Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Ke editọñọ Ikọ okodu, ndien ikọ oro okodu ye Abasi. Ikọ oro okonyuñ edi Abasi.
Ke editọñọ Ikọ okodu, ndien ikọ oro okodu ye Abasi. Ikọ oro okonyuñ edi Abasi. Enye (Ikọ) okodu ke editọñọ ye Abasi. Abasi akanam kpukpru ñkpọ oto ke Enye. Ndien ke mikpotoho ke Enye ikpanamke baba ndomo ñkpọ kiet emi ekenamde.
Edi ikọ emi ama akabade edi obukidem, onyuñ oduñ ke otu ñnyin ke esisit ini ke ererimbot. Ñnyin inyuñ ikut ubọñ Esie, ubọñ ikpọñ Eyen emi okotode ke Ete ke enyọñ, emi ọyọhọde ye mfọn ye akpanikọ.
Koro ọyọhọ ọyọhọ obot Abasi odu ke Kraist, ke idem emana Esie nte owo.
Koro ọyọhọ ọyọhọ obot Abasi odu ke Kraist, ke idem emana Esie nte owo. Ndien enọ mbufo ọyọhọ uwem ke edidiana kiet ye Enye. Enye edi adaibuot ukara ọnọ kpukpru ukara ye odudu spirit kiet ekededi.
Edu emi mbufo ekpenyenede edi enye emi Kraist Jisọs ekenyenede. Enye ekenyene ukem obot Abasi, edi enye ikekereke ete ke ana imọ ida ñkañka ye Abasi ke odudu. Utu ke oro, ke ima idem Esie, Enye ama ọsuhọde idem Esie, onyuñ ada obot eyenutom. Enye ama akabade ebiet owo, onyuñ ọwọrọ owut idem ke mbiet owo.
Edu emi mbufo ekpenyenede edi enye emi Kraist Jisọs ekenyenede.
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Enye ama obup mmọ, "Ndien mbufo-o? Edọhọ ete ke Ami ndi anie?"
Do ke Saimọn Pita ọkọbọrọ enye ete, "Afo edi Kraist Eyen Odu Uwem Abasi."
Ndien Jisọs ama ọbọrọ enye ete, "Ọfọfọn ọnọ fi, Saimọn eyen Jona. Koro idighe obuk ye iyip akayarade ñkpọ emi ọnọ fi, edi Ete Mi emi odude ke enyọñ.
"Sese eyenọwọñ añwan eyeyomo, onyuñ aman, eyen eren, ndien eyenyuñ esio Enye enyiñ Imanuel," emi ọwọrọde ete, "Abasi ododu ye ñnyin."
Ke ini etubom ekọñ ye mme mmọ emi ekedude ye enye ekpeme Jisọs ekekutde unyekisọñ ye kpukpru se iketibede, ndik ama anam mmọ eti eti, ndien mmọ ema efiori ete, "Ke akpanikọ Enye ekedi Eyen Abasi!"
Ke otu kpukpru mme mbume emi, Jisọs ikamaha ndinọ enye ibọrọ. Ntem ke Akwa Oku ọkọtọñọ ntak obup ete, "Nte Afo edi Andinyaña, Eyen Mfọnmma Abasi?"
Jisọs ama ọbọrọ enye ete, Ami ndi Enye, "Ndien afo eyekut Eyen owo nte etiede ke ubọk nnasia Abasi, andikeme ndinam kpukpru ñkpọ, ye nte edide ke obubit ikpa enyọñ."
Edi enjel oro ama ọdọhọ mmọ ete, "Ekuyak idem akpa mbufo, mmọdiọñọ nte mbufo eyom Jisọs emi otode Nasaret, emi ekekọñde ke Krọs. Enye iduhọ mi, Enye ama eset ke ñkpa! Ese ebiet emi ekenimde Enye mi.
Ke ini ema ekenim kpukpru owo babtisim ema, ema enyuñ enim Jisọs babtisim ndien ke ini enye okosuk ọbọñde akam, ikpa enyọñ ama ọkubọrede. Ndien Edisana Spirit Abasi ọsuhọrede nte ibiom onyuñ ọsọrọ Enye ke idem. Ndien uyo oto ke enyọñ etiñ ete, "Afo edi edima Eyen Mi, emi enemde mi esit."
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Jisọs ama ọbọrọ ete, "Ami ntiñ akpanikọ nnọ mbufo nte mbemiso Ebraham akamana, Ami mma ndodu!"
Ami ye Ete Mi inyuñ idi kiet."
Edi Jisọs ama ọbọrọ mmọ ete, "Ete Mi ananam utom Esie kpukpru ini, ndien Ami ñko ana nte nnam utom Mi."
Ikọ Esie emi ama anam ukara mme Ju etetim ebiere ndiwot Enye. Idighe koro Enye abiatde Sabat ikpọñ, edi ye emi Enye ọdọhọde ete, ke Abasi edi Ete Imọ, ke ntre, Enye anam idem Esie ukem ukem ye Abasi.
Ikọ Esie emi ama anam ukara mme Ju etetim ebiere ndiwot Enye. Idighe koro Enye abiatde Sabat ikpọñ, edi ye emi Enye ọdọhọde ete, ke Abasi edi Ete Imọ, ke ntre, Enye anam idem Esie ukem ukem ye Abasi.
Kpa nte Ete emenerede mme akpaña ñkpa onyuñ ọnọ uwem, ke ukem usuñ oro ke Eyen onyuñ ọnọ mmọ emi Enye oyomde uwem. Ke ndidian do, Ete ke idem Esie ikpehe ikpe baba owo ndomokiet. Enye ama ayak ọyọhọ odudu ọnọ Eyen Esie ndikpe ikpe, man otodo kpukpru owo ekpono Eyen ukem ukem kpa nte ekponode Ete. Owo kiet ekededi emi mikponoke Eyen, ikponoke Ete emi ọkọdọñde Enye."
Ami ntiñ akpanikọ nnọ mbufo, nte ke ini ke ededi, ini oro onyuñ ededi ama, emi mme akpaña ñkpa edikopde uyo Eyen Abasi, ndien mmọ emi ekopde eyetọñọ ntak edu uwem.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Jisọs ama ọbọrọ enye ete, "Ami ndi usuñ ye akpanikọ ye uwem. Owo baba kiet idighe itiene Ete ke mibọhọke ke Ami.
Jisọs ama ọbọrọ ete, "Nte afo udiọñọke Mi, Filip?" Kpa ye Ami emi mma ñkodu ye mbufo ke utọ anyan ini oro? Owo ekededi emi okutde Mi okut Ete. Afo ekeme didie ndidọhọ ete, "Wut mi Ete ndien? Nte mbufo inimke ke akpanikọ ite ke Ami ndu ke Ete ndien Ete ñko onyuñ odu ke Ami? Mme ikọ emi Ami ntiñde ye mbufo idighe okim, edi eke Ete emi oduñde Mi ke idem, edi Enye akaiso ndinam utom Esie.
Jisọs ama ọdọhọ enye ete, "Ami ndi ediset ke ñkpa ye uwem. Owo emi enimde Mi ke akpanikọ eyedu uwem, okposuk edi nte enye ama akakpa,
Jisọs ama ọdọhọ enye ete, "Nte Ami ñkọdọhọke fi nte edieke afo udunimde ke akpanikọ, afo eyekut ubọñ Abasi?"
Edinyaña oto Enye ikpọñ ikpọñ; koro owo efen iduhọ ke ofuri ererimbot, emi Abasi ọnọde enyiñ esie, ndida ñnyaña owo."
Nte mmọ ekesuk ewatde ke usuñ, mmọ ema edisim ñkpọdiọhọ mmọñ, ndien owo itọ oro ama ọdọhọ enye ete, "Se mmọñ mi, nso ndien ikeme ndibiọñọ mi ndina babtisim?"
Filip ama ọbọrọ enye ete, "Afo emekeme ndina babtisim edieke afo enimde ke akpanikọ ke ofuri esit fo." Enye ama ọbọrọ ete, "Ami mmenim ke akpanikọ, ami mmenim nte ke Jisọs Kraist edi Eyen Abasi."
Enye ama ọdọhọ ukpatñkpọ atuak ada, ndien mmọ mbiba, Filip ye owo itọ emi, ema esuhọde eduk mmọñ, ndien Filip ama enim enye babtisim,
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Enye ayama ye uyama ubọñ Abasi, Enye edi ata mbiet Abasi ofuri ofuri; onyuñ ada odudu ikọ Esie omum enyọñ ye isọñ akama. Ke Enye ama akanam mme owo esana ke mme idiọkñkpọ mmọ, Enye ama ọsuhọde etetie ke enyọñ ke ubọk nnasia Abasi andikoñ ñkan ke odudu. Ema enam Enye okoñ akan mme enjel, kpa nte enyiñ emi Abasi ọkọnọde Enye okponde akan eke mmọ.
Eyak ñnyin ndien imum ke ọkpọsọñ ikama mbuọtidem emi ñnyin inyenede koro ñnyin imenyene Akwa Oku emi ama okoduk akada ke idem iso Abasi kpa Jisọs, Eyen Abasi. Koro Akwa Oku ñnyin idighe enyemi mikemeke ndikop ñnyin mbọm ke mmemidem ñnyin. Ke editim ntiñ, ñnyin inyene Akwa Oku emi ekedomode Enye idomo ke kpukpru usuñ kpa nte edomode ñnyin, edi Enye ikanamke idiọkñkpọ.
Eyak ñnyin iwuk enyin ise Jisọs, nte Enye emi edide ntọñọ ye utit mbuọtidem ñnyin. Enye ikafiakke edem ke ntak krọs, edi ke ntak idaraesit emi akanade ebet Enye, Enye ikekereke ñkpọ ndomokiet ibaña edikpa ke krọs, ndien idahaemi, Enye emetie ke ubọk nnasia ebekpo Abasi.
Emi ọwọrọ ete, ke akana Enye akabade ebiet mme nditọ Ete Esie ke kpukpru oruk usuñ, man otodo Enye edi Akwa Oku emi anamde akpanikọ, onyuñ okopde mbọm ọnọ mmọ ke utom emi Enye anamde ọnọ Abasi, man oto ke oro efen mme idiọkñkpọ kpukpru owo.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Owo ekededi emi enyimede ete ke Jisọs edi Eyen Abasi, Abasi oduñ enye ke esit, enye onyuñ oduñ ke Abasi.
Owo ekededi emi enyimede ete ke Jisọs edi Eyen Abasi, Abasi oduñ enye ke esit, enye onyuñ oduñ ke Abasi.
Abasi okowut ima emi Enye amade ñnyin ke edidọñ ikpọñ ikpọñ Eyen Esie edi ke ererimbot emi man akpada nsinsi uwem ọsọk ñnyin oto ke ñkpa Esie. Ke edinam emi ke ñnyin ikut se ata ima edide, idighe nte ñnyin ikamade Abasi, edi, edi nte Enye akamade ñnyin, okonyuñ ọdọñde Eyen Esie edidi usio isop mme idiọkñkpọ ñnyin.
Abasi okowut ima emi Enye amade ñnyin ke edidọñ ikpọñ ikpọñ Eyen Esie edi ke ererimbot emi man akpada nsinsi uwem ọsọk ñnyin oto ke ñkpa Esie.
Edi edieke mbufo esuk ekade iso enam idiọkñkpọ, oro owut ete ke mbufo edi eke Setan, koro Setan ọkọtọñọ ndinam idiọkñkpọ toto ke editọñọ. Edi Eyen Abasi ekedi man Enye akpabiat mme utom Setan.
Edi anie ekeme ndikpeñwana ñnyuñ ñkan ererimbot ke mibọhọke enye emi enyimede ke akpanikọ ete Jisọs edi Eyen Abasi!
Ndien ikọ ntiense oro edi emi, ete, ke Abasi ọnọ ñnyin nsinsi uwem, uwem emi onyuñ odu ke Eyen Esie. Ntre owo ekededi emi enyenede Eyen Abasi, enyene uwem, ndien owo emi minyeneke Eyen Esie, inyeneke uwem.
Edieke afo adade inua fo ọdọhọ ete, "Jisọs edi Ọbọñ," onyuñ enim ke akpanikọ ke esit fo ete ke Abasi ama anam Enye eset, afo eyebọhọ.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Ke ntre, idighe ami aba ndu uwem emi, edi Kraist odu uwem ke ami. Uwem emi ami ndude idaha emi, ami ndu ke mbuọtidem ke Eyen Abasi, emi akamade mi ndien ayak uwem esie ọnọ mi.
Ndien Abasi mi, ye kpukpru uwak inyene Esie ke Kraist Jisọs eyenọ mbufo kpukpru unana mbufo.
Emem emi Abasi ọnọde enye ndidi ebiere ikpe ke esit mbufo, koro edi ke ntak emem emi ke Abasi okokot mbufo obok ọtọ kiet ke ikpọkidem kiet emi. Ndien enyene esit ekọm.
Abasi edi andibot ñnyin, ndien ke edidiana ñnyin kiet ye Kraist Jisọs Enye omobot ñnyin ọnọ uwem nti utom emi Enye ama ekebebeñe ñnyin idem enim ndinam.
Ana nte ima akara uwem mbufo, kpa nte Kraist akamade ñnyin okonyuñ ayakde uwem Esie ọnọ ñnyin, nte enem ufuọñ enọ ye uwa emi enemde Abasi esit.
Ñnyin imenyene ediwak ndido ke ikpọkidem ñnyin, ndien kpukpru ndido emi enyene nsio nsio utom ndinam. Kpasuk ntre, okposuk edi emi ñnyin iwakde, ñnyin idi idem kiet ke ebuana ye Kraist ndien edian kpukpru ñnyin ebiet kiet nte asaña asaña mbak ke idem kiet.
Edi yak ekọm enyene Abasi emi ọnọde ñnyin edikan oto ke Ọbọñ Jisọs Kraist.
Edi eteñe Kraist ke esit mbufo enyuñ enam Enye Ọbọñ mbufo. Edu ke mbeñeidem kpukpru ini ndibọrọ owo kiet ekededi emi obupde mbufo etiñ ntak emi mbufo enyenede idorenyin.
Koro edi Abasi kiet odu, kiet kpọt ñko onyuñ odu emi adade Abasi adian ye mme owo ọtọkiet, kpa owo oro Kraist Jisọs,
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Ami mma ñkut nte enyọñ ebererede, ye afia enañ mbakara do. Ekekot andiwat enye Anam Akpanikọ; edi unen ke enye ada ekpe ikpe onyuñ ada añwana mme ekọñ esie. Enyin esie ekebiet edeme ikañ, ndien Enye ama ayara ediwak anyanya ke ibuot esie. Ema ewet enye enyiñ ke idem emi owo baba kiet midiọñọke ke mibọhọke Enye ikpọñ ikpọñ ọdiọñọ se ọwọrọde. Iyip ama ofuk ọfọñ idem emi enye ekesinede. Enyiñ emi ekekotde enye ekedi Ikọ Abasi. Mme udim ekọñ enyọñ ema etiene enye ke edem, enyuñ ewat ke mme mfia enañ mbakara, enyuñ esine edisana mfia ñkisi.
Edisọp akañkañ ama ọwọrọ enye ke inua, emi enye edidade ikan mme idut. "Enye ayakara mmọ ke ọkpọsọñ iyaresit ubọk." Ndien Enye edi andidighi ufikmmin ọkpọsọñ iyaresit Akwa Abasi. Ke ewura ye ke ukot esie ema ewet enyiñ emi:
Edidem mme Ndidem ye Ọbọñ mme Mbọñ.
Yak mfọn Ọbọñ Jisọs odu ye kpukpru ikọt Abasi. Amen.
Do ke Enye ọkọdọhọ Tọmọs ete, "Sin nnuen ubọk fo mi; se mme ubọk Mi. Nyanarede ubọk fo, nyuñ sin Mi ke ñkañ. Tre eyighe fo ndien, nyuñ nim ke akpanikọ."
Tọmọs ama ọdọhọ Enye ete, "Ọbọñ mi ye Abasi mi!"
Jisọs ama anam ata ediwak mme utibe ñkpọ efen ke iso mme mbet Esie, emi owo miwetke isin ke ñwed emi. Edi ewet mme mmọ emi man otodo mbufo enim ke akpanikọ nte ke Jisọs edi Kraist Andinyaña ye Eyen Abasi, ndien ke edinim ke akpanikọ mbufo ekpenyene uwem ke enyiñ Esie.
Ewuhọ Mi edi emi: Ema kiet eken kpa nte Ami mmade mbufo.
Ami ntiñ akpanikọ nnọ mbufo nte, owo ekededi emi enyimede enye emi Ami ndọñde, enyime Mi, ndien owo ekededi emi enyimede Mi enyime Enyemi ọkọdọñde Mi."
Ami nnọ mmọ nsinsi uwem, ndien mmọ iditakke; owo ndomokiet ikemeke ndiwamade mmọ mbọ Mi ke ubọk. Ete Mi emi ọnọde Mi mmọ okpon akan kpukpru ñkpọ; owo ndomokiet ikemeke ndiwabade mmọ mbọ ke ubọk Ete. Ami ye Ete Mi inyuñ idi kiet."
Koro Abasi akamama ererimbot, oro akanam Enye osio ikpọñ ikpọñ Eyen Esie ọdọñ, ete owo ekededi emi ọbuọtde idem ye Enye okutak, edi enyene nsinsi uwem. Abasi ikọdọñke Eyen Esie ke ererimbot ndidi ekpe ikpe esie, edi ekedi man anyaña ererimbot oto ke Enye.
Koro owo ekededi emi onimde Enye ke akpanikọ ididaha ke ikpe; edi owo ekededi emi minimke Enye ke akpanikọ, ikpe ama etetip enye ama, koro enye minimke enyiñ ikpọñ ikpọñ Eyen Abasi ke akpanikọ.
Ndien owo emi mimenke krọs esie itiene Mi, idotke ndidi mbet Mi.
Koro ebiet ekededi emi owo iba, mme ita esobode, ke enyiñ Mi, Ami ñyedu ke otu mmọ."
Jisọs ama owuk enyin ese mmọ suñ-ñ ọdọhọ mmọ ete, "Ye owo, emi edi ata ọkpọsọñ ñkpọ, edi idighe ntre ye Abasi. Ye Abasi, kpukpru ñkpọ edi mmem mmem."
Jisọs ama ọbọrọ ete, "Abasi ekeme ndinam se mme owo mikemeke ndinam."
Yak mfọn Ọbọñ Jisọs Kraist odu ye spirit fo.