14 Thuruhpaw uccaw miakaw, ahoypaw thuasah, athahpaw thuasah, cyisahnaw miakaw kha Pachia nynh bya a pia cih.

21 Pawccecize Paaw nynh a chih hae paw kha thoosah zah a hiinsah hae hawte, Ccapaw nynh mah a rypaw ccungccaw hae kha a hiinsah hae. 22 Pawccecize Paaw nynh hum ccungccaw sanmah byapia khyh, byapianaw miakaw kha Ccapaw kalan marya a pya. 23 Tuhteze nynh ccungccaw balyn nynh Paaw kha saw a tua hae hawte Ccapaw kha mah saw a tua cih hae. Ccapaw kha saw a tua leipaw ccungccaw tuh Ccapaw a sawtupaw Paaw kha saw a tua leipaw nynh thua. 24 Byaccaccing kae hopya oh, ka bya thae zah kae yn sawtupaw a zynpaw ccungccaw tuh zungzae hiinnaw a hoi; byapianaw ing vae lan khyh, chinaw kyate hiinnaw kalan phe a sulue vae.

25 "Byaccaccing kae hopya oh, a chih hae paw nynh Pachia Ccapaw roi oun thae cih hae zah roi a thae hae paw nynh oun hiinnaw hae ccyh tuh yn thua cih, tuh-e ccyh tuh atu mah a thua vae. 26 Pawccecize Paaw nynh amaw kya hiinnaw a hoi hawte, Ccapaw nynh mah amaw kya hiinnaw a hoi nawlan kaw a pya. 27 Ccapaw tuh Ccungccaw Ccapaw athua keiccuze byapianaw kaw kha mah a pya. 28 E konglang hynh nae ngaeangthua nan sah; pawccecize shaw hae kya a um hae paw balyn nynh a roi oun thaenaw hae ccyh yn thua cih, 29 hoynaw a rae hae paw tuh hiinnaw thoothuinaw kalan, hoyleinaw a rae hae paw tuh seibyapianaw thoothuinaw kalan oun pou cih hae.✝

30 "Kae tuh kamaw kaw te pawsang ka cyih kho khyh. Ka thae thyhte bya ka pia; ka byapianaw tuh ahme, pawccecize kamaw rynaw kha ka ccung khyh, kae yn sawtupaw a rynaw kha nynh ka ccung.

31 "Kae nynh kamaw konglang kha ccaekia ka khan lanze ka ccaekia tuh kyh khyh.

7 Tuhzemah byaccing kha kae hopya oh: nanning thanenaw hanlan ka la cceih cih; pawccecize kae nynh ka ccia khyh ze nae kalan Bawmtu yn thua lan khyh; thuasalama ka ccia ze amaw kha nae kalan kae saw cih. 8 Aning he yn thua te, seinaw kong, dingnaw kong te byapianaw kong kha laephi ccungccaw hae kya a nysah cih hae. 9 Kae kha yn zyn khyh hae keiccuze seinaw kong kha a nysah cih hae.

30 Jesu nynh, "E roi tuh kae ka hanlan yn thua khyh, nanning hanlan nynh yn thua. 31 Atu tuh hynh-e laephi hynh byapia ccyh nynh thua, atu hynh-e laephi a uktu tuh ccaring dee athua cih. 32 Kae tuh laephi kyate saethung ka thua te, ccungccaw hae balyn kha ka kalan ka suebua cih hae," a ci.

38 Aning nynh, "Bawipaw, ka zyn," ci zah amaw kha a beik. 39 Jesu nynh, "Ngawmuih lei hae paw kha ngawmuihsah lan hae zah ngawmuih hae paw kha mih mitmohsah lan hae cite byapia khylan nynh hynh-e laephi vawlan kae thua," a ci.

1 Zynnaw kya a thawzyapaw kha lehkhan oh, thuasalama zynsei lan umpaw eikunaw kha raekhae nan oh.✝ 2 Pawccecize ccungccaw abang nynh aepaw miakaw tuh ae lan accan cite a zyn hae, thuasalama a thawzyapaw nynh tuh enaw-rohnaw rou kha nynh a ae. 3 Pawpaw balyn a aepaw nynh a ae leipaw kha dothatheih nan sah, te a ae leipaw nynh a aepaw kha byapia nan sah, pawccecize Pachia nynh tuh-e paw tuh lehkhan vae paw nynh thua. 4 Ming hae rya a lahtupaw kha bya a piapaw nang tuh hummou na thua? Aning tuh a thadyn zemah, a khuliaku zemah amaw a bawipaw te nynh aseku. Aning tuh thadynsah athua cih, pawccecize Bawipaw nynh aning kha a thadynsah kho.

12 Tukeiccuze aening lu raveih nynh ahmaw konglang ccazing kha Pachia kalan ah pya cih oh.

13 Tukeiccuze aening lu kheit te lu kheit byapiakuh nan vae oh sih; uno lu kheit nynh a ccianaw kya thykunawpaw tuhkhyhze khuliakunawpaw kha papin nungkhaw lei lante byapae ccavae oh sih. 14 Pawpaw looh sanmah amaw thu lang thu khyh cipaw Bawipaw Jesu liate ccaerarih lan ka ny; thuasalama hankhakheit kha thyaa khyh cite a tuapaw ccungccaw elang tuh tuh-e tuh a hanlan thyaa khyh.

17 Pawccecize Pachia innbyn kyate byapianaw kha masaty tho lan accyh azaw vae; tuh-e tuh aening kyate masaty atho lanze, Pachia kya-e thehoypaw a ngae lei hae paw kya-e athangnaw tuh pawcihte athua cih?

5 Tukeiccuze atu lya mohnaw kya thuruhpaw uccaw hae kha awnaw kalan a thuakhae cih paw te thinlung kya-e paccynkunaw hae a langsakuh cih paw Bawipaw yn thua mawlaezung, accyh azaw maw tuh pawsang byapia nan oh. Ccungccaw miakaw nynh Pachia kyate thehoysahnaw kha a ccou cih hae.

2 Pawccecize na pianaw oh paw byapianaw thyhte naemaw kha byapia na thua cih oh; na tounaw oh paw tounawpaw te naemaw kha toupya ru na thua cih oh.✝ 3 Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya? 4 Namaw mit kya thingthyh phang a um pite, pawtemou na unopaw kha, ‘Na mit kya-e athupaw taraw kha kae la khoipah,’ na ci ngan?

6 Tukeiccuze Israel hae kha, ‘Kae tuh Bawipaw nynh ka thua, Izip hae kya-e phupaw ripaw kyate kae luesah cih oh zah minmin see lang na tangnaw oh kyate poh kae thuaa cih oh. Kuih dyngnaw te thuasah, alesaepaw byapianaw te thuasah, nanning kha kae khum cih oh.

12 Pawccecize tuh-e khuazi khe Izip ram balyn phe lekuh lan ka cceih cih zah Izip ram umpaw ccungccaw ccatawccaw miakaw te sarangpaw thanty miakaw kha ka theih cih hae; Izip ram e pachia hae kha bya ka pia cih hae; kae tuh Bawipaw nynh ka thua.

4 Nang kha rawsete namaw kya

ccaccei phe ka sei vae,

na muihnaw kya hoyleinaw

phe ka rae vae,

tukeiccuze na byapaenaw tuh kyh zah,

bya na pianaw kya ccaenaw um khyh.✝

8 Pou Pachia, na byapianaw liate

Zion khuaccaaw hae nynh

thae hae zah mih lungtua,

Judah ram e khua hae mah mih lungtua.

6 Oute thing kya asoikuhpaw balyn kha

hae te khynlyng khate marya a ro hae.

7 Na beikinnthyaa kha maee te a soi hae;

na min a umnaw hminthyaa kha

laekhu lang sawbung te

a nungsisaku hae.

1 Tukoute vaawlang a umpaw ccungccaw zapi patae roi tahawpaw myarya accaepaw roi kha ka thae zah,

"Hallelujah!

Khumnaw, phu-enaw te thungnaw tuh

ah Pachia kya-e nynh thua.

2 Pawccecize a byapianaw tuh

kyh zah ading;

ohhuakunaw a raenaw te laephi a rosahpaw

ohhuanung lepaw kha bya a pia vae;

tuh-e nung kuih te luasah athuapaw

Pachia ryalahtu hae chiise hanlan

a tungvaw a liaru vae," a ci hae.✝

3 Minmin nynh, "Hallelujah!

A maeekhuh tuh zungzae te

zungzae cia a kaethung,"

bua a sia hae.✝