O juízo final

9 Zak’le qiyğa in g’acu:

Maqa paççahaaşin taxtbı giyk’an,

Avalacar Vorna qarı, mançine sançil giy’ar.

Mang’une tanal nyak xhinne cagvaran karbıyiy,

vuk’lelin ç’ərbıd xha xhinne cagvaradayiy.

Mang’una paççahaaşina taxt ts’ayıniy alyapt’ı əə,

Mang’une paççahaaşine taxtın tekarbıd ts’ayeeyiy.

9 Zak’le qiyğa in g’acu:

Maqa paççahaaşin taxtbı giyk’an,

Avalacar Vorna qarı, mançine sançil giy’ar.

Mang’une tanal nyak xhinne cagvaran karbıyiy,

vuk’lelin ç’ərbıd xha xhinne cagvaradayiy.

Mang’una paççahaaşina taxt ts’ayıniy alyapt’ı əə,

Mang’une paççahaaşine taxtın tekarbıd ts’ayeeyiy.

10 Mang’une ögüyleb ts’ayına damayiy gyobatstse.

Qəpqəs-ələpqəs devxhesdemeene insanaaşe Mang’vee uvhiynbıyiy ha’a.

Gırgın man insanar Mang’une ögil ulyoozar.

Kitabbı aaqa, məhkama giyğal.

31 Allahee Vucee g’əyxı’yne İnsanee dyunyeys qotkuyn məhkama alğahasın yiğ gixhxhı. Mana hapt’ıynbışde yı’q’neençe üç’ür qı’iyka, Mana İnsan Vucee g’əyxı’na vorva hagva.

36 Zı şok’le eyhen, Q’iyaamatne yiğıl nişil-alla qadiy uvhiyne cuvabıl-alla, insanaaşe cuvab qeles. 37 Ghaleençe qığeç’uyne sa cuvabıl-alla vak’le qorkunavad eyhesın, menne cuvabıl-alla valqa taxsirıd gixhxhesın!

Nekke qiyğiyn məhkama

31 İnsanna Dix* Cune gırgıne malaaikaaşika, Cune nuree qarımee, Mana Cune nurune taxtıl gyuaras. 32 Gırgın milletbı Mang’une ögilqa sales. Mang’veeyib vəq’əbı ts’e’bışike cura’ane çobanee xhinne, manbı sana-sang’uke curaa’asınbı. 33 Mang’vee Cune sağılqa vəq’əbı, solulqad ts’e’bı sa’as.

Nekke qiyğiyn məhkama

31 İnsanna Dix* Cune gırgıne malaaikaaşika, Cune nuree qarımee, Mana Cune nurune taxtıl gyuaras. 32 Gırgın milletbı Mang’une ögilqa sales. Mang’veeyib vəq’əbı ts’e’bışike cura’ane çobanee xhinne, manbı sana-sang’uke curaa’asınbı. 33 Mang’vee Cune sağılqa vəq’əbı, solulqad ts’e’bı sa’as.

34 Mane gahıl Paççahee Cune sağne suralinbışik’le eyhesın: «Yizde Dekkee xayir-düə huvuynbı! Zasqa qudoora, dyunye itxhıniyng’acad şosva hav’una Paççahiyvalla gırgıne gahbışiscab şos alept’e. 35 Zı mıssıranang’a, şu Zas oxhanasın kar huvu, Yizın ghal-miz xhyanıka gyotxhanang’a şu Zas xhyan huvu, Zı menne cigeençenaniy vor, Şu Zake vuşda hı’ı. 36 Zı ts’elerniy vor, şu Yizde tanalqan kar huvu, Zı ık’armee, şu Zaqa ilyaakıynbı, Zı zindaneenang’a, şu Zal alycaaxvas abı». 37 Manke qopkuynbışe Mang’uke qiyghanasın: «Yişda Xərna, Ğu mısane mıssıra axu, şi mısane Vasın oxhanasın kar huvu? Mısane Yiğın ghal-miz xhyanıka gyotxhanang’a, şi Vas xhyan huvu? 38 Mısane şak’le Ğu menne cigeençena xhinne g’acu yişda hı’ı? Mısane şak’le Ğu ts’eler g’acu tanalqan kar huvu? 39 Mısane şak’le Ğu ık’ar, zindanee g’acu Vasqa abı?» 40 Paççaheemee manbışik’le eyhesın: «Zı şok’le hək’edacad eyhe, şu Yizde nekke k’ınne çocaaşine sang’us hı’iyn, Zas hı’iyn xhinne eyxhe».

41 Manke Mang’vee Cune solne suralinbışik’led eyhesın: «Bed-düə alyapt’ıynbı, Yizde ögile ts’ıts’eepxhe! İblisısiy çine malaaikaaşis qı’iyn ts’a vod, şunab maqa hudoora. 42 Manıd Zı mıssırang’a, şu Zas oxhanasın kar hidevuva, Yizın ghal-miz xhyanıka gyotxhanang’a, ulyoğasın xhyan hidevuva, 43 Zı menne cigeençena xhinne g’acu, vuşda hıdyı’ıva, Zı ts’elernang’a tanalqan kar hidevuva, Zı ık’arang’a, zindaneenang’a Zasqa ityabıva». 44 Manbışed qidghın ha’asın: «Yişda Xərna, mısane şak’le Ğu mıssıra, ghal-miz xhyanıka gyotxhan, menne cigeençena xhinne, ts’eler, ık’ar, zindanee g’acu, Vas ıkkanan hidi’ı?» 45 Mane gahıl Mang’vee manbışis inəxdun alidghıniy qeles: «Zı şok’le hək’edacad eyhe, şu Yizde nekke k’ınne çocaaşine sang’us man hıdyı’ıva, Zak hı’iyn xhinnecad eyxhe».

46 Manbışis gırgıne gahbışisda cazaa hevles, qopkuynbışismee gırgıne gahbışisda ı’mı’r hevles.

14 Allahee gırgın işbı,

dyugulenın gırgın kar

– yugun ixheeyid, pisın ixheeyid –

məhkameençe alğahas.

17 Zı zak’lecad uvhiyn:

«Allahee qorkung’unud,

pisıng’unud məhkama alğahas.

Mang’vee gırgıne karas,

gırgıne işis çina gah gyuvxhu».

16 Allahıs dyunye manimee ıkkiykan, Mang’vee vorna-deşda Cuna sa Dix huvu. Manıd mançil-alla ha’a, Mang’ulqa inyam ha’an nenbıcab hımabat’acenva, manbışiqa gırgıne gahbışisda ı’mı’r vuxhecenva.

16 Allahıs dyunye manimee ıkkiykan, Mang’vee vorna-deşda Cuna sa Dix huvu. Manıd mançil-alla ha’a, Mang’ulqa inyam ha’an nenbıcab hımabat’acenva, manbışiqa gırgıne gahbışisda ı’mı’r vuxhecenva. 17 Allahee dyunye muhaakima ha’asva deş Dix g’axuvu, Mang’vee Dix dyunye g’attixhan ha’asva g’axuvu. 18 Mang’ulqa inyam hı’ına muhaakima ha’as deş. İnyam hidyı’ınar muhaakima hı’ınacar, Allahne vorne-deşde Dixelqa inyam hidi’inçil-alla. 19 Dyunyelqa Nur qadı ixheeyid, insanaaşe pisın ha’ava, manbışis miç’axiyvalla Nurule geeb vukkiykan. Mançil-allab manbı muhaakima haa’as.

7 Zı şok’le hək’en eyhe, Zı vuşde yugvalinemeecar əlyhəə. Zı idyark’ınee, vuşun sura Aqqaqqana şosqa ayres deş. Zı ark’ınee, Man, hək’en xət qa’an Rı’h, Zı şosqa g’axılesın. 8 Man qadımee, insanaaşina bınah aq’valqa qığaahas. Mançin sayid qopkuvallayiy məhkama hagvas. 9 Manbışda bınah Zalqa inyam hidi’iy vob. 10 Mançin Yizda qopkuvalla haagvas – Zı Dekkısqa əlyhəə, şok’le Zı sayir g’aces deş. 11 Mançin məhkamayne hək’ee yuşan ha’as – in dyunye vuk’lek ıkkekkane iblisın məhkama ıxhay.