Jovens
Deus tem planos maravilhosos para os jovens. A Bíblia os convida a consagrar a juventude ao Senhor, crescer em sabedoria e ser exemplo para todos em fé, palavra, conduta e amor.
Ninguém despreze a tua mocidade
Paulo exortou Timóteo: sê exemplo dos fiéis na palavra, no procedimento, no amor, no espírito, na fé e na pureza.
तेरअ बभार लोल़ी इहअ हुअ कि कुंण ताह बृथा नां समझ़े, किल्हैकि तूह आसा ज़ुआन। पर तूह लोल़ी होरी विश्वासी लै आदर्श हुअ कि तिंयां ज़ुंण बैण तूह बोला, तेरअ बभार, तेरी होरी संघै झ़ूरी डाहणीं, मसीहा दी तेरअ विश्वास अर तेरी नर्दोश ज़िन्दगी का तिंयां बी शिखल़े।
इहै ई खारकै मर्धा बी कर समझ़ाऊई, कि सोभी गल्ला दी रहणअ हर बगत आपणैं काबू दी।
ए लान्हैंओ, पबित्र शास्त्र बोला इहअ, "आपणैं ईज-बाबो करा अदर इहअ करै हणीं तम्हां लै सोभै गल्ला भली अर थारी हणीं पृथूई दी लाम्मी अमर।" अह आसा पैहलअ हुकम ज़ुंण परमेशरै करारा संघै आसा दैनअ द। तम्हैं लान्हैं ज़ुंण प्रभू दी विश्वास करा तम्हां लै आसा इहअ ई ठीक कि तम्हैं हआ आपणैं ईज-बाबे हर गल्ला शुणनै मनणै आल़ै।
ए लान्हैंओ, पबित्र शास्त्र बोला इहअ, "आपणैं ईज-बाबो करा अदर इहअ करै हणीं तम्हां लै सोभै गल्ला भली अर थारी हणीं पृथूई दी लाम्मी अमर।" अह आसा पैहलअ हुकम ज़ुंण परमेशरै करारा संघै आसा दैनअ द। तम्हैं लान्हैं ज़ुंण प्रभू दी विश्वास करा तम्हां लै आसा इहअ ई ठीक कि तम्हैं हआ आपणैं ईज-बाबे हर गल्ला शुणनै मनणै आल़ै।
Lembrar do Criador na juventude
Lembra-te do teu Criador nos dias da tua mocidade. A sabedoria ganha cedo produz frutos duradouros na vida inteira.
ज़ुंणी परमेशरै तम्हैं बणाऐं दै आसा, सह डाहणअ खारकी अमरा आद, तेखअ सका आजू भर्टू करै आफ़ता पल़ी अर तेभै बोल़णअ तम्हां इहअ, "मुंह निस्सअ आपणीं ज़िन्दगी मज़अ ई एछी।"
ज़ुंणी परमेशरै तम्हैं बणाऐं दै आसा, सह डाहणअ खारकी अमरा आद, तेखअ सका आजू भर्टू करै आफ़ता पल़ी अर तेभै बोल़णअ तम्हां इहअ, "मुंह निस्सअ आपणीं ज़िन्दगी मज़अ ई एछी।" बुढल़दा शुझणैं तम्हां का सुरज़, ज़ोथ अर तारै बी धुंमधुंमै अर सरगै रहणैं घणैं काल़ै बादल़ घोर्हुई! तेखअ ज़ुंण हाथ थारी फाज़त करा तै, तेथ लागणअ ठहरअ, ज़ुंण ज़ांघा एभै थारी किंडी आसा, तिंयां हणीं बाख नधी ज़ेही। दांदे माल़ा रहणीं थोल़ी अर भास्सू करै निं रोटी च़ाल्ली च़ाभुई अर आछी का निं राम्बल़ै करै शुझुई च़ाल्लअ।
खारकै मणछो, आपणीं ज़ुआनी दी रहा नंद। खारकी अमरा रहा राज्ज़ी-मौज़ी, तेथ करा ज़िहअ थारअ दिल च़ाहा तिहअ। ज़िहअ-ज़िहअ भाल़ी तम्हां मज़अ एछा तम्हैं करा तेथ राज़। पर ऐहा गल्ला डाहै आद कि तम्हैं ज़िहअ बी करे, तेते साबै करनअ बिधाता थारअ नसाफ।
मन्नैं निं फिकर डाहणअ, तै रहणीं थारी देही नरोगी किल्हैकि बाल़ी अमर अर ज़ुआनी निं सदा रहंदी आथी। तेखअ हआ सोभै गल्ला बृथा।
हई सका कि कुंण खास्सअ गरीब अर अज़ी खारकअ ई होए, पर ज़ै तेऊ अक्ल होए, सह आसा तेऊ ऐडै प्रोढै राज़ै का खास्सअ राम्बल़अ ज़ुंण होरीए सलाह निं मंदअ!
Força e promessa
Os jovens renovam suas forças quando esperam no Senhor. Deus levanta jovens com visões e sonhos para transformar o mundo.
खारकै मणछ सका थकी, तिन्नों सका शाह फुल्ली अर
तिंयां सका धरनीं बधल़ूई,
पर ज़ुंण बिधाते आसरै रहा, अर ज़ुंण तेऊ का मज़त मांगा,
तिन्नां भेटणअ ताज़अ ज़ोर।
तिन्नां लागणै मुक्षरलै ज़िहै नऊंऐं फैंख,
तिन्नां बाहणीं ठुहर पर तिन्नों शाह निं फुलणअ,
तिंयां निं हांढी-हांढी बी दुबल़ै हणैं।"
इना गल्ला हणैं बाद दैणीं मुंह आपणीं आत्मां सोभी लै,
थारै शोहरू-शोहरी करनी मेरी गल्ला प्रगट,
थारै प्रोढै मणछा हणैं सुपनै
अर ज़ुआन मणछा हणैं धैन।
तेऊ ज़मानै ज़ुंण दास अर दासी बी होए,
तिन्नां लै बी दैणीं मुंह आपणीं आत्मां।
परमेशरै दैनी दानिएल, हनानी, मिशेल अर अजर्याह लै खास्सी समझ़-बुध अर तिन्नैं शिखल़ी कई बोली-भाषा पहल़णीं लिखणी। एता का लाऊआ दैनअ दानिएला लै इहअ बरदान कि सह सका त धैनै-सुपनैओ फल बी खोज़ी।
राज़ै नबूकदनेसरै त हुकम किअ द कि ज़ांऊं चिई साला तैणीं तिंयां सोभै गल्ला शिखल़ी मुक्के, तेखअ करै तिन्नां तेऊ सेटा पेश। ज़ांऊं चअन साला बिति, अशपनाज़ बज़ीरै निंयैं तिंयां नबूकदनेसर राज़ै सेटा। राज़ै किई तिन्नां सोभी संघै गल्ला अर तेऊ गम्मै दानिएल, हनानी, मिशेल अर अजर्याह कि तिंयां तै होरी सोभी ज़ुआन शोहरू का हर गल्ला लै बधिया। तेखअ बणाऐं तिंयां च़ार ज़ण्हैं राज़ेए च़ाकरी करनै आल़ै।
खारकै मणछे बड़ैई हआ तेऊए बला का,
पर प्रोढै मणछे शोभा हआ तेऊए पल़ू करै।
लान्हैं भलै आसा कि बूरै,
भलै-बूरै बछ़ैणियां तिन्नें कामां का।
Guardar o caminho
Como purificará o jovem seu caminho? Guardando-o segundo a tua Palavra. A Escritura na juventude guarda do pecado a vida inteira.
खारकै मणछ सका बिधाते हुकम मनी
शुची ज़िन्दगी ज़िऊई।
मंऐं आसा तेरअ बधान आपणैं दिलै डाहअ द,
ताकि हुंह ताखा किछ़ पाप करदअ निं शुझिए।
हे मेरै मालक बिधाता, हुंह रहा ताह ई न्हैल़अ लागी,
मंऐं आसा होछ़ी उझै ताह ई दी आशा डाही दी।
खारकै मर्ध अर बेटल़ी,
लान्हैं अर प्रोढै बी!
सोभी लोल़ी बिधाते ज़ै-ज़ैकार किई।
तेऊओ नाअं आसा सोभी का बडअ अर महान!
तेऊओ प्रतप्प आसा सारी पृथूई अर स्वर्गै।
ईंयां सैणीं गल्ला आसा इज़राईल मुल्खे राज़ै दाबेदे शोहरू राज़ै सुलैमाने:
ज़ुंण इना गल्ला पहल़े, तिन्नां एछणी अक्ल, सबर
अर तिन्नां समझ़णीं ईंयां सैणीं गल्ला राम्बल़ै करै।
एता करै लागणअ तिन्नां का थोघ कि
किहअ करै लागा सुंबल़ी सोर डाही ज़िन्दगी ज़िऊंणीं,
अर एता करै लागणअ तिन्नां का थोघ कि धर्म, नसाफ
अर मानदारी किज़ै आसा।
एता का सका आम मणछ बी शिखल़ी कि
छ़ल़ैघ किहअ करै हणअ,
खारकअ मणछ सका एता का ज्ञैन अर सुंबल़ी सोर शिखल़ी।
लान्हैंओ, मेरी गल्ला शूणां, अक्ल करा,
आप्पू डाहणअ भली ज़िन्दगी ज़िऊंणेंओ खैल।
नां तम्हैं शूरी-शराबीए संगत करी
अर नां तिन्नें ज़ुंण शिखा खाणैं पिछ़ू मरी एछा।
किल्हैकि शूरी-शराबी अर छ़ाक्कू मणछा पल़ा दाल़ज।
ज़ै तम्हैं बी ज़ै सिधै खांदै अर सुत्ती रहे, तम्हां लागणै घेरी बी लैऊल़ै बान्हणैं।
आपणैं बाबे गल्ला दी दैणअ धैन, ज़ै सह निं हंदअ, तै निं तम्हैं बी हणैं तै,
ज़ेभै थारी ईज प्रोढी होए, तेभै करनी तेसे होर बी खास्सी कदर।
Coragem e vocação
Deus chamou jovens como Jeremias e Josué para grandes missões. A juventude não é desculpa — é oportunidade de servir poderosamente.
मंऐं बोलअ बिधाता लै इहअ, "हे मेरै मालक बिधाता, मुंह निं गल्ला ई करनीं एछदी! हुंह आसा अज़ी शोहरू ई!"
पर बिधाता बोलअ मुल्है इहअ, "इहअ निं बोलै कि तूह आसा अज़ी शोहरू, पर ज़िधा लै मुंह तूह छ़ाडणअ, तूह डेऊ तिन्नां मणछा सेटा संघा खोज़ै तिन्नां का ज़िहअ हुंह हुकम करे तिहअ। तूह निं तिन्नां आपणैं लोगा का डरदअ लागी, हुंह हणअ ताह संघै ताह बच़ाऊंदअ आप्पै, अह गल्ल डाही मंऐं बिधाता बोली!"
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे। तेभै करनी तम्हां मुंह सेटा अरज़ अर मुंह हेरनी थारी शूणीं। तेभै लागणै तम्हैं दिला का मुंह लोल़ै अर तम्हां जाणअ हुंह भेटी। हाँ, हुंह बोला भाल़, तम्हैं लागणै मुंह लोल़ै अर मुंह आणनैं तम्हैं गलामी का बापस काढी थारी आपणीं ज़ैगा लै। मुंह झाल़णैं तम्हैं संसारे हर देशा अर हर ज़ैगा का ज़ेथ मंऐं तम्हैं छिंगी आसा डाहै दै। तम्हैं झाल़णैं मुंह भिई ऐहा ई ज़ैगा ज़िधा का काढी मंऐं तम्हां गलामी दी दैनअ डेऊणैं। अह गल्ल डाही मंऐं बिधाता बोली।
तूह डाह हैअ, तूह करै सिधअ एतरअ कि ज़ुंण बधान मंऐं मेरै दास मोसा का दैनअ त, तेऊ मनै ज़िहअ मंऐं खोज़अ तिहअ ई। तेता का निं ओर्ही नां पोर्ही फिरी, अर तूह ज़िधी-ज़िधी बी डेओए, तिधी-तिधी हणअ तेरअ हर काम सफल। बधाने अह कताब निं लोल़ी तम्हैं कधि बिस्सरी, एता करै धैल़-राच उझ़दी-बेशदी पहल़ी अर ज़ुंण एथ लिखअ द आसा, तेऊ साबै लोल़ी तम्हैं ज़िन्दगी ज़िऊई। तै हणैं तम्हैं ऐहा ज़ैगा सोभी गल्ला दी सफल। इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"
ऐबै बोला हुंह तम्हां ज़ुआन मणछा लै कि टोली दी ज़ुंण थारै सैणैं विश्वासी आसा तम्हैं रहा तिन्नें डरा हेठै। एकी दुजे करनी सादै-सिधै रही च़ाकरी किल्हैकि हाम्हैं सका पबित्र शास्त्रा दी इहअ लिखअ द पहल़ी कि
"परमेशर करा घमंडी मणछो बरोध, पर
सादै-सिधै मणछा लै करा झींण।"
तैही रहा परमेशरा सम्हनै सादै-सिधै ज़हा का थारी फाज़त करनैओ बल आसा। ताकि सह थारअ तैहा धैल़ी अदर करे ज़ुंण तेऊ काढी आसा डाही दी।
सैणैं मणछो, मंऐं लिखअ तम्हां लै एते तैणीं कि ज़ुंण पैहलै का आसा, तम्हां का आसा तेऊओ थोघ।
ओ कुंआरै मणछो, तम्हां लै लिखअ मंऐं तै कि तम्हैं आसा विश्वासा दी जोधै अर परमेशरो बैण लोल़ी थारै दिलै रहअ, अर तम्हैं आसा हेरअ द तेऊ कदुष्ट राख्सा का जुध ज़िती।
हाम्हां लागा आपणअ च़ाल-च़लण ऐबै इहअ शुचअ करनअ ज़िहअ एक मणछ प्रैश्शै दी हांढा नां कि न्हैरै दी हांढणै आल़ै मणछा ज़िहअ, सुहांग-मखौल, शूर-शराब, कंज़रैई, दुजै भाल़ी ज़ल़ण करनी, निक्कै काम अर लल़ाई-झ़गल़ै करनै।
मणछा लै आसा भलअ कि बिधातो जूँ ज़ुआनी दी च़के।