O juízo final

11 Na nwuni ɔhene bia* fufue pirikua bie ne bɔ ɔte so ne. Na aseɛ ne anwuro nwati fili ye nyunu, na bannya nekaa bamma bɛ. 12 Na nwuni awufo, mmaa-mmaa ne atitire kyɛ bɛgyigyi ɔhene bia ne nyunu. Na bɛbukyele nwomaa* biemɔ nu, besa bɛbukyele nwomaa foforɛ nu, ɛhene yeɛ ole ngoa nwomaa ne. Na bɛgyinane edwirɛ bɔ bahworɔ ye wɔ nwomaa nemɔ nu naso bebule awufo nemɔ atɛn, kyɛbɔ bɛ nneyɛɛ te ɔ. 13 Na ɛpo yele awufo bɔ bɛwɔ nu ne wale, ná ewue ne Asieleɛ yele awufo bɔ bɛwɔ bɛ nu nemɔ wale, na bɛbule bɛ nu biala atɛn, kyɛbɔ ye nneyɛɛ te ɔ. 14 Na bɛgyili ewue ne Asieleɛ bɛguale see nanu. See ne yeɛ ole ewue bɔ ɔtɔ so nyɔ ne. 15 Afei koso, ebiala bɔ bannwu ye dumaa wɔ ngoa nwomaa nanu ne, bɛgyili ye bɛtole see nanu.

12 "Nea, meba ndɛ-ndɛ, na ndira m’akatua kyɛ mefa mebrɛ ebiala kyɛbɔ ye adwuma te ɔ.

12 "Nea, meba ndɛ-ndɛ, na ndira m’akatua kyɛ mefa mebrɛ ebiala kyɛbɔ ye adwuma te ɔ. 13 Me yeɛ nne Alfa ne Omega, bɔ oli moa ne bɔ ɔpɛ yebo, ahyɛaseɛ ne awieɛ ne."

31 Ofikyɛ waye kyẽa bie wasie berɛ, na wabɔ ye ti anu kyɛ sɔ kyẽa ne, ɔnate sona bie bɔ waye ye so kobu bɛ bɔ bɛte aseɛ naso namukoraati atɛn wɔ tenenee nu. Ná watingye sɔ sona ne wafi ewue nu wafa wayɛ adanzeɛ wama ebiala."

36 Na meka mekyire ɛmɔ kyɛ, edwirɛ bɔ mvasoɛ nne so biala bɔ sona kɔha ne, atemmuda ne, okobu ye nwo ngondaa. 37 Ofikyɛ ɛmɔ noa nu dwirɛ yeɛ bɛkogyina so bɛkobu ɛmɔ bem, na ɛmɔ noa nu dwirɛ yeɛ bɛkogyina so bɛkobu ɛmɔ fɔ ɔ."

31 "Sɛ sona Awa ne ba ye anuonyam nu, bɔ ye abɔfo mukoraati boka ye so ne, ɔkɔtena ye anuonyam bia* so. 32 Ná ɔkɔboaboa maen-maen namukoraati noa wɔ ye nyunu, na ɔkɔyeye bɛ nu, kyɛbɔ bɛ bɔ bɛnea mmoan ne yeye mmoan ne mmɔngye nu ne. 33 Ɔkɔfa mmoan ne kosie ye sa famaa so, na wafa mmɔngye ne wasie ye sa bɛen so.

31 "Sɛ sona Awa ne ba ye anuonyam nu, bɔ ye abɔfo mukoraati boka ye so ne, ɔkɔtena ye anuonyam bia* so. 32 Ná ɔkɔboaboa maen-maen namukoraati noa wɔ ye nyunu, na ɔkɔyeye bɛ nu, kyɛbɔ bɛ bɔ bɛnea mmoan ne yeye mmoan ne mmɔngye nu ne. 33 Ɔkɔfa mmoan ne kosie ye sa famaa so, na wafa mmɔngye ne wasie ye sa bɛen so. 34 Na Ɔhene ne kɔha kohyire bɛ bɔ bɛwɔ ye famaa so ne kyɛ, ‘Ɛmɔbra, ɛmɔ bɔ me Baba ayira ɛmɔ, ɛmɔɔfa Ahennie bɔ basiesie bama ɛmɔ fi wiase ahyɛaseɛ ne. 35 Ofikyɛ ɛhɔen huni me ne, ɛmɔ mane me aleɛ, nzuhɔen huni me ne, ɛmɔ mane me nzue, nyɛle ɛwɔfoɛ ne, ɛmɔlɛle me kama, 36 mmerɛ bɔ me nwo la so ne, ɛmɔ wurale me atadeɛ, mvokyɛle ne, ɛmɔ wale bɛɛneane me, ná nna prizin ne, ɛmɔ wale bɛɛsrale me.’

37 "Yeɛ ateneneefoɛ nemɔ kobisa ye kyɛ, ‘Awurade, mmerɛ beni yeɛ yɛnwuni kyɛ ne ɛhɔen ku wɔ, bɔ yɛmane wɔ aleɛ maa ɛlili, anaa nzuhɔen ku wɔ, bɔ yɛmane wɔ nzue maa ɛnone ɔ? 38 Mmerɛ beni yeɛ yɛnwuni kyɛ ɛte wɔfoɛ bɔ yɛfale wɔ yɛhɔle awuro, anaa wɔ nwo la so bɔ yɛwurale wɔ atadeɛ ɔ? 39 Na mmerɛ beni yeɛ né afokyɛ anaa ɛla prizin bɔ yɛɛneane wɔ ɔ?’ 40 Na Ɔhene ne kɔha kohyire bɛ kyɛ, ‘Nahorɛ meka mekyire ɛmɔ kyɛ, mmerɛ bɔ ɛmɔyɛ bɛmane nniema mmaa-mmaa he anu kõ ne, ɛmɔyɛ bɛmane me.’

41 "Na ɔkɔha kohyire bɛ bɔ bɛwɔ ye bɛen so ne kyɛ, ‘Ɛmɔ bɔ badome ɛmɔ, ɛmɔfi me so bɛhɔ see bɔ ɔsɔ daa, bɔ basiesie bama Abɔnzam ne ye abɔfo nanu. 42 Ofikyɛ ɛhɔen huni me ne, ɛmɔ amma me aleɛ, nzuhɔen huni me, na ɛmɔ amma me nzue ma manno. 43 Nyɛle ɛwɔfoɛ ne, ɛmɔ anne me, me nwo la so ne, ɛmɔ anwura me atadeɛ, mvokyɛle na ngɔ nnale prizin, nakoso ɛmɔ amma anzra me.’

44 "Na bɛ koso, bɛkobisa ye kyɛ, ‘Awurade, mmerɛ beni yeɛ yɛnwuni kyɛ ɛhɔen ku wɔ, nzuhɔen ku wɔ, ayɛ wɔfoɛ, wɔ nwo la so, afokyɛ, anaa ɛla prizin bɔ yammoka wɔ ɔ?’ 45 Yeɛ Ɔhene ne kɔha kohyire bɛ kyɛ, ‘Nahorɛ, meka mekyire ɛmɔ kyɛ, ɔnate kyɛ ɛmɔ annyɛ bamma nniema mmaa-mmaa he anu kõ po ne, ɛmɔ anyɛ bamma me.’ 46 Yeti, bɛkɔsɛkye ɛhemɔ koraa, na ateneneefoɛ ne de, bɛkɔhɔ daa ngoa nu."

16 "Na Nyameɛ dɔ wiase paa, yeti ɔfale Ɔwa komapɛ bɔ owole ye ne mane, ná ebiala bɔ okonya gyidie wɔ ye nu ne, ɔngɔsɛkye,* mmom okonya daa ngoa.

16 "Na Nyameɛ dɔ wiase paa, yeti ɔfale Ɔwa komapɛ bɔ owole ye ne mane, ná ebiala bɔ okonya gyidie wɔ ye nu ne, ɔngɔsɛkye,* mmom okonya daa ngoa. 17 Na Nyameɛ anzoma Ɔwa ne amma wiase kyɛ, oobu wiase atɛn, mmom ɔkɔfa ye so kole wiase. 18 Ebiala bɔ odɛ ye di ne, bɛngobu ye atɛn, nakoso ebiala bɔ onne ye nni ne, babu ye atɛn dada, ofikyɛ wannya gyidie wɔ Nyameɛ Awa komapɛ ne dumaa nu. 19 Na bɔ yeti yeɛ bɛbu atɛn ne yeɛ ole kyɛ: Kanea awa wiase, nakoso mmenia kuro awosii ne tra kanea ne, ofikyɛ bɛ nneyɛɛ te bɔne.

7 Nakoso, nahorɛ yeɛ meka mekyire ɛmɔ ne, ɛmɔ pa nu ti yeɛ mekɔ ne. Sɛ mangɔ a, bokafoɛ ne ngɔwa ɛmɔ berɛ. Nakoso sɛ mekɔ a, ngɔsoma ye maa ɔkɔwa ɛmɔ berɛ. 8 Na sɛ ɔba a, ɔkɔma wiase ne adanzeɛ bɔ ɔfa bɔne, tenenee, ne atemmuo nwo. 9 Ɔfa bɔne nwo, ofikyɛ belle gyidie wɔ me nu; 10 afei ɔfa tenenee nwo, ofikyɛ mekɔ Baba ne dɔ, na ɛmɔ ngonwu me kõ; 11 yeɛ ɔfa atemmuo nwo, ofikyɛ babu bɔ odi wiase he aso ne atɛn.

16 Yanwu ɔdɔ bɔ Nyameɛ le ma yɛ ne, na yedɛ yɛdi.

Nyameɛ te ɔdɔ, na ebiala bɔ ɔte ɔdɔ nu ne, ɔne Nyameɛ te kõ, na Nyameɛ koso ne ye te kõ. 17 Sɔ atee he aso yeɛ ɔdɔ di mu wɔ yɛ nu, kyɛbɔ ɔkɔyɛ a yekonya ahotɔsoɛ atemmuda ne, ofikyɛ kyɛbɔ Yesu te ne, sɔ ala yeɛ yɛte wɔ wiase he anu ɔ. 18 Esuronyi biala nne ɔdɔ nu, ofikyɛ ɔdɔ bɔ odi mu ne, otu esuronyi bo. Bɔ ɔte yeɛ ole kyɛ, esuronyi twe yɛ sa. Na ebiala bɔ esuronyi aha ye ne, ye dɔ nni mu.

10 Yeti, odikyɛ yɛ mukoraati yɛgyina Kristo atemmuo bia ne nyunu, na bɔ ebiala yɛle mmerɛ bɔ né ɔwɔ nipadua nanu ne, pa oo, tɛɛ oo, onya ye nwo akatua.

16 Na kyɛbɔ nzɛmba bɔ meka né kyire ne, ɛhe kɔhɔ so kyẽa bɔ Nyameɛ nate Yesu Kristo so kobu nningyein bɔ sona biala afa afea nanwo atɛn ne.

27 Kyɛbɔ odikyɛ sona wu komapɛ, ná ewue ne si ne, atemmuo yeɛ ɔwɔ berɛ ne, 28 sɔ ala yeɛ bɛfale Kristo bɛbɔle afɔleɛ komapɛ maa ɔsoale mmeni pee bɔne; na okosa kɔwa bieku, sɔ mmerɛ ne de, nná bɔne yeɛ ɔbaasoa ɔ, mmom, ɔbaale bɛ bɔ bɛyere bɛ nwo bɛnwondɛ ye ne ngoa.

37 Ofikyɛ,

"Waha kaa bie,

né bɔ ɔba ne adwu, na ɔngɔhyɛ.

38 Na me teneneeniɛ de, gyidie yeɛ ɔkɔmaa okonya ngoa ɔ;

sɛ osa yesi a,

me nye ngɔgye ye nwo kõ."

39 Nakoso yɛ de, yɛtte mmenia bɔ besa bɛ si maa bɛsɛkye bɛ; mmom yɛte mmenia bɔ yɛle gyidie bɔ odɛ́ yɛ* ngoa.

6 Yeti, nnɛmɔ maa yɛda, kyɛbɔ bɛ bɔ baha ne da ne, mmom, ɛmɔma yɛnea yé,* na yɛ nye la berɛ. 7 Ofikyɛ bɛ bɔ bɛda ne da kɔngɔen, na bɛ bɔ bɛbo ne bo kɔngɔen. 8 Nakoso yɛ de, yɛte aleheneɛ mmaa, yeti ɛmɔma yɛ nye la berɛ, na yɛfa gyidie ne ɔdɔ yɛyɛ buralɛ yɛkata yɛ hue so, na yɛfa daa ngoa nwo anidasoɛ ne yɛyɛ buralɛ kyerɛ. 9 Ofikyɛ Nyameɛ anye yɛ kyɛ ɔbaahwe yɛ so, mmom ɔyele yɛ kyɛ yɛfa Awurade Kristo Yesu so yɛnya ngoa.