Julgamento
O julgamento pertence a Deus. A Bíblia adverte contra o juízo precipitado entre irmãos e revela que Cristo é o juiz justo que julgará vivos e mortos com perfeita equidade.
Não julgueis
Jesus disse: não julgueis para que não sejais julgados. Com o juízo com que julgais, sereis julgados.
"Nanning tuh byapia na thua khyh nawlan oh ming hae kha bya la pia nan oh.
"Nanning tuh byapia na thua khyh nawlan oh ming hae kha bya la pia nan oh. Pawccecize na pianaw oh paw byapianaw thyhte naemaw kha byapia na thua cih oh; na tounaw oh paw tounawpaw te naemaw kha toupya ru na thua cih oh.
"Nanning tuh byapia na thua khyh nawlan oh ming hae kha bya la pia nan oh. Pawccecize na pianaw oh paw byapianaw thyhte naemaw kha byapia na thua cih oh; na tounaw oh paw tounawpaw te naemaw kha toupya ru na thua cih oh. Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya? Namaw mit kya thingthyh phang a um pite, pawtemou na unopaw kha, ‘Na mit kya-e athupaw taraw kha kae la khoipah,’ na ci ngan? Nang thyaruhpaw! Namaw mit lungkhu e thingthyh kha khoikuh ty; tukoute nynh na unopaw mit lungkhu e athupaw taraw kha khoipya khylan ccaerarih lan na muihthya cih.
Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya?
"Ming hae kha byapia nan oh lah, naemaw kha byapia na thua lan khyh oh; ming hae kha seibe nan oh lah, naemaw kha seibe na thua lan khyh oh; ming hae seinaw kha ngaethya oh lah nae seinaw kha ngaethya athuaru cih.
"Ming hae kha byapia nan oh lah, naemaw kha byapia na thua lan khyh oh; ming hae kha seibe nan oh lah, naemaw kha seibe na thua lan khyh oh; ming hae seinaw kha ngaethya oh lah nae seinaw kha ngaethya athuaru cih.
"Ming hae kha byapia nan oh lah, naemaw kha byapia na thua lan khyh oh; ming hae kha seibe nan oh lah, naemaw kha seibe na thua lan khyh oh; ming hae seinaw kha ngaethya oh lah nae seinaw kha ngaethya athuaru cih. Ming hae kha pyabua oh lah, naemaw kha pyaru na thua cih oh; dydepyate, ryhpya biate, paepae leikuh lan nae by phe thua lan ae pyaru cih oh. Pawccecize na tounaw oh paw tounawpaw te naemaw kha toupya ru na thua cih oh," a cipya hae.
Julgar com justiça
Quando precisar avaliar, julgue segundo a justa aparência. Não julgue pela carne, mas pelo Espírito e pela verdade.
Atolang muihnaw te byapia nan oh, ahmepaw byapianaw te byapia oh," a cipya hae.
Nanning tuh ccungccaw phung thyhte bya na pia oh; kae tuh hum sanmah bya ka pia khyh. Tuhzemah kae tuh bya ka pia ze, ka byapianaw tuh ahme, pawccecize ka makhaete bya ka pia khyh, kae yn sawtupaw Paaw ryte nynh kae um.
"Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw.
"Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.
"Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh. Byapianaw tuh hynhte nynh thua; awnaw tuh laephi vawlan hin yn thua, thuasalama ccungccaw hae tuh mih cyisahnaw ahoy khyh keiccuze awnaw laeze mohnaw kha a ryhua hae.
Tuh ccyh lyaze nae byapiatu hae kha ka khang hae: "Nae phu kya-e ccungccaw hae bya kha hoyte piapah oh lah, ramccungccaw thuasah, ramccang ccungccaw thuasah lu kheit te lu kheit laku ahmete byapia oh. Maedote bya na pia lan khyh oh: mino te piccan phe lokuh lante bya na piapah cih oh; ccungccaw nynh nangsekunaw kha na rih lan khyh oh, pawccecize byapianaw tuh Pachia kya-e nynh thua. Nanning hanlan myarya rupaw bya tuh ka kalan yn thuakhae oh, kamaw nynh ka pia cih," a ci.
Ahme leipaw seibenaw kha rae nan, seinaw a hoi leipaw te a dingpaw kha theih nan, pawccecize seinaw a raetupaw kha a seinaw kyate ka luesah lan khyh.
O tribunal de Cristo
Todos compareceremos diante do tribunal de Cristo para prestar contas. Cada um dará conta de si mesmo a Deus.
Pawccecize aening lu raveih nynh pyn kya ah um lya oh, ah cyi oh paw thathyhte ahoypaw thuasah, athahpaw thuasah amee mue khylan aening balyn tuh Khri kya-e byapianaw tungkhung malang ah langkuh cih oh.
Pawccemou nang nynh na uno kha bya na pia? Pawccemou na uno kha pawlangria leite na um? Pawccecize aening balyn tuh Pachia a byapianaw tungkhung malang khe ah thadyn cih oh paw nynh thua. Pawccecize Ccathyaa kyaze,
"Bawipaw nynh,
‘Kae tuh ka hiin thyhawte,
ccungccaw miakaw nynh
ka malang ccukharu a tung cih hae,
mih munglae raveihte
Pachia kha the a hoysah cih hae,’
a ci," cite azeikuh.
Tukeiccuze aening lu raveih nynh ahmaw konglang ccazing kha Pachia kalan ah pya cih oh.
Tukeiccuze aening lu kheit te lu kheit byapiakuh nan vae oh sih; uno lu kheit nynh a ccianaw kya thykunawpaw tuhkhyhze khuliakunawpaw kha papin nungkhaw lei lante byapae ccavae oh sih.
Tukeiccuze aening lu kheit te lu kheit byapiakuh nan vae oh sih; uno lu kheit nynh a ccianaw kya thykunawpaw tuhkhyhze khuliakunawpaw kha papin nungkhaw lei lante byapae ccavae oh sih.
Ming hae rya a lahtupaw kha bya a piapaw nang tuh hummou na thua? Aning tuh a thadyn zemah, a khuliaku zemah amaw a bawipaw te nynh aseku. Aning tuh thadynsah athua cih, pawccecize Bawipaw nynh aning kha a thadynsah kho.
Pawpaw balyn a aepaw nynh a ae leipaw kha dothatheih nan sah, te a ae leipaw nynh a aepaw kha byapia nan sah, pawccecize Pachia nynh tuh-e paw tuh lehkhan vae paw nynh thua.
Tukeiccuze nang tuh humhung na thua zemah milae kha bya na pia ze, ngaethya kho na thua lan khyh; pawccecize bya na pianawpaw uccaw ccaccei maw kha na cyibua keiccuze milae bya na pianaw kya namaw toulou kha sei na bekuhpaw nynh na thua.
Tukeiccuze nang tuh humhung na thua zemah milae kha bya na pia ze, ngaethya kho na thua lan khyh; pawccecize bya na pianawpaw uccaw ccaccei maw kha na cyibua keiccuze milae bya na pianaw kya namaw toulou kha sei na bekuhpaw nynh na thua. Pachia nynh tuhcihawpaw uccaw a raetu hae kha byaccing thyhte bya a pia hae cipaw ah ny oh. Tuhcihawpaw uccaw a cyihtupaw kha bya na pia zah namaw nynh tuh-e uccaw tuh na cyibua ze, Pachia byapianaw kyate ka lue cih cite na tuakuh tou?
Pawccecize Kawbya ny leite a sei hae paw balyn tuh Kawbya leite a roh cih hae; Kawbya mang a nyh hae pite a sei hae paw balyn mah Kawbya thyhte byapia athua cih hae.
Kae nynh ka hopaw thehoypaw thyhte Pachia nynh Jesu Khri liate ccungccaw balyn nynh aruh lante a tuaku hae paw kha byapianaw nin kya bya a pia cih.
Tukeiccuze atu Khri Jesu kya a um hae paw tuh seibenaw um vae khyh. Pawccecize Khri Jesu kya umpaw hiinnaw kha yn pyatupaw Muisaw kawbya nynh seinaw kawbya kyate thuasah, chinaw kawbya kyate thuasah kae kha phe yn luesah vae.
Pawccecize seinaw mee tuh chinaw nynh thua; thuasalama Pachia kya-e lasung tuh ah Bawipaw Jesu Khri liate zungzae hiinnaw nynh thua.
Deus é o juiz
O Senhor julgará o mundo com justiça. O juízo de Deus é verdadeiro e justo — Ele conhece todos os segredos do coração humano.
Thuasalama Bawipaw bawitungkhung tuh
zungzae atyn;
byapianaw hanlan a bawitungkhung kha
a tynsah vae.
Thuasalama Bawipaw bawitungkhung tuh
zungzae atyn;
byapianaw hanlan a bawitungkhung kha
a tynsah vae.
Laephi kha dingnaw te bya a pia;
ccungccaw hae kha laesah leite
bya a pia hae.
Thuruhpaw uccaw miakaw, ahoypaw thuasah, athahpaw thuasah, cyisahnaw miakaw kha Pachia nynh bya a pia cih.
Ka do lyakhe, bawitungkhung kha
nya thua zah, avawlan khe
zungzae hiinpaw tuh a haung,
a boeining tuh vuiraw hawte raw zah,
a sang tuh tuuming
thyaararihpaw te nynh aloku;
a bawitungkhung tuh
ezazaepaw maeesoi thua zah,
a leccu hae tuh arua cciamangpaw
maee nynh thua.
A umnaw kyate maee tuh
aluapaw vaw hawte a pou.
Ccungccaw athong patae nynh
ryalawpah hae zah,
a malang khe ccungccaw
athong-asan a thadyn hae.
Byapianaw kha tho hae zah
ccauh kha a kia hae.
Michi hae adih te ale nynh bawitungkhung malang a thadyn hae paw kha ka muih; te ccauh hae kha a kia hae. Hiinnaw ccauh athuapaw ccangpaw ccauh kha mah kia athua. Michi hae tuh mih ryalaw thyhte, tuh-e ccauh hae kya azeiku thyhte byapia athua hae.
Michi hae adih te ale nynh bawitungkhung malang a thadyn hae paw kha ka muih; te ccauh hae kha a kia hae. Hiinnaw ccauh athuapaw ccangpaw ccauh kha mah kia athua. Michi hae tuh mih ryalaw thyhte, tuh-e ccauh hae kya azeiku thyhte byapia athua hae. Rili nynh a kya umpaw michi hae kha a poukhae. Chinaw te michi khua hae nynh mih kya umpaw michi hae kha a poukhae hae. Ccungccaw hae balyn tuh mih ryalaw thyhte byapia athua hae.
Discernimento e graça
Temos um advogado junto ao Pai — Jesus Cristo. Não há condenação para os que estão em Cristo. Prove os espíritos.
Ka ccaaw taraw hae, nanning nynh na sei khyh ccaw oh cite hynh-e hae hynh nae kalan kae zei. Lukhakheit nynh a sei ze, aening oun bawmtupaw ah hoi oh; aning tuh Paaw ryte a umkheih hae paw adingpaw Jesu Khri nynh thua.
Ka sungsah hae, muisaw miakaw kha la zyn nan oh; muisaw hae kha Pachia kyate yn thuapaw tou, yn thua leipaw tou cipaw kha la syntawtua oh; pawccecize lingthya profeh hae patae tuh laephi vawlan oun langkuh vae hae.
Tukeiccuze atu lya mohnaw kya thuruhpaw uccaw hae kha awnaw kalan a thuakhae cih paw te thinlung kya-e paccynkunaw hae a langsakuh cih paw Bawipaw yn thua mawlaezung, accyh azaw maw tuh pawsang byapia nan oh. Ccungccaw miakaw nynh Pachia kyate thehoysahnaw kha a ccou cih hae.
Nanning lu kheit te lu kheit byathan na hoi vae oh ze mithyaa hae malang thuakhaeku leite ading lei hae paw malang byapiazung lang na thuakhae ngan oh tou? Laephi hynh mithyaa hae nynh byapia cih hae cipaw na nyh khyh oh tou? Nanning nynh laephi hynh bya na pia lan oh athua ze, adih huapaw byathan hae kha bya na pia kho khyh oh tou? Vaawccungccaw hae kha aening nynh byapia lan cipaw na nyh khyh oh tou? Hynh-e hiinnaw te asekuhpaw byathan hae kha bya houh pia lanpaw nynh thua! Tukeiccuze tuhcihawpaw byathan hae kha na hoi oh ze, khriccaawbuu kya a um lei hae paw kha byapiatu lang na khang oh tou? Nae maethya ccaw cite nynh tuhte ka ho. Nanning kya zyntu lu kheit te lu kheit laku byapae kho lanpaw ahawpaw ccungccaw lu kheit san um khyh tou?
Laephi hynh mithyaa hae nynh byapia cih hae cipaw na nyh khyh oh tou? Nanning nynh laephi hynh bya na pia lan oh athua ze, adih huapaw byathan hae kha bya na pia kho khyh oh tou? Vaawccungccaw hae kha aening nynh byapia lan cipaw na nyh khyh oh tou? Hynh-e hiinnaw te asekuhpaw byathan hae kha bya houh pia lanpaw nynh thua!
Thuasalama ming hae kha ka hopah kou hae te, kamaw tuh a shungpaw lang ka tangsei khyh nawlan, ka pyn hynh ka kia zah ka uk.
Kae nynh ahoypaw rhawtukkunaw kha ka tuk vae, ccuetaekunaw kha ka thangsah vae, zynnaw kha ka tynsah vae. Atu te vae tuh dingnaw bawilukhung kha kamaw hanlan nungpya athua vae. Tuh-e tuh adingpaw byapiatu, Bawipaw nynh tuh-e Nin kya kae kha yn pya cih. Kamaw kyalya thua leite amaw yn langku lanpaw a ngaehoi hae paw balyn kha mah a pya cih hae.
Pachia rawrih hae paw kha tuhounaw kyate pawcihtemou luesah lan cipaw te atazae lei hae paw kha detah khylan byapianaw nin hanlan pawcihtemou nungde lan cipaw kha Bawipaw nynh a ny.
Uteno hae, lu kheit te lu kheit thethya hokuh nan oh. A uno kha thethya ho zah bya a piapaw ccungccaw tuh kawbya kha thethya ho zah bya a piatu nynh thua. Nang nynh kawbya kha bya na pia ze, nang tuh kawbya a zuipaw thua leite bya a piatupaw nynh na thua. Kawbya pyatu te byapiatu lu kheit kyalya um zah, aning tuh a khum khopaw te a roh khopaw nynh thua. Mingccangpaw kha bya a piatupaw nang tuh hummou na thua?
Thuasalama ka u te ka neitaw hae, pawpaw balyn kya thyalawkuh nan oh; vaawlang te thuasah, laephi te thuasah, byakinkunaw ccangkhakheit te mah thuasah thyalawkuh nan oh. Thuasalama byapianaw lungkhu lang na phungku sei khyh nawlan oh, athuapaw kha "athua" ci oh lah, athua leipaw kha "thua khyh" ci oh.
Pawccecize humhung zemah Kawbya balyn kha marya zui salamah ccangkheit kya a mesei lanze, aning tuh kawbya marya a meseipaw nynh thua. Pawccecize, "Milae zu milae vawpaw kya sei nan," cite a hotupaw nynh, "Ccungccaw theih nan," cite mah a hobia. Nang tuh milae zu milae vawpaw kya na sei khyh zemah ccungccaw na chia ze, kawbya zui leipaw nynh na thua. Luenaw te asekuhpaw kawbya khate byapia athua cih hae paw hawte, nanning mah byaho oh lah tuhte cyih oh.
Tukeiccuze aenaw te nianaw, athyaapaw nin hae sungnaw, sawpaw adiapaw hae sungnaw, sabbath nin hae sungnaw te asekuh lante hum nynh san bya ae la pia nan oh sah.
Tukeiccuze aenaw te nianaw, athyaapaw nin hae sungnaw, sawpaw adiapaw hae sungnaw, sabbath nin hae sungnaw te asekuh lante hum nynh san bya ae la pia nan oh sah. Tuh-e hae tuh yn thua cih paw uccaw hae kya-e mynlyh nynh thua hae; thuasalama accaccingpaw tuh Khri nynh thua.
Miding te mihoy leipaw alaenaw kha thuasah, Pachia rya a lahpaw te a lah leipaw alaenaw kha thuasah na muih cih oh.
Nang kha rawsete
raepaw zunghe tuh
ccungkia lan khyh,
byapiazung kya
nang kaethenawpaw bya miakaw kha
a seinaw na langsakuh kho cih.
E tuh Bawipaw ryalahtu hae kya-e
rho thua zah, ka kyate a mue hae paw
thyaaccounaw nynh thua, cite
Bawipaw nynh a ci.
Khuazi ccyh kya ka thinlung nynh
nang kha ae ngae,
ka lungkhu e ka thinlung nynh
nang kha thawmawte ae ccung.
Laephi kha bya na pia vae ze,
laephipi kya a um hae paw nynh
dingnaw kha a ccangku hae.
Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.
Ccungccaw nynh tuh
a cyipaw balyn kha akyh cite a muih,
thuasalama Bawipaw nynh tuh
thinlung kha akhin a sae.
Silawnaw rae laeze
dingnaw te byading rae kha
Bawipaw nynh a ccou ryhua.
Nanning kae hopya oh, raeringku leite bya na ho oh paw miakaw hanlan byapianaw nin kya paw keiccu nynh khahte ka ho cipaw na langsakuh cih.
Zyn zah baptisma a inpaw tuh khum athua cih; thuasalama a zyn leipaw tuh byapianaw a ing cih.
Pou mino, na no lyakhe lungtuate umtua, na no ccyh lyakhe na thinlung tuh lungpawte um sah. Na thinlung nynh a rypaw te na mit nynh a rypaw kha cyitua, thuasalama hynh-e hae balyn keiccuze Pachia nynh bya ae pia cih cipaw nyku tua.
Pawccecize Paaw nynh amaw kya hiinnaw a hoi hawte, Ccapaw nynh mah amaw kya hiinnaw a hoi nawlan kaw a pya. Ccapaw tuh Ccungccaw Ccapaw athua keiccuze byapianaw kaw kha mah a pya.
"Ming hae kha byapia nan oh lah, naemaw kha byapia na thua lan khyh oh; ming hae kha seibe nan oh lah, naemaw kha seibe na thua lan khyh oh; ming hae seinaw kha ngaethya oh lah nae seinaw kha ngaethya athuaru cih.