21 Nga ko Thatha analubukya abaholi na ɨfʉlʉkɨtsyabo obʉyɨngo, na Mʉgala naye kuthyo anahana obʉyɨngo ko bʉlɨ mʉndʉ woshi-woshi oyo ashashire ɨhabo. 22 Thatha athasoha mʉndʉ, hewethuwe mwaha Mʉgala ʉwe y’amaka woshi w’erɨsoha abandʉ, 23 bʉshana abandʉ boshi bashikye Mʉgala nga ko bashikitsye Ishe. Yo uthashikitsye Mʉgala, niathashikitsye n’Ishe yo wamʉthʉmaga. 24 Kwenene, kwenene enyɨbabwɨra nyɨthɨ omʉndʉ yo wonvwa ekɨnwa kyaye n’ɨkɨrɨtsya yo wanyɨthʉmaga, awithe bʉyɨngo bw’ekera n’ekera. Ɨye athɨndasohwe, hewethuwe amathoka mo lʉholo n’ibya na bʉyɨngo. 25 Kwenene, kwenene enyɨbabwɨra, kʉlɨ ndambi eyihika, naro yamalire ihika, abaholi bandabya bonvwa omʉlenge wa Mʉgala wa Gongo, n’abo bandonvwao bandabyaho. 26 Kʉshangwa nga ko Thatha awithe maka w’ɨhana bʉyɨngo, ni bathyo kw’ahaga Mʉgala y’amaka w’ɨhana obʉyɨngo. 27 Mwamʉha maka w’ɨsoha, kʉshangwa ɨye nɨ Mʉgala w’oMʉndʉ. 28 Mʉthashwekaga bʉshana n’ebɨnwa ebi, kʉshangwa kwandabya ndambi abaholi boshi bo balɨ mo masɨnda bandonvwa omʉlenge ʉwe, 29 na bandathoka mo masɨnda wabo. Abandʉ bo bakolaga bɨbʉya bandalubuka n’ɨbona bʉyɨngo. Hewethuwe bo bakolaga ebɨbɨ bandalubuka n’ɨsohwa. 30 Hathalɨ kyo nyangayɨkolera ngyowene. Enyɨnasoha ɨkwamana n’ebyo enyɨnonvwa n’esohi aye nɨ ya kwenene, kʉshangwa nyɨthalɨ enyishondya ɨkola erɨshasha lyaye, hewethuwe erɨshasha ly’oyo wanyɨthʉmaga. 31 Nyamayɨlethera butimo ngyowene, obutimo bwaye bʉthangɨkɨrɨtsɨbwa.

7 Hewethuwe enyɨbabwɨra ekwenene: nɨ ndundi kw’imwe ingye nyɨgende, kʉshangwa nyithagendire, oMwangɨrɨtsɨ* niathindabahikire. Hewethuwe nyamagenda nɨnyandabathʉmɨra ɨye. 8 Naye andabya ahika andakangya kʉbʉya-kʉbʉya abandʉ b’omo kɨhʉgo kɨno bw’ebɨtsɨbʉ byabo, na bʉshana n’ekwenene aye, na bʉshana n’esohi ya Gongo*. 9 Ko birebitsye ebɨtsɨbʉ: kʉshangwa mobathanyɨkɨrɨtsya.

30 Hewethuwe Yesʉ mwabwɨrabo athɨ: «Omʉlenge athathonvwɨka bʉshana nagye, hewethuwe bʉshana nemwe. 31 Eno yo ndambi ekɨhʉgo kɨno kyasohwamo. Eno yo ndambi omuthegeki w’ekɨhʉgo kɨno ahɨmwa. 32 Hewethuwe ingye, nyandabya nyashʉmbwa ɨthoka hano ishi, nyandayɨkʉrɨrako abandʉ boshi.»

38 Aho, omʉndʉ oyo mwanegena athɨ: «Nyinya-kowethʉ, nyɨkɨrɨtsye.» Na mwafʉkama embere sa Yesʉ mw’imuramya.

39 Honyuma kw’aho Yesʉ mwanegena athɨ: «Nyahikaga mo kɨhʉgo bʉshana esohi ibye. Nɨ ɨnegena mbʉ: esombumi sɨlole, na bo balola babye mbumi.»

2 Kʉshangwa Gongo andabasoha nga k’omʉsoha abandɨ, na kandɨ andabalengera mo lʉlengo lo mʉlengeramo abandɨ. 3 Bʉshana na ki oʉshʉnga ko kathɨ kalɨ mo lisho lya mʉgala enyu, he uthashungire ko kithika kɨrɨ mo lisho lyawe? 4 Ʉthɨ ko wangabwɨra mʉgala enyu ʉthɨ: "Lika nyithokye akathɨ ko kalɨ mo lisho lyawe" mo ndambi mo lisho lyawe nɨmʉnalɨ ekithika?