Legalidades

अधिकैरी लेई फर्ज़

1 हर कोई मैन्हु प्रधान अधिकैरी केरे अधीन राए; किजोकि कोई अधिकार एरो नईं, ज़ै परमेशरेरे तरफां न भोए; ते ज़ैना अधिकारी आन, तैना परमेशरे ठहरावरेन। 2 एल्हेरेलेइ ज़ै कोई अधिकैरी केरि खलाफत केरते, तै परमेशरेरे कानूनेरी खलाफत केरते, ते ज़ैना लोक परमेशरेरे कानूनेरी खलाफत केरतन तैन सज़ाह मैल्‍लनीए। 3 किजोकि हेरा हाकिम तैस मैन्हु ज़ै भलियाई केरते तैस न डराए, पन तैस मैन्हु डराते ज़ै बुरू कम केरते। अगर तुस हाकिमे करां डरनू न चाथ त भलियाई केरते राथ ते तुसन हाकिमे करां शाबाश मैल्हेली 4 हाकिम परमेशरेरो सेवके ते तेरू भलू केरनेरे लेई आहे, पन अगर तू बुराई केरस, त तू डर, किजोकि तैस कां तलवार बेफैइदी नईं, ते तै परमेशरेरो सेवके; ज़ै बुरू कम केरनेबाले पुड़ कोप आनते। 5 एल्हेरेलेइ हाकिमेरे लेई तुश्शू समर्पण ज़रूरीए न सिर्फ परमेशरेरे सज़ाहरे वजाई सेइं बल्के तुश्शे अपने ज़मीरेरे वजाई सेइं। 6 एल्हेरेलेइ धड़त भी देतथ, किजोकि हुकूमत केरनेबाले परमेशरेरे सेवकन, ते सदा एस्से कम्मे मां लग्गोरो रहतन। 7 एल्हेरेलेइ हर केन्चेरू हक देथ, ज़ेसेरी धड़त बनतीए तैस धड़त देथ; ज़ेसेरी चुंगी बनतीए तैस चुंगी देथ; ज़ेसेरी इज़्ज़त ते आदर कियोरी लोड़े तैसेरी इज़्ज़त ते आदर केरा।

एक्‍की होरि सेइं प्यार

8 एप्पू मांमेइं प्यारेरे अलावा ते केन्ची गल्‍ली मां कोन्ची चीज़रे कर्ज़दार न राथ; किजोकि ज़ै होरन सेइं प्यार केरते, तैने परमेशरेरे दित्तोरे कानूनेरे हुक्म पूरे किये।

12 ज़ैना लोक परमेशरे पुड़ विश्वास न केरन तैना तुश्शे च़ेवरे पासन रहतन, तैना ज़ोले तुस गलत केरने लगोरेथ। तुस एरी रोड़ी ज़िन्दगी ज़ीथ कि लोक तुश्शां रोड़ां कम्मां हेरतां तैस दिहाड़े ज़ेइस यीशु मसीह दुबारां एजनो परमेशरेरी बडीयाई केरेले।

परमेशरेरे दास

13 प्रभुएरे इज़्ज़तरे खातर, मैन्हु केरे ठहरावरे हर एक्‍की अधिकारेरे अधीन राथ, किजोकि ई प्रभुएरी इच्छाए, हुकूमत केरनेबालेरे अधीन एल्हेरेलेइ राथ किजोकि तै बड़ो खास अधिकारी आहे। 14 ते हाकिमेरे भी अधीन भोथ, किजोकि राज़ो तैस बुरां कम्मां केरनेबालन सज़ाह देने लेई ते रोड़ां कम्मां केरनेबालां केरि तारीफ़ केरनेरे लेई इस्तेमाल केरते।

17 एल्हेरेलेइ असन ज़ो, तू कुन सोचतस? महाराज़े जो चुंगी देनी जाइज़े की नईं?" 18 यीशु तैन केरि चाल सेमझ़तां ज़ोवं, "हे पाखंडी लोकव मीं किजो अज़मातथ? 19 ज़ै सिक्‍को चुंगरे लेई देतथ तैस मीं हिराथ, तैनेईं अक दीनार तैस कां आनो। 20 यीशुए तैन पुछ़ू, इस पुड़ केसेरी शकल ते केसेरू नवं लिखेरूए?" 21 तैनेईं जुवाब दित्तो महाज़ेरू, तैखन तैनी तैन सेइं ज़ोवं, "ज़ैन महाराज़ेरूए तैन महारज़े जो देथ, ते ज़ैन परमेशरेरू ए तैन परमेशरे जो देथ।"

प्राथना घरेरे लेई चुंगी

24 ज़ैखन तैना कफरनहूम नगरे मां पुज़्ज़े, त प्राथना घरेरे लेई चुंगी घिन्ने बाले पतरसे कां एइतां पुछ़ू, "कुन तुश्शो गुरू प्राथना घरेरी चुंगी न दे?" 25 तैनी जुवाब दित्तो, "हाँ देते।" ज़ैखन पतरस घरे मां पुज़ो त यीशुए तैसेरे पुछ़नेरे पेइले तैस सेइं ज़ोवं, "हे शमौन तू कुन समझ़तस? दुनियारे राज़े कोन लोकन करां चुंगी घिन्तन अपने बच्‍चन करां या होरि लोकन करां?" 26 पतरसे तैस सेइं ज़ोवं, "होरन करां।" यीशुए तैस सेइं ज़ोवं, "त मट्ठां बरी भोइ जेआं। 27 फिरी भी एल्हेरेलेइ कि अस तैन ठोकर न देम, तू समुन्दरे पुड़ गेइतां कंटो लेइतां मेछ़ली ट्लेइयां, ते ज़ै मछ़ली पेइली लग्गेली, तैसारू आशी खोल्‍लां, ते तीं अक सिक्‍को मैलनोए, ते तै सिक्‍को नेइतां मेरी ते अपनि चुंगी देइयां।"

25 अगर कोई मैन्हु तीं पुड़ दाओ केरतां तीं आदालती मां नेनो चाते, त तू बत्तां तैस सेइं मेल-मिलाप केरां न त तैनी तू हाकिमे कां खड़ो केरनोस, ते तैनी तू सिपाहीएरे हवाले केरनोस ते सिपैहिए तू कैद केरतां छ़डनोस। 26 अवं तुसन सेइं सच़ ज़ोताईं कि ज़ांतगर तू पाई-पाई न देलो त तांतगर तैट्ठां छुट्टी न सकेलो।"

18 ते तुसन मेरी वजाई सेइं गवर्नरन ते कने राज़न कां हाज़र केरेले, ताके तुस तैन मां ते गैर कौमन मां मेरे गवाह बनथ। 19 पन ज़ैखन तैना ट्लुवेइतां हावाले केरेले, त तुस फिक्र न केरथ, कि अस कुन ज़ोमेले ते केन्च़रे ज़ोमेले, किजोकि ज़ैन किछ ज़ोनू भोल्हु तैखने अवं तुसन ज़ोइलो।

यीशुएरू ज़र्म

1 तैन दिहैड़न मां रोम मुल्खेरे महाराज़े औगुस्तुसे एलान कियूं कि, रोमी हुकूमतरे सारे मुल्खां केरे लोकां केरि गिनती की गाए। 2 ऐह पेइली मैन्हु केरि गिनती थी, ज़ै सीरिया इलाकेरे गवर्नर क्विरिनियुसेरे वक्ते मां भोइ। 3 ते सारे लोक, मैन्हु केरि गिनतरे लेई नवं लिखाने अपने-अपने पूर्वजां केरे नगरे जो च़ले जे। 4 यूसुफ भी गलील इलाकेरे नगर नासरते मरां यहूदिया इलाके मां दाऊदेरे नगर बैतलहम मांजो च़लो, किजोकि तै दाऊद राज़ेरे खानदाने मरां थियो। 5 ताके तैड़ी मरियमी सेइं साथी ज़ैस सेइं तैसेरी कुड़माइ भोवरी थी ते तै दोज़ींती थी नवं लिखाए।

15 हेरा, कौमां घड़ेरे एक्‍की तेप्पेरी ज़ेरिन या ट्लेकड़रे धूड़रे बराबरन, ते तै जज़ीरन धूड़रे सिक्‍कां केरे ज़ेरे उडारते। 17 सैरी कौमां तैसेरे लेई किछ भी नईं, ते तैसेरे नज़री मां कोई कीमत नईं।

9 किजोकि मीं बड़ो रोड़ो मौको मैल्होरे ज़ैस सेइं अवं तैन कम केरि सकताईं ज़ेसेरो अस्सर बड़ोए, चाए बड़े लोक मेरी खलाफत केरनेबाले आन।

10 पिलातुसे तैस सेइं ज़ोवं, "तू मीं सेइं गल कि न केरस? कुन तीं पतो नईं कि मीं अधिकार कि अवं तीं हथरां छ़ेडी या क्रूसे पुड़ च़ैढ़ेईं।" 11 यीशुए जुवाब दित्तो, "अगर ऐह अधिकार तीं परमेशरे करां न भोथो मैल्होरो त तेरो कोई अधिकार मीं पुड़ न थियो भोनो, पन ज़ैनी अवं तेरे हवाले कियोरोईं ते हछे पापेरो हकदार भोवरोए।"