O juízo final

O juízo final é a conclusão da história humana. Todos os seres humanos comparecerão diante do trono de Deus para o julgamento eterno — os salvos para a vida, os ímpios para a condenação.

O grande trono branco

Vi um grande trono branco e os mortos diante de Deus. Os livros foram abertos e cada um foi julgado segundo as suas obras.

Otsiil b’ãndɔɔ bo ntɔ

11 Mɛ̃ bu mwɛn kiri li okwɛn li nɛn li fuu ye wu ábvi nsɛn nkal a lɔ. Nsie ye ywel ebal ke nkwel a lɔ, bvool k’abemwɛn bvɛ wɛ. 12 Mɛ̃ bu mwɛn b’ákwi-ákwi, akuul y’akiɔɔl, tɛ ke nkwel a kiri li okwɛn. Adzweel ɛ̃nkaan bvool adzweel ɔ̃nkaan ɔ̃kyam wu oli ɔ̃nkaan wu elaã. Atsiil ãndɔɔ ã b’ákwi-ákwi onge b’ákel onse ɛ̃nkaan omyɛ̃, m’emfa ki ɛ̃sal ɛ̃ bɔ. 13 Ãdza m’ɔ̃ngwa ãloo b’ákwi-ákwi me mɔ̃, epfu y’ola o b’ákwi-ákwi, oloo b’áli okɔ: Atsiil ãndɔɔ ã bɔ, mbuul bwɛn a mbuul m’emfa ki ɛ̃sal ɛ̃ ndɛ. 14 Atyel epfu y’ola o b’ákwi-ákwi onse yɛɛ e mbaa. Yɛɛ e mbaa eli epfu li yuaal. 15 Mbuul wɛn nkuun k’áswɛn onse ɔ̃nkaan wu elaã wɛ, atyel ndɛ onse ywɛn e mbaa.

Apocalipse 20:11-15

12 Yeso bvool olieel ndiri: «Yoo! Mɛ̃ ŋ’esa eya. Mɛ̃ eya y’ebva-kab e mɛ̃, me ndɔɔ yi ewa mbuul bwɛn a mbuul kyɛ m’emfa ki ɛ̃sal ɛ̃ ndɛ.

Apocalipse 22:12

12 Yeso bvool olieel ndiri: «Yoo! Mɛ̃ ŋ’esa eya. Mɛ̃ eya y’ebva-kab e mɛ̃, me ndɔɔ yi ewa mbuul bwɛn a mbuul kyɛ m’emfa ki ɛ̃sal ɛ̃ ndɛ. 13 Mɛ̃ ndi Alefa y’Omega, wa nkwel ye wa mbee, obɛɛn y’osɛɛl.»

Apocalipse 22:12,13

Preparação para o juízo

Deus estabeleceu um dia para julgar o mundo com justiça. Arrependei-vos, porque o juízo se aproxima e cada palavra será pesada.

31 Ke ngwel wɛ, ndɛ ál’amaayɛɛl tsoo li ètsiil ndɛ ãndɔɔ ã baal b’ɔ̃kiri wueel m’emfa ki dzu. Ndɛ ál’amaasuaal mbuul me ndɔɔ oyɔ. Ndɛ ásuo baal bueel kwɛn ndɛ ásueel ndɛ, ŋ’éseel ndɛ ndɛ onse b’ákwi-ákwi!»

Atos 17:31

36 Mɛ̃ eyɛɛn byɛ bubu: Me tsoo li ekieel etsiil Nziã ãndɔɔ ã baal, baal kieel ayeyɛɛn m’ãndɔɔ mɛn otsɛn pyɛ m’élieel-élieel bɔ. 37 Ke ngwel wɛ, m’ãyɛɛn ã yɛ, yɛ akieel apal ɔ̃nkikyam, m’ãyɛɛn ã yɛ hɛ̃, yɛ akieel abva.»

Mateus 12:36,37

Otsiil b’ãndɔɔ ã baal bo ntɔ

Mateus 25:31-33

Otsiil b’ãndɔɔ ã baal bo ntɔ

31 «Ŋ’ekieel eya Muaan a mbuul onse omfam o ndɛ y’ãnzwel mbueel, ndɛ akieel abva nsɛn nkal a kiri e ndɛ li Okwɛn li dzuun. 32 Ãyam ã baal b’ɔ̃kiri a nsie wueel ãkieel ãbvɔɔn ke nkwel a ndɛ. Obobɔ, ndɛ akieel akab baal ebaal bviaal, onge ɔ̃mbuaal-anywam wu akab emɛ̃mɛɛ̃ y’antab. 33 Ndɛ akieel asuul emɛ̃mɛɛ̃ me kuɔɔl e ndɛ ki elam, antab me ki ekal. 34 Obobɔ, ɔ̃kwɛn akieel aliaal baal b’ali me kuɔɔl e ndɛ ki elam ndiri: "Eya, byɛ baal b’ebɔɔ ondɔɔl o kuɔɔl o Tal a mɛ̃, ewal Okwɛn b’éyɛɛl ndɛ byɛ fa k’ábuo ɔ̃kiri. 35 Ke ngwel wɛ, mɛ̃ éli ye nzal, byɛ éwi mɛ̃ bvi-odza. Mɛ̃ éli ye nzuaal, byɛ éwi mɛ̃ ãdza. Mɛ̃ éli ɔ̃nzii, byɛ éyɔɔ mɛ̃ ola byɛ. 36 Mɛ̃ éli odzuũ, byɛ éwi mɛ̃ ekɔ. Mɛ̃ éli y’ãluu, byɛ éwueel a mɛ̃. Mɛ̃ éli onse bwal, byɛ éyi mɛ̃ otal." 37 Obobɔ, baal ba dzu akieel abveel ndɛ ndiri: "Ke Mfam, tsoo emã li émwɛn bee yɛ áli ye nzal, bee bu ewi yɛ bvi-odza, wuo li éli yɛ ye nzuaal, bee bu ewi yɛ ãdza? 38 Tsoo emã li émwɛn bee yɛ áli ɔ̃nzii, bee bu eyɔɔ yɛ ola bee, wuo li éli yɛ odzuũ, bee bu ewi yɛ ekɔ? 39 Tsoo emã li émwɛn bee yɛ y’ãluu, wuo onse bwal, bee bu eyi yɛ otal?" 40 Ɔ̃kwɛn akieel abveel bɔ ndiri: "Taa-taa bam, mɛ̃ eyɛɛn byɛ wɛn, nsa yueel yi ési byɛ obobɔ me ngɔmɔ̃ wu obvool mbee onse baan-ngoo a mɛ̃ ba, ŋ’ési me mɛ̃."»

41 «Ke mbee oŋɔ̃, ɔ̃kwɛn akieel aliaal b’akieel akal me kuɔɔl e ndɛ ki ekal ndiri: "Embal, esyal lala ye mɛ̃, byɛ baal b’ápuul! Eyi onse mbaa yɛn k’edzam wɛ, yi áyɛɛl me ndɔɔ a ɔ̃pfu y’ãnzwel ã ndɛ! 42 Ke ngwel wɛ, mɛ̃ éli ye nzal, byɛ k’éwi mɛ̃ bvi-odza wɛ. Mɛ̃ éli ye nzuaal, byɛ k’éwi mɛ̃ ãdza wɛ. 43 Mɛ̃ éli ɔ̃nzii, byɛ k’éyɔɔ mɛ̃ ola byɛ wɛ. Mɛ̃ éli odzuũ, byɛ k’éwi mɛ̃ ekɔ wɛ. Mɛ̃ éli y’ãluu bvool éli onse bwal, byɛ k’éyi mɛ̃ otal wɛ." 44 Obobɔ, bɔ hɛ̃ akieel abveel ndɛ ndiri: "Mfam, tsoo emã li émwɛn bee yɛ áli ye nzal, wuo áli ye nzuaal, wuo áli ɔ̃nzii, wuo áli odzuũ, wuo áli y’ãluu, wuo áli onse bwal, bee bu ebee yɛ owuaal?" 45 Ɔ̃kwɛn akieel abveel bɔ ndiri: "Taa-taa bam, mɛ̃ eyɛɛn byɛ wɛn, nsa yueel yɛn byɛ k’ési obobɔ me ngɔmɔ̃ onse b’abvool mbee ba wɛ, ŋɛn k’ési me mɛ̃ wɛ." 46 Obobɔ, bɔ obɔ akieel ayi k’etumbu ki ɔ̃bu. Kɛn a baal ba dzu akieel ayi k’elaã li ɔ̃bu nzal ɔ̃bu.»

Mateus 25:31-46

Segurança em Cristo

Quem crê no Filho tem a vida eterna e não entra em juízo. O amor de Deus é nosso refúgio diante do juízo vindouro.

João 3:16

16 Ke ngwel wɛ, Nziã odzii baal b’ɔ̃kiri ngamfɛn. Obɔ otsɛn bɛn, ndɛ owi ensuu e ndɛ e Muaan ngɔmɔ̃, kwɛn mbuul ndyam wueel wu akiool ndɛ, abee odziɔɔn, kɛn a ndɛ abɔɔ elaã li ɔ̃bu nkal ɔ̃bu. 17 Taa-taa bam, Nziã k’ayuɔɔl Muaan a ndɛ m’ɔ̃kiri m’owa o baal etumbu wɛ. Ndɛ oyuɔɔl ndɛ, kwɛn ɔ̃kiri abvuul me ndɛ. 18 Mbuul wu olɔ okiool onse ndɛ k’abɔɔ etumbu wɛ. Kɛn a wɛn k’akiool wɛ, ŋ’amaabɔɔ etumbu, ke ngwel wɛ ndɛ k’alɔ okiool onse ensuu e Muaan a Nziã ngɔmɔ̃. 19 Etumbu okyɛ eli bubu: Mwiĩ oyi onse ɔ̃kiri, baal adzii empeel ke mboo a mwiĩ, me ndɔɔ yɛn ɛ̃sal ɛ̃ bɔ ɛ̃li ɛ̃bi-ɛ̃bi.

João 3:16-19

7 Kɛn a mɛ̃, mɛ̃ eyɛɛn byɛ otaa-taa wɛn eli ye bvel me ndɔɔ a byɛ kwɛn mɛ̃ ndyam ngyi. Ke ngwel wɛ, okɛɛn mɛ̃ ke ngyɛn wɛ, Ntwel k’àya ola byɛ wɛ. Kɛn okɛɛn mɛ̃ ngyɛn, mɛ̃ èyuɔɔl byɛ ndɛ. 8 Ŋ’ekieel eya ndɛ, ndɛ àsuo baal b’ɔ̃kiri kal-a-kal ndɔɔ yi etal obi, ndɔɔ yi etal okal dzu, ye ndɔɔ yi etal otsiil b’ãndɔɔ. 9 Me b’otal obi, me ndɔɔ yɛn bɔ k’alɔ okiool onse mɛ̃ wɛ. 10 Me b’otal okal dzu, me ndɔɔ yɛn mɛ̃ eyi ola Taal, bvool me ndɔɔ yɛn byɛ bam k’ebemwɛn mɛ̃ wɛ. 11 Me b’otal otsiil b’ãndɔɔ, me ndɔɔ yɛn mfam a ɔ̃kiri wu, Nziã amaatsiil ndɔɔ a ndɛ.»

João 16:7-11

16 Bia-byɛ eyɛɛ bvool ekiool wɛn Nziã odzii bia-byɛ. Nziã oli dzii, mbuul wu akal onse dzii akal onse Nziã bvool Nziã akal onse ndɛ. 17 Ŋɛn dzii eli ɔ̃koo onse bia-byɛ, ɛ̃kwal ɛ̃ bia-byɛ k’ɛ̃kal ke ywel wɛ me tsoo li ètsiil Nziã ãndɔɔ ã baal. Ke ngwel wɛ, emfa ki eli ndɛ bam, emfa ki eli bia-byɛ hɛ̃ onse ɔ̃kiri wu. 18 Onse dzii, buɔ k’oli wɛ. Kɛn a dzii li ɔ̃koo etswɛɛl buɔ. Ke ngwel wɛ, buɔ osuo kwɛn mbuul abekiaal etumbu. Wu oli ye buɔ, dzii k’eli ɔ̃koo onse ndɛ wɛ.

1 João 4:16-18

10 Ke ngwel wɛ, ebvaan bia-byɛ bueel eyetsuun ke mbal a Mãsia. M’emfa okyɛ, mbuul bwɛn a mbuul àbɔɔ ki ebvaan me ndɛ, m’emfa ki ési ndɛ ãndɔɔ m’omwiĩ o ndɛ me nsie: Ekal ãndɔɔ m’ãbvɛ, ekal m’ãbi.

2 Coríntios 5:10

16 me tsoo li ekieel etsiil Nziã ãndɔɔ ã baal mã m’edziɔɔn me nkuul a Yeso Mãsia, onge b’eyɛɛn mɛ̃ onse Nsia yi Ngesɛ yi ebetsal mɛ̃.

Romanos 2:16

27 Mbuul ndyam wueel ebvaan akwa sa ngemɔ̃, ke mbee oŋɔ̃, ndɛ abwel k’otsiil b’etsiil Nziã ãndɔɔ ã baal. 28 Emfa kiki hɛ̃, Mãsia áwi nzuru a ndɛ me ndyam onge kab me ndɔɔ yi ambaal ãbi m’ɔ̃bɔbɔ a baal. Ndɛ akieel amɔɔn li nsa yuaal, ke me ndɔɔ obi wɛ, kɛn a me ndɔɔ yi abvuul b’abekiaal ndɛ.

Hebreus 9:27,28

37 Ke ngwel wɛ, ákel bubu:

«Esiil kɛn etsi-tsiri, kyam kɛn etsi-tsiri,

mbuul wɛn ebvaan aya, àya,

ndɛ kieel k’ayiil wɛ.

38 Kɛn a mbuul a mɛ̃ wa dzu akieel akal y’elaã m’okiool.

Kɛn a ndɛ abvool mbee, mɛ̃ k’èbesia mpaa me ndɛ wɛ.»

39 Bia-byɛ, bia-byɛ k’eli m’ɔ̃luo a baal b’abvool mbee kwɛn edziɔɔn wɛ. Kɛn a bia-byɛ eli m’ɔ̃luo a baal b’ali y’okiool, me ndɔɔ yi ebvuul omwiĩ o bia-byɛ.

Hebreus 10:37-39

6 Obobɔ, bia-byɛ ebee twal olaal onge b’elaal bakyɛ, kɛn ekal angɔ-mwiĩ bvool ebee ãndɔɔ y’enduul osa. 7 B’alaal twal, alaal lɔ me tsia, b’ebɔɔ mbal, mɔ̃ ãbɔɔ bɔ me tsia. 8 Kɛn a bia-byɛ b’eli ba mwiĩ, ebee ãndɔɔ osa y’enduul. Elaal okiool ye dzii onge b’elaal mbwel-mbwel eluɔ ki bvieel ki efoo otwel. Elaal kaã li obvuul onge b’elaal mbwel-mbwel ekɔrɔ ki bvieel. 9 Ke ngwel wɛ, Nziã k’áti bia-byɛ mbel kwɛn awa bia-byɛ etumbu wɛ, kɛn a ndɛ áti bia-byɛ mbel m’obɔɔ b’obvuul me Mfam a bia-byɛ Yeso Mãsia.