Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Sia Abasi ayaadat afịd adinam adi ke ikpe,
adian ye afịd ndedịbe ñkpọ,
me anye ado eti me ado idiọọk.
Ke ntom, kpa naña Ete anam mme akpañkpa eset anyʌñ anọ ammọ uwem, kpa ntoro ke Ayịn anọ awo akeedodo anye amekke uwem. Ke akanna ado, Ete ibiereke ikpe awo ndomokeed. Ado anye akappa afịd ubiideikpe anọ Ayịn amọ, nọ afịd awo ekpono Ayịn naña ammọ ekpono Ete. Awo akeedodo i-idiikponoke Ayịn ikponoke Ete a-akedọññọ anye.
"Ke ataa akpanikọ ami ntañ inọ ndufo, awo keed akeedodo a-akpañña utọñ anọ ikọ mmi anyʌñ anịm awo a-akendọññọ ke akpanikọ a-anie nsi-nsi uwem ndin awo idiinyʌññọ ibiom anye ikpe, ado anye awuọ ke ñkpa adʌk uwem. Ke ataa akpanikọ ami ntañ inọ ndufo, ini asʌk adi, ke aditʌm ntañ a-adedi, a-mme akpañkpa ediikop uyio Ayịn Abasi ndin afịd awo se ikop uyio amọ eyaedu uwem. Sia kpa naña Ete anie uwem ke idem amọ, anye ñko a-anọ Ayịn ukeme adinie uwem ke idem amọ. Ñko anye a-anọ ayịn adudu adibiide ikpe, sia anye ado Ayịn Awo.
"Ikiiyak ñkpọ ami ikpa ndufo idem, sia ini asʌk adi a-afịd mme akpañkpa ediikop uyio amọ ke udi ammọ, enyʌñ ewuọñọ edi. Mbon e-ekenaññake nti ñkpọ eyaeset edu uwem, ado mbon e-ekenaññake ndiọiñkpọ eyaeset edʌk ke ubiomikpe. Ami ñkemeke adinam ñkpọ ndomokeed ke idem mmi; ami mbiere ikpe ñkeene se ami ñkop, ndin ubiideikpe mmi ado unen, sia ami ñyemme adinem idem mmi esịd ado ñyem adinem anye a-akendọññọ miin esịd.
"Adieke ami ntieghe ntiense mbaña idem mmi, ntiense mmi idooho akpanikọ.
Ado ke ataa akpanikọ ke ami ntañ inọọ ndufo, ado ke ufọn ndufo ke ami ñka. Ami mmiikpọññọ ndufo, Anọitem idiidiighe ibịne ndufo; ado adieke ami ñkaaha, ami ñyaanọ anye isọk ndufo. Anye amaadi, anye ayaanam mbon ederimbod ediọọñọ ke ikiba ke ukwañ ke abaña idiọọkñkpọ ye adinenido ye ubiideikpe: Ke ntak idiọọkñkpọ, sia mme awo innịmme miin ke akpanikọ;
Yisọs amaabo, "Uyio ado akedo ke ufọn ndufo, ikidooho ke ufọn mmi. Idahami ado ini ubiideikpe nnọọ ederimbod ami; idahami eyaebịn akpan abọọñ ederimbod ami esio. Ado ami, ke ini emaemben miin ekpọñ isọñ idọọk ke anyọñ, ñyaakoono afịd awo ndat nnọ idem mmi."
Awo ado amaabo, "Abọọñ, mmenịm," anyʌñ akpono anye.
Yisọs amaabo anye: "Ado ke ntak ubiideikpe ke ami ndi ederimbod, nọ ato do nnan ekịt usʌñ, mbon e-ekịtte usʌñ eforo nnan."
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
Idaara, ikiisat awo a-mbuọdidem amọ amemme, ndin ikiifaaña ye anye ibaña ñkpọ se isịne mfaaña. Mbuọdidem awo keed akeme adiyak anye adia ñkpọ keed akeedodo, ado awo mfen a-mbuọdidem amọ amemme, adia mme ñkọñ kpọd. Awo a-adiaha afịd ñkpọ inaaha ase awo mfen i-imiidiaha ntoro ke ndek, ndin awo i-imiidiaha afịd ñkpọ inaaha abiideikpe anọ awo a-adiaha, sia adooho Abasi isatta ammọ ndomokeed. Afo ado anie adibiide ikpe nnọọ ayịnufọk awo mfen? Eteufọk amọ ikpọọñ akeme ibiere ikpe nnọọ anye, idooho afo. Ndin ke unwam Abasi ammọ eyaenam se ifọn, sia Abọọñ akeme inam ammọ enam se ifọn.
Ke ntoro ñnyịn keedekeed iyainam ibad adinam ñnyịn inọ Abasi.
Ndin yak ñnyịn itre adibiom emọ-emọ ikpe. Utu ke ado, biere ke esịd mfo aditre adinịm ñkpọiduọ me ubiọọñọ ke usʌñ ayịneka mfo ke Krais. Nte awo a-abaaha ke Abọọñ Yisọs, ami mmenịm ayọhọ-ayọhọ ke ndidia ndomokeed idegheke ke idem amọ. Ado adieke awo ndomokeed adatta ñkpọ ndomokeed ke ndek, ñkpọ ado ado ndek anọ anye.
Sia ini a-akem i-ikpe adiitọọñọ ye ubon Abasi; ndin adieke atọọñọke ye ñnyịn, adiiba die ye mbon i-imiinamma eti etob Abasi?
Ke ntak ado, kuubiere ikpe ubaña ñkpọ ndomokeed mbemiso ini e-ekenịmme akem; bet tutu Abọọñ adi. Anye ayaadiyaara anwa-anwa se idịbe ke ekịm anyʌñ ayaara akikere esịd mme awo. Ini ado amaakem, awo keedekeed ayaabọ itooro ato Abasi.
Sia ukem naña ndufo ebiom mbon mfen ikpe, kpa ntoro ke ediibiom ndufo ikpe, ñko se adodo a-ndufo edomoke enọọ awo mfen, kpa ukem ado ke ediidomo inọ ndufo.
"Ntak a-afo akịtte etək ndueeto ke anyen ayịneka mfo, ado ukịtte eka isua adukpọk u-usịneke fiin ke anyen-e? Afo akeme die adibo ayịneka mfo, ‘Yak nsio etək ibio ndukpad ke anyen mfo,’ ke ini adooho afịd ini ataa ekamba adukpọk mmọdo usịne fiin ke anyen?
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
"Ke ntoro, dọkkọ nditọ Isrel: ‘Ami ndo Abọọñ, ndin ami ñyaisio ndufo ke akpọnọ mbon Iyib. Ami ñyaifak ndufo nsio ke ufʌn ammọ, ndin ñyainyaaña ndufo ke akpọsọñ ubọk mmi ñnyʌñ nnọ ammọ ekamba ufen.
"Kpa ke akonayio ado, ami ñyaasaña mboiyo ke afịd isọñ Iyib, ñnyʌñ ñwoot afịd mme akpan ke awo ye ke unam, ami ñko ñyaamia afịd mme abasi Iyib ufen. Ami ndo Abọọñ.
Ami mmudue fiin, kpa afo ikpọọñ,
mmenyʌñ nnam se idiọọk ke iso mfo;
ke ntoro afo amenen ke ubiideikpe mfo
anyʌñ anen ke ini afo akpeeghe ikpe.
Saiyọn akop anyʌñ adaara
ndin mme idʌñ ke Yuda enem esịd
ke ntak ubiideikpe mfo, Abọọñ.
Ammọ emaebʌñ afịd mme ñkpọ usọ
ke mme ekịd ye mme akpeti ammọ.
Ammọ emaefọp adisana itie mfo eduọọk ke isọñ;
ammọ emaesappa itie idʌñ Anyịñ mfo.
Ke ami amaakeboiyo, ami mmaakop se ikiba nte uyom ekamba atu awo ke hefịn naña ebọñ:
"Haleluya!
Adinyaaña ye ubọọñ ye adudu enie Abasi ñnyịn,
sia mme ubiideikpe amọ edo ke unen ye akpanikọ.
Anye a-abiom ekamba akpara ado ikpe,
anye a-akebiamma ederimbod ke efịbe amọ.
Anye a-asio akpara ado usiene ke iyiib mme isʌñutom amọ."
Ndin ammọ emaemaana ebọñ ñkpo ete:
"Haleluya!
Nsʌñikañ a-atooho anye adọọk aka ke nsi-nsi nsi-nsi."