O juízo final

31 baa a ra lon kelen fɔ, a ri dunuɲa mɔɔ bɛɛ la kititɛɛ telenbaya la lon mɛn. Kiti wo ri kɛ mɔɔ kelen bolo. Alla jɛrɛ le ka wo ɲenematɔmɔn, ka a lawuli ka a bɔ saya rɔ. A lawuli ko wo kɛra tɔɔmasere le ri, sa mɔɔilu bɛɛ ri a lɔn ko Alla ra wo le ɲenematɔmɔn.»

36 N di a fɔ ai yɛ ko Alla la kiti tɛɛ lon wa se, mɔɔilu ka kuma ɲatɔnɔntan mɛnilu fɔ ii da rɔ, ii ri woilu bɛɛ fɔkun fɔ Alla yɛ, 37 baa i la kumailu ri kɛ sababu ri, Alla ri jɔ di i ma, wala a ri kiti labe i kan.»

Dunuɲa laban kiti

31 «Mɔɔ Dencɛ wa na a la gbiliya rɔ lon mɛn, a la mɛlɛkailu bɛɛ ri na a malɔ. A ri a sii a la mansaya siifen gbiliyani rɔ. 32 Dunuɲa siyailu bɛɛ ri ii ladɛn a ɲakɔrɔ. A ri ii fara ka ii bɔ i ɲɔɔn na, ikomin saa gbɛngbɛnna ye saailu ni baailu farala ɲa mɛn ma ka ii bɔ i ɲɔɔn na. 33 A ri saailu bila a bolokinin fɛ, ka baailu bila a bolomaran fɛ.

Dunuɲa laban kiti

31 «Mɔɔ Dencɛ wa na a la gbiliya rɔ lon mɛn, a la mɛlɛkailu bɛɛ ri na a malɔ. A ri a sii a la mansaya siifen gbiliyani rɔ. 32 Dunuɲa siyailu bɛɛ ri ii ladɛn a ɲakɔrɔ. A ri ii fara ka ii bɔ i ɲɔɔn na, ikomin saa gbɛngbɛnna ye saailu ni baailu farala ɲa mɛn ma ka ii bɔ i ɲɔɔn na. 33 A ri saailu bila a bolokinin fɛ, ka baailu bila a bolomaran fɛ. 34 Wo kɔ rɔ, mansa ri a fɔ bolokininnatailu yɛ ko: ‹Na, aile mɛn kunnadiyani n Fa bolo; ai ye na mansaya sɔrɔn mɛn dabɛnni a yɛ kɛbi dunuɲa dan waati, 35 baa ai ka n kɔnkɔtɔ yen tuma mɛn na, ai ka n sɔ dɔɔnnin fen dɔ. Ai ka n jilɔɔtɔ yen tuma mɛn na, ai ka n sɔ ji rɔ. N tɛrɛ ye londanya rɔ tuma mɛn na, ai ka n jiya. 36 Ai ka n farimakolon yen tuma mɛn na, ai ka n sɔ feriyabɔ rɔ. N jankarɔtɔ tɛrɛ tuma mɛn na, ai ka ai janto n dɔ. N tɛrɛ ye kaso la tuma mɛn na, ai wara bɔ n fɛ.› 37 Mɔɔ telenni woilu ri a fɔ a yɛ ko: ‹Maari, an ka i kɔnkɔtɔ yen lon ɲuman dɔ ka i sɔ dɔɔnnin fen dɔ? An ka i jilɔɔtɔ yen lon ɲuman ka i sɔ ji rɔ? 38 An ka i yen londanya rɔ lon ɲuman ka i lajiya? Ni wo tɛ, an ka i farimakolon yen lon ɲuman ka i sɔ feriyabɔ rɔ? 39 An ka i jankarɔtɔ yen lon ɲuman ka wa bɔ i ma? Ni wo tɛ, an ka a mɛn lon ɲuman ko i ye kaso la ka wa bɔ i ma?› 40 Mansa ri ii jabi: ‹N di tuɲa fɔ ai yɛ: ni ai ka koɲuma kɛ n badenma do yɛ mɛn dɔɔman ai bɛɛ tɛma, ai ka wo kɛ n jɛrɛ le yɛ.›

41 «Wo kɔ rɔ, mansa ri a fɔ bolomarannatailu yɛ ko: ‹Ai dankadenilu, ai ye bɔ n ɲakɔrɔ ka wa ta sabali rɔ, mɛn dabɛnni Ibulusa ni a la mɛlɛkailu yɛ, 42 baa ai ka n kɔnkɔtɔ yen tuma mɛn na, ai ma n sɔ dɔɔnnin dɔ. Ai ka n jilɔɔtɔ yen tuma mɛn na, ai ma n sɔ ji rɔ. 43 N tɛrɛ ye londanya rɔ, kɔni ai ma n jiya. Ai ka n farimakolon yen, kɔni ai ma n sɔ feriyabɔ rɔ. N jankarɔtɔ le tɛrɛ, kɔni ai ma wa bɔ n fɛ. N tɛrɛ ye kaso la, kɔni ai ma wa bɔ n fɛ.› 44 Mɔɔ woilu fanan di a fɔ a yɛ ko: ‹Maari, an ka i kɔnkɔtɔ yen lon ɲuman, wala ka i jilɔɔtɔ yen, wala ka i yen londanya rɔ, wala ka i farimakolon yen, wala ka i jankarɔtɔ yen, wala ka i bilanin yen kaso la, ni an ma i dɛmɛn?› 45 Mansa ri ii jabi: ‹N di tuɲa fɔ ai yɛ. Ai ka ai ban koɲuma kɛla mɔɔ ɲinilu dɔɔmamɔɔ do yɛ mɛn kɛ, ai ka ii ban koɲuma kɛla nde jɛrɛ le yɛ wo ri.› 46 Nba, mɔɔ woilu ri wa tɔrɔ banbali yɔrɔ rɔ. Kɔni mɔɔ telenniilu ri wa to ɲenemaya banbali rɔ.»

16 Baa, Alla ka dunuɲa mɔɔilu kanin kosɛbɛ, wo rɔ, a ka a Dencɛ kelen pe di, kosa mɔɔ si wa lemɛniya a ma wo kana halaki, kɔni a ri ɲenemaya banbali sɔrɔn.

16 Baa, Alla ka dunuɲa mɔɔilu kanin kosɛbɛ, wo rɔ, a ka a Dencɛ kelen pe di, kosa mɔɔ si wa lemɛniya a ma wo kana halaki, kɔni a ri ɲenemaya banbali sɔrɔn. 17 Wo rɔ Alla ma a Dencɛ lana ka kiti be dunuɲa kan, kɔni ka a kisi a la baraka rɔ.

18 «Mɔɔ si wa lemɛniya Dencɛ ma, wo ti jalakila, kɔni mɔɔ mɛn ma lemɛniya wo tun da jalaki, baa a ma lemɛniya Alla Dencɛ kelen tɔɔ ma. 19 Kɛnɛya ra na dunuɲa rɔ, kɔni dibi duman adamaden yɛ ka tamin kɛnɛya la, ka a masɔrɔn ii kɛwaliilu juuman. Kiti beni ii kan mɛn kosɔn, wo le wo ri.

7 Kɔni n ye tuɲa fɔla le ai yɛ ko: ai la hɛrɛ le a rɔ ni n wara, baa na n ma wa, Lalilila ti nala ai ma. Kɔni ni n wara n di a lawa ai ma. 8 Wo wa na, a ri julumun ko ni telenbaya ko ni kiti tɛɛ ko gbɛ dunuɲa yɛ, ka a yiraka ii la ko ii filini woilu bɛɛ rɔ. 9 Ii filini julumun ko rɔ ka a masɔrɔn ii ma lemɛniya nde ma. 10 Ii filini telenbaya ko rɔ, ka a masɔrɔn n watɔ n Fa ma, a ni ai ti n yenna butun. 11 Ii filini kiti tɛɛ ko rɔ, ka a masɔrɔn, dunuɲa ɲin kuntii ra jalaki.

16 An ka a lɔn ko Alla ye an kaninna. An da an na lemɛniya la wo kan. Alla ye a la ko bɛɛ kɛla kaninteya le la. Mɔɔ mɛn ye kaninteya sila taamanna, wo tii sidinin ye tola Alla ma. Alla sidinin ye tola wo tii ma fanan. 17 Kaninteya dafanin an fari rɔ ɲa wo le ma. Wo rɔ, ni Alla la kiti tɛɛ lon sera, an tɛ silan, baa an ye an taamanna dunuɲa rɔ ikomin Isa Ɲenematɔmɔnin ka a kɛ ɲa mɛn ma. 18 Silan tɛ kaninteya rɔ. Alla ye an kaninna ka a dafa fewu. Wo rɔ, an tɛ silanna muumɛ, baa silan bɔni latɔn ko le rɔ, Alla la kititɛɛ tɔrɔya kɔnin. Mɔɔ mɛn silan, Alla la kaninteya dafanin tɛ wo fari rɔ.

10 Baa a fɛrɛ tɛ ye fɔɔ an bɛɛ ye lɔ kɛnɛma Ɲenematɔmɔnin na kitila diya ɲakɔrɔ. Mɔɔilu bɛɛ ri ii kɛwaliilu sara sɔrɔn kelen kelen ɲa ma, a ka mɛn kɛ a la dunuɲaratɛɛ rɔ, a ɲuma wala a juuman.

16 A ye kɛla wo ɲa le ma Alla wa bɔ mɔɔilu la gbundu koilu makiti diya lon mɛn na Isa Ɲenematɔmɔnin baraka rɔ, ikomin n ye Isa la ko Kibaro Ɲuma mɛn nasela, wo ye a fɔla ɲa mɛn ma.

6 Wo rɔ, an kana sunɔɔ ikomin doilu, kɔni an ye to an hankili rɔ, ka an jɛrɛ mira! 7 Sunɔɔlailu ye sunɔɔla su le rɔ, dɔlɔ minnailu fanan ye ii minna su le rɔ. 8 Kɔni ikomin andeilu ye tele rɔ mɔɔilu le ri, an ka kan ka an jɛrɛ mira, ka kaninteya ni lemɛniya kɛ an sisi makandan fen di, ka an kisi ko jii kɛ an kun makandan kɛlɛkɛ fula ri. 9 Baa Alla ma an suwandi a la mɔnɛ kanma, kɔni ko an ye kisi sɔrɔn an Maari Isa baraka rɔ, Ɲenematɔmɔnin.