zhni Dagayi nu," jesnu haa gaiciyaga dna n əho ədu nge Shekwoyi ɓə la wo laka n əfyi, ho ɓa pwo.

20 A lá mi znudu n kwnusnu n Kirisitii, əmi nu to ye gyianyì m, ama Kirisiti nu gyianyì dna nsaiye n əmi. Anyìgyi ń mi gyi dna ń nayi nsaiye nyi, mi gyi ɓa dna n gaiciyai ga nu dna n Shekwoyi Nugwnu, əwo n wo ɓə ye mi, wa ga əwohni tukwo ntu əmi ɓo nyi.

19 Njesnu əmi Shekwoyi ɓa ga fye anya vnyanya n fye ye, shi əwo nyaɓwa latu nya lo dna n Kirisiti Yeisu.

15 Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi.

10 Ntuge yi zhni Shekwoyi aɓwa tńutńu nu, n wo ɓə zhni dna n Kirisiti Yeisu, ya zhni atnutnu amanai, ado n Shekwoyi ɓə la ɓa zhnizhi ga yi n sapa, nge ya zhni nyi.

2 fya znazna fyi n yeye, n ɓwasnu shi Kirisiti ɓə ye yi wa ga əwohni tukwo ntu əyi ɓo n zhni nyaga snidaí jesnu nyagbmi ga Shekwoyi.

4 N ɓwasnu she zahozahoyi ń yi, ń nayii gbmanyi nu, n agai mwa bəgyé, jesnu aga ye vnyanya, ɓa ta zhni tnutnu gbmanyigbmanyi nu m. 5 Ntulonu dna ń Kirisiti, əyi, kwo shikwonyi, yi mwa bəgyé lo, yi zhni nayi gbmanyi nu, jesnu əga dəhodəhoi zhni aga aje vnyanya nya nu.

57 Ama amisa zhni Shekwoyi nya nu! Əwo nu ga yi nasalagyi dna n əyi Dagayi Yeisu Kirisiti.

15 Ama fyi n əfye abwugba, fye ga Kirisiti mwamwa ngye Dagayi. Fye kwu zhi ciici n fyehnii yeyeyi, fya dna zahozahoyi ɓəgbe n wo nya əfye ɓətukwo əfye awyetu nya. Ama fye zhni dəye pəceye n mwamwagai,

5 Ntuge Shekwoyi ɓwasnu lo gbmanyi nu, jesnu ɓəwnazhiyi n Shekwoyi atasni n zanyikwocii, əwo nu zhni Kirisiti Yeisu,

11 Ma gye əshemi n gwuya gnyi jesnu ma gye dokwo bwui n gnyi n abaayi, ai yi əkwo gwnuyi ge, Gbenuyi jesnu Gaiciyayi. N ɓəfyecei nu n wo da owa jesnu woi snukwnú. 12 Əwo awye wulo ngye əná-gwogwoi, jesnu wo ɓə n afnunyi bəgyéi kwnu n əwo tukwo. Wo ɓə n əyei ka tu n əwohni, ń əzahozahoyi ta kpe kwo əye lo m, akpe əwo n əwohnii. 13 Wo n ajei kpe lo n a kwu ɓa dafyi n ami, jesnu ai yi əwo əye ge Shekwoyi Ɓədagbma. 14 Əshemi akwnuyi ɓə laɓa ɓai vyi wo, ɓa ɓə kpe n adokwo bwui jesnu n ajei kpe alulu manai bwuibwui gyigyiyi nya. 15 Əbeyaakwo n gyígyiyi kwoi gbmiɓe n əwo əgbe ədo n wo ɓa znu abye knyi ncei. "Wo ɓə gyibe tu ɓa n snukna bwusii." Wo dna anamnuwnapyiba Shekwoyi Kaláda Duduyi Vnyanya minagyi napyei nya. 16 Tu n əwo əje-kpadalai ɓədo n əwo bwuzhikwoi, wo n əye yéi ka tu lo:

Asu aje Əsu jesnu adagayi aje Dagayii.

21 Shebmyashi Dagayi Yeisu nya ɓa kwnusnu n Shekwoyi azai. Aamyi.

27 Nlonu wa gna Toma, "Dna əho ɓwanyi n ya; gye əmi aɓwa əwye. Ta əho əɓwa ya, ha dna kwo n əmi abmayi. La fa abwugba-aba fyi ɓo jesnu ha ga gaiciya."

28 Toma wa gna wo, "Əmi Dagayi jesnu əmi Shekwoyii!"

30 Yeisu wa wu aznù bəgyé n əwo amwutuyi awye, n ɓa to kafyilo n pafyi ye m. 31 Ama aɓo ye n kafyi nabai fya ga gaiciya nge Yeisu nu zhni Kirisiti, Shekwoyi Nugwnu, jesnu nge n gaiciyagai nu dna n əwo əye n fye ɓa ɓwa wyewyeyi.

12 Əmi ɓəgbetu nu nyi: Fye wu aje yeye ngye shi mi kwu yeye wu fye nyi.

20 Ɓəhnihni əmi nu gna fye, əzadəhodəhoyi n wa gwo əza n ma tnu n woi, wo la mi gwo; jesnu əzadəhodəhoyi n wa gwo mi, wo la əza gwo n wo ɓə tnu n mii nyi."

28 Mi ga ɓa wyewyeyi nyalonyalo nya, ɓa to ɓə fyí m, nanyinanyi; əzaho taa myi wa fna ɓa n əmi akwnu m. 29 Əmi Dada, n wo kwu ɓa ga mi nyi, wo du aza vnyanya lo n ikwo; əzaho taa myi wa fwna ɓa n əmi Dada akwnu m. 30 Əmi n əmi Dadai yi zhni gbmanyi nu."

16 Ntuge Shekwoyi ɓə ye n anyìi n mwa, kwa zhni wo waa əwo Nugwnu mamai ɓyigba ga, nabai əzadəhodəhoyi n wo ga wo gaiciya, n wo to ɓə ɓwu m, ama woi ɓwa wyewyeyi nyalonyalo nya. 17 Ntuge Shekwoyi to ɓə tnu n əwo Nugwnui dna n anyì, wa da anyì owa nu m, ama wa gnyi anyì dna ń əwo. 18 Əzadəhodəhoyi n wa ga wo gaiciya, wo to n knyiznui lo m, ama əza n wo to ga wo gaiciya m, a la wo lu knyiznu ntuge wo too ga gaiciya dna n Shekwoyi Nugwnu ɓyigba gbmanyi kəto əye m.

38 Əza ń wo to lá əwohni znudu shi, waa vyi mi m, wo to kwnuce lo waa zhni əmi nya m.

20 Ntuge aba ń aza ngwnu-aba kwo ngwnu-ata ɓa yezhi dna n əmi əye, mi kwnusnu lo n ɓai n abaayi."

27 Yeisu wa shi ɓa awye wa gna, "N zanyikwoci aba dəye taa yezhni m, ama toge n Shekwoyii m; ntuge aɓo vnyanya yezhni n Shekwoyii."

27 Yeisu wa dnaɓəgbe, "Əɓo ń kwo taa yezhni ń zanyikwocii m, kwo yezhni ń Shekwoyii."

25 Shebmyashi Dagayi Yeisu Kirisiti nya ɓa kwnusnu n əfye zafnui.