Justiça

33 E prä angbʉlînə äwä Əgɔngerə nə̂ ye ə mbrə̈ ərə də äwänə lə ala ye ka tshə ko aərə səkɔ nɔ̂ gâ pâ nə kə e.

21 Kristə nə ə̂në tshə sə̂ sə̂ də nyaka lə kumu ye bale ne kɔ, Ndjapä nə zâ nyaka nə̂ əzə̂ gâ pâ ye gâ ye, kanika a do tə̂ əzə̂ tə aə̂rɔ̂ azü lə ala Ndjapä nə tə̂ äwä ye.

Kə ka mbrə alɔ kə gu Jezu Kristə

11 Ngâ, ə̂rɔ̂tə̂ Ndjapä, ə̂në ə sə tə̂ äwä kə tshɔ lə kuzu tə̂ nə mbrə azü nɔ̂ kɔ, Ndjapä nə yîsə̂ nə gashu kə azü nɔ̂ gâ ye. 12 Ə sə kə yisə̂ äwä kə əzə̂ ə pa a wəra tə̂ əzə̂ tə̂ äwä əmbrʉ ərə gâ ye, ə wəra tə̂ əzə̂ tə̂ äwä aəgo aərə tshepashɔ səye, ə mbrə tə̂ əzə̂, kpəsəye, tə̂ äwä kə tegbɔ kumu əzə̂ ə mbrə ərə də äwänə ə tɔ popo Ndjapä,

Palɔ mʉ̂ əpʉ kə Timɔte

11 Ə də̂ ənə̂ zə, əzü nə̂ Ndjapä, kpë äwä aərə səkɔ. Grɔ̈ də̂ äwä kə mbrə ərə də äwänə, äwä kə tɔ popo Ndjapä, äwä əpʉ lɔsu, äwä kə yi tə̂, äwä kə kânga lɔsu lə aərə, də äwä zɨtɨ lɔsu.

8 Ə̂dû əpʉ nə, alaye əmə, aəpʉ kə tegbɔ kumu e sə̈ gâ pâ aərə nɔ̂ ə̂në ə sə tə djatra aərə kɔ, gâ pâ aərə nɔ̂ ə̂në ə lï kɔ, gâ pâ aərə nɔ̂ ə̂në ə sə də äwänə kɔ, gâ pâ aərə nɔ̂ ə̂në ə sə mvo kɔ, gâ pâ aərə nɔ̂ ə̂në əzü yində nə də lɔsu ye kɔ, gâ pâ aərə nɔ̂ ə̂në ə lï ndə kə pa əzü yində əpʉ nə kɔ, gâ pâ ərə ə̂në ə sə tə ə̂rɔ̂ nə kɔ, ə̂në ə lï ndə kə pa əzü ta ə tra kɔ.

7 E frɔ̈ tə̂ e frɔ̈ ne: əndje mɔ Ndjapä mɔ ne. Ərə ə̂në əzü lû də̂ tshə sə kə kɔ kʉtə̂ angwa nə.

9 A mɔ̈ mɔ̈ tə̂ äwä kə mbrə ə̂rɔ̂ ərə ne, mbrə ə̂në, kədə alɔ nə kə lï, a sə kə kɔ angwa nə, kədə tshelə kəna əzə̂ kə tɔ tɔ tə̂ äwä nə ne.

18 Kandää, azü kə mbrə blatshe də azü sə kə lu kə mbrə ərə də äwänə, mata angwa rəgo, lə blatshe nə mbrə əndje.

16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

8 E gï tə̂ e trö gâ tə̂ Ndjapä, ka tshə na trö gâ tə̂ e. Alayïnyaka, e yütu əmbrʉ ərə tə̂ kəna e! Alayïlɔsu bishi, e yütu əmbrʉ ərə tə̂ lɔsu e!

6 â tshə sə kə mbrə ərə kə əzü bale bale ə lï də ərə ə̂në tshə mbrə̂ gâ ye kɔ.*

15 E bäta tə̂ e ndə kə pa əzü bale ma ma əmbrʉ ərə kə ə̈bə̈ ngâ nə mandâ əmbrʉ ərə ne. Bale, e prä äwä ə̂rɔ̂ ərə alɔnɔ̂ ndə kə mbrə nə, â sə kəmə lə takpa tə̂ e wala kə azü nɔ̂.

14 Bale, kədə e wu əyo kəmə mbrə kə mbrə ərə də äwänə, ənə̂ e tə ə̂rɔ̂nə! E mbrə̈ mbrə̈ awa azü bale ne, ə kätə̂ äwä kä kə ə̈bə̈ ərə ə djingli tshelə akrɔ e ne.

33 Kədə e ma ə̂rɔ̂ nə kʉ kə azü ə̂në əndje ma ə̂rɔ̂ nə kə e kɔ, ərə ə̂në azü ə tra e tə̂ nə kɔ sə kotâ a? Alayïnyaka mbrə ndje rə!