O juízo final

ዉርሰ ፕርዳ

11 ሄዋፐ ጉይያን፥ ታን ዎልቃማ ቦ አራታነ ሄ አራታን ኡቴዳዋ በኣድ። ሳአይነ ሳሉ አ ስንፐ ባቃቴድኖ፤ ላኤን ቤትበይክኖ።✝ 12 ሀይቄዳዋንቱ፥ ቁ ግያዋንቱነ ጉቱ አራታ ስንን ኤቄዳዋንታ ታን በኣድ። ማጻፋቱ ዶየቴድኖ፤ ሀራ ማጻፋይ፥ ደኡዋ ማጻፋይካ ዶየቴዳ። ሀይቄዳዋንቱ ባረንቱ ኦሱዋዳን፥ ማጻፋቱዋን ጻፈት ኡቴዳዋዳንካ ፕርደቴድኖ። 13 አባይ ባረ ግዶን ደእያ ሀይቄዳዋንታ እሜዳ፤ ሀይቁነ ስኦሊ ባረንቱ ግዶን ደእያ ሀይቄዳዋንታ እሜድኖ። ኡባይካ ባረንቱ ኦሱዋዳን ፕርደቴድኖ። 14 ሄዋፐ ጉይያን፥ ሀዩነ ስኦሊ ታማ አባን የገቴድኖ። ሄ ታማ አባይ ላኤን ሀይቁዋ። 15 ደኡዋ ማጻፋን ባረ ሱንይ ጻፈትቤና አሳይ ኦንነ ታማ አባን የገቴዳ።

12 የሱስ፥ "በአ! ታን ኤለካ ያና። አሳ ኡባዉ አ ኦሱዋዳን እማናዉ፥ ታ ዎይታ አካ ያና።✝

12 የሱስ፥ "በአ! ታን ኤለካ ያና። አሳ ኡባዉ አ ኦሱዋዳን እማናዉ፥ ታ ዎይታ አካ ያና።✝ 13 ታን አልፋነ ኦሜጋ፤ ኮይሩዋነ ዉርሰ፤ ዶመነ ፖሉዋ" ያጌዳ።✝

መናዉ ደእያዋፐ ቆንጬዳ ሳፃ

9 "ታን ሄዋ ጼልሽን፥ ካተቱዋ አራታቱ ኡተዉ ጊጌድኖ። መናፐ ደእያዌ ባረ አራታን ኡቴዳ። አ ማዩ ሻቻዳን፥ አ ሁጲያ ብናናይካ ፑቱዋዳን ቦ። አ አራታይነ አራታ ይንግረቱ ታማዳን ላጮቲኖ።✝

መናዉ ደእያዋፐ ቆንጬዳ ሳፃ

9 "ታን ሄዋ ጼልሽን፥ ካተቱዋ አራታቱ ኡተዉ ጊጌድኖ። መናፐ ደእያዌ ባረ አራታን ኡቴዳ። አ ማዩ ሻቻዳን፥ አ ሁጲያ ብናናይካ ፑቱዋዳን ቦ። አ አራታይነ አራታ ይንግረቱ ታማዳን ላጮቲኖ።✝ 10 ታማ ሻፋይ አ ስንፐ ፑልቲደ ከሴ። ሻአ ገደ ሻአቱ አዉ ኦኖ፤ ቃይ ዳሮ ሚሎነቱ አ ስንን ኤቄድኖ። ያት ደእሽን ፕርዳ ፕርድያዌ ዶመቴዳ፤ ማጻፋቱካ ዶየቴድኖ።✝

2 ካሰ ሀይቂደ ሞገቴዳ አሳፐ ዳሮቱ ደንዳና። ኡንቱንቱፐ ባጋቱ መና ደኦ፥ ባጋቱ ቃይ ዬላዉነ መና ካዉሻዉ ደንዳና።✝ 3 አዳ ኤራንቻቱ፥ ሳሉዋ ፖኡዋዳን፥ ቃይ ዳሮቱዋ ጽሎተ ኦግያ ካለዳዋንቱ መ መናዉ ጾልንትያዳን ፖአና።

31 አያዉ ጎፐ፥ ጾሳይ ዎድያ ኬር ዎዳ፤ ሄ ዎድያን ባረ ዶሬዳ ኡራን ሳኣን ደእያ አሳ ኡባ ቦላ ጽሎ ፕርዳ እ ፕርዳና፤ አሳ ኡባዉ ሀይቁዋፐ የሱሳ ደንዳዋን ሄዋ ቱማዬዳ" ያጌዳ።

36 ታን ህንተንቶ ኦዳይ፤ አሳይ ባረ ሃሳዬዳ ማደና ሃሳያ ኡባዉ ፕርዳ ጋላስ ዛሩዋ እማናዋ። 37 አያዉ ጎፐ፥ ነ ሃሳያይ ኔና ጽልሳና፤ ዎይ ነ ሃሳያይ ነ ቦላ ፕርድሳና" ያጌዳ።

ዎድያ ዉርሰን ሀናና ፕርዳ

31 "ታን፥ አሳ ናአይ፥ ኪታንቻቱዋ ኡባቱዋና ቦንቹዋን ይያ ዎደ፥ ታ ቦንቾ ካዉተ ኦይድያን ኡታና።✝ 32 ሳኣን ደእያ አሳይ ኡባይ ታ ስን ሺቃናዋንታ፤ ሄምያዌ ዶርሳቱዋ ዴሻቱዋፐ ሻክያዋዳን፥ ታን ሄ አሳ ላኡ ከሳደ ሻካና። 33 ቃይ ዶርሳቱዋ ታፐ ኡሸቻ ባጋና ኤሳደ፥ ዴሻቱዋ ታፐ ሀድርሳ ባጋና ኤሳና።

ዎድያ ዉርሰን ሀናና ፕርዳ

31 "ታን፥ አሳ ናአይ፥ ኪታንቻቱዋ ኡባቱዋና ቦንቹዋን ይያ ዎደ፥ ታ ቦንቾ ካዉተ ኦይድያን ኡታና።✝ 32 ሳኣን ደእያ አሳይ ኡባይ ታ ስን ሺቃናዋንታ፤ ሄምያዌ ዶርሳቱዋ ዴሻቱዋፐ ሻክያዋዳን፥ ታን ሄ አሳ ላኡ ከሳደ ሻካና። 33 ቃይ ዶርሳቱዋ ታፐ ኡሸቻ ባጋና ኤሳደ፥ ዴሻቱዋ ታፐ ሀድርሳ ባጋና ኤሳና።

34 "ሄዋፐ ጉይያን፥ ታን ካቲ ታፐ ኡሸቻ ባጋና ደእያዋንታ ሀዋዳን ያጋና፤ ‘ታ አቡ አንጄዳዋንቶ፥ ሃ ዪደ ሳአይ መቶደፐ ሀቼ ጋካናዉ፥ ህንተንቶ ጊጌዳ ካዉተ ላትተ። 35 አያዉ ጎፐ፥ ታን ኮሻትና ምዜድታ፤ ሳመትና ኡሼድታ፤ እማ ግዳደ ቢናካ ሞኬድታ። 36 ታን ካሎትና ማይዜድታ፤ ሀርግና በኤድታ፤ ቃሸትና ታኮ ጋኪደ ኦቼድታ’ ያጋና።

37 "ሄዋፐ ጉይያን፥ ጽላቱ ዛሪደ፥ አ ሀዋዳን ያጋና፤ ‘ጎዳዉ፥ ኔን ኮሻትና፥ አዉደ በኢደ ምዜዶ? ዎይ ኔን ሳመትና፥ አዉደ በኢደ ኡሼዶ? 38 ኔን እማ ግዳደ ዪና አዉደ በኢደ ሞኬዶ? ዎይ ኔን ካሎትና አዉደ ማይዜዶ? 39 ቃይ ኔን ሀርግና፥ ዎይ ቃሸትና ኔኮ ቢደ አዉደ ኔና በኤዶ?’ ያጋናዋንታ። 40 ታን ካቲ ዛራደ፥ ‘ታን ህንተንቶ ቱሙዋ ኦዳይ፤ ህንተንቱ ሀ ታ እሻቱዋ ኡባፐ ሀራይ አቶ፥ ላፍያ እቶ ኦዳዋ ግድንቶካ፥ ሄዋ ታዉ ኦድታ’ ያጋና።

41 "ሄ ዎደ፥ ታፐ ሀድርሳ ባጋና ደእያዋንታ ታን ያጋና፤ ‘ሀ ሸቀቴዳዋንቶ፥ ታ ማታፐ ክችተ፤ ቢደ ጻላህያ ካፖነ አ ኪታንቻቶ ጊጌዳ መና ታማን ገልተ። 42 አያዉ ጎፐ፥ ታን ኮሻትና፥ ታና ምዝበይክታ፤ ሳመትና ኡሽበይክታ። 43 ታን እማ ግዳደ ቢና፥ ታና ሞክበይክታ፤ ካሎትና ማይዝበይክታ፤ ቃይ ሀርግና፥ ቃሸትናካ ታና በእበይክታ’ ያጋና።

44 "ሄ ዎደ ኡንቱንቱ ቃይ ሀዋዳን ያጊደ ዛራናዋንታ፤ ‘ጎዳዉ፥ ኔን ኮሻትና ዎይ ሳመትና፥ ዎይ እማ ግዳደ ቢና ዎይ ካሎትና፥ ዎይ ሀርግና ዎይ ቃሸትና፥ አዉደ በኢደ፥ ኔና ማደናን እጼዶ?’ ያጋናዋንታ።

45 "ሄ ዎደ ታን ካቲ ዛራደ ኡንቱንታ፥ ‘ታን ህንተንቶ ቱሙዋ ኦዳይ፤ ህንተንቱ ሀ ኡባፐ ላፍያ እቱዋ ማደናን እጼዳዌ፥ ታና ማደናን እጼዳዋ’ ያጋና። 46 ሄዋንቱ መና ሙራዉ ባና፤ ሽን ጽላቱ መና ደኦ ባና" ያጌዳ።✝

14 ጾሳይ ኦሱዋ ኡባ ቦላን፥ ቃይ ጌሜዳ የዉዋ ኡባ ቦላን፥ ሎአ ግድና፥ ኢታ ግድናካ ፕርዳናዉ ደኤ።

17 ታ ዎዛናን፥ "ጾሳይ ጽሉዋነ ኢታ ላኡዋካ ፕርዳዉ ሺሻና፤ አያዉ ጎፐ፥ ጾሳይ አላለ ኡባዉነ ኦሱዋ ኡባዉ ዎድያ ኬር ዎዳ" ያጋደ ቆፓድ።

30 "ሄዋ ድራዉ፥ ህንተኖ፥ እስራኤልያ አሳቶ፥ ታን ህንተና ኡባካ ህንተ ኦግያዳን ኦግያዳን ፕርዳና። ናጋራይ ህንተ ዮ ጋሶ ግደናዳን ፓጽተ፤ ህንተ ባይዙዋ ኡባፐካ ስምተ። ታን ኡባ ሞድያ መና ጎዳይ ሀዋ ኦዳይ። 31 ህንተ ናቄዳ ናቁዋ ኡባ ህንተፐ ሃሲደ፥ ኦራ ዎዛናነ ኦራ አያና አክተ። ህንተኖ እስራኤልያ አሳቶ፥ አያዉ ሀይቂቴ? 32 ታን እት አሳ ሀይቁዋንነ ናሸትከ። ሄዋ ድራዉ፥ ህንተ ናጋራ ፓጽ ስሚደ፥ ፓጻ ደእተ! ታን ኡባ ሞድያ መና ጎዳይ ሀዋ ኦዳይ" ያጌዳ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ። 17 አያዉ ጎፐ፥ ጾሳይ ባረ ናኣ ሀ አላምያ አሳ ፕርዳናዉ ኪትቤና፤ ሽን ኡንቱንታ አ ባጋና አሻናዉ ኪቴዳ።

18 "አ ናኣ አማንያ ኦንነ ፕርደተና፤ ሽን ናኣን አማነና ኦንነ፥ ጾሳ ናኣ እቱዋ አማንቤና ድራዉ፥ ሀእካ ፕርደት ኡቴዳ። 19 አሳ ቦላ ይያ ፕርዳይ ሀዋ: ፖኡ ሀ አላምያ ዬዳ፤ ሽን አሳ ኪታይ ኢታ ግድያ ድራዉ፥ ፖኡዋፐ አደ፥ ማ ሲቄዳ።

7 ሽን ታን ህንተንቶ ቱሙዋ ኦዳይ፤ ታን ብያዌ ህንተንቶ ሎአ። አያዉ ጎፐ፥ ታን ባና ዮፐ፥ መንያዌ ህንተንቱኮ ዬና፤ ሽን ታን ቦፐ፥ አ ህንተንቱኮ የዳና። 8 ቃይ መንያዌ ዪደ፥ ኡንቱንቱ ናጋራባ፥ ጾሳ ጽሎተባነ ፕርዳባ ሀ ሳኣ አሳይ ባይዜዳዋ በሳናዋ። 9 ናጋራባይ አሳይ ታና አማነና ድራሳ። 10 ጽሎተባይ ቃይ ታን አዉዋኮ ብያ ድራዉ፥ ህንተንቱ ታና ላኤንዋ በእክታ። 11 ጾሳ ፕርዳባይ ቃይ አላምያ ሞድያዌ ፕርደቴዳ ድራሳ።

16 ጾሳይ ኑና ሲቅያዋ ኑን ኑ ሁጰዉ ኤሬቶነ አማኔቶ።

ጾሳይ ሲቁዋ። ሲቁዋን ደእያ ኦንነ ጾሳ ግዶን ደኤ፤ ጾሳይካ አ ግዶን ደኤ። 17 ኑ ደኡ ሀ አላምያን ክርስቶስ ደኤዳዋ ማላ ግድያ ድራዉ፥ ፕርዳ ጋላስ ኑን ያየና ማላ፥ ሲቁ ኑ ግዶን ፖለቴዳ። 18 ሲቁዋን ያሽ ባዋ፤ ጋሱካ ቱሙ ሲቁ ያሻ ከስ ኦሌ። ያሻይነ ሙራይ እትፐ ብያ ድራዉ፥ ያይያ ኡራ ሲቁ ኩመን ግደና።

10 አያዉ ጎፐ፥ ኑን ሁጲያን ሁጲያን ኦዳ ኦሱ ሎአ ግድና፥ ዎይ ኢታ ግድና፥ ኑዉ በስያዋ አካናዉ፥ ክርስቶሳ ፕርዳ ኦይድያ ስንን ኡባይካ ሺቃናዉ በሴ።

16 ታን ታማርሴዳ ምሽራቹዋ ቃላዳን፥ አሳ ዎዛናን ጌሜዳ ቆፋ ጾሳይ የሱስ ክርስቶሳ ባጋና ሀዋዳን ፕርዳና።

27 አሳይ ኡባይ እት ገደ ሀይቃናዉ በሴ፤ ሄዋፐ ጉይያን ጾሳይ አሳ ፕርዳና። 28 ሄዋዳንካ፥ ቃይ ክርስቶስ ዳሮ አሳ ናጋራ ይሳናዉ እት ገደ ያርሸቴዳ፤ ቃይ እ ባረና ሎይ ናግያዋንታ አሻናዉ ቤታናፐ አትን፥ ላኤን ናጋራ ቶካናዉ ቤተና።✝

37 አያዉ ጎፐ፥ ጾሳ ማጻፋይ፥

"አማሬዳ ዎዲ አቴዳ።

ይያዌ ያናዋ፤ ጋምኤና።✝

38 ታ ጽሉ አማነቲደ ደአናዋ።

ሽን ኦንነ ጉየ ስሞፐ፥

ታና ናሸቼና"

ያጌ። 39 ኑን አማነቲደ አቴዳዋንቱ ባጋ ግድያዋፐ አትን፥ ጉየ ስሚደ ዬዳዋንቱ ባጋ ግዶኮ።

6 ሄዋ ድራዉ፥ ኑን ሀራቱ ገምእሽያዋዳን ገምእሻናዉ በሰና። ኑን ቤጎታናዉነ ዎጋን ደአናዉ በሴ። 7 አያዉ ጎፐ፥ ገምእሽያዋንቱ ቃማ ገምእሺኖ፤ ማትያዋንቱካ ቃማ ማቲኖ። 8 ሽን ኑን ጋላሳ አሳ ግድያዋንቱ ዎጋን ደአናዉ በሴ። ኑን አማኑዋነ ሲቁዋ ትራን ዎያ ኦላ ሚሻዳን ኦይቂደ፥ ኑን ህዶታን ናግያ አቶተ፥ ብራታ ቆብያዳን፥ ሁጲያን ዎናዉ በሴ።✝ 9 አያዉ ጎፐ፥ ጾሳይ ኑና ኑ ጎዳ የሱስ ክርስቶሳ ባጋና አቶተ ደማናዉ ዶሬዳዋፐ አትን፥ አ ሀንቁዋ አካናዉ ዶርቤና።

13 አያዉ ጎፐ፥ መና ጎዳይ ዬ፤

እ ሳኣ ቦላን ፕርዳናዉ ዬ፤

እ ሀ ሳኣ ቦላ ጽሎተን፥

አሳ ቦላካ ቱማተን ፕርዳና።