Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Etɛɛ náá, Sɛɛg nɛ gomal bot tɔ ɛsyee, da djɛ bɛ tsik. Yɛ ɛ́ deenek ɛ́ Mɔn’ɛ pe nɛ djɛ tsik nɛ mot nyɛ di ekwyɛl ɔ. Sɛɛg ààpɛ́ɛ bot, tin, nyɛ naadjɛ Mɔn eghɛŋ e ɛpɛ́ɛ ɛ bot. Deenek, bot djas needuwal Mɔn, dáa Mɔn di eduwal Sɛɛg ɛ. Mot di ààduwal Mɔn’ɛ ɔ, nyɛ ààduwal Sɛɛg mot nadhis Mɔn ɔ.
Tsɛɛtsɛ nɛ tsɛɛtsɛ mɛ lɛɛ bin ɛ etɛp e tsɛɛtsɛ náá, mot di egwak mɛlyo mam, da nyɛ ɛ́ dum koŋ nɛ mot nadhis mɛ ɔ, nyɛ waabela tsik na kɔm-kɔm. Tin, yenɔk aanàkwaapɛ́ɛaa, deenek, nyɛ eezedus tɔ ɛsyee, ni pɛ tɔ tsik. Tsɛɛtsɛ nɛ tsɛɛtsɛ, mɛ lɛɛ bin ɛ́ náá, ɛwala ɛpezyɛ, ɛwala ɛ tak eezekum, ɛwala bot ɛ nazegwyɛ ɔ aagwak gwood Mɔn ɛ Zɛɛb. Tin, bot djas aagwak gwood tak ɔ, bɛ waabela tsik. Yɛ waasael etɛɛ náá, tyee wat nɛ dáa Sɛɛg di ɛsuk ɛ tsik ɛ, deenek, nyɛ eesa náá, Mɔn pe di ɛsuk ɛ tsik. Deenek, Zɛɛb naadjɛ nyɛ eghɛŋ yii ɛpɛ́ɛ ɛ bot, etɛɛ náá, nyɛ ɛ́ Sɛɛŋɛlɛ Mɔn Mot. Sa mot ààdjoka. Etɛɛ náá, ɛwala ɛpezyɛ, ɛwala di náá, bot ɛ nazegwyɛ, delaa tɔ mɛvit ɔ, bɛ aagwak gwood’ɛ. Bhii tak bɛ waawyis tɔ mɛvit mɔɔ. Bot ɛ nasa enɛm esa ɔ, bɛ waagom tɔ ɛsyee etɛp ɛdi tɔ tsik. Tin, bot nasa embee mɛsa ɔ waagom etɛp bɛ neezɛkwyeselaa ndjɛ sɔs.
Mam tok nɛ ghwyil ɛsa esonok dáa lyem’am di ekwos ɛ. Mɛ pɛ́ɛ ɛ́, dáa Saagam di lɛɛ ɛ náá, mɛ pɛ́ɛ ɛ. É di’enek, epɛ́ɛ mɛ aapɛ́ɛ bot ɛ, yɛ aadi ɛ́, tɔ epiki, etɛɛ náá, mam ààsa ɛkwosak ɛ lam. Mɛ sa ɛ́ ɛkwosak ɛ mot nalwom mɛ ɔ.
Mɛ lɛɛ bin sa mɛ di egu kɔ ɛsu ɛ lam ɔɔ, bot aanàkwaamyaal sa mɛ aalɛɛ ɛ.
Ghuna mɛ lɛɛ bin ɛ́ tsɛɛtsɛ náá, kɔ ɛsu ɛ len, ɛnyɔ náá, mɛ tɔ́. Etɛɛ náá, mɛ di ààtɔ́ ɔɔ, Mot-Mɛghɛm di egoka nɛ ɛzyɛ ɔ, nyɛ aanàkwaabaazyɛ pɛ daa len. Tin, mɛ tɔ́ ɔɔ, mɛ ɛpedhis bin nwyak. Tin, é sok nyɛ aazyɛ ɛ, nyɛ waalyaal bot ɛ di kɔ bɔs’ak ɔ, ɛdjak ɛ lɔɔ kɔ ɛsu ɛ mesyem, ɛdjak ɛ lɔɔ kɔ ɛsu ɛ epiki e Zɛɛb, zɛnɔɔ epɛ́ɛ e Zɛɛb. Mesyem mɛ bot ɛ bɔs ɛ́ náá, bot ɛpebyen ɛdum koŋ nɛ nam.
É di’enek, Yezu eezɛke nɛ nɔɔ náá: «Gwood yenek ààpagék étɛp’am. Gwood tak gék ɛ́ étɛp’en. Mena mooka ɛ́ é ɛwala bot ɛ bɔs’ak aapɛ́ɛaa ɛ. Deenek, mɛkoozi mɛ bɔs’ak moo zɛsɔaa. Tin, é sok mam aadus kɔ bɔs, da mɛ ɛ́ benaa ɛ, mɛ waadul bot ɛ bɔs djas pɛ daa lam.»
Tin, mot yenɔk eezɛbɔɔza náá: «Ghɛŋ, mɛ eedum koŋ nɛ nɔ!» Bhii tak, nyɛ eezɛkwyit mɛboŋ si sok bhwoob ɛ Yezu, étɛp ɛduwal nyɛ.
Yezu eezɛbil ɛkpa náá: «Mɛ nazyɛ kɔ bɔs’ak ɛ́, etɛɛ náá, bot neezɛpɛ́ɛaa, étɛp mis mɛ bot ɛ edhim neebɛŋel, tin, bot ɛ nadi enyaasok ɔ, neebela edhim.»
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
Myaalka ɛdi ɛnyɔɛpe nɛ mot di ààlyel tɔ ɛdum ɛ koŋ nɛ Zɛɛb ɔ, sa bi ààlii ɛbiyoɛpe dum nɛ mɛkpa mɛ. Yɛ ɛ́ nɛ ghwyil ɛdi náá, mot ɛpemyaal ɛdɛ membi mɛ edee djas. Ye kabela ɛ́ náá, mot di ààlyel ɛnyɔɛpe tɔ ɛdum ɛ koŋ nɛ Zɛɛb ɔ zodɛ yɛ ɛ́ mɛwyee. É di’enek, mot di edɛ membi mɛ edee djas ɔ, sa nyɛ ààbyasal mot di etsi edhiiti membi mɛ edee ɔ. Mot di etsi edhiiti membi mɛ edee ɔ, sa nyɛ ààbyasal mot di edɛ membi mɛ edee djas ɔ, etɛɛ náá, Zɛɛb eemyaal nyɛ pe. Wɔy ɛ́ yɔ zɛ étɛp ɛpɛ́ɛ mot-mɛsa mɛ mot sis? Yɛ bɛ náá, nyɛ eesa mɛsa mɛ ɛnyɔɛpe nɛghu nyɛ ààpasa ɛnyɔɛpe ɔɔ, ye gwyák ɛ́ kukuma yɛ. Tin, nyɛ aapyet tɔ ɛsa mɛsa mɛ, etɛɛ náá, Ghɛŋ ɛ́ nɛ ghwyil ɛsa náá, nyɛ pyet.
Deenek, mot nɛ mot ɛ́ waataŋal dum nɛ yɛ mɛsa é mis ɛ Zɛɛb.
Djhookatka ɛwa epɛ́ɛ pak’enaka. Sa bi ààdi nɛ mɛfulu mɛ di epus bɔn-nyɛɛg bin, bot ɛ di ààlyel tɔ ɛdum ɛ koŋ nɛ Zɛɛb ɔ náá, bɛ bema ɛbɛk nɛghu ɛpus bɛ tɔ ɛbiyo. Kɔ ɛsu ɛ Ghɛŋ Yezu, mɛ nɛ gu ɛnyɔɛpe náá, ye tok nɛ dhiiti sonok di nɛ edhuud. Tin, mot ɛ bee náá, yak sonok ɛ́ nɛ edhuud ɔɔ, yɛ aakadi ɛ́ nɛ edhuud étɛp’ɛ.
Deenek, mena mooka ɛ́ é ɛwala di náá taŋal moo zɛkan ɛ. Taŋal aakan sok ɛ́ nɛ bɔn ɛ Zɛɛb. Tin, yɛ kan nɛ menabɛlka ɔɔ, yɛ aakaswaala dáa nɛ bot ɛ di ààlooba nɛ Mbɛɛ Bhaadal ɛ Zɛɛb ɔ?
Dum nɛ tɛp tak ɛ, ye di náá, sa bi ààpɛ́ɛ mot ɛsok nɛ ɛwala ɛ Ghɛŋ nɛ ɛkum. Tin, gwaalka Ghɛŋ pookotuula, etɛɛ náá, nyɛ aazɛwyisal tɔ gwyɛ etɛp djas nadi tɔ ghooghom ɛ, nyɛ aazɛlyaal embee esiiza ee di tɔ ebhum elyem e bot ɛ. É di’enek, Zɛɛb aaduwal mot nɛ mot ɛ́, dum nɛ mɛsa mɛ nyɛ nasa ɛ.
Etɛɛ náá, Zɛɛb aapɛ́ɛ bin ɛ dáa bi di epɛ́ɛ bɛsɔ bin ɛ. Nyɛ aalwoodal bhwaŋ’en ɛ dáa bi di elwoodal bhwaa bɛsɔ bin ɛ. Étɛp yé wɔ gwyák kwyɛɛzyoŋ di tɔ dis ɛ mɔn-nyoog, wɔ kadi ɛ́ ààbee pɛk le di tɔ dis ɛ lɔ ɛ? Wɔ aanàkwaake nɛ sɔ’ɔ mot náá: "Mɔn-nyaagam, beta mɛ dis mɔɔ kwyɛɛzyoŋ tɔ dis ɛ lɔ," dhi wɔy ààbɛ ebee pɛk le di tɔ yɔ dis ɛ.
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
Bhii tak, mɛ eezɛgwak dhiiti gwood elii pɛ tɔ gwoo tyee bhyeed ɛdhuu ɛ bot, gwood tak nadi eke ɛ: «Aleluya! Duwalka Ghɛŋ, tsik, duma nɛ mɛbwala ɛ́ nɛ Zɛɛb’enaka. Epɛ́ɛ bɛ ɛ́ tsɛɛtsɛ, tɔ epiki! Etɛɛ náá, nyɛ eekwyesal moma na ghaa-mɛzɔ djɛ sɔs, moma nadi epul bɔs nɛ mɛzɔ mɛ ɔ. Nyɛ nawa nyɛ é feŋ ɛ́, étɛp nyɛ naagó bot ɛ mɛsa mɛ.» Bɛ naabaazɛke-kea sis náá: «Aleluya! Duwalka Ghɛŋ! Eguluk boo ghaada nadi edyak ɛ, ye ɛpebyet kɔm-kɔm!»