O juízo final

31 दानाङभन्या ओले तयोअ तुकिसिऊ नाएवा, जो छिम ओले ओलजै आखताइन्या तोलोअ ब्यक्तिङन धार्मिकताल सङ्सारलं निया ढान्यालेया। ओजन सिन्यातन जिङदा जाएसिऊ ओले सोगलै रुयाङजन इकाल प्रमान यांस्युई लेया।"✝

36 ङा जेजन ऐढाच्या, जो रुयाङै बेकारला छेन छ्योङर, नियाल छिम्क नकाङै नकाल लेखा यांन्याताहा। 37 दानाङभन्या जे बचनले जे निर्दोस ठहरिन्या लेच्या, ओटन जे बचनले जे दोसी ठहरिन्या लेच्या।"

आखिरी निया

31 "जब रुल ज़ा सोगलै स्वर्गदुतयाङ सकाए आमहिमात रा:, तब ओ आमहिमामय सिहासनत चुङन्या लेया।✝ 32 ओटन ओलं सामन्दी पिरथ्बीला सोगल रुयाङ दुउसिन्या लेरा, ओटन जोमनलेस्यु ग्वालाले भेडा सनर बाख्राजन छुटाहौ, ओमनलेस्युजै ओले नकाङजन तोलोअजन छुट्टैतन अलक जाएन्यालेया। 33 ओले भेडाङजन आदाइन्या देए सनर बाख्राङजन दाबऱ्या देए नाएन्या लेया।"

आखिरी निया

31 "जब रुल ज़ा सोगलै स्वर्गदुतयाङ सकाए आमहिमात रा:, तब ओ आमहिमामय सिहासनत चुङन्या लेया।✝ 32 ओटन ओलं सामन्दी पिरथ्बीला सोगल रुयाङ दुउसिन्या लेरा, ओटन जोमनलेस्यु ग्वालाले भेडा सनर बाख्राजन छुटाहौ, ओमनलेस्युजै ओले नकाङजन तोलोअजन छुट्टैतन अलक जाएन्यालेया। 33 ओले भेडाङजन आदाइन्या देए सनर बाख्राङजन दाबऱ्या देए नाएन्या लेया।"

34 "तब रयले आदाइन्या देएङाङजन ऐढान्या लेया, ‘रांचिते, ङा बौ बअचान्या हो! सङ्सारलं उत्पटीतन जे नाल्ट तयार जाएसिन्या राज्यजन अढिकार ढोचिते। 35 दानाङभन्या ङा ङाकरेऊक, जे ङाजन ज्यान्या जेयाङचिऊ। ङा री ङाओहौक जे ङाजन री ओव जेयाङचिऊ। ङा परदेसी ङाल्ङु, जे ङाजन बाई जेयाङचिऊ।✝ 36 जब बिनाक्वा ङाल्ङु, जे ङाजन क्वा जेक्वाटङचिऊ। नाएबोरस्यु ङाल्ङु, जे ङाजन जेखिमराङचिऊ। कैदल ङालेङु, जे ङाल्योङ जेरांचिऊ।’" 37 "तब धर्मियाङै ओलजन जबाक यांन्या लेरा, ‘औ प्रभु, खक गे नङजन नकरेन्या गेरङसिनु, ओटन ज्यान्या गेया:सिनु? अथाबा नओइन्या गेरङसिनु, ओटन ओव गेया:सिनु? 38 खक गे नङजन परदेसी गेरङसिनु, ओटन नङजन गेझिमल बाई गेया:सिनु? अथाबा बिनाक्वा गेरङसिनु ओटन क्वा गेक्वाएसिनु? 39 ओटन खक गे नङजन ननाएबोरन्या अथाबा कैदी गेरङसिनु, ओटन नल्योङ गेडोएसिरायिउ?’"

40 "तब रयले नकाङजन जबाक आयोवाङ, ‘ङा मछ्यु, जेजन ऐढाच्या, जे आका ङा भाईयाङ मध्य सोगलैभन्या इङन्याङतन तोलोअजन ज्वाए सम्भार जेढोचिऊ, ना जे ङाजन जै जेढाङन्या हो।’"

41 "नकाल छिन्ट ओले दाबऱ्याङनता रुयाङजन ऐढोरा, ‘सरापित रुयाङ! ङातन लोए ताइचिते, ओटन दियाबलस सनर नाल दुतयाङल नाल्ट तयार जाएसिन्या अनन्तल मील हिन्चिते। 42 दानाङभन्या ङा करेस्यु ङाल्ङु, जे ङाजन ज्यान्या मायांदुङच्या। री ओइस्यु ङाल्ङु, जे ङाजन री ओव जेमायाङचिऊ। 43 ङा परदेसी ङालेङु, जे झिमल ङाजन बाई मायांदुङच्या। बिनाक्वा ङाल्ङु ओटन जे ङाजन क्वा माक्वाएदुङच्या, ङानाए बोरस्यु कैदल ङालज्याऔक जे ङाजन माखिमरादुङच्या।’"

44 "नकाङ बै ऐलेस्यु जबाक यांन्या लेरा, ‘प्रभु, खक गे नङजन नकरेन्या सनर री नओइन्या गेरङसिनु, परदेसी सनर बिनाक्वा अथाबा नाएबोरन्या गेरङसिनु, अथाबा कैदल गेरङसिनु, ओटन न सेवा गेमाढोयिउ?’" 45 "तब ओले नकाङजन जबाक यांन्या लेया, ‘ङा मछ्यु, जेजन ऐढाच्या, आका सोगलैतन इङन्याङ मध्य तोलोअजन ज्वाए जे सम्भार जेमाढोचिऊ, ना ङाजन जेमाढाङचिऊ हो।’" 46 "तब इकाङ अनन्त सजाईल भागेदार ताइन्यालेरा, तर धर्मियाङ अनन्त जिबनल पसिन्या लेरा।"✝

16 "दानाङभन्या परमेस्वरले सङ्सारजन ऐटाइन्या प्रेम आढोव, कि ओले आमि तोलोअ याएज ज़ा आयोव, ताकि ओजन बिस्वास ढान्या काङ्काई बै नास ताटाइत्या, तर नकाले अनन्त जिबन ग्याडोटौत्या।

16 "दानाङभन्या परमेस्वरले सङ्सारजन ऐटाइन्या प्रेम आढोव, कि ओले आमि तोलोअ याएज ज़ा आयोव, ताकि ओजन बिस्वास ढान्या काङ्काई बै नास ताटाइत्या, तर नकाले अनन्त जिबन ग्याडोटौत्या। 17 दानाङभन्या परमेस्वरले सङ्सारजन निया ढान्या ऐलेस्यु रुल ज़ाजन सङ्सारलं आपरिङौ माङडी, तर सङ्सारले ओल्योङन उद्दार ग्याडोटौत्या ऐलेस्यु आपरिङौ हो। 18 जोले ओलं यर्त बिस्वास माढोव, नका हादेए जै नियाल परीस्यु लेया, तर बिस्वास ढान्या नियाल मापरिदी, दानाङभन्या नाले तोलोअ परमेस्वरलं ज़ाल मिनतन याएज बिस्वास ढास्यु लेया।✝ 19 निर्नय आकाई ज्या ज्योति सङ्सारलं रा:स्यु लेया, तर रुयाङै ज्योतिल भन्या बरु च्युऊन्याजन रांनिजिऊ, दानाङभन्या नकाङल काम माचान्या लेऊ।

7 ताहकन बै ङा जेजन सत्य छेन पानस्याच्या, ङा हिनङ्कन्ज जे नाल्ट चान्या ताहा। दानाङभन्या ङा माहिनङ्कन, सल्लाकार जेल्योङ रांन्यामाल्दी। तर ङा हिनङ्कन ओजन जेल्योङ परिङ्ङा। 8 ओटन जब ओ रां सत्यले निया बेला सङ्सारजन पाप दोसी ठहराइन्यालेया। 9 नकाङ ङाजन बिस्वास माढाङरदी, नैताइस्यु पापले गलत ठहरिवाङ, 10 जे सत्यताल बारेल गलत यिङच्या, ङा बौ लेऊदेए हिन्ङा, ओटन ङाजन फरि मारङ्ङचिदी। 11 दानाङभन्या सजाय यांन्या आग्याल बारेल ईका सङ्सारला शासकजन पैलाईज दोसी ठहराइस्युई लेया।"✝